Bin ja s’erschd mal ad fusion pilgered (im wahrsten sinne des wortes) und so hed das ganze scho sehr abentüürlich agfange. Das de ganz tripp undereme guede stern steht isch scho klar gsii wo mer nach 11 stund stöple scho in lärz bi berlin a cho sind
Nachdem i den mal überweltiged vo dere mengi a lüüd und grössi vo dere stadt wo da ufgstellt worde isch endli oises schwiizer grüppli gfunde hend und oises schloss ufgstellt hend sind mer mal die erschde idrück go sammle…
Ich hans chum chene glaube. Öppe 40 zältplätz, die einzelne strasse sind sogar mit strassenäme agschriibe gsii … es isch unglaublich gsii…
Mal es teeli trinke und vürre go luege was den so lauft… am 5i bi sunneufgang (!!) den mal es paar stündli go ruehe.
Und so isch das die nächschde 4 täg wiiter gange… mer isch us em stuune ned usse cho … mer hed immer wieder öppis neus endeckt und ich han mi a mehrmals verloffe
aber was mer bim verlaufe so alles endeckt hed isch a unglaublich gsii. Es hed es arbeitsamt geh für die lüüd wo z’wenig geld hend und no öppis wennd dezue verdiene, es hed royal-dusch-und-wc-plätz kha für d’warmduscher wie mich, es hed extrems feins esse geh … es kino, theater, spieltplätz, hnagars zum innesitze und uffechräsme … und natürli zuguter letschd a unendlich viel musig wo mer gar nüm gwüssd hed was mer jetzt den sell überhaupt go losse…4 täg dauergrinse und guedi luune. Ned einmal hani schlechti gfühl kha… ned einmal isch mer öppis z’schräg cho. Obwohl i selte i mim lebe sooo e freakshow gseh han.
Uf e tandems sinds umme gfhare, uf stelze … überall heds wieder irgend e performance kha zum zueluege… es isch politisch disskutiert worde, gfäschded, tanzed…
S’schönschd für mich isch aber definitiv das grüppli gsii wo ich dezue han derfe stosse. Han mich no nie i mim lebe so wohl gfühlt kha mit fremde mensche wie mit oi (die wo das lesed)… es hed eifach numme passt!!!! Irgendwenn isch mer egal gsii was für musik lauft, und wo mer grad sind … das grinse und die gmüetlichkeit i dere gruppe isch mit nüütem z’übertreffe gsii!!! Daher viele herzliche dank das ihr mich (ois) so lieb ufgnoo hend und das mer die genial ziit soo hend chene verbrige…
Jetzt wieder dehei hani mi so halbe wieder i gläbt… e chli wehmüetig lueg i aber scho uf die ziit z’rugg und de rege da machts grad ned eifacher!!! Es isch eifach viel viel z’gued gsii!!!! Danke a mim geniale trüppli und natürli all dene idealischde wo das ermögliched hend!!! Das isch würkli e anderi welt gsii und i wird mer das sicherlich nächschd jahr wieder a due
niceeeeee
