Droge & Autofahre ???

[fynk]

ha nur wele wüsse was dlüüt so defo haltet (droge & Autofahre)?

was vertreits was vertreits nid?
uf welne droge gahts besser oder schlechter? usw.....

wär froh um meinige, isch nämli es interesants thema.

LG

[meli]

NULLTOLERANZ gegeüber allne droge!! sogar alkohol- i fahre nid mau, wenn i es glas wii ha gha... i liebe eifach mis billet zu sehr!! allerdings chunnts vor, dass i mau amene obe es jointli rauche, gange ga pfuse und am morge de mitem auto gange ga schaffe... das chani allerdings verantworte, wöu i mi nie zuedröhne, sondern nur es paar gnusszüg nimme und das am morge au überhaupt nümm gspüre... i weiss, jz chunnt de einti oder ander u seit, das isch aber ke nulltoleranz- aber das sich wiedre es thema, wo me ewigs cha diskutiere... für mi stimmts eso, da i usgschlofe bi und mi cha ufs fahre konzentriere...

i ha sehr schlechti erfahrige mit druffne autofahrer gmacht. mir si zwar nie ine unfall verwicklet gsi (zum glück!!!), aber de fahrer het z.B. während de fahrt uf dr autobahn plötzlich optischi übercho, wöus LSD noni usgfahre isch- so sache hei mir de scho z'dänke gäh... de gangi lieber mitem zug- isch eh no gmüetlicher...

wie steisch de du derzue?

[fynk]

ich fahre gar noni auto hehehe scho no lustig nid dass grad ich das thema ha ufbracht.
mues theorie prüefig etzde mache. ich gseh scho jetzt das wird es mega zügs für mich immer clean zbliibe bim autofahre

kenne ebe 3 lüüt wo nur öpe 4 wuche de shiin gha hend und nacher hends en scho wider müsse abgäh.

naja ich hoffe ich ha mi den meh unter kontrolle?!

[halucinognom]

...verantwortung übernehmen...?!

[dalamascus]

am besten fährts sich immer noch ohne Auto....

[handtuch]

grundsätzlech fahri nüechtern (sowit i düre thc-konsum überhoupt je nüechtern bi ).

ha o scho erfahrige gmacht woni stockbsoffe bi outogfahre. aber da de nie meh. isch für mi de oberhorror gsi. auues verschwomme u absolut kes gfüeu meh über distanze, gschwindigkeit u sicht. zum glück ischs ä churzi strecki gsi u über fäudwägli.

die interessantischt erfahrig hani unger lsd gmacht. ha auues klar gseh u bi o nid z'schnäu gfahre. wo de es lengers waudstück isch cho, isch mer de s'ganze inecho wie weni vorem pc würd hocke u es autorennspiu würd game.

zum glück hani bis itz ke unfall gha (weder verurscht no beteiligt).

das si einmaligi erläbnisse woni nid grad stolz druf bi. si passiert u ghöre zu mir u gibe de rat, passit uf. fahre unger alkohol und/oder droge-ifluss wärde herter gstraft aus schnäufahre.

u we drs konsumiere u trinke nid chöit la si, fahrit mit ÖV oder de tüet gnue zyt zum usnüechtere iplane

[blaues hufeisen]

ciao Fynk! waaaaaasssuuuuupp!

viou glück bi de autoprüefig

ich bin damals (autoprüefig) en chronische kiffer xi. han d'prüefig bim 2. mal bestande ond han es chliises autöli gha. 1.2 liter motor..

ich bin wägem kiffe nie ned-fahrtüchtig xi. bin au eher en defensive autofahrer - usser es hed eso vollweichi uf de autobahn gha, wo mier uf de linke fahrbahn in wäg cho sind. denn hanisi wägputzt, bis mi d'schlümpf mal usegwunke hend - wägedem.

alkohol isch nüd für mich, wenn ich fahre. alli halluzinogene sache au ned (thc isch schiints au halluzinogen - aber do machi en usnahm).

bim xnelle züügs, isches bi mier au ok bim fahre.

aber weisch hombre, wenn du willsch en easy ride ha, denn söttsch gar nüd konsumiere... ich mag das risiko-spiel ned, vo de schlümpf aghalte wärde, ond denn mal horrendi buess ds zahle plus check weg plus eintrag is strafregister plus alli wiiter probläm mit em arbetsplatz. darum, hani jetzt au keis auto meh ond dörf mier au mal es paar bierli und anderi feini sache gönne.

[meli]

mues theorie prüefig etzde mache.

wünsch dr ganz viel glück derbi!! guete tip, lehr mit dr cd, geit am beste... die büecher si für nüt!

kenne ebe 3 lüüt wo nur öpe 4 wuche de shiin gha hend und nacher hends en scho wider müsse abgäh.

das isch dümmer- ebe lueg, dass dir das nid passiert!! i würd mi i grund und bode schäme, wenn i mau mis ticket müessti abgäh...
wenn dir dis billet, dis läbe und s'läbe vo anderne am härze liegt, de stigsch eh nid uf droge ines auto i! i chönnt z.B. nie dermit läbe, dass i öpper imene verkehrsunfall umbrocht ha woni uf droge bi gsi- auso isch für mi au klar, dass i beduslet nie uf d'fahrersite hocke... aber das si sache, wo jedä für sich selber muess entscheide- wirsch scho die richtigi träffe...

