20.03.08 The Cosmicfusion - Saltatiolucernensis

[battlefairy]

Gute Morge! *hüstel*
Juhu, ich bin mal die erscht

Aaalso, ich han eifach vorab wele säge
GRANDE!!!!!!!!!! (Zitat von M!guZ aus diversen Post, für nähere Quellenangaben bitte pn )

Hey Jungs und Mädels, die Party isch ächt de Hammer gsi! Bin scho zwei drü mal im Sedel gsi aber s'het mi no nie würkli gflasht döt aber GESTER, eifach geil!!

Wo mir cho sind isch Full Contact am spile gsi, ier sind geili Sieche, hed voll grockt
was nacher cho isch weissi grad nüme genau, bi rächt "rüschig" worde vo dene vile Lüüt woni troffe han woni vo ganz verschiedene Ereignis und Örtlis kenne, s'nöchschte woni wieder weiss isch de Nygma vs. ? gsi, obwohls mer zeitweilen es tüpfi ds schnäll gsi isch und mängsich bitz düster hets uh gfägt und es isch für mi sehr schön gsi, di mal wieder in Natura ds gseh, wenn au meistens us de Färni , denn ds Lucy, has im Dynamo chli verpasst gha, mir dich "bewusst" inedszieh und das hani jez chönne nachhole, hed mer au guet gfalle, has au döt nid gschafft chli länger ds sitze (aber als Midimal gfallsch mir persönli no chli besser ) und de Bluem (weiss Din DJ Name gar nid) isch au voll düregheit und zur genau richtige Ziit isch denn Orgon Flow cho, zwar unterbesetzt aber das isch null Problem gsi, eifach wundervoll für Geischt und Körper wer isch no gsi? Ah ja, de M!guZ isch irgendwie au immer wieder chli hintrem Pult präsent gsi und susch hanis nid so mit de Näme, falls no wer gsi isch, orry

Es hed mer wahnsinnig ds Härz erhellt so vill schöni und lustigi Gspröchli gha ds ha mit de verschiedenste Lüüt, und es isch nid nur mir so gange, isch glaub allgemein rächt en kommunikativi und offni Party gsi, eifach herrlich
Bsunders gfreut heds mi mitem Sascha mal wieder chli chönne rede, und nachme Wiili no es paar lehrrichi Inputs zu A..-Bleichi ds becho, gäll Müschtik

Und en Special Thanks ghat a mini cooli Begleitig vo gester Abe/Nacht/hütt Morge *freud* @hufiiseli freut mi ächt dass mir eus nach über 4 Jahr in Luzern (emel ich) kenneglernt hei! Und das en liebi Fründin mit mir chli dur die Nacht tänzlet isch

Ich han üch alli voll gärn

(hihi, nei, ich bin nid druffe und bis au gest nid gsi )

gnüssed die freie Täg und bis bald wieder mal!


ps: wenn mer öpper no churz chönnt säge wie die Party genau heisse hed, denn chanis no richtig aschribe

[juerg]

ps: wenn mer öpper no churz chönnt säge wie die Party genau heisse hed, denn chanis no richtig aschribe

Saltodipasqualucernensis wür zu ostere glaubs besser passe

[Kargamel]

@ battlefairy:

Party hed gheisse The Cosmicfusion und esch vo Saltatiolucernensis gsi.


zu de Party...

Esch würklech geili Stemmig gsi weder mol im Sedel! Hed grockt. Schaad hemmer de Pinch nüm gseh hend nömme möge.

Danke Miguz und Co für d Party!

Bes negstmal

[blaues hufeisen]

jetzt bin au ich wieder dahei acho.
zur vorbereitig a die cosmicfusion hani de ganz tag tee, wasser ond vitamine trunke. rückblickend gseh, bini rächt unter wasser gstande. am obig isches denn so wiitergange. ich bin en wandelnde wassertanker gsi

für mich isches eini vo de schönschte parties gsi im sädel. de ruum hed mi dasmol ned igängt.

Dancing Devil hed ganz verreckti beats gspielt. die sind mier id bei.

