celestine

[Melliandra]

Au ich möcht mich no bedanke bi dier Huufise. Bisch en super Mänsch.
So viel Gaschdfründschaft hani also scho lang nümme erläbt. =o) Au so
viel Wulleteckene hani scho lang nümme gseh. *grins*

Isch en spannende Namitag, über den Dächern vo Luzern gsie. Hed irgendwie
no viel bi mier usglöst, wieni a mine Träum, vom SA ufe SO han chöne feschtstelle.
Öb das jetzt am Film oder a de Rundi gläge isch, la ich jetzt mal offe. ;o)

Huufise, viellicht trifft mer sich wieder mal ufes Bier in Luzern? Mier wäred also debie. =o)

[piraña]

es isch doch gar nie um de film gange.

aber das isch en anderi gschicht

het spass gmacht, und ich möcht mi vo härze bedanke für dä spezielli nommitag!

irgendwie wird ichs gfühl nid los, das mer enand bald wieder übere wäg laufed

danke!

[Titali]

södele, jetzt bini au mau wieder glandet vo däm wunderbare weekend!

ich has au sehr schöÖön und speziell gfunde
danke fitz für dini super gastfründschaft und die dachterrasse isch
eifacht traumhaft gsi und soviel suNShine uf dr hut - het mega guet
do! ha leider no chli hangover vom fritig gha aber egal!

jetzt hei wieder es paar meh mystical es gsicht i mir in, was alles
au meh perönlech macht! het mich sehr gfröit öich alli mau zträffe!!!
ja dr film, hehe, isches jeh mau ume film gange? *lööl*
är isch gar nid so übel gsi, ha dänkt, är sig de schlächter verfilmt
worde, aber bin no überrascht gsi! aber äbe, sones buch mues meh
läse und nid luege...

merci für alles und die kuschligi zyt uf däm hot sofa *smile@andrea*

bis gli mau wieder - luzern rockt

p.s. @ battlefairy: du bisch ja die grössti überraschig gsi *hehe*
so sieht man sicher wieder nach flug dubai - züri wält isch
eifacht verdammt chli !!! *knuddel*

[Amanita]

Es isch zwar scho wieder ewig här, aber i möcht doch mol no merci sägä. Die Dachterasse isch en super Platz, voll die schön Usicht, tusig Deckinä und dini Nochberä sind au luschtig..
Sorry für dä vertröchneti Chuchä, chli en schlächte Ersatz für kochets Sushi (vielliecht bim nächste mol), aber i han innerhalb vo 55 min versucht en Chuchä z machä, wo ällei zum bachä scho ä Stund brucht.. Han mi denn für vertröchnet anstatt flüssig entschiedä .
Schad, han i nöd frühner chönnä cho, aber es sind jo glaub no alli do gsi und sogar dä Film han i nöd verpasst (hett i jetzt nöd dänkt).
Jo dä Film.. dä han i nöd begriffä.. und au no s Ändi verpasst. Aber han's au nöd anders erwartet , i such denn jetzt aber mol s Buch (muen irgendwo i mim Chaos sii), het mi scho chli gwunderig gmacht.
Merci a alli, isch ... gsi..

[Fallen Angel 2]

also erscht mal sorry dass ich nöd so ganz uf de höchi gsi bin, aber das nautilus isch chli alkoholisch worde... glücklicherwiis häts ja au uf de terrasse bier geh, hihi bsunders erwähne möchti die würscht, wo mines erachtens so was vo fein gsi sind, himmlisch... bsunders greut häts mi, öpper z'träffe woni scho lang vermisst han. obwohl mir üs chum känned. aber das isch mir glich. tja was sölli säge de film, ich han ihn so als film nöd soo schlecht gfunde, und er hät mich au a zwei drü erkänntnis erinneret woni chli vergässe han... mines erachtens es bizeli zvill action. de holzcholegrill vo de nachbare hetti am liebschte über de rand gschmisse, aber das hät vermuetlich dezue ghört, hät üs jedefalls zum lache bracht, gell titali? das mit de deckene hani au andersch geil gfunde, insbesundere nacher im thurbethal wo ich uf eimal dänkt ha, wenn jetzt de hufise chämt mit nere wageladig deckene, das wär schön danke melliandra und tribalis für die guete gspröch und bsundere dank ad battlefairy für d'übernachtigsmöglichkeit und allne drü danke für zahbürschte und so woni alles vergässe han mitneh - ihr händ mich ächt grettet. und danke au für d'fahrt uf affoltere, ihr händ üs an richtige ort bracht.