Do u believe in god?

[Fallen Angel 2]

ufenart isch isch mir en wüsseschaftliche asatz scho einiges lieber. blöd nur dass d'wüsseschaft sich selbst verarscht (ja verarscht) idem sie seit, "mir cheu das doch gar nid usefinde". pustekuchen! natürlich cheumer das usefinde, mit empirische studie, mit forschig, mit naluäge, mit aneluäge, mit philosophie, mit WÜSSE (hergottnonemal).

eifach mal versueche wahrzneh, eifach mal versueche sich klar zmache, ob es villicht ebe DOCH en zämehang gitt mit dem heute blättli wo drin staht wie bös es doch isch dass papierfirmene de regewald in indonesie abholzed, UNd dem tatsächli, dass das heute blättli au us papier bestaht...

zämehäng erkänne, wahrneh, und nieder schriibe, sich bewusst mache, wie mer läbt, sich bewusst mache, dass MER selber das ICH womer isch, dezue biitreit oder es verhinderet, dass göttlichi energie flüsst - idem mer sich ustuscht idem mer mitenand redt, idem mer KEI chrieg führt, idem mer KEI atombombe bout, sondern indem mer uf sis gwüsse lost, segs als arbeiter inere fabrik oder als manager inere grossbank.

natürli chamer au hoffe, dass all die andere lebewese, dass alge und bäum, dass insekte und chatze ihres dezue biiträged, dass de planet läbt und wachst, und erkent und so wiiter. ABER au mir mänsche sind lebewese. mir händ genauso vill demit ztue ja villicht sogar no chli meh, will mir sind ja die wo cholechraftwerk ufboued, mir sind ja die wo gentechnik verwendet um - ja wofür eigetlich? zum mensche ernähre? oder eifach um de profit vergrössere? und die ganze ville chliaktionäre... händ die sich schonemal überleit wo ihres geld verwendet wird?`

mir händ e gwaltigi verantwortig, als läbewese, als mänsche, als teil vo gott - und die liit darin, bewusst zläbe. nöd dass das eifach wär. wänn de migros plötzli salat nur no in no grössere plastikbehälter verchauft, und defür dänn 1.70 meh verlangt (7.70), hey cool, wötsch jetzt salat ässe oder doch es sändwich us fleisch vo industriebetrieb für 5 franke?

tja, entscheidige... isch mer ehrlich zu sine mitmensche oder nutzt mer sii us? isch mer eis mit sich selber oder macht mer was anderi vo eim verlanged? isch mer göttlich? oder schadet mer de allgemeinheit? isch mer gehässig oder versuecht mer die ander siite z'verstah? isch mer dra interessiert wiiterzcho oder nur da dra, immer alles ufem gliche punkt zhalte?

gott mag ja alles sii - so gseh ich das zumindest - aber es isch dennoch nöd so, dass mir eifach alles zerstöre und mit belanglosigkeit und ablenkig fülle chönd, nei mir händ d'macht us dem planet es paradies zmache - oder ihn z'zerstöre. jede tag. jedi minute.

eifach isch es nöd, ich glaub sogar es isch ziemlich churz vorem endi. aber no hättemer d'chance. alles z'verändere. in 150 jahr isch es eidütig z'spaht.

wämmer üs üsem göttliche funke bewusst werde chönd, simmer ufnem guete weg. wämmer wiiterhin glaubed mir säged unwichtig, wie üs das gsellschaft vorgitt. chömers vergässe.

[juerg]

Jetzt isch mir gad vorher en vortrag vonere bekannte "zuegfalle"
wo sie als Ileitig en text vom Luc Bürgin verwendet hätt.

"Glauben sie an Wunder?Ich glaube an Wunder:Ich glaube an Dinge, die wir weder
sehen noch messen können, obwohl sie uns umgeben.In unserer Realität existieren sie
nicht, weil wir noch nichts von ihnen wissen.Alles beginnt erst zu existieren, wenn wir es
wahrnehmen.

Denken wir nur an Mikroorganismen wie viren oder Bakterien. Seit jeher wimmelt es von ihnen.Doch um ihre Existenz wissen wir erst seit rund 300 Jahren. Wir gaben ihnen einen
Namen.Und damit einen Platz in unserer Wahrnehmungswelt.Denken wir an
Elementarteilchen wie Elektronen,Positronen oder Neutrinos.Sie wurden erst in den
letzten Jahrzehnten so richtig bewusst.Und existieren doch bereits seit Anbeginn des
Universums.

