hi
Danke, danke, danke!! DANKE!!! für die wunderschöne, härzerwärmende reports!!!
macht mich ächt überglücklich wenn üsi chlini butterfly party acho isch.
isch en sehr bericherndi erfahrig gsi, vom moment a wo d idee entschtande isch bis jetzt zu dene reports! mit allne höhene und tiefene...
irgendwenn im november hani mal paar wundervolli lütlis zu mir iiglade zum schlittle. ich bin überrascht gsi dass fascht all woni iglade han de wäg in jura uf sich gno hend. ich bin eifach nur glücklich gsi sötigi mensche um mich z ha. au wenn sie sich nid all kennt hend zu däm ziitpunkt isches wie e big family gsi und es isch zumene unvergässliche tag worde. und ich übertrib nid wenni säg dasses en wändepunkt i mim (gfühls)-läbe gsi isch. ich chan mir kei bessere ziitpunkt und keini passendere charaktere für das vorstelle.
us däm höheflug use het sich denn min tatedrang manifestiert. ich han de schlittler gseit bi dr nöchste rutschpartie machemr e chlini schneegoa am obe.
öppert isch ganz bsunders begeisteret gsi und het sofort agfange mit mir plane... isch für mich völlig nöi gsi dass mini idee bi anderne so guet achöme und es het mir vill gä.
ich han denn all wo bim schlittle gsi sind nomal i dere konstellation iiglade zum d machbarkeit abchecke... dert het sich mis erste tief akündigt... denn eine vo de liebste mensche i mim läbe het uf mini iiladig nid gantwortet und ich weiss bis hüt nonig was schief gloffe isch. kein mux me ghört sithär.
s träffe isch denn doch duregfüert worde... kei antwort isch ja inere gwüsse hinsicht au e antwort.
tja an däm obe isch denn au dr absinth testet worde, also ja, das het zu de risiko iischetzig ghört *gg*
nid dass ihr uf falschi gedanke chömmet
ab da chürzi mini erzählige chli ab... es isch vor allem um planig gange, ufgabe verteilig usw
das ganze isch zum schluss immer stressiger worde und d arbeitsverteilig het au nid optimal kalappt. mir hend absage becho, plötzlich kei sound me und kei deko. und es isch im ruum gstande das ganze abzsäge.
aber wie ihr bemerkt heit, mir heis durezoge, und ich dänke es isch für jede e gueti erfahrig gsi. womer bis zum nöchschte mal mitnäme (fals es eis git *gg*)
und jetzt im nachhinein si mir au sicher all es bitzeli stolz im versteckte, dass alles so wunderschöööön worde isch. sogar s wätter het sich nid traut sich üs in wäg zstelle. mir hei üs schnee gwünscht für die party und genau a däm tag isch schnee gläge, und zwar usschliesslich a däm tag!
danke für euri energi flatterlis!!
us tiefstem härze DANKE pi, claudi, jan und pädu. merci dass ihr das alles möglich gmacht heit! 
und wills so schön isch:
MERCI roman und room31 für eure iisatz, artists fürs cho und s musikalische verzaubere vo üsne gäst, alex fürs shuttle fahre am morge und fürs feschthalte vo däm ganze gscheh, genau so wie mike!
han gwüsst wenn ich euch zwei han bruchi mir kei sorge mache dass ich mini canon au no mues füre nä! hends voll im griff jungs!
http://www.dideldum.ch und
http://www.seltsam.ch
bi euch gseht mis dihei wie im märliland us... NARNIA lässt grüssen!!
und last but not least: danke ihr geniale gäst dass ihr mis huus hend lo stoh... und ähm vor allem für die wunderschön stimmig und s liecht wo verbreitet worde isch!!!
bin überwältigt
PS nöchscht mal wird au s deko suva-gemäss ufghänkt... sorry for that
edit: hab mich da wo grawiedrend vertippt ghabt
tolle eltern!
,
hehe, musikalisch hani gar ke ahnig ka wer überhaupt chunnt o bi denn sehr überrascht gsi uf das tolle line up.
