Die Holzhütte des alten Mannes

[Melliandra]

*Knuddel a dich* =o)

Hehe im Temparamänt und i de Überzügig dass das wo mier dänked nid ganz falsch isch,
simer wirklich biz glich. =o) Chichi das stellt mi doch irgendwie gad au wieder uf.

Das mit em Auto hani nur gschriebe, wills mer drum gange isch, dass mer nid alles chan ha.
Egal um was es sich handlet.

Ja schaffe isch en gueti Idee =o) obwol die Texte da inne ja au dezue bieträged dass ich freier chan
schaffe, nid no all die Gedanke mit mier ume schleppe.

Bis denn dann und so. =o)

PS: Du bisch durchus es Blüemli, viellicht sogar Königin/König der Blumen, nämlich dRose. Die hed ja bekanntlich au Stachle. =o)

[wuchenendbefürworter]

Also wenn ich das richtig verstahne: mer läbt so vor sich ane, und isch dadurch sich und das was passiert ergänzt sich sozsäge von allei. s'läbe gitt eim das was es eim gitt, und wämers cha aneh und au wieder loslah wenns weggaht isch mer einigi schritt wiiter.

Wär wunderbar, wänns so eifach wär. Eifach läbe. S git Lüüt, die wüsset das nöd und drum läbeds genauso und anderi, die wüssets und chönds drum nöd. Git natürli au sönigi wos wüssed und drum so chönd läbe und sönigi wos nöd wüssed und drum nöd so chönd läbe...
Ich zähle mich am enschte zu dene wos wüssed, aber nöd chönd umsetze. Min Chopf chan das nöd, eifach so si, eifach gnüsse. Er wot immer no am Gnuss umestudiere und ihn analysiere. Schlussendlech schissts de Gnuss a und er verschwinded. Han grad geschter mit emne Kolleg gred und bin zum Schluss cho, dass min Geischt sich vo mim Verstand abgspalte hät und ich muen versueche, dass die beide wider zunenand finded...

ich weiss genau was du meinsch... die scheiss dumm quaelende frage...um was gahts eigentlich, wenn mer sich entscheide muess...guets bispiel...
ich lahn den meischtens i so faell au e muenze entscheide... hehe...
das zeigt meischtens unentschlosseheit im laebe, aber glichzietig au offeheit, well du hesch ned immer de kaffi oder de tee wo du willsch trinke... daenke euses ich brucht veraenderige, um sich saelber vo allne siete choene zgseh und refektion devo... wenn weisch was i meine...
es isch es simpels bispiel wo du niedergschriebe haesch, seit aber so viel ueber e person us... oftmals sind doch genau so maensche au spontan ... und goend eigentlich au ihrem herz nah... well si ned all entscheidige rational faelled... und i de gliche routine...
... oder liegg ich da falsch?
maensche wo kei feschti vorstellige haend vo chline sache, detaill sache wie de bloedi kafi, sind offener fuer veraenderige... well sie eigentlich nur druf wartet, das si ihrem herz choend folge....
trotzdem muend sie au ufpasse, das anderi maensche sich ned en profit us ihre unentschlosseheit useziend.... gwuessi maensche gspuered, das so maensche wie du andersch funktioniered, sind sogar unbewusst niedisch druf, das ihres laebe so strukturiert und ''klari richtlinie" het.... wuenschted, statt jede tag de bloedi kafi, au mal en guete tee z trinke... ich daenke wenn mer nuem weiss was mer will isch mer ufem guete weg sim herz noecher zcho... nur de verstand schreit ues die ganz ziet dri...
...hoffe ha jez ned voll am thema verbigschriebe....