Täglich geschehen um uns die merkwürdigsten Dinge.Doch nur die wenigsten nehmen
wir war.Weil kaum einer nach ihnen sucht.
Die Wissenschaft raubte uns immer den Glauben an Wunder.Heute glauben wir an
die Wissenschaft wie wenn sie die einzige Wahrheitsquelle wäre.Und wir glauben an
unbeschreibliche Dimensionen die mit namen und Definitionen eingegrenzt wurden,noch
ehe sie ausgelotet waren.
Was also ausserhalb liegt,erscheint vielen nicht real.Also existiert es für sie auch nicht.
Stellen wir uns vor,die Menschheit wäre taub.Es gäbe kein Donnergrollen beim
Gewitter-weil wir es nicht hören könnten.
Glücklicherweise können wir hören!Einst hetten wir gar Spürnasen wie Hunde.Noch
immer sind die entsprechenden Informationen in unseren genen gespeichert.Sie wurden
im verlauf unserer Evolution lediglich stillgelegt.

- Bereits ein Quäntchen mehr geistige öffnung könnte die Welt realistischer und reicher
machen.Denn wer sich biophysikalische Anomalien nicht ausmalen kann,wird sie
auch nicht erkennen.Weil er nicht ahnt,wie sie geartet sein könnten.Wer biologische
veränderungen in elektrostatischen Feldern a priori ausschliesst,wird sie auch nie
untersuchen.Weiler sich nichts davon erhofft.Und wer sich nicht vorstellen kann,
dass die Natur anders reagiert,als wir es von ihr erwarten,verschliesst von ihr die
Augen.Weil er das Anlitz ihrer Launen längst zu kennen glaubt.
- Skepsis führt uns zur sofortigen Verneinung und von diesen "Verneinern"haben wir
genug.Verbünden wir uns mit ihnen, verbauen wir uns die Sicht auf eine neue Welt.
Das wäre jammerschade.Schliesslich propagiern berufen sich Skeptiker in erster
Linie die Vernunft.Und die Vernunft definiert sich durch ihre eigene Begrenzung.
Ganz schön beschränkt, oder? "

-Luc Bürgin
-Der Urzeit-Code

[Fallen Angel 2]

- Bereits ein Quäntchen mehr geistige öffnung könnte die Welt realistischer und reicher
machen.Denn wer sich biophysikalische Anomalien nicht ausmalen kann,wird sie
auch nicht erkennen.Weil er nicht ahnt,wie sie geartet sein könnten.Wer biologische
veränderungen in elektrostatischen Feldern a priori ausschliesst,wird sie auch nie
untersuchen.Weiler sich nichts davon erhofft.Und wer sich nicht vorstellen kann,
dass die Natur anders reagiert,als wir es von ihr erwarten,

de abschnitt zeigt perfekt, was d'wüsseschaft völlig, aber völlig, falsch macht, zur ziit.

was schad isch, will mir bruched d'wüsseschaft zum wiitercho - mir bruched alles, was mer händ zum wiitercho. zum überhaupt no öppis ha, uf dem mir wiitercho chönd....

[Psychobella]

mir bruched d Wüsseschaft zum wiitercho - mir bruched alles, was mer händ zum wiitercho.

Was meinsch gnau mit wiitercho?

Wohi will denn d Wüsseschaft eigentlich?

Alles was ich persönlich zum wiitercho bruche, isch i mir und um mich scho da, ich mues es nur wider lerne gseh und erkenne...und für das bruch i d Wüsseschaft nöd.

[battlefairy]

hmmmm
ha jez nid ganz alles gläse aber:

Ich finde, es söll jede sini eiget Asicht vom "göttliche" oder vom "Anbeginn der Zeit" haa, so wiener sich wohlfühlt demit und ihm chan en Bode gäh wenners brucht und ihn ufmunteret, wenners brucht, wonem Chraft git,wenners brucht, wo ne beruihgt, wenners brucht, wonem es Schmunzle git, au wenns em mal guet gaht..

bi mir änderets glaub immer wieder bitz, mal isches ds "Schicksal", wo über Eus schwäbt und sich neckisch bemerkbar macht, denn isches au mal wieder es "höhers Wese", nid in Form vonre Gstalt, sondern es "etwas", en Art en Energiechnüschelmüschel, wo sie über die ganz Wält streckt, mängisch überlegg mer, ob ächt nid jede sind eigeti "Gott" hed, nid vo de Asicht här, me im Sinn wie sone "Morph" (us der Schatzplanet) wo eim begleitet, aber MEISCHTENS isch eso, dassi "Gott" (*börk* das Wort magi au ned rächt, wie de Kaidun..) z.B: im Wind gspüre, wenni verusse bin, bin öppis am ufnes Paper schribe und "er" windets eifach wäg!! und denn chömmer denn ame so Eusi Spili miteand spile (und wenni ke Lust druf han, isches eifach nur de Wind

