celestine

[Shmahu]

heee... ich wür mi ja freue, wänner all chemted... aber dänn chan ich ja nöd mit eu de film luege, sondern dänn bini fürd party am umeseckle..


lieber dää samstig, gäg de abig und dänn all is künte!

[Taiph00n]

Mer chönti joh die ganz sach in 2 sessions ufteile, eimol bim hufise und eimol bi üs ...

So chönd die wo de film das WE nöd chönd luege, bim 2. mol go luege ...

nume sone idee ... oder simmer alli z'unflexibel ...

gruz

[Fallen Angel 2]

wie wärs dänn morn abig (friitig)?
ansunschte fändi am 16.2. au besser
plus chönted die wo nöd chönd cho, nächscht wuche immerno e zweiti rundi mache
oder halt sogar zwei rundene für alli
oder so

[Taiph00n]

Morn isch für mich nöd guet, muen de ganz tag massiere/massiert werde ...

Samschtig am obig bini voll debi ... denn chani nochli putze (ach ihr gebed eim wieder pfupf is füdle) ...

so, sägä nüt me, melde morn morgä/obig wieder ...

üsi wohnig stoht uf alli fäll ade bisherige date zur verfüegig, wenn ichs morn obig wüssti, falls jetzt doch no öppis am SA wür stattfinde fändi das supi.

guet nacht zäme ...

[piraña]

ääääääähm: ich wett ja nid unhöflich si, aber: wer het de film nid das mer da en wirt ohni d rächnig möched

[Amanita]

Hm, also i bin hoffentlich das weekend nöd umä und ansunschtä bin i uf jedä Fall obdachlos..
Film Nr. 2 chan er aber do cho abholä, aber ebä mer söt nöd störä.. pssst..

[Fallen Angel 2]

hm, aso 16.2. wär ja scho ok, aber nöd am abig, sondern am mittag.
wobii ich au nöd zwingend debii sii mues...
de film nr. 1 händ de taiphoon und chaya
so long
and thanks for all the fish

[blaues hufeisen]

guet, denn möched ihr am Samschtig scho mal en Video Session. ich bin leider ned ume.

a dem wickend isch so viel los, do wärded soviel energie entlade wärde. ond ich verhalte mich wieder mal

voll azyklisch ond gang mini batterie go lade...tststs..

[Fallen Angel 2]

wie wärs denn next wuche (23.)?
dänn händ die energieä wo ume sind, villicht chli ziit sich z'setze....

[dex]

Darf mer sich dem Gmüetliche, Esotherische Filmobe au als unwissende no aschliesse?

Klingt so als chönt i do mis Horizöntli no chlei erwietere.

[Fallen Angel 2]

Sei getaut äh willkommen

[dex]

Das freut. Bin Grundsätzlich flex und wohne die nächschte 2 weeks in Luzern. vo dem her nehmet kei Rücksicht bi de planing, sösch wirds eh z kompliziert.

i chume de eifach wenn Ihr sägit.

[chaya]

ja hmmm we gömer hie vor....
Was mer wör flashe isch e gmüetleche Filmabig mit znacht u aschliessend e (outdoor) Party.
I cha euch (so gern i o wett) ned zo mer hei ilade, wöu i momentan kli öberall wohne (Geld spare zum reise)
ja eatem, schwiiz esch kli
Möchemer morn i 3 Woche, sprich, de 7 März
Aso wer het denn sini Bude leer för üs Freaks?
Wär super schön wenn da wör klappe u jede wo de Film wott gseh, Ziit find.
öbrigens de Film esch uf dütsch we o uf english

Everybody is welcome

[blaues hufeisen]

also lüütlis,

Mini Buude isch für Euch am Friitig wie au Samschtig 7. / 8. März für alli offe. s'hend au alli platz (keis huus - 3.5 Zi Wohnig). aber wenn mer zum Taiph00n wend go, isches wüüükli au guet. whatever, hauptsach es gid es gathering.

wäge party nochher, kei ahnig was goht. aber party gits jo immer, wenn mer will

lg an alli ond schöns weekend+

[Shmahu]

7. / 8. märz isch super... juhee...