Biomechanika 26.1.08 @ kulti wetzikon

[Galakticvibes]

Also zerscht emale möcht ich mich bim raphi ganz herzlich bedanke:D und natürlich au bi de reschtliche free flow foundation s isch ja eifach de hammer gsi
soo geil ihgrichtet und dekoriert isch d kulti i mine auge nonie gsi
am 9ni isch türöffnig gsi und dänn hend de raphi und ich ahgfange sounde de dancefloor het sich immer meh gfüllt und nach öpe 30 min sind scho meeeega viil lüüt am tanze gsi:-D s het eifach unglaublich viil spass gmacht det obe z stah und z sounde. für die erscht freeflowfoundation party ischs ja anderscht abgange, s het sogar scho fascht z viil lüüt gah!! isch ja ei riisigi sauna gsi uf em dancefloor, aber s isch eifach nuuuua gaail gsi

also raphi bi de nächschte fff party stahn i gern wider zur verfüegig zum chli soundä

[sonnenkind]

jo vielleicht mal noch nen kurzes resume von nem besucher

also leider bleibt mir der gestrige abend weniger in guter erinnerung. es sind ein paar punkte die hier kurze nennen möchte:

- wenn man eine party veranstaltet so sollten die veranstalter immer damit rechnen, dass auch behinderte menschen an die party kommen, so müssen also immer mind. 1 parkplatz in unmittelbarer nähe des eingangsbereiches vorhanden sein.
leider war dies nicht der fall.

- es ist schwer von mir zu sagen wieviel leute im kulti waren. defakto ist aber : es war vieeeeeel zu voll. wenn dort einmal panik ausbrechen sollte ist die hölle los, es wäre fast unmöglich dann wieder rauszukommen. ich denke das man sich hier an die gestzl. auflagen halten MUSS !!! (leider ist dies an indoors desöfteren der fall) ..... hier besteht dringend handlungsbedarf, oder muss erst noch was passieren ???


- dann :2 toiletten (mädels) für soooo mega viele leute ist absolut nicht hinnehmbar, wenn dann 1 wc noch ca. 1,5 std . wegen übergebens dauerbesetzt ist (wahrscheinlich zuviel drogen verwischt).. kann es ja wohl nicht sein dass man fast ne std. anstehen muss ..... neee das geht echt nicht leute !!!

- ganz schlimm war unter anderem die luftzufuhr im tanzbereich wie in dem raum direkt neben drann, es waren bestimmt über 30 grad auf dem floor!!! die luft stand ja förmlich, es wäre kein wunder wenn man sich hier einen hitzeschlag holt (sind noch andere mittelchen im spiel wirds lebensgefährlich. im nebenraum bekam dann dafür einen kratzigen hals und brennende augen weil er so dermassen verraucht war. ätzend echt..... unsere lungen werden sich gefreut haben.....

- auch die plazierung der baar war äusserst unpassend, gerade da wo immer reger durchgangsvekehr ist hat sich alles gestaut weil viele an der bar standen. (besser plaziert gewesen wäre sie wohl bei der garderobe)..


und das allerbeste war dann noch der eintrittspreis. 30 sfr sind völlig überzogen, da die veranstalter wohl kaum geld ans kulti abgeben müssen (da öffentl. gemeinnütz. amt ) .....


so kann ich unseren besuch als absolut verschwendetes geld und vor allem vergeudete zeit ansehen......
- meine meinung dazu -
adee indoor (das war vorerst die letzte) !!!!

[dalamascus]

Aso ich chan das überhaupt ned unterschriebe....

Ussert das mitem behinderte Parkplatz, das weissi ja ned.....

Klar hets viel Lüüt gha und es isch anderscht vollä gsie... doch ich hans nie sgfühl gha dases ZENG isch oder überfüllt... han da scho ganz anderi erfahrige müässe mache....

Ich denke sKulti isch sicher ned gratis gsie... gnau wie das line-up...!!!!

Heiss isches gsie abr das isch geil.... SKulti het so richtig ide Fundament afa zittere.... und de Holz bode isch fascht weg vibriert... n-smile_2711.gif

Es isch eifach de Hammer gsie.... Danke Raphi für de schöni abig....
Heschmer en anderscht deftigä abig beschert...!!!! und no jenschtä andere...!!! Hoffe du hesch au nochlie zyt gfunde zums gnüssä--->!!!!

Hoffe all andere wonni no troffä han und dörfe kenne lerne ä...---> so mich tätschts jetz is Bett....



