Es verückts Erläbnis im oder am Nowhere

[Melliandra]

So liebei Lüüd,

Mier sind zrug vom Nirgendwo und ich han jetzt eifacht sBedürfnis da inne mini Gedanke los z’werde. Au wens mega schwirig isch die Gfühl und die Idrück in Wort z’fasse probier ich das glich, will das sicher au bizeli dezue bi dreid, dass ich das ganz schöne Gfühl chli chan verarbeite! =o)

Wie gseid beschriebe chamers fascht nid aber sobal dFöteli online sind, de wird mer chli meh verstah was dete abgange isch.

Wo selli au nume a fange... z’erscht viellicht wiemer det abe gfahre sind. Es VW-Büsli volle Material und völlig über bepackt simmer vo Basel us los gfahre, ich hät nid dänkt das de guet alt Jolly Jumper (sBüsli) so guet mitmacht, aber irgendwie hed sich sogar das Auto uf die Reis gfreud. =o)

Nach lange 2 ½ Täg, quer dur Frankrich und denn dur Spanie simmer eusem Ziel immer nöcher cho und das hed mer au de Landschaft a gmerk, will ussert Sand und bizeli kargi Büsch isch plötzlich nüd meh ume gsie. Womer denn is letschde Dörfli vorem Nirgenwo cho sind simmer fascht dure gheit, so was vo strub... wemer i de Schwiez läbt wo alles so grüen isch, denn dänkt mer sich jesse gott wie will mer da 7 Täg überläbe.

Aber mier händ denn die letschde 20km gwagt und sind efektiv is Nirgendwo use gfahre. =o) Und nach über Stock und Stei fahre, isch de Platz Nowhere plötzlich vor eus uftaucht. En Riese Flächi wo extra für die Zämekunft gamcht worde isch, in mitte vo nüd und doch wunderschön. Eus isch denn au klar worde für was mer sTicket kauft hed (hehe für die wo das immer nonig verstande händ ;o)) das ganze isch wirklich vorher nüd gsie und mit viel liebei und emänse Geduld sind Wägli und Strösli gmacht worde, damit au alli guet det hie chömed.

Wie gseid mier sind uf das Gländ gfahre wo scho ca. 50-70 Lüüd gsie sind wo scho fliesig am die verücktischde Schattekonstruckt am baue gsie sind. (mier händ 40°C warm gha, also Schatte isch läbesnotwändig gsie) und wie wemer sich scho lang kännt hät, sind es paar lüd z’springe cho und händ eim freudig begrüesst, mit mega Umarmig und efiacht es freudigs Hallo dass mer det ane gschafft hed. (So schieff wemer i de verchlämte Schwiez ufwachst, sorry)

Und ab denn sind 7 Täg vor eus gläge wo eifacht wie inere chlien eigne Wält statt gfunde händ. Es isch en chlini Stadt ufbaut worde, wo alli mitenand gschaffed händ. Es isch unglaublich was für en Liebi die Lüüd vo über 22 Länder an Tag gleid händ. So viel freud und Läbesluscht muesch z’erscht mal verchrafte. Alli händ zunenand gluege, da i de Wüeschtdi scho mit ganz andere Läbesumständ muesch klar cho, alli händ gluege dass mer gnueg drinkt und wo en riese Sandsturm am Mittwuch fascht
alles wieder zerstört hed, händ alli zäme a phackt um wieder das Camp uf z’baue.

So en Gmeinschaft und doch Indifiudalität wie i dem Nirgendwo mit ca. 200 Lüüd hani no gseh. Was mich am meischde verblüft hed, isch de Körperkontakt, immer wend irgendwo über dPlaya (de gross Platz) gloffe bisch und öber krüzt hesch, hesch en Umarmig übercho oder es big grins, wie schön dass es seig dass mer da isch. =o) Hät hüt fascht de Chef umarmt woni wieder is Büro cho bin, hehe han mi gad no knapp chöne zrug hebe. =o)

Wie gseid, ohni dFöteli isch das mega schwirig zum beschriebe, aber es isch eifacht gewaltig gsie so starch i de Natur use dsie und mal wirklich kei Luxus zha, es isch es mega Fäscht gsie wenn wieder neui Lüüd cho sind und es chalts Cola oder es Glase verbie bracht händ, denn isch wieder die ganz Bandi zäme gloffe und es hed jede döffi en Schluck drinke.

