Goa?!

[souris]

Schöne guate Tag alli mitenand...
Bin ja no ziemli neu da in dem Forum.. ha mer jetzt glich erlaubt es neus Thema azfange, well über das wörd da ja sehr viel diskutiert und ich findes au sehr interessant.
Ich gange jetzt a scho länger an Goa Partys und es hät sich wohl einiges gänderet. Wo ich serschte mal ane Goa gange bin, bin ich us em stune nüme use cho... So viel verschiedeni Lüt, so viel Farbe so viel Freud, und das alles au no dusse... Hey und da chasch en burzelbaum mache, ballett tanze, oder eifach uf und ab oder hi und her gumpe... chasch si wiad bisch, wörsch vo niamerem blööööd agkuckt...!
Für mi isch das scho fascht de himmel uf erde gsih! Das es na es plätzli git, wo ma eifach si cha...!
Für mich hät Goa immer au Freiheit bedütet, Freiheit zum si wia ma isch.
Ich gange au in clups, ich lieba outdoor partys, finde progi geil und han au mal es rüschli anere party...! ich bin optisch au nüme de Goafreak wia ichs mal gsih bin, aber ich finde dElfli und Gnömli, Zauberer und Hexli khöred ane Goa party, genauso wia ich au sgfühl han det ane zkhöre...
Wieso cha so öppis ....... wunderbars wia Goa, ned eifach si wias isch?
Gahts den ned eifach um de Respekt? Wieso isch Alkohol trinke anere Goa schlimmer als LSD konsumiere (solang jede sich selber im Griff hät macht das für mi ken unterschied) Isch den Goa en Trend? Für mi isch vielfalt a dene Partys öppis vom schönschte und minere meinig no isches au das, was Goa usmacht.
Euri Meinige interessieren mi sehr und ich hoffe uf e spannendi diskussion. Im endeffekt wend mer doch alli sgliche!

[souris]

PS: Ich wünsche euch allne es super guats Wuchaendi, schööös Wetter, viiiiiiiiiiiiiiiiiel Sunne : ) und hebed a GUATI FRIEDLICHI PAAARTY!

[meli]

Wieso isch Alkohol trinke anere Goa schlimmer als LSD konsumiere

??? alkohol schlimmer als LSD? das wag i z'bezwiefle... de wär i ja immer die schlimmsti ufem platz! aber i bi öppe dr gliche meinig wie du! au wenn sech üsi partys i de letzte jahre seeeeehhhhhhr veränderet hei gniess i aube glich de ufenthalt, wöu i mi niener wöhler füehle! bi mir isches so, dass i eiglech nie i clubs oder so gang wenn i i usgang go. wenn i würklech wieder mau es bedürfnis ha weg z'goh und d'sau usezloh trifft me mi nume a goapartys! logisch goni mau nöime was ga trinke- aber i chönnt mir nie vorstelle ine house-club z'gah, wöu i mi derte sehr unwohl füehle. es isch nid mi sound, es si nid mini lüüt und es isch au nid mini stimmig dert inne...

im übrige glaub i scho, dass goa langsam aber sicher zumene trend wird! i ha mau eini am BH troffe, die het mir mega stolz verzöut, dass sie ane goaparty isch und het sech mega geil gfüehlt! i ha de nüt dergliche to und ihre au nid gseit, dass i scho johrelang go- i ha mi eifach gfrogt, wie dämlech dass me muess si und sech mit dem no muess brüste... naja, die wird wohl anderi schwerwiegendi mankos gha ha... peinlichpeinlich....

i hoffe nid, dass es usartet....

[Kollegoli]

schöns textli @souris

ich fühle im prinzip ähnlich wie du.

Gahts den ned eifach um de Respekt? Wieso isch Alkohol trinke anere Goa schlimmer als LSD konsumiere (solang jede sich selber im Griff hät macht das für mi ken unterschied) Isch den Goa en Trend? Für mi isch vielfalt a dene Partys öppis vom schönschte und minere meinig no isches au das, was Goa usmacht.

ich nimm a, da bisch chli agspornt vom andere thread gsi, oder?

aso was ich find, isch nöd dass alkohol trinke irgendwie böser oder schlimmer isch als irgendwas anders a de goas.

wenn ich aber in verbindig vo alk und negative erschiinige a goas red, dann meinich die tatsach, dass teilwiis doch en zimlich übertriebene suff herrscht. es spricht au für mich nüt degege, bsoffe zsii; schad findich aber, dass grosseteils jedoch recht unüberleit viel hinderekippt wird und das im endeffekt so viel schöns vom mensch überschattet und hinder de suff stellt.

