24.11.07 High Energy @ Biella Factory Biel-Bienne

[industrialsun]

hehe, ig gange grundsätzlech scho längers nümm a indoors, eifach wüus absolut nid s gliiche isch wie outdoor!

und ig bi de roucherin und ha dr sound gärn eher hert (irgendwo zwüsche hertem fullon und "tanzbarem"-dark), aber das meini nid drmit.

du wirsches verschtoh @dragonfly, schpöteschtens (und am beschte) nöchscht früehlig!

[windkind]

So, itze schrib ich doch ou mal chli öppis über die Party

I bi so um die halbi Eis ume aacho, und ha leider nume no es chliises Stückli vo Silent Sphere ghört, was mer aber sehr gfalle het. I hami bsunders gfröit dr Simel und dr Herr Kuoni wiederemal so richtig fesch ds drücke, gseh di Giele vil ds wenig

Hm, aber eigentlech müesst ig früecher afa, und zwar am Frityg. Am 7i am Abe, nach emne meh oder weniger stränge Arbeitstag, hei dr Lockvogel und ig üs im Rüümli troffe, und üs ad Vorbereitige füre Samschti gmacht. Si de ou rächt wit cho, und am Samschti scho am Mittag voller Tatendrang wider dra. Am sächsi isch es de zyt gsi, obwohl nonid fertig, sich richtig Altstadt ds bewegä, um mit vilne guete Fründe und em Yonatan aka Bliss es sehr glungnigs Fondue ga ds ässe.
Mit em ne wohlige Gfüel im Mage vom Chäs, und Chopf vom Wiiswii+Kirsch, heimer üs mit Unterstützig vor Sarah a Abschluss vom Rüümli gmacht.

Nachdäm ig no ganz e liebe, und mir sehr wichtige Mönsch a Bahnhof bi ga abhole, isches de ad Party gange.

Nach de Stille Sphäre, het üs dr Bliss so richtig düre gno. Düre gfi...t, wär dr besser usdruck... Mega ultra hert, das wär ja no gange, aber devinitif zweni Struktur, ha mi nid treit gfüehlt, eher verschlage...
Bi de ou scho gli am Lockvogel ids Rüümli gfolgt, und hami gfröit uf alli, wo dr Wäg zu üs gfunde hei. I bi überrascht gsi, wi guet mir (Dj's Lockvogel, Solaris, Ig und Djane Ela) zäme hei gspilt. Füre Lockvogel isches nid eifach gsi, mit drü so Brätterer uf ds legä, aber e het sech wacker gschlage, finde ig
So gäg di sächsi hets üs de ou wider übere zoge, und ha no dr Räschte vom Solaris dörfe lose. Isch uf gewohnt hertem, aber sehr guetem Niveau gsi.
Und denn ischer cho. Bliss Live. Und mir hets d Sprach, und ou süsch alles verschlage. Brachial, erbarmigslos, ultrafett, und gliichzig intelligänt und abwächsligsriich! I bi schlichtwäg überwältigt gsi!! Und woni chli zu ihm ufe bi ga spienzle, bini ou sehr positiv überascht gsi, wivil dä giel effektiv live het inegspilt. Möcht itze niemer ufe schlips trätte, aber ig findes truurig, weme vilne "live" Acts zueluegt, wo mit em Laptop, und wes höch chunt mit em ne Midikeyboard ire Sound präsentiere. I cha d Beweggründ nachvollzie, und es erwartet au niemer es Setup ala Star Sound Orchestra, aber chli öppis sött scho ga, uf derä Bühni. Drum, BIG Respect a Mr Bliss!

