Feuerwerk

[Psydog]

So, äs chlöpft und bollet wieder rund ums Huus uma! :rock: Miinem Hund gfallts sit geschter wieder gar nümm.
Also gits nur eins: Türe und Fänschter verriegla und klassischi Musik, so luut bis da Nachbar kunnt, laufezlah.

Also ich hasse Füürwerk! Und das scho sit miinere Kindheit.

Würd mi mal Wunder näh, wia ihr so zu däre Chlöpferei stönd!?

[Fallen Angel]

mich erinneret das as militär... gfallt mer gar nöd...

[Mirowsky]

also ich find de ganzi %&* zum&%%ç

mir wirds jedesmol übel wenn ich nur dra denke wieviel geld do in himmel ufe pulveret wird..mit dem geld chönnt mängs chind wieder e rechti mahlzyt zu sich näh.

[Psydog]

mir wirds jedesmol übel wenn ich nur dra denke wieviel geld do in himmel ufe pulveret wird

Da hani geschter grad as guats Beispiel gseh zChur voreme Warehuus. Da hät doch so en Vater mit 2 Kind für sage und schreibe 1429.-- so Schund kauft. Hät mr fascht eina gäh bim verbielaufe, wo i da Betrag gseh han uf dr Kasse! :tfrag:

[Saphira]

Ah da bin i ja froh, bini nid di einzigi, wos totau überflüssig fingt.

Aus Ching bini mi aube bim Mami ungere Rock ga verstecke, wes Fürwärk losgange isch

Hüt fingis zwar schono schön zum aluege, wes es guets Füürwärk isch, aber i würd nie Gäud defür usgäh u äbe, es hetmer letscht 1. August absolut nüt gfäut, wos verbote hei z füüre, so würds mer au nid i Zuekunft.

[müstik]

hihihi ich mag frauenfürze

[Fallen Angel]

Hüt fingis zwar schono schön zum aluege, wes es guets Füürwärk isch,

hm, das stimmt au wieder, so es zürifäschtfürwerk oder riifallbelüchtig, das isch scho schön, zum aluäge, aber das isch au proffessionell ufzoge und nöd sones umegeböllere ide nachbarschaft..

das choschtet zwar defür au no chli meh...

[blunafairy]

hihihi ich mag frauenfürze

*lol*


ich denke auch immer ans geld und was man alles damit sonst anstellen könnte. klar, ein grosser zuckerstock gefällt mir auch. aber hey, ein zürifäschtfürwärch.... e halb stund lang!! ?? hallo??? geit's no? nach 10 minute oder ere viertel stund möge doch eh di meischte nümm ufeluege... aber äbe...

[ninasch]

hmmm...han dem gechlöpfe au nur als chind was chönnne abgünne...und jetzt hani selber chind...und wills doch damals so schön gsi isch am 1. august, chani mim chline schlingel das doch nöd vorenthalte...wie die äugli lüchtet will er mit em papi dörf chlöpfe....und denn die bengalische zundhölzli...

aber für d'tier ischs scho en stress, das stimmt...wo sich echt mis büsi verchroche het?*umegüxel*

na ja nüt für unguet, gnüüsset de 1. august er isch scho gli wieder verbii..


PS: han sogar fähnli ufghenkt*lach*...ich bin ja so en patriot...höhö

[Amanita]

Für misch isch das eifach nur Lustverschmutzig..
Die richtig grossä sind zwar schön, aber miner Meinug no au eifach zviel Geld, aber naja.

Bengalischi Zündhölzli und dä eint oder ander grossi Vulkan, meh hend mir eh nie gha.
I han mol ä Wuchä lang Fürwerk verchauft, chli schokierend. I finds jo scho chli chrank 50 Fr. für es bitzli Rauch uszgäh, aber es het soviel gha wo mindestens 500 Fr. zahlt hend. I gang dänn mit dem Gäld doch lieber id Ferie..

[Psydog]

Bengalischi Zündhölzli und dä eint oder ander grossi Vulkan

Gäg so Sache hani eigentlich au gar nix zum uussetze. Naja, für dUmwelt ischs halt au nid grad dr Hit!
Aber i han vorallem was gäge dKlöpferei! Und das nur wäg da Tier. Egal ob Huustier oder Wildi Tier. Für dia muas das än Megahorror sii!

Da mag a Party ja direkt aagnehm sii für an Hund.
Aber das isch a anders Thema, wo imene andere Thread diskutiert wird!

[604freund/Psykas]

also mer hend geshcter es chliises feschtli gha, und i und de kolleg hend je 100fr usgeh, ufeme holzpalett alles zämeghänkt, und es hett emel super uusgseh för die guet 200franke womer investiert hend! i finds selber au gstört was lüt do für geld lege lönd, und wasmer met dem gäld gschiiter chönti mache, aber jede git sis gält för sache uus wonem freud mached, und au ehr hend secher sache, hobbys oder so, woner geld lege lönd, wo en andre wör säge, dasmer da geld besser chönti investiere! jedem das seine, isch ja nur 2mal im joor wos chlöpft und tätscht! und wäg de tier, dasmer die wilde ned chan devo schütze esch klar, aber dhuustier muemer halt eifach a dene öbig iis huus ieneh, und dfänschter zuemache!
grüessli

[Ajanix]

Da mues ich mich wohl vo de masse da ine abhebe

Ich han als chline goof füürwerch scho immer gliebt und welle azünde... da mir aber dsparsamkeit id wiege gleit worde isch, bzw. wemer öppis chauft, denn was richtig, halt ich mich in gränze mit so gstörte massechäuf... mer chan a wenig mängisch meh freud ha als a tonnewiis...

Und so freue ich mich uf jede 1. august im jahr, das isch min lieblingsfiirtig...

Ich chauf mer 5-6 schöni groossi ragete wo würkli au schön sind und chans jetzt scho nüm erwarte go züsle



klar... umwältverschmutzig isch scho sones ding, aber ich denke eimal im jahr isch no verträglich... da gits also scho schlimmers...

Miinem Hund gfallts sit geschter wieder gar nümm.
Also gits nur eins: Türe und Fänschter verriegla und klassischi Musik, so luut bis da Nachbar kunnt, laufezlah.

Ich chan dich sehr guet verstah, ich han au en hund und de dreit au schier dure... darum gib ich ihn am 1. auguscht immer zu minere muetter, da mini chlii bim chlinschte bumm scho duredreit... zum glück wohnt mini mum ame ruhige ort wos nid so chlöpft, de fühlt sich mis hundi wohl...

und als gueter letschts, zum au nochli reklamiere Füürwerch lahtmer nid zmizt i de siedlig ab, so wie das mänge goof macht... das macht mer amene freie ort, wo nüt chan passiere wos viel luft het und kei hüüser!

So, das wärs

[Mirowsky]

es ist jetzt der 1.august um 22:00 und ich kann nur noch sagen hieeeeeeeeeeeelfe

wohne in einem über 200jahre altem haus und kann nur sagen das ich jedesmal froh bin wenns vorbei ist und die hütte noch steht!

[Thujon]

Für misch isch das eifach nur Lustverschmutzig..

Lustverschmutzung ... geile schriebfehler ...
will ja ned Lehrer sie ...aber de isch echt cool