ich kenne es paar wenigi, wo so erfahrige gmacht hend. aber jetz uf nur ei person bezoge, wonich guet mag, chani würkli säge,
dass die person, trotz vielleicht angscht zueständ, sicher nüd im läbe verpasst hed sondern mit sich uf en spezielli art und wis usenandergsetzt hed. das sind momänt im läbe, wo mer eifach dure muess. schöscht würd mer das ganze gar ned mache. trotzdem hed die person s'lache ned verlernt, macht im läbe ihre wäg ond isch sicher glücklich, wenn au ned immer 100% zfriede- wer isch das scho.
ond au ich han mini problem mit droge. darum heisst sie au droge. schöscht wärs wasser oder luft. ich han bestimmt zit verpasst, will ich mit mine problem net fertig wirde ond mier lieber en göff rolle anstatt mich mim problem stelle. aber das isch dänk wieder s'charakter problem ond ned d'droge. mer chan sich au druffe sine problem stelle. aber ehrlich gseid schiist mich gröber ah, "perfekt" zwärde: dä wo alles weiss, sportlich, gebildet, reich, arzt, physiker und astronaut, heilig und mit insle im pazifik. what the hell - wenn das mis läbe wär, wär ich denn glücklich, will ich alles erreicht han, was gwüssi vo mier erwartet?? wie stohts mit andere wert, wo üsi hütig gsellschaft vergässe hed? die wert, wo hüt gar nüd zellid, wo "niemert" interessiert. söll ich mich anewerfe und mich apasse ond lo apisse, will ich unterwürfig bin - oder müesst ich mit mine möglichkeite d'wält beherrsche, mit miine millione vo dolares.
aber zrugg zu dem mdma stichwort. ich glaube ned, dass mer generell gseid s'läbe muess abschriebe, will mer während enere zit im läbe, zimli d'sau usegloh hed. mer hed gwüssi schäde, ja aber mer verlürt de wille zum läbe wägedem ned. ond niemert weiss, öb mer im läbe öppis verpasst, wenn mer z'lang z'wiit gange isch. wichtig isch für mich nur eis: ich dörf min glaube ned ufgeh. und merci für die möglichkeit das alles chönne z'säge. ahyeah! tuet guet
.