Also Entscheidige fäll ich ebe genau irgendwie viiiel z rational. Jedi Entscheidig isch wie die mit Kaffi und Tee. Mis Herz würd mer eifach säge mach das und würds nöd witer hinterfröge. Das find ich vil irrationaler, als en Verstand, wo eim dezue bringt abzwääge, was etz besser isch. Will schlussendlech muess mis Herz ja dänn glich entscheide, will me mit em Verstand nur ine Spirale vo Frage inechunnt, wo eim bi de Entscheidig nöd würkli wiiterbringt. Wäme an en Gott glaubt, was mir Mensche ja als "irrational" alueged, dänn isch s Einzige wo zählt de Glaube. Also das wo eim s Herz seit. Kei Frag, wo me no chönt witer hinterfröge. Han letschti zumne sehr gläubige Mensch gseit:
"Lueg, ich glaube nöd ad Bible und a Jesus, aber halte mir offe, dass alles glich chönd stimme. Wie isch das bi dir, haltisch du dir au offe, dass die ganz Gschicht nöd chönd stimme?" Hät de Mensch mir gseit, dass er das nöd chan. Und das isch für mich genau in etwa d Essenz vom Glaube, vonere Entscheidig wome mit em Herz fällt, es git gar kä anderi Möglechkeit. Da liit genau mis Problem und ich denke, ich bin da nöd de einzig.

Inere Welt, wo völlig rational funktioniert, oder ebe au nöd, find ichs viel schwieriger, am Herz z folge und eifach so sich selber zsi, ohni d Möglechlechkeit nöd sich selber zsi. Demit mein ich nöd, dass ich immer muen de bös sii, oder de melancholisch, oder de luschtig...
Ich mein demit, dass ich chan je nach Situation andersch sii, aber wenn dänn immer mit ganzem Herze...
Logisch ischs au nöd grad toll für e Selbschtfindig, wäme wie früener alles uf e Gottheit bezieht, dänn ischme irgendwie genau so wenig sich selber, wie wäme alles nur mit em Verstand macht. Aber ich strebe bi mir selber sone Vermischig vo beidem aa, und wieni scho gschribe han, müesst ich für das mis Herz und min Verstand in "Einklang" bringe.

@Melliandra:

Ja, da häsch du absolut recht, ich finds au recht iängend immer öppis müsse zsi. Aber wie bringt me dänn das Bedürfniss ane? Mis Problem isch nöd, dass ich immer wieder öpper anders bin, solang ich dejenig mit mim Herz bin, bins ja ich. Mis Problem isch, dass ich nie s Gfühl han ich seg mich selber, au wänni amne Bedürfniss folge, will das Bedürfniss nöd vo Herze chunt, sondern vom Verstand. Ich bin villicht scho de Spassvogel, de Chotzbrocke, de Künschtler, aber warschinli nur, wänn i das meh mit em Herz bin und weniger mit em Chopf...

[Melliandra]

Hm... hesch der scho mal überleid, werum dass dien Verstand meh seid als Herz, resp. lüüder red?

[Fallen Angel 2]

evtl. will de verstand logisch vorgaht, und sich e Stereoalag mit Mikrofon gleast hät.

tschuldigung

also ich gah mal devo us, dass das herz vill vill lüüter schreit brüllt und teubelet, aber mir eifach mit de ziit so "starch" worde sind, dass mirs ushaltet, es z'ignoriere - und mir werded jede tag stärcher, bis mer eines tages eifach nüme chönd, unds härz dänn wiene fluetwelle über ein innebricht und i dem wasser vo de träne erkänne mer's dänn plötzli, gsehnd klar.

...bevor eus de alltag wieder zruggholt.

[Melliandra]

Und was isch de Grund dass mier händ müesse/welle "starch" werde umd z'ignoriere meini?

[Fallen Angel 2]

ich finde will mer suscht nöd chönd (oder chönt) "funktioniere".
De Filter immer offe bhalte, isch eifach to much [dademit sind kei Droge gmeint]. Wenn Du i jedem Moment vo dim Läbe Bewusst wärsch was grad i dem moment uf de Erde abgaht, wämmer sich jedere konsequenz vo sinere handlig jederziit bewusst wäri (co2 produktion isch nur eis vo villne), wie chönt en eifache mänsch das ushalte?

[Melliandra]

Das stimmt. Also wär doch de Wäg, öbis z'ändere. Klar mer chan nid die ganz Wält verändere, aber mer
chan mal de Afang mache.

