27.10.07 Glasshouse Bülach

[battlefairy]

hey tschou!

Also für mich hets gfägt! Emel vorallem wäg de Lüüt ha chönne probiere uf Spanisch brösmele und Englisch und mit gwüssen au chli *drüffnisch" hihi, isch no witzig gsi und die Lounge "verusse" hani voll cool gfunde!! De Sound muesi zuegäh hed mer insgesamt au ned so gfalle, interessanterwiis ischer aber extrem abwächsligsriich gsi, also mal chli rätschbäng (hani nid gern), denn wieder nur wubwubwub ohni witere Zuegabe (han au ned gern) und plötzlich chöme doch wieder so paar wunderbari spärische Progibeats us de Boxe, vom Bode durd Bei uf und i han hüm chönne höckle bliibe

Danke vill mal a mini Begleiter und au ganz fescht an Robi und Karin, dassi chli han dörfe is gschützte Bereichli cho höckle und pläuderle, döt ufem Sofa sind Eui Visuals ganz idrücklich cho! hesch ds Gfühl gha schwimmisch jez grad näb de Fischli und so *freud*

Also ich wirde die Party in gueter Erinnerig ha, de Sound mus inmitten toller Lüt nid mal immer top sii, s'fägt trotzdem

[luki]

ja, wördi jetz au mol so säge...

abgseh vom nachkater vom fritig, hets eigentli zemli guet passt...

also gärn weder mol. D bar prise hend mi aso voll ok. donkt--- för Zöri

thx and greez

[isis mondkind]

welch ein highlight!
zwar heds churz nach minere akunft schomal zerst schlächti nachrichte gä: atmos hed d party verpennt.
schade, aber de armi hed schlussändlich en super feete verpasst und de la baaz hed sini sach au sehr guet gmacht!
han de sound die meisti ziit guet gfunde! ...aber de makau und ironwire hend mir au nid nume optisch am beste gfalle
d naturfilmvideoanimation hed au suuuper passt und es hed vieli jöööö und waaau effekt gha. d bilder sind oft mitem sound verschmolze und vorallem d pinguin sind schön im takt gwatschlet. unbedingt wiederemal bringe das filmli.
vieli lüt hani troffe woni scho lang nümm xee han, das isch natürlich au immerwieder en freud!
und s "chline gmüetliche chill privatkino mit dancefloorsicht" isch natürlich en rächte luxus xii!
a dere stell no es liebs grüessli as battlefairy, hed spass gmacht!
viel meh chani da dezue nümm säge, mir heds vo a-z mega gfalle!

.....wieder es juwel meh im schatz-chistli vo de schöne erinnerige!