Lucy, hani s'erschte mol ghört. isch geile sound gsi. wäg minere überwässerig hed sich min körper automatisch zu dim sound bewegt. han ihn eifach echli chönne lo laufe. wo mier denn en kolleg gseid hed, wär dert spielt, isches au ned verwunderlich gsi, dass mers gfalle hed

ich bin mit em vorsatz in sädel, zum echli go plaudere.
vo dier battlefairy hani mi fascht ned chönne löse. das ich dich kenneglernt han tuet richtig guet.

spacigi osterhasefäscht an alli+

[Phantomas]

hallo zusammen

es war ne tolle party mit viel zu viel jägy und co.......von lucy und nygma war ich positive überrascht hatte sie noch nie gehört und muss sagen ihr habt voll gerockt........und auch sonst war die party ne tolle sache.........hatte ein riessen gaudi....mfg thöme

[Di.mi.X]

hi zsämme,

war...., uuuh huere witzig die party!!
habs zwar grösser erwartet, da ich no niee im sedel, war aber es war genau richtig!!!
echt geile lüt troffe, und ne menge spass ghabt.
leider in den morgen stunden schon gegangen
Artist haben alle wieder nen geilen job gemacht!! Lucy, Dancing Devil u. nygma vs. Pinch waren meine highlights!!
bis dänn denn.

[M!GuZ / Wasabidelux]

Danke für die guten Worte
Es war echt eine rundum gelungne Party so macht das spass
Ich möchte mich auch bei allen Act`s und Helfer bedanken ohne euch währe Nichts gelaufen

Werde mich später noch einen intensiveren Bericht schreiben bin aber momentan recht im stresse und so

DANKE LEUTE

[battlefairy]

@ battlefairy:
Party hed gheisse The Cosmicfusion und esch vo Saltatiolucernensis gsi

Merci

[Gilraen]

no more comments from my side

[psyfreak]

danke Miguz und co. esch eimol meh weder en super sach gsi im Sedel! be widermol rechtig fett am abgoh gsi!
cooli alti lieder hender played! merci vill mol und bis zum nöchschte mol!

gruz manu

[u.s.l.]

ehem... voll geil gsi...

ich bi einisch churz ufs wc - ganz zum afang, und: läck, het das gwummered dit inne. nacher de nümme, oder hani mir nochhär ein übers wummere trunke gha ich bi de nid go luege, was es für en alag isch, will ich das ganze ufe schlächt usgleiti ruum gschobe ha.

de geilscht sound isch vo mir us am schluss gloffe (QC und zwüschedüre Paolo?), und die geilschte übergäng het de mantra gmacht, und ich finde, er suecht wiit und breit immerno sin (psy)meischter.

de miguz het au riesigi fortschritt gmacht - oder lit das am jägermeischter

es isch fascht durchgehend abgange, und vo mir us hättid no locker 5 - 6 lüüt meh dinne platz gfunde...irgendwo.

de absoluti minus-punkt: die einte misse sind gar nid ufkrüzt, anderi sind sich z eitel gsi (für das dunkle loch), und wieder anderi sind sehr früe gange. aber de goht glaub eidütig uf ihri kappene, und ich wirds mir eifach merke *ggg*

merci, und nöchscht winter wieder so! (aber bis de hemmer jo no alli einiges vor )

[satropa]

Misse wo nid ufkrüzt sind?? wäre diä denn erwartet worde??? het das öpper gwüsst?? was hätti si denn muässe mache?.......

[u.s.l.]

Zwischen Bilanz
TiTaLi 18% [ 29 ]
Shmahu 16% [ 26 ]
Saphira 11% [ 19 ]


ben immer no am überlegge weg em Pris wos ged
siger ehrung der Top 5 Werd aber sicher am 20März si
und do chan sich niemer Drücke chume jedi Miss ade ohre go hole

*ggggggg*

[QC]

..so, ha mech au no schnell welle bim Miguz för die Cosmischi-Fusion & s'Booking bedanke!!
Be zwor rächt spot igfahre, esch denn aber umso loschtiger gsi.. gwössni hend
denn scho en rächt trömmlige Zuestand gha.. gäll Simon!! zz zz zz ) Wie z'erwarte
send rächt vell freaks dete gsi & esch e mega stimmig gsi.. wörd säge en glongni Sach!!

@ u.s.l. : Freut mi mega z'ghöre das der de Sound am Morge pässled hed, besch demfall au
bim Harte Kern debi gsi wo no am 10.30 zugabe gruefe hend!? hed mega spass gmacht
z'Sounde ond es esch no en locker-flockigi Stimmig ome gsi.. merci a alli wo no sooo abgange send
om die Zyt, voll fett!! p.s: jep, de Paolo ond ech hend üs denn ab de 09.30 abgwächsled..

Also merci no äinisch för alles & hoffentlich bis bald!

LG QC

[müstik]

heyjooo war eine spassige party... habe viel gelacht und nachgedacht *lol*

danke an alle !