Zu mim Set möchti nid dsvil sägä. Ha ds gfüehl gha, dass ig ds lang ds schwäre Sound bracht ha, und dass vili a liechterem Sound meh Fröid hätte gha. Leider hani mi so fescht uf das Set vorbereitet, wi no nie, und bi drum bis ca zur Hälfti rächt blockiert gsi. Hamer ds vil vorgno, und ha drum mini flexibilität verlore. Mis 2.letschte Lied wär eigentlech dr Abschluss gsi, aber dr Supercell het denn halt no ir Toilette müesse Aastah Drum het mir persöndlech dr Abschluss ou nid so rächt passt...
Schlussändlech hani einige sehr positivi Feedbacks übercho, und das het mi mega gfröit. Merci Ilja fürs SMS, Dänu füre call, Simu+Sarah sowiso, und vorallem Ela für dis Tanze, isch u schön gsi, dir dörfe zuedsluege, und dini Presänz ds gspüre
Vom Supercell hani de nüm soviel mitbeho. Bi überrascht übere amtlich begloubigt Druck, wo sis Material het. Di paar Stück am aafang hei uf au Fäu nomal so richtig grockt!! (wed das lisisch, gimer doch schnäll es PM mit dire Mail, so wäge Booking und so )
I hami de glii id Altstadt verzoge, woni mit dr Ela gemütlich bi ga zmörgele, und dr Sunnti verplämperel....

Alles i Allem e Mega herti, aber sehr glungnigi Party. Klar, ds Soundsystem isch vor Qualität här nid dr Hammer gsi, das hani ir Biella ou nid erwartet, aber wenigschtens hets zumindescht im vordere Teil schön Druck gha.
Ds Deko isch Bio Live (Robert) typisch genial gsi, und i bi schwär beidruckt, ja berüert vo dä Tüecher vom Ramon gsi. Sälte so öppis Schöns gseh!
Merci ou no a ds Team vo Fatality. Klar isch ire Background nid umbedingt Goa, drum findis kuul, sueche sie sech lüt us dr szenä, um gueti Partys ds veranstallte, ou wenn halt ds Feeling när nid überal 100%ig stimmt (Security, Bar...). Schlussändlech sis ja mir, d Gescht, wo d Stimmig ufem Floor usmache.

@ Dragonfly: Sorry, dass di ganz Nacht soo hertä Sound wird lose, hani nid dänkt. ha ou nüme gwüsst, dass dr Bliss no Dj Set macht. Es isch definitiv nid, gar nid Dark gsi, aber halt extrem hart, und bis fasch am Schluss.
Schliesse mi a de Tipps a: Gang ds nächschte mal ane Outdoor, deert chasch di ou vom Floor entfernä, wes dr ds agressiv isch. Oder du chunsch am 29.12.2007 i Chessel ds Biel, dert wirds definitiv Sound für di ha, und ds Sound system wird ou um Klasse besser si...

So, soviel hani no hie no nie gschribe , hoffe, isch e chli unterhaltsam zum läse gsi

No nes Messi a Lockvogel, bi grad verläge worde, woni Di Bricht ha gläse

Enjoy the Moment

und soon under the Moon!

[Titali]

Oder du chunsch am 29.12.2007 i Chessel ds Biel, dert wirds definitiv Sound für di ha, und ds Sound system wird ou um Klasse besser si...

*uhahahaha*
don't miss it!

@windkind, wieso luege die ir biella nid mau fürnes besser soundsystem???
isch en grund, dass ich nüme chume sit letschts jahr - ha mer das einisch ado *bäääh* & *grübel*

[Dragonfly]

Hmmm, und wie isches im Chessu mit Rauchvorschrifte? Mini Hoor stinke no itz nach Rauch und nomou wotti nid i sone Räucherofe ine müesse.
Oder hets dört irgendwie es guets Lüftigssystem oder so?

[tinu the PsySchlumpf]

Hmmm, und wie isches im Chessu mit Rauchvorschrifte? Mini Hoor stinke no itz nach Rauch und nomou wotti nid i sone Räucherofe ine müesse.
Oder hets dört irgendwie es guets Lüftigssystem oder so?

Rauchvorschrifte WTF?!? Der chessu isch doch die gröschti huere Siffhütte überhoupt!
Tue dine arme rauchempfindliche hoor e gfalle und blib wäg vo indoorpartys.