Es isch au absolut egal gsie wiemer umgloffe isch, halb nackt, dick oder dünn, farbig verchliedet oder ganz normal, jede hed das chöne usläbe was er will.


Ich glaube ich fange erscht jetzt ah begriffe was das det use gsie isch und ich chant mer jetzt vorstelle, dass wemer das mal erläbt hed, dass mer immer wieder dete hie will.

Liebei Lüüd die Brichte vorher hani nume chöne schriebe wasi mier drunder vorgstellt oder vermueted han, JETZT chani säge, au wenn das 10'000 Franke würd choschde, es isches absolut de Wert und ich warte druf bis es wieder negscht Jahr wird.

*Singhüpfstrahlundeifachtfreudhaamläbe*

[Kollegoli]

juhuuu

das tönt ja ganz geil.

loooos gump din chef aa!

und wie isches mit euem igloo gloffe? ironie i de wüesti?

hihi

[Melliandra]

juhuuu

das tönt ja ganz geil.

loooos gump din chef aa!

und wie isches mit euem igloo gloffe? ironie i de wüesti?

hihi

Euses Igloo (wie chönts au anderscht sie vo Schwizer baut) hed als einzigs
de Sandsturm am Mittwoch überläbt. =o) Alles heds fürt blase nume euse
Mettaldome isch no gstande. Mier händ denn die ganz Meudi in Underschlupf gno
bi eus und das Igloo isch pumpe volle gsie. =o)

Das mitem chüele hed nume bizeli funktioniert. =o) Denn wens am heissischte gsie isch
(so zwüschte 13:00 - 18:00) hed sChüelgrät gstreickt, wills em z'heiss gsie isch. =o)

Aber alles tiptop gange 1000 vo Komplimänt übercho für euses schöne
Werk und scho bizeli stolz Hai cho. =o)

[battlefairy]

Schätzi, so geil!!!

Ich freu mi mega für Dich und bin scho gspannt wienes Sprungfäderli was mer nu so alles ds verzelle hesch vo döt!
Freu mi uf ines paar Stund, Dich ds gseh, ds knuddle und mit Dir ume ds singhüpfundtrallalaalere !! !

[Tribalis]

Salutti zämme



Gänd mr nu es stündli um d föteli ufezlade. Do scho mol en kleine Vorgschmack

http://picasaweb.google.com/stewreo/Now ... eCoeW8eP20

[he]

ich muss sagen ich war ja scho recht skeptisch über das vorhaben..aber wenn se echt bei solcher hitze wege bauen müssen und für die klos sorgen, kan ichs ja scho verstehn.
genauso wie ichs au versteh das du alles dafür zahlen würdest.
das ist echt mal ne gute sache um einfach mal für ne kurze dauer auszusteigen...und dann noch zusammen mit ganz vielen "gleich fühlenden"

meine skepsis ist besiegt

[Tribalis]

Mir Hän e mega Wuche im nirgendwo vo spanie hinter uns und viiiiiili neui idrück und fründe gfunde. Eusers Igloo Projekt isch en volle erfolg gsi und mit hän tonne an komlimänt becho. Dr ufwaand vo mehrere monet und mit 800kg zu dritt imene vw büssli nach spanie z fahre het sich me als glohnt. Sin mega happy und dr chopf isch scho volle idea für es nöchsts projekt. Gärn tuen ich eu meh vom nowhere verzelle, es isch nid ganz eifach das in wort z fasse. 191 lüt us 22 natione baue in spanie in dr wüeschti e kleini stadt, es isch unglaublich was die lüt für en ufwand uf sich näme um das ganze möglich z mache.

The Pictures:

http://www.flickr.com/photos/tribalis/ klick on: Nowhere 2007

Dia Show:

http://www.flickr.com/photos/tribalis/s ... 8558/show/

[he]

erzählt mal im einzelnen was die leute da für projekt machen..eures kenne ich schon..aber sonst..


dankee