ALLS WERETS 2 WUCHE FERIE GSIE!!!!! VOLL KAPUTT UND EXTREM ERHOLT!!!!!!

[Moon Boots]

Gratulation an Jägi und Raphi, ihr hend grad vo afang a geile Sound ufgleit und euches Set esch voll abgange (nicht zuletzt wege Chemicly - gell jägi). Am Afang het mer so schön Platz gha zum shake und wo denn Cämix cho esch und mitem guete alte Supervisor agfange het bin ich völlig i mim Element gsi, bis dahin die best Party vo dem Jahr, denn esches leider ganz anderst cho.

ALso als Kritik muess ich leider au abringe: Viel zviel Lüüt inegloh und do hets au nüt gnützt, dass ihr d'Kasse denn zue gmacht hend, i mine Auge hetti das viel Frühner sölle passiere. So esches leider dezue cho, dass es ufem Dancefloor extrem heiss wurd esch und d'Luft zemli dünn, mer hed ned chöne shake, ohni die ganz Ziit ah irgendöpperem azstosse, das hani echt schad gfunde, will so hani Sokrates meh oder weniger verpasst und nach Sokrates, han ich mir gar nüme die müeh gmacht uf de Dancefloor zgoh.
De Chillout hani eigentlich ganz gmüetlich gfunde, Temperatur hammergeil, aber wörkli viel zverraucht, bis mer sich drah gwöhnt hett, hend d'auge öppe 5 Minute brennt und für d'Lunge esches au recht bös gsi.

Jedoch esch de Sound eigentlich durchwegs hammergeil gsi, schad dass mers nid richtig hed chönne gnüsse.

Tipp für s'nächtschmal: beschränkte Anzahl Leute a la: Wer zuerst kommt malt zuerst!

Aja und dass es paar Lüüt immerno 30 Stutz hend müesse zahle wo zemlich spot cho sind, hani au chli überrisse gfunde, will bi sooooo viel Lüüt hender mit dene 30 Franke scho zemli viel Geld guetmacht gha und das ohni Bar .

Nichtsdestotrotz hani d'Party meh oder weniger gnosse (immerhin na 2,3 netti Lüüt kenneglernt) und eigentlich hätti die Party s'volle Potenzial für en unvergessliche Obe gha. Aber ebe ich bin mir sicher für s'nächschtmol wirds no geiler Raphi und für s'1 Mol isches ned schlecht gsi. Hoffe bischmer ned bös wege de Kritik .

Wirsch sicher no hammergeili Partys mache, mach wiiter so !!!

Cya on the dancefloor

[energetix]

So jetzt muss i glich min Senf dezue ge...

@ Sonnenkind - Das weg em Parkplatz verstahn i absolut ....

aber sust muss i (zu allne Kritiker) säge DAS ISCH HALT KULTI!! Bar staht immer am gliche Ort und meistens ischs es huere gedränge...has au ned lang usgahlte und bi früe hei, aber ebe cha mi ned bechlage - Kulti isch eifach so... Zudem isch eusi Szene eifach am wachse. Locations wo for zwei drü jahr no gange sind sind hüt eifach proppevolle.... Mini Best Party im Kulti isch Faschtheiligi Vorwiehnachtsrumplete gsi und det isch de hinder ruum ned mal offe gsi - sogar uf em dancefloor hesch chöne umegumpe wied wetsch. Und es het aso glich gnueg Lüt gha. Aber ebe Kulti halt.... Gigantischi Vibes uf chlinem Ruum...hehe

[Geckosio]

Naja, also ich für mich het die party au wieder mal viel zviel leutz gha.
Aber das war ja klar, wenn man die Kontrollen sieht; 5m Durchgang, 1 Securitas mit Schwarzlicht, 20 Leute wollen raus, 20 wollen rein. So haben sicherlich etliche keinen Eintritt bezahlt.

Auch fand ich, dass die Luft viel zu tropisch war. Ich dachte noch, dass das Kulti eine grosse Lüftungsanlage hatte, aber war wohl nicht eingeschalten.
Dazu kam noch, dass im oberen Stock eine HipHop Party lief, so dass die ganzen Hopser auch noch an der Goa anzutreffen waren. :enforcer:

Was Ihr aber sicherlich schauen müsst für die nächste Party:
Genügend Gehörschutz-Propfen (da seid ihr gesetzlich dafür verantwortlich)

Aber im ganzen, hat mir diese Party wieder einmal gezeigt, dass ich lieber auf den Sommer warten sollte, dann wenn wieder die Outdoor-Partys steigen.