[Titali]

Hmmm, und wie isches im Chessu mit Rauchvorschrifte? Mini Hoor stinke no itz nach Rauch und nomou wotti nid i sone Räucherofe ine müesse.
Oder hets dört irgendwie es guets Lüftigssystem oder so?

Rauchvorschrifte WTF?!? Der chessu isch doch die gröschti huere Siffhütte überhoupt!
Tue dine arme rauchempfindliche hoor e gfalle und blib wäg vo indoorpartys.

uha dragonfly... chessu isch pure siff!!! viellecht geisch gschider ane anderi paaarty, obwohls indoor geng gruslig rauchig isch!

luft im chessu isch aber rächt früsch, wües höch isch... but up to you... take it easy, schüsch hets au geng es gmüetlechs füüürli outdOOr vorem igang

[tinu the PsySchlumpf]

uha dragonfly... chessu isch pure siff!!!

Aaaaah SIFF, i liebe Siff!
Es geit doch nüt über e priise guete stinkende siff. Chönnt nüm läbe ohni siff. Siff isch eifach s'geilste!

[Titali]

*ichwelzmichimSIFF*



p.s. bi all dem siff sind derfür barprise au apasst

[tinu the PsySchlumpf]

*ichwelzmichimSIFF*

Yeeeah baby *mitwälz*
Los dragonfly mach mit, mmmmmh dä rassig rauchgschmack i de haar macht mi ganz kribbelig, siff macht glücklich, siff macht schön, siff macht froh, mir isch längwilig im büro, es drüfachs hiphiphurra ufe siff! :chain:

[Titali]

YeHa tinu-babe
SIFF isch edel, siff macht jung und glücklech, siff isch günstig und het eifacht style...
los dragonfly join us und wenn de chunsch spändier ich dir es richtigs chessu SIFF bier *hihi*

*LOL*
please don't stopp!!!

[tinu the PsySchlumpf]

Ode an den Siff

Siff, du schöner Götterfunken,
Siffer aus Elysium,
Wir betreten mit verrauchten Haaren,
Chessu, unser Heiligtum.



loooos dragonfly, chum mit üs, la di entfüehre i die wunderbari wält vom S.I.F.F.
Mir wei doch nume das du glücklich bisch!
Ooooh siff, i chönnt nie meh ohni di si, du bisch mis ein und alles!

Yeah siff, gibs mir du Sau!!!

[Dragonfly]

Naja, mou luege. Vilicht hani denn eh öbbis anders vor.

Hmmm und was "Siff" aagoht.....dä Begriff heisst im Änglische umgs. öbbe s gliiche wie "dirt".

[tinu the PsySchlumpf]

Hmmm und was "Siff" aagoht.....dä Begriff heisst im Änglische umgs. öbbe s gliiche wie "dirt".

So eifach isches ou wieder nid... SIFF isch nid eifach gleich "dirt", siff isch so öpis wie der Rolls Royce unter de "dirts".

[Titali]

tinu du bist ächt dr geilst

Siff, du schöner Götterfunken,
Siffer aus Elysium,
Wir betreten mit verrauchten Haaren,
Chessu, unser Heiligtum.

AMEN

lass dich entführen in die wunderbare und magisches welt des siFFes und durchlaufe versiFFt den raum und die zeit im edlen glanz des siFFes!!!

läck, mir sind völlig offtopic *hahahah* who cares, dr siff ämu nid!

p.s. tinu, wenn dr dragonfly nid chunt, spändier ich dir halt zbier right

[tinu the PsySchlumpf]

tinu du bist ächt dr geilst

Merci glichfaus, ha hüt grad mini versifft kreativi phase!

p.s. tinu, wenn dr dragonfly nid chunt, spändier ich dir halt zbier right

Ja huere gärn, i chessu gani aber nur sälte, dä lade isch mir normalerwis es bitzeli ZU versifft für mi Gschmack!

läck, mir sind völlig offtopic *hahahah* who cares, dr siff ämu nid!

Der Siff sicher nid, aber vilicht der WAYNE?!