Weiss aber nid öb de wuchenendbefürworter das gmeint hed...? Ich hät jetzt sin Text anderscht interpretiert. =o)
Aber ich hühte mich davor wieder en Annahm z'träffe. Ich bin lernfähig ;o)

[piraña]

...oooooooooooooooooooouuuuuuuuuuuuu...
...immer ihr mit euchem ändere...wie wärs mit eifach mal so si, wie mer isch...viellicht isch alles guet, so wies isch...oder so, wie ich bi...oder so wie du bisch...susch seklemer bald die ganz zit irgendwellne veränderige hindedri, und vergässed, dass mer sind - ihr, du und ich...ich bi für so si, wieni grad bi, und wenn mir denoch isch, de tuni mi...


...verändere

[juerg]

genau

Ohne sich mal genau so zu akzeptieren und lieben wie mann jetzt ist
wird sich das Ego massiv gegen jegliche veränderung wehren
und einen inneren Krieg auslösen

Einfacher gesagt als getan...aber ich glaub da muss-darf mann durch

z.b.Louise L. Hay hatt dafür, meineserachtens, sehr hilfreiche metoden entwickelt.

[piraña]

...also, ich hatte mal nen grossvater, der hat sich nie gsucht...der war einfach da...es schien mir damals wie auch jetzt, er wäre der mensch in meinem leben gewesen, der sich gefunden zu haben schien...jetzt ist er zwar woanders, aber, so wie ich ihn kenne, wird er auch jetzt nicht suchen - egal wo er ist...hey, grossvater, ich weiss, wenn du das hier lesen könntest, dann wärst du stolz auf dich - immerhin kenne ich einige menschen - doch die meisten sind halt auf der suche...vielleicht sieht man sich...machs gut










nachtrag: jetz hani ändlich zit und muet gfunde, dis churzgschichtli durezläse, FA2...de ischtieg isch für min gschmack chli überrumpelnd - öb ich ächt wäge dem bis jetz nid witergläse ha? zum glück wirds nacher eifacher zum läse...han aber trotzdem öpis uszsetze - nid ade gschicht, sondern a dim schribstil...ich döff langsam behaupte, ich heig einiges us dinere fädere scho gläse...und ich wirde s gfühl nid los, dass du i dem gschichtli versuchesch extra nid so z schriebe, wie das de mir bekannti FA2 gmacht hätti...du versuechsch anderscht z schriebe, inere inder ältere sproch, die aber nideso ehrlich überechont, wie dini eiget...du hesch doch din schribstil...versuech dem treu z bliebe, au wenns viellicht nideso spannend würd töne...und ich has gfühl, es würd au uf dini sproch genial überecho - wenn nid sogar no besser...

...die hüttige bestseller-autore hend trotz allne versüech, sich irgendwo en schribstil azläse, azeigne, z kopiere, oder so, immerno die gröscht hürde, dass d läserschaft ihne sött abchaufe, dass sie sälber sich und ihrem stil treu blibe söttid - süscht sinds schnell wäg vom fänschter...und mir würd grad glaub niemer i sinn cho, der behaupte döffti, im FA2 sin schribstil sigg sonere gschicht nid würdig...


...ich cha dir nor empfähle, dass du witer drablibsch mit dem schribe...du machsch ständigi fortschritt - und wenn drablibsch, de läsemer eines tages dini büecher, und zwar nid nor romantisch füre Romantisch, sondern au Weise für MF-Greisinnen und Greise...(Viellicht mit Rabatt und Signiert )

Weiter so: FA2

...was zum alte ma no z froge wär: welli symbolik steckt hinder de pfiffe? isches d weissheit, gnuss, oder eifach nor dini art, d gschicht chli spannender und mönschenöcher z gschtallte, als sie ehe scho isch?

der kleine >( `,)

[Anam Cara]

dein grossvater war vielleicht auf der suche nach was anderem... ich denke diese selbstfindungssache beschreibt unseren heutigen zeitgeist zimlich gut....
so wie die welt sich dreht und staendig veraendert, so schreiten auch wir voran mit unserer entwicklung und unserem bewusstsein.... klar gab es schon frueher menschen die sich den kopf ueber sich selbst zerbrochen haben,dennoch denke ich das dies heuzutage viel verstaerkter ist als damals....
es passt doch ganz gut in diese zeitperiode hinein...