[Sun tha Devil]

sooooo...... ...also vo mir als aller erschts mal es herzlichs daaaaankeschön a de raphi und a all vo dä free flow orgs.!...mer mues da ja scho unbedingt mal na erwähne, dass das die erschti vo ihne organisierte partys gsi isch!....und für das händ sie sich sehr müe gäh und sbeschte versuecht zmache was für ihri erfahrig möglich gsi isch!...super , wücki dankä vielmal ...mir mer muess dadezue erwähne, dass es 90% vo partyorganisatore mit es paar jöhrli erfahrigau nid gschafft hetted dem asturm vo lüüt standzhalte...
soo bevor ich zum sehr erfreuliche teil chume muess ich da zersch na paar feststellige korrigiere oder es paar illusione wohl ufkläre^^... ...aaalso dkulti zum miete isch sau tüür, wil die liebe kultibesitzer vor es paar jahr mal gmerkt händ, dass mer us de kulti viel provit chan schloh, somit choschted kulti ganz zum miete extrem viel, und baar mini liebe lüüt gaht nid öbbe an verastalter...da chönnt mer ja na en schöne bazze verdiene....nei, die wird vo dä kulti lüüt gstellt und zu de mieti in eigne sack gsteckt....also man bedenke, dass mer leider als organisator mues 30,- iitritt verlange zum sine uusgabe überhaupt grächt werde..so übel das isch dörf mer das nid de organisation ahlaste, sorry... =;
mir persöndlich isch es au sehr schleierhaft wie denn die uf so en horände priis chömed will scho a etliche vorgängige kulti-partys hani aso vo däre glohriche, neue superlüftig nid viel mitübercho wo die mieti wör grächtfertige...^^.... ...und wie scho vo öpperem vorgängig erwähnt, hätt sichd`population a tanzwüetige goaner ver 10-facht i letschte johr und dem aadrang mit de richtige location grächt zwerde erschient eim as sehr schwierig, will mini liebe lüüt...fahred ihr ane party zum fäschte und werded dänn vor de tüür abgwiese und hei gschickt ischs au nid rächt und es haglet negativi kritik....aso ihr gsehnd es isch es undankbars loos e super party wo denn au allne, hützutags schwerscht verwöhnte goa gänger zorganisiere und gracht zwerde....de standart isch gstige aber dlocations und möglichkeite gliichblibbe...also man überlege sich de querschnitt und die somit verbundene möglichkeite..^^....hmm...aso...
und namal muess ich sie biz wenigschtens in schutz nä...und zwar vowäge sicherheit und securitis ectr....ich mein sie händ sogar drah dänkt überhaupt securitis azstelle und wenigschtens ebiz versuecht das biene näscht under uufsicht zhalte^^....also a wievielne erst organisierte partys trifft mer denn das a ^^...und a vorgängige partys i dä kulti sind all....sicherheitstüre verschlosse gsi....was ich nanie verstande han...am samschtig sind all türe offe und für jedermann zuegänglich gsi! complimento
soo na as letschts dän han is den öbbe ....nei cih han gnueg so züüg gschribe... schluss ändlich händ sis sher guet gmacht au wenn nid alles erfekt und für all agnähm verloffe isch..aber ebe man bedenke es isch ihri erschti party gsi inere nid so eifach zbewältigende location...nüt für unguet mini liebe, aber ich han das nid eifach so chönne stah lah ....ich gang jetz zum für mich sehr erfreuliche teil ...

klein seralein



für eus isch es de HAMMER gsi!...mal abgseh vo dä platzverhältnis hinder, uf und näbetem dj-pult *g*... ...au da es riise komplimännt as partyfolk!!...ihr sind ja abgange wie es tuneds-radiisli ....es hätt extreem spass gmacht für euch zspiele und mit euch durrezstarte! ...au wenn mir üsi chleider all 10 minute hätted chönne uswinde, so tropisch isch es gsii ...dä sound isch durchwägs eifach nur extreem fein gsi und hätt mir persöndlich voll entsproche! ...es riise komplimänt uf däm wäg au namal im sokrates!...läck bisch du abgange, hammer sound und voll geili remixes..wooo...hihi...da hätt mis füddli nid chönne ruhigstah *g* feu mi scho ufs gmeinsame absounde und neui soundperle zkreire! ...au sdj set vor eus und nach eus uuund überhaupt..lääk...hammer gsi!...aso vo mir us chönntemer das im summer outdoor i de gliiche zämestellig wiederhole, wie wür denn das abgah. ..uhuuuu..^^..hihi...

abschlüssend namal es danke vielmal a alli, die tanzende, die schreiende, die quitschende, die organisierende, die musizierende, di durregheiende und alles useschwitzende *g* !!...für eus isch es es e sensationelli fuer gsi! herzliche dank!