und was isch wenns mer schlächt gaht? Isch er/sie/es/mrz au da? - Jawohl, "Almi" (ich nenns jez eifach mal so, wills eh ke Name hed und "Almi" beinhaltet momentan grad jeglichi Art vom "Glaube" oder whatever ) ebe, "Almi" au denn da, hed mi scho oft wieder chönne ufmuntere* und klar, mängisch bruchts es Wiili, die Ufmunterig chund nid grad umgehend wenni ines Loch gsunke bin, das isch au bi Fründe so, sie schaffets au ned immer ein grad wieder ufdsstelle und ich findes richtig, dass Almi sich mängsich bitz Ziit nimmt, um mich ufdsheitere, und zwar us dem Grund, will Almi genau weiss, dass es im Moment richtig isch für mi, trurig, bös, enttüscht oder chrank ds sii, will au die Emotione zum Menschsii ghöret und au münd dörfe en Platz im Läbe ha, nur scho, damits eus wieder chan guet gah.
*ufmuntere im Sinn vo: hocke truurig und tüüf betrübt am See und siehe da! en schöne Schmätterling chunt und sitzt doch vollgas uf mis Chneu, au wenn nur für paar Sekunde, oder sitze ufem Balkon, bi grauer Wulchedecki, enttüscht vo irgendwas und plötzlich bricht dSunne füre und schiint mer tupfgenau is Gsicht! oder lige dinne und a mim tüffschte Punkt chumi es uh herzigs SMS vo mim Tinkerbell ( to you!) über oder die Kristalle a mim Fenster brichet wunderbari Rägebögli dur mis Zimmer, dismal äxtra vili (natürlich nid äxtra vili, aber wenni grad wott dases so isch denn ischs au so )

[@fire]

Darin besteht das Wesen der Wissenschaft. Zuerst denkt man an etwas, das wahr sein könnte. Dann sieht man nach, ob es der Fall ist und im allgemeinen ist es nicht der Fall.


peace

[@fire]

Zum Thema:

Ich glaub an den Allmaechtigen.....aber nicht an Goetzenbilder bzw. von Menschen erschaffenden Gebilden/Fantasien. Es ist sicher interessant, sich mit dem jeweiligen Auseinanderzusetzen, die Geschichte und Gegenwart jedoch lehrt uns eines besseren. Und da beginnt die Wissenschaft!

[Fallen Angel 2]

@Battlefairy
ich schlüsse mich de Melliandra aa (s.u.) eifach wunderschön, din biitrag.

