@Sunshaker
ich chume doch nöd drus, wänn du mir das so seisch, mensch.
ich wür ja gern kapiere, was du meinsch, mit "los uf din buuch" aber min buuch isch doch genauso unzueverlässig wie mis hirn. ich bin i dene situatione wos mir guet gaht durchus fähig, all mini fähigkeite iizsetze um kontakt und freud z'ha aber es gaht nöd um die situatione sondern um die wo ich nebe lüüt stahne im reale läbe, nöd ineme forum, wo ich gern han (oder zumindest glaube, dass ich sie cha gern haa), und nöd mit dene cha schnure, egal ob wichtig oder nöd wichtig.
let it be - funktioniert dänn eifach nöd - das isch ja s'blöde dra.
let it flow - au nöd.
think about it - au nöd.
just do it - au nöd.
irgedwie muess es e eifachi, megakomplexi, liecht umsetzbari, iiprägsami und immer awendbari lösig geh für das problem, will es gitt ja lüüt wo das problem nöd händ, also was händ die tscheggt, wie händs das tscheggt, warum händ die das tscheggt und ich nöd, obwohl ich teils vill länger uf dem planet bin als die (bis zu 12 jahr länger), und soooo viel drüber nastudiert, sovill scho empfunde, so vill mal innerlich gstorbe bin, sovill mal en phoenix wore bin.
und immer no die blockade spüre mit mim buch, drüber nadenke mit mim hirn - und jetz eifach mal ändli en antwort will ha, wie mer das macht, "eifach du selber sii" wie mer das macht "eifach ehrlich zsii zu dir selbst" wie mer das macht "eifach spontan sii".
wänns so eifach wär, hättis doch scho längst gschnallt. oder bin ich soooo doof?
](./images/smilies/eusa_wall.gif "Brick wall"){kind=small}