Dancingdevil - Crew

sera, michi und pasci

[energetix]

10 Riese??? Fürs Kulti?? Ohni Scheiss??? Für das chöntsch ja en Villafete verastalte....

[Sun tha Devil]

hihi jaaa ebe mir isch vor es paar jahr au fascht de de deckel ufe gange wos das iigfüert händ^^...sowas vo ungrächtfertigt und so öbbis nännt sich "kulturverein"....^^...naja aber ebe mänsche, gäld und "kultur"....^^...haha...

en sunnige tag

[white]

no gschnell min senf zude kulti..sie isch tatsächlich tüür zum miete, 10 riese sinds nöd grad aber mit de securitas wo eigentlich pflicht sind ide kulti chömed scho es paar tusig franke grundchöschte zäme...ob dkultibsitzer rich werded drab sei dahingestellt, dass mitem geld aber endli mal e korrekti lüftig chönted ibaue wär scho ke schlechti idee...übrigens dstadt wetzike unterstützt dkulti nöd..sie isch au bim thema geld iehole autonom unds mischt sech niemerd gross dri, drum chömed au ke bulle uf de platz!

ja zude party, dbilder vodem künstler sind hammer gsi, und de sound isch au die ganz ancht vom feinschte gsii. wiiter so.

[jackomo]

also..

bi erscht am morga cho..aber ab denn, han i sehr viel alti bekannti gsichter gseh, wo hald erscht uf da morga chömend.han den bis am schluss no as guats fäscht ka...
thx a ali wo am schluss no det gsi sind...isch luschtig gsi
gruass Jack

[müstik]

bin erst gegen morgen gekommen, daher also die "sauna" nicht mehr mitgeschwitzt.... am morge isches denn mit der hitze und der anzahl leute no gange. danke an die org. hät mächtig spass gmacht bi euch zspiele... d lüt sind parrat gsi unds PA hät au guet tönt.

nur schaad dass sich immer so viel lüt münd weg knalle mit irgendwelchi substanze. wo mir acho sind isch grad es krankeauto weggfahre.

[Mirowsky]

sorry liebe leute aber bitte verzählet doch nöd so en seich wäge 10`000.-sfr.geht zur kulti..absolute seich!!
glaube wenn das so wäre würden auch 50.-eintritt nicht ausreichen!

die kulti kostet nicht mehr und weniger als alle anderen locations in dieser grösse und von wegen die bar
geht zur kulti (so viel ich weis bietet die kulti einen getränkelieferant an) ... infos einholen bevor mann solche
gerüchte ins netz stellt!

die kosten für die kulti bestehen aus:

hallen miete
reinigung
suisa

hinzu kommen vom veranstalter:

soundanlage
deco (auch wenn selber gemacht material ist nicht gratis)
artisten (bei live act`s zusätzliches equipment +flüge pro pers/teilweise hotel usw.
security
flyer (druck,gestaltung) usw. ist jetzt nur das was mir grad so eben in den sinn kommt

glaube mit 10`000.- bist du so knapp dabei mit den kosten für eine "small buget party"
das risiko das es andersherum läuft besteht auch..nicht vergessen

klar es geht noch günstiger aber.........

kleiner tip von wegen invaliden parkplatz... reden mit den leuten,es hat einen eingang wo
man/frau mit rohlstuhl reinkommt und einen parkplatz findet man in so einem momment sicher
auch...REDEN!!

[dalamascus]

10'000 : 30 = 333.3333333 party gäste für die hallen miete
fassigs vermöge vo de kulti... ca. gschäzt 600 lüüt..???
das heisst es hend no 277.7777777 lüüt meh platz mal 30/ihtritt git 8333.33 CHF für dActs und Deko etc....

abr alles nume über de dumä gschäzt....

und de rescht holt meh mit de bar usä.....

ANYWAY PARTY ISCH DE HAMMER GSIE---->!!!!!!!

pIzZ!

[energetix]

Würds au meine!!(Isch Hammermässig gsi) und sust warte bis Outdoorsaison wieder startet!