@Psychobella
Jo das stimmt natürlich. Für's persönliche Wachstum isch es nöd umbedingt nötig sich nere Glaubensgmeinschaft (wie ja au d'Wüsseschaft nur e glaubensgmeinschaft isch...) azschlüsse, es chan hälfe, je nachdem was mer halt für frage hät i sim läbe. ich plädiere grundsätzlich für en ganzheitliche asatz, also idem mer alles was es so gitt, nutzt, um wiiterzcho.
was wiitercho heisst... naja, also ich gseh das so, dass "Gott" respektive ALLES schlichtwegs sich selbst id existenz inekatapultiert hät, demit "es" irgedwas erfahrt, oder macht, oder was au immer. logischerwiis weis ich als einzelni zelle vo dem ganze riiiisige universale organismus nöd, was eigetlich s'ziel isch vo dem ganze universale chraft-teil. aber irgeden sinn wirds vermuetlich ha.
de sinn vom ganze isch au meh oder weniger komplett unwichtig. es chönt so öppis banals sii, wie d'rächeufgab "was ist sechs mal sieben", wo das universum, wo gott, wo alles was existiert sozsäge usefinde will (und drum existiert).
aber das isch zuekunftsmusig und momentan nöd umbedingt s'ziel für d'mänschheit das usezfinde. gömmer mal devo us, dass gott scho weiss was es macht.
mir händ aber - findi - d'verantwortig für de planet erde. ob mer sie "becho" händ, oder ob das eifach i üsere natur liit, oder ob mer üs defür beworbe händ, isch wiederum unwichtig. wichtiger isch, dass d'erde momentan, wämmer sie als einzelne mänsch wür beschriibe, en schwerschtabhängige heroin junkie isch, wo sini adere verschmutzt (flüss), dem sini magesüüri sich dur d'buchwand frisst (ozean), dem sini lunge verpestet isch (bäum), dem sini gedanke (mänsche) liecht psychotisch sind, etc.
mir chönd nöd ewig so wiiter mache, wills irgedwänn eifach kei erde meh gitt, und wenns d'erde nüme gitt, so wär das ungefähr eso, wie wämmer gott en arm oder es aug wür wegneh. und das muss ja nöd sii oder?
also: werum weiss mer wer die lüüt sind (meistens industrienationale multikonzern) wo de regewald abholzed, oder wo d'flüss verschmutzed (de rhii stinkt ab basel, that's switzerland! und nöd irgeden dritt welt staat...) und wieso macht mer nix degäge? wieso bekämpfed sich die grosse religione, statt ebe forschig z'betriibe wie das d'philosophe in griecheland gmacht händ, um MEH wüsse azhüfe grad ebe au über metaphysischi zämehäng. nomal als erinnerig: die händ scho det gwüsst, dass alles us atom bestaht, lang lang lang bevor mer das wüsseschaftlich hät chöne bewiise.... also: immer z'säge, mir chönd das nöd wüsse isch e selbstuferleiti beschränkig wo.. üs mänsche eifach nöd würdig isch.
wüsseschaft, religion, wirtschaft, etc. all das ZÄME gno, und erforscht, das isch es wo mir mache sötted, und nöd eifach uf de fuule hut ligge und sich mitem "nach üs d'sintfluet" satz begnüege. und dademit sind genau die einzelne mensche gmeint, wo letztlich i soneme multikonzern hocked, jeni wo in china iichaufed, jeni wo länder regiered, und sich wägenere steinige felsige landschaft striitet (kashmir) nur will die linie vonere grenze, wo im prinzip absolut überhaupt kei bedütig häd (göttlich gseh). einzelni mänsche sinds wo das alles mached, und einzelni mänsche sinds wo das chönd verändere.

@fire
schöns wärs, aber die wissenschaft tut genau das eben NICHT. sondern sagt grundsätzlich, "ah da gaht ja gar nöd" und das isch eifach nur schwach. und e schwachi wüsseschaft schafft kei erkenntnis.

[Melliandra]

Mies battlefairy

Es isch immer wieder schön, döffe z'gseh oder z'läse, wie du chlini Sache i der Wält
chasch wahr näh. =o)

*Knuddle diii gaaaanz fescht* *SCHMATZ*

[Psychobella]

also: werum weiss mer wer die lüüt sind (meistens industrienationale multikonzern) wo de regewald abholzed, oder wo d'flüss verschmutzed (de rhii stinkt ab basel, that's switzerland! und nöd irgeden dritt welt staat...) und wieso macht mer nix degäge?

Generell e Gägefrag: Warum suecht mer immer nach Schuldige im Grosse, statt vor de eigene Huustür z wüsche?
Villicht will ich dadurch mis schlechte Gwüsse cha beruhige, da ich persönlich ja nüt direkt gäge s Abholze vom Rägewald cha mache...

S einzig, wo ich als chlises Teili vo dem Ganze cha tue:
Läbe und handle zu mim eigene Wohl UND zum Wohl vo de Mensche, Tier und de Natur um mich ume...i dem chline, relativ begrenzte Umfeld, wo ich mich drin bewege, wo min Alltag stattfindet.

Stelled eui vor, jede Mensch uf dere Welt würd so läbe...d Problem vo de Erde wäred uf ein Schlag glöst...

Wiso mached mir das denn nöd? Will mer genau au nöd wänd uf en gwüsse Wohlstand und Annehmlichkeite verzichte.
Mir händ TV, Handy, Auto, Computer...
Mir ässed gern Banane, Kiwis, Ananas...
Mir chaufed Chleider, wo möglichst günstig sind (made in China?)...
Mir chaufed lieber i grosse Gschäfter i, will s billiger isch, statt lokali Fachgschäft z unterstütze...(und wundered euis ganz näbebi, wiso s immer weniger Lehrstelle git)
Mir stecked euisi Nase i jede hinterletscht Winkel vo de Erde, schlepped dadurch Chrankheite vo eim Kontinent zum andere...und bruched wider genau jeni Konzern z Basel, zum irgendwelchi Gägemittel und Antibiotika z entwickle
...und schlepped au Pflanze und Tier vo eim Kontinent zum andere, wo det nöd heimisch sind und schlimmschtefalls müend mit Pestizid und andere Gift bekämpft werde, will sie di lokali Flora und Fauna bedrohed (da chunnt mer konkret grad d Kaninchenplag in Australie in Sinn)
...gar nöd z rede vom ganze Ufwand, wo s bruucht, um euis vo A nach B z transportiere...
Die Lischte laht sich beliebig verlängere...

