Lebenskreis 19-21.9 Holderbank

[tagträumer]

alsooo..
am frittig nomitag acho, gmüetlich mol s zält ufgschlage und en kaffi gno.. denn hets au scho afo sounde, und dünkler wärde. (und e bitzeli früscher als dur e tag)
mir het das denn richtig guet passt und so ha ni mit de wenige awäsende zämme afo hüpfe und schtämpfele..
und do der sound für mi eigentli immer guet gschtumme het, ischs denn au scho schnäll wieder hell worde, und die erscht nacht leider scho verbi..
wunderbare sunneufgang verbunde miteme chleine spatziergang, kaffi trinke und eifach e bitzeli sii..
aber s het mi immer wieder packt und und mini füess hend wieder richtig floor wellle.
und do s wätter jo au no rächt agnähm gsi isch, hets no gmüetlich es paar stund fröhlich witter ghüpft..
wo denn sunne definitiv wäg gsi isch, isch denn aber nomol voll abgange.
mir hetz der ganzi pelz verchuttet. do goht denn bisse... aber zum glück het das nid vill an der situation gänderet.
nähmli immer no super deko (het paarmol scho grad usgseh wie wenns nöchschtens wägflügt) immer no en super location, mit super lüt, und kaffi und chueche und so. und au dr sound het mit em wind um d wett gfäzt..
ha den die ganz nacht gege sturm ah tanzt und mi gfreut das es no vili anderi geh het ,wo au lächelnd und fröhlich geg de wind ghüpft si.

i de morgestunde denn mol zimlich kaputt i mini villa durchzug gläge, schlofsack übere chopf und tzzz..tzzz...schnarch..
nur churz, aber intensiv.
denn mit neuer energie wieder richtig sound und gejubel, en kaffi gnoh.. und leider müese merke dass i doch nümm so der jüngschti bi, und mit de schwere bei und em reuma im rügge nomol chlei übere floor gschtämpfelet..
no mit villne tollne lüt diskutiert und bla-bla.. ha-ha... denn wieder mol bitzli ghüpft, und nach em mittag denn langsam aber sicher mol zämmebräche. (allso s Zält und nid ig)..

nomol es merci and d organisation, an alli bekannte und unbekannte. an die wo sound gmacht hei, und die wo gluegt hei dass es immer öpis z trinke und z ässe geh het. und an jede wo s toi-toi wieder so suber verloh het wie ners atroffe het (scho lang nümm so suberi gse wie die 4) und em fanki für dass mer sini weid hei dörfe verstampfe, und und und...
und vorrallem im wind wo so herrlich früsch zoge hett, und mim extrem muskelkater wo ni sid hüt ha. (ok, bi jo scho sälber schuld, aber s het ufjedefall voll spass gmacht...)

us der warme badwanne wünsch i euch...
...Peace und blüemli, und biss es anders mol..

[tagträumer]

grad no es foto gfunde wo noni so vill wind gsi isch..

http://peaceundbluemli.blogspot.com/

anfangs johr hetts derfür vill schnee ga..

aber usblick isch scho hammer a dere location..