Tschüss Blocher!

[dalamascus]

kai sorgä....
han gad mit Ihre telefoniert....
und sie wiärt ahneh....

falls suscht no öper mit de frau SCHLUMPF telefoniere will
hani da no dnummerä...

117

[Samuel]

Schad um dä Bloch, dä isch gar nid so schlecht gsie wie alli tüend.
Er hät mol mr Zupf im Arsch als dä ganz restliche BR. :minigun:

[DenkMal]

Hm freued euch nöd z früeh, i denke nöd, dass d schlumpf wird ahne
allerdings tuet si mer schochli leid, esch sicher nöd sones tolls gfüehl wemmer vode gegner gwählt wird
de bundesrat bestot us 7 mitglieder.i versto eifach nöd wieso mer um de döddel sone riise wirbel macht. das hämmer schomal gha :minigun:
de typ passt nid in bundesrat.

[Amanita]

Für alli wo findet, d Frau Widmer-Schlumpf sölli d Wahl zur Bundesrätin anäh, well sie vom Parlament mit em absolutä Mehr dafür gwählt wordä isch, chönd do underschriibä und sie chli motivierä.
http://www.mitsprache.ch/

oder ihrä grad äs Email schriibä
Eveline.Widmer@dfg.gr.ch

I findä eifach äs cha i däm Land nöd sie, dass eim vorgschriibä wird, was mer z wählä het.

[Taiph00n]

Trotz allem Mediahype wo de Herr Blocher begleitet hend:

Übel A mit Übel B ersetze :snipe: isch kei lösig, do Übel C, D, E, F, G und H jo immer no vorhande sind ...

1500 VR-Positionen uf 300 Parlamentarier ... und mir nennet üs e Demokratie ...

Ts Ts Ts

[Cat]

Isch na ganz interessant z'läse, was so i dä Ziitige staht vom Ussland

http://www.sueddeutsche.de/ausland/bild ... 0/?img=0.5
http://www.spiegel.de/politik/ausland/0 ... 02,00.html
http://diepresse.com/home/politik/ausse ... e/index.do
http://www.vaterland.li/page/newsticker ... 65&rubrik=
http://www.lemonde.fr/web/article/0,1-0 ... 885,0.html
http://www.nytimes.com/2007/12/13/world ... ref=slogin

[Zauberwelt]

Evelyne hat die Wahl angenommen! Supii!

[Tribalis]

Jupiduuuuu, sie het "ja" gseit

[biberfreund]

Abzotteln!

[Samuel]

Hoffentlich chunt das gut usä i dä nöchste Johr.
Ich glaub nöd das die Wahl für Schweiz unbedingt gut sih wird.
Mir werdes jo gseh i dä nöchste Johr

[dalamascus]

hehe jetz fanget de christopher ah mit sich selber zdrohä..
sini rehd am schluss het ja eidütig zeit das ned ganz hundert isch... heheh

abr endere wiert sich glich nüüt...

[Tribalis]

Hoffentlich chunt das gut usä i dä nöchste Johr.
Ich glaub nöd das die Wahl für Schweiz unbedingt gut sih wird.
Mir werdes jo gseh i dä nöchste Johr

Wens nid guet chunt, isch d svp schuld. Verstande die Partei nid, die ganz ziiit laberes dervo wie wichtig d demokratie isch und jetzt häns zwei sitz im Bundesrat, wo demokratisch gwält sin, und akzeptiere die nid und gön i d oposition ?? Was hän die sich vorgstellt, dr Blocher z klone um die zwei sitz z belegge? Mit dere Aktione mache sie sich zur lachnummere und sin nüm ärnscht z nä.
Jetzt sin mr mol gspannt wie die neui tageszitig usgseht wos wän bringe

[Tribalis]

Dänke das sich d SVP im neste joor wird Spalte in en exteme Block (ZH) ohni Bundesrat und en gmässigte Block (GR,BE,SG u.s.w) mit de zwei Bundesrät. Das wär für d schwiiiz und d Partei die best lösig. Und so wirde vielicht au ich mal für d svp chönne stimme, well die gmäsigte sicher keini so menscheverachtende kampanie wie dr zürcher Block wird füere und so viel glaubwürdiger werde si. Dänke das isch au im sinn vom Volk wen me aluegt was bi de Wahle mit em Blocher,Brunner,Maurer (alles extremi exponänte) passiert isch

[müstik]

bin mir auch nicht sicher ob das ein guter entscheid war. gut blocher hat schon seine macken aber wer kennt die schlumpf ? NIEMAND ?! das war doch nur ein machtspiel der gegenparteien.... scheiss chindergarte was det abgot in bern.

[Janosch]

Jetzt sin mr mol gspannt wie die neui tageszitig usgseht wos wän bringe

Die reden ja schon seit Jahren davon und habens nicht zustande gebracht. Die WOZ hat ihnen schön die Show gestohlen mit ihrer satirischer Ausgabe "Der Schweizer" :

http://www.dereidgenoss.ch/picture_libr ... weizer.pdf