8.3.08 kleine oudoor (schongau) Nada-Brahma

[Napf-Zwärgli]

so ändli weder mol de hei a ko.

so esch weder mol en lässigi party gse met vellne bekante ond au neue gsechter!
A dere stell weti mi bedanke be allne orgs musigzierende ond natürli eusne helfer oni eu wäri das ned so schön in stand gsetzt worde.

het rise spass gmacht au met euch gest ts fiere be dem schöne wätter.

so etz goni nochli go go us ruebe ond hoffe das mehr au ar nechste party vo Nada-Brahma (Es klang Einmal...2 Remember) met eu ka rächtne!

ie dem senn no en ganz schöni woche

p.s es get spöter no es paar föteli
mfg Napf-Zwärgli by Nada-Brahma

[*glühwurm*]

es riese dankeschön at nada-brahma crew und allne methälfende fraggles
für mich isches en art ursprungs-party gsi. tüüf im walde wie sichs doch göhrt
nachmene churze fuessmarsch de erschti blick uf party unds sofortige wow, welches rollend über mini lippe hinwäg isch...
... ufem rückwäg bini denn es witersmal zum stuune cho, s'wunderschöne näbelmeer überem hallwilersee.
mis wohlbefinde a dere party isch vo afang bis schluss hoch 10 gsi
churzum gseit: bravo nada brahma! mached witer so, ihr chönd eim immer wieder ufs nöie überrasche

[Tamjee]

jo danke vell mol allne wo das ermöglech hend! esch en wunderschöni party gsi

en mega schöni location, fredlechi lüüt, s'isch voll easy gsi

bes am 29.

[Amanita]

Han au no es paar Wort wellä schriibä .
Merci für die schöni, chlini Party, het mir würkli sehr gfalle. S Deko isch ganz nach mim Gschmack gsii, v.a. allem dä Gang wo mer zerscht durä gloffä isch, isch Hammer gsii. So richtig wow, jetzt sind mer do, in erä anderä Wält .
Dä Sound het mer au die meischt Ziit pässlet, irgendwenn i dä Nacht isch au so schöns trancigs & big-smile-uf-sGsicht-zauber Züg gloffä, het mi aber teilwiis chli us dä Bahn gworfä..
Ansunschtä dä Chai isch mega fein gsii (han glaub en Liter trunkä ), s Füür schön warm und alli Füürakrobate, Füürspeier und Füürläufer hend no dä Räscht zur Stimmig biitreit.
Vielä Dank für d Deki, s'Ohr vom Schoggihas (dä Räscht isch leider entführt worde) und die liebscht Partybegleitig won i je gha han .
Irgendwenn han i denn müässä merkä, dass i d Nacht vorher nu 2h gschlofä han und nachher öppä 8h Prüfigä gschribä han, han denn mol 10 min gschlofä und chli skurils Züg träumt .
Dä Morgä isch au wieder hammer gsii, i find das eifach am schönste, wenn mer s Deko und d Stärnä no gseht, aber au dä Wald langsam zum Vorschiin chunnt und wenn denn no alles so chli verschneit lüchtet, dänn isch es am schönstä .
Dä nöd so ganz funktionierendi Shuttle am Morgä, han i chli schad gfundä, aber eigentlich dämit grächnet. Het denn en schönä Sunntigmorgäspaziergang gäh, isch jo traumhafts Wätter gsii, bis mer denn i Näbel itaucht sind und schlussendlich rächt plötzlich vor em Hallwilersee gschtandä sind *staun*.
Bis zum nöchste Mol..

[Psymush]

Sali zäme,

Erstmol viele dank für die schön Party. Isch so e richtig schöni Waldparty gsi mit vielne nette Lüt und enere super Deko. Hender jo no recht gas geh mit neuer Deko
De Sound isch au guet gsi, alles in allem e echt glungeni Party.

Ha mol wieder es paar Föteli gmacht und sie grad Hüt ufeglade...

http://psypictures.myphotoalbum.com

wünsche allne no e schöni Wuche und bis zum nächschte mol.

Grüessli
Psymush

[Koboldi]

mmmmmh esch das en wonderschöni WaldpArty gsi...


merci viel mal a alli hälfer und merci viel mal a alli wo a das fäschtli cho send ond die super fredlechi stemmig mitbrocht hend!...


bis bald im Zauberwald*

[pinch]

Jaaaaa Super party!
Geile Location, Leute und sound war also fett

Muss sorry sagen, wenn ich ohne gruesse weggegangen bin aber leider war ich wirklich zu müüüde.... ...K.O.
So, sorry an alle!

Hoffe bis nächste mal mit nadabrahma group!!!

Ciao ciao und viel Spass!!

Luca