Bin ich im chline schlussendlich sovill besser als all die grosse Konzern?
Nöd dass ich die i irgendere Art will in Schutz neh, ich finde nur eifach, dass mir alli bi euis selber sötted afange mit Veränderige, bevor mir e grossi Klappe händ.

[Fallen Angel 2]

@Psychobella
Ich will in keiner Form säge, dass das nöd stimmt, was Du seisch. Ja ich gah sogar so wiit z'säge, dass Gott - respektive de Planet Erde (als Teilaspekt vom Göttliche All...) sich effektiv AU und insbesondere dur d'Handlige vo allne einzelne Mensche "definiert", also wänn Du und ich sorgsamer mit üsne handlige sind, so hät das en positive Iifluss uf Gott, bzw de Planet, bzw. s'Universum.

Glichziitig bin ich aber AU de Meinig, das zuesätzlich zum bewusste Läbe vom einzelne Läbewese, oder Mänsch, au e vernichtendi Kritik a sotige Firmene wo im Rägewald de Wald abholzed um drus PAPIER herzstelle so fulminant, gnadelos und konsequent, vo allne mögliche Institutione, Gruppe, Mänsche, Kulture etc. duregführt werde muen, wie nur irgedwie möglich.

Will: es suscht eifach schneller gaht, dass de Planet nur no us Müll bestaht, statt us Flüss, Ozean und Wälder, als eus - und au Gott - lieb sii chan.

Es brucht mines erachtens sowohl die öffentlichi Empörig gegeüber neme Raubbau a üsem Planet, wie au glichziitig de bewussti Umgang im einzelne Läbe, so wie Du's beschribe häsch.

Das isch de Wille Gottes - nach minere uslegig

[Fallen Angel 2]

und ganz devo abgseh: ja!! Du und ich, und no einigi lüüt wo ich känne, sind eidütig besser als multinationali konzern, wo über liiche gönd, um ihre schnödi mammon gott z'verehre.

will im gegesatz zu dene händ mir es gwüsse, verstand und gfühl.

Das isch doch genau das wo üs jahrtuusigelang weissgmacht wird, dass mir nur sünder sind, wo eh alles falsch mached, und ja nöd sötted reklamiere - alldiweil die mächtige sich über jeglichi moral hinweg setzed und us üsem planet e stinkendi kloake mached, us unachtsamkeit und will sie niemert ufhaltet usser es paar freaks ineme gummiboot und mit vill guetem wille.

wänn chunt mal en amerikanische präsident wo sich sakrosant gege die zerstörig vo dere welt usspricht? das bruchts. und zwar dringend. sehr dringend sogar.

und ich finde durchus, dass mer das dörf benänne und säge, ja das söll mer sogar säge und mer söll das bekämpfe und so wiiter - au wämmer kein heilige isch. chum eine vo dene isch jemals so heilig gsi. aber sie händ öppis "göttlichs" gmacht: sie händ sich nöd underkriege lah. sie händ gseit was sie dänked, was sie glaubed, was sie fühled, au wenn die restlichi menschheit nöd drus cho isch, was sölls, sie händ sich uf ihri hinderbei gstellt und gseit: so nöd! so nüm! jetzt muss sich mal was ändere!

und es hät funktioniert. will sie dra glaubt händ, dass sie öppis bewürked, will sie dra glaubt händ, en teil voneme göttliche plan z'sii, will sie de glaube as gueti immer zvorderscht gstellt händ, vor alles anderi, vor ihres eigeni wohl, sie händ sich gseit, ich mach das jetzt, und füür hät sich in ihrem herze entzündt und sie händs gmacht.

öppe so wi bim tanze

[Zauberwelt]

Ob es einen Gott gibt, ist nicht geklärt, daher gibt es keine Antwort. Schlussfolgerung: Ich weiss es nicht und deshalb spielt es keine Rolle.

Habe aber doch nein angekreuzt. Ich glaube an etwas Unbestimmtes, nicht aber an einen sogenannten Gott.
...

[Elias]

Ob es einen Gott gibt, ist nicht geklärt, daher gibt es keine Antwort. Schlussfolgerung: Ich weiss es nicht und deshalb spielt es keine Rolle.

Habe aber doch nein angekreuzt. Ich glaube an etwas Unbestimmtes, nicht aber an einen sogenannten Gott.
...

das isch e gails bild, wird scho oeppe zit, das alte stinkende und morsche Chruez us sim Gaist z'verbanne.