[blaues hufeisen]

genau Meli.

das hani mier au gseid, woni de Check han afo mache. Es lohnt sich ned für de eigeni Ego s'läbe vo anderne uf's Spiel ds setze.

[Gurgel]

Also:

Nüechtern Fahr ich alli Streckene wo über Autobahn oder dicht besidlets Gebiet gönd. Also wenni merke dasi grad z vill kifft han oder so denn warti lieber na eis zwei stündli bisi uf Züri düüse tuen. s komische isch bi mir (und villicht au e sicherheit) das ich mega defensiv fahre wenni kifft han.

bekifft fahre eh nur vo diheime an see und das sind alles meh oder weniger Waldstrasse und so. In Uusgang gahni prinzipiell nur mit de ÖV.



S schlimmschte Erlebnis mit Droge und Auto fahre isch nachere chliine Outdoor im Toggeburg gsi (geschätzter Heimweg 45min.) wohni Losgfahre bin isch eigentlich alles guet gloffe bis i irgendwenn ines Loch gheit bin (ich denke d Musig wohni glosst han het mi recht döte inezoge), s komische isch, ich bin huere sicher und voll korrekt wiitergfahre, aber han die übelschte Audio-"hallizunatione" gschobe, han en Kolleg Witz verzelle ghört wo gar nöd im Auto gsi isch, und die beide wo hinde gsässe sind händ eh gschlafe. Ich han denn mal hinderegrüeft das sie bitte chli liisliger sie chönntet ich müessi mich konzentriere. Die hend sich denn auna gfrögt ab mir.

Aber au da wider, d Reaktion isch voll da gsi: 2 Autos vor mir isch en alte Rosswage ufd Strass cho und mir alli 3 Autos hend müesse vollbrems mache und das imene huere churze reaktionsfenschter. Und au suscht isch d Fahrt guet verloffe. Aber ich würds us dem Grund eifach nüme mache, nöd well ich anderi gross gfährde (welli würkli sicher gfahre bin) sondern wenn mi d Pozilei eifach mal plötzlich usenimmt denn isch verbii

[piraña]

autofahre isch allgemein öpis gföhrlichs. dingsbums nä au. wenn mer zwoi gföhrlichi sache mitenend macht, ide hoffnig, dass es denn weniger gföhrlich wird, denn isch mer vo mir us gemein-gföhrlich

wemmer de check het, heisst das nid, das mer cha fahre. wemmer cha fahre, de heisst das nid, dass es nid gföhrlich isch. und wemmer droff cha fahre, de heisst das nid, das mer sell stolz druf si

[Gurgel]

autofahre isch allgemein öpis gföhrlichs. dingsbums nä au. wenn mer zwoi gföhrlichi sache mitenend macht, ide hoffnig, dass es denn weniger gföhrlich wird, denn isch mer vo mir us gemein-gföhrlich

wemmer de check het, heisst das nid, das mer cha fahre. wemmer cha fahre, de heisst das nid, dass es nid gföhrlich isch. und wemmer droff cha fahre, de heisst das nid, das mer sell stolz druf si

Bin ich ja au nöd, bin eher überascht. Han mich au a dem Tag total überschätzt, bin döte uufgstande han mer en Kaffi gmacht und nach 2 Stund hani mi so Fit gfühlt, dassi denkt han jetzt chani fahre. Das het nüt mit Stolz ztueh, bi mir funktionierts eifach. Klar bin ich de Blöd wenn mal doch öppis passiert, aber ich behaupte jetzt eifach mal so in Ruum ine das ich weniger gföhrlich für de Strasseverkehr bin als irgend sonen junge BMW/mercedes-Raser oder sonen alte Herr wo sitt 20 Jahr sis Billet sött abgeh weller nüt mehr gseht. De Strassevercher isch nun mal halt eifach gföhrlich, da chammer nüt degägä mache. Und het ich e ÖV verbindig bi mir (wasi leider nöd han) würdi sofort umstiige.

[604freund/Psykas]

ich han au das problem dasich ned so super an öv agschlosse ben und drum leider au des öfteren en chlini strecki vom dorf zu mir hei fahre in zueständ womer ned setti henders stüür sitze!!! nur under alkohol iifluss aber esch scho vorcho dass die zueständ wörkli jensiits vo guet und böös xi send... ben überhaupt ned stolz druuf, well mers au abgwöhne, hoffe zieh bald mol uus und han den hoffentli en bessere öv aaschluss!!
suscht beni höchschtens mal underwegs weni metm bier knapp a de grenze ben, han bes jetzt na nieh müese bloose und drum ergendwie sgfühl ned wevels mög verträge... fühl mi eigentli relativ lang fahrfähig und han sgfühl dases längscht meh wie eis glas vertreit...! aber ebe, finde bsoffe fahre chan genauso schlimm sii wie under iifluss vo andre substanze...! wets au ned riskiere sbillet abzgeh weli au brueflech meh oder weniger druf aagwese ben!

Besser, dont drink and drive, aber i han halt das cheibe bier sooo gern!

[dex]

"Tragt mich zum Auto, ich fahr euch Nachhause"

[Elias]

Droge und Autofare isch total spannend, bisch völlig entspannt wand i Polizeikontrolle chunsch. Au nimsch es ganz allgemein vil lokerer und regsch dich nöd dauernd über irgendwelchi anderi tumi autofarer uf. Ich finde mer söt alli püesse wo nüchtern unterwax sind, so langwiler, die hand kai anig, wie spannen so e polizeikontrolle chan si wann mer nöd nüchtern isch.