Wo mir am Bahnhof in Wolhuse acho send, hemmer natürli kei Plan gha womer ane muend, esch ja nume was vo 2Km richtung Entlebuch oder sowas gstande. Zum Glück het denn en Taxifahrer agfange Shuttle Dienst zfahre. Zwar hets pro Person 10.- kostet, aber naja, immerhin hemmer ned 4 Stund müesse laufe
.Womer denn ade Party acho send (ca. 21:30), hets denn langsam agfange mit Progi glaub. Weiss ned wer ufgleit hett, aber de Sound esch hammergeil gsi und ich bin grad nüme vom Dancefloor wegcho. De Dancefloor dinne ide Schüür isch ganz gedige gsi, will mer im T-Shirt hett chöne abgah, ohni dasmer sich verchältet. Nach dene 2 Dj's esch denn glaubs Orgon Flow cho. Oje, de Sound gaht ja au hammermässig ab. Es esch en perfekte Übergang gsi vo dem MinimalElectroProgi zum Sound vo Orgon Flow. Leider hett ihres letschte Lied en Störig gha und so eschmer nedmal dezue cho zklatsche. Ich wett do im Nachhinein no sege, dass es mega Spass gmacht hett zu euchem Sound ztanze und de Sound gaht voll ab. Nacher esch denn de Muestik dra gsi und hett wie immer konstant geils Set bracht (Übrigens at Muestik: wie heisst das Lied mitem Daft Punk ischub, make it faster oder so, und wie heisst das Lied mit ergendwas vo 3 Questions: How do u like sex?,(Hett tönt wie vo Eskimo) wär schön wend mer wördsch schriebe
). Nacher wo denn de Phantomas afoh uflegge hett, esch d'Stimmig au grad nomol es Spürli wilder wurde und all send am shake gsi hammer. Nacher beni mal go schlafe und weiss ned gnau wasi verpasst han, jedefalls esch denn mal de Jackomo am Dj Pult gstande. Am Morge hani eifach nüm so möge tanze obwohl paar geili Lieder cho send. Falls de Dj mit de Chappe de Miguz esch,(eschmer so verzellt wurde), esch na speziell gsi wedermal s'Deeply Disturbed vo Infected zghöre, aber immer wieder geil und au vo Bizzare Contact - Massive Agressive, hammer Lied!!So, obwohl mir no es rechts Stück ufem Heiweg händ müesse laufe, bis eus en fründliche Typ mitgnoh het, bin ich ziemlich fröhlich vo dere Party heigange und es hett sich uf all fäll glohnt. Hoffentli gets wedermal so es gmüetlichs Festli, irgendwo abseits im Luzerner Hinterland, womer nedmal mit Swisscom Empfang hett xD, womer die ganz Nacht chönd tanze und freud ha.
Danke vielmals an Phantomas und die ganz Orginastionscrew!!
boom
g*
eventuell schribi denn mal na en
.