fü mich isch goa au wie fü dich, en sehr schöne ort, womer ebe so sii chan wie mer isch und das söll au so bliibe, egal was passiert.
jedoch grad deswege versuech ich dann au mit de lüüt zrede und nöd nur so zsii wieni bin, sondern au no das zsäge wasi denk.

und nun isches halt e so, dass ich überzüügt bin zgseh, dass vieli (nöd alli) underem alk indirekt liidet bzw eifach under ihrer eigeschaft, zkonsumiere ohni nahzdenke.

und ebe das konsumiere ohni nahdenke isch ja es altbekannts und sehr grosses problem in eusere gsellschaft, wo mitunter au schuld am leid vo vielne andere mensche isch.
und under lüüt, wo im vergliich ebe doch sehr offe und uf e art en schritt wiiter oder sägemer eifach losglöster als d'allgemeinheit sind, findich, chamer ruhig kritisch sii und versueche meh zerreiche, au wenns nur im denke isch.

grad au an goas gsehtmer immerwieder das verhalte vo de lüüt, dass sie eifach konsumiered ohni nahzdenke. ich find mir sind da im weste und es wird ziit verantwortig zübernäh und nümm eifach alles zschlucke, was uftischt wird. a goas chönnte me en guete schriit i die richtig mache.

ob jetz schlussendlich eine alkschiibe hät, isch natürli jedem selber überlah und au guet so, solangs nöd eifach ines hohls chronisches massebesüfnis ohni perspektive endet, was teils schwer de fall isch.

hoffe du verstahsch chli wasi mein, susch eifach fröge.

[Conclusion]

im übrige glaub i scho, dass goa langsam aber sicher zumene trend wird!

.. isch mol szenig gsi, dänn isches e bewegig worde und sit es paar jöhrli isches eigentlich komerz. au wenns die meischte nid wennd wahr ha.
(mini asicht)

finde die szene so komerzig dass sie scho bünzlig isch worde.
es erinneret mich jetzt meh a schuelfetene im nachberdorf wo de kolleg vo nebenan soundet.

aber was sölls, ich han zum glück die alte ziite erläbt und erfreue mich hüt um so meh a "szenige club parties" i irgendwelche stillgleite maschinefabrike ... oder so

just my 2 cents

will niemmert agriife, isch nur mini asicht.
... aber hey! mysticalforum hät e TOP underhaltigswert!

[souris]

[ich nimm a, da bisch chli agspornt vom andere thread gsi, oder?
hihi ja das isch so!

wenn ich aber in verbindig vo alk und negative erschiinige a goas red, dann meinich die tatsach, dass teilwiis doch en zimlich übertriebene suff herrscht. es spricht au für mich nüt degege, bsoffe zsii; schad findich aber, dass grosseteils jedoch recht unüberleit viel hinderekippt wird und das im endeffekt so viel schöns vom mensch überschattet und hinder de suff stellt.

und nun isches halt e so, dass ich überzüügt bin zgseh, dass vieli (nöd alli) underem alk indirekt liidet bzw eifach under ihrer eigeschaft, zkonsumiere ohni nahzdenke.

unüberleit ja da gibi dir absolut recht, aber nur bim Alkohol? Das gsehni ned so. Und wia das mit indirekt liidet meinsch, verstahni au ned würgli...

Ich findes sehr schön das du dini Meinig so offe seisch und a dehinder stahsch! Und ja, ich denke au das es ziit isch zum Verantwortig übernäh, vorallem jede für sich.
Und ich denke au, meh zu dem stah, was me isch, fühlt und denkt!

[Kollegoli]

unüberleit ja da gibi dir absolut recht, aber nur bim Alkohol? Das gsehni ned so. Und wia das mit indirekt liidet meinsch, verstahni au ned würgli...

ganz klar, natürli isch das nöd nur bem alk so. ich rede oft vo alk, well das, vo de org her gseh, de eifachschti punkt isch, öpis bezüglich drogekonsum (wo teils wiemer alli wüssed usartet) zändere. alli dealer fernzbhalte geschweigeden droge überhaupt fern zbahlte isch absolut unmöglich und vor allem ja au nöd sinn vo de sach.

ich finde lediglich, dasses mal was neus und erprobenswerts wär, wenn vo orgs her immerhin schomal wür de konsum vo de droge, wo imho am meiste usartet, nöd gfördered werde. me söll imho nüt verbüüte, aber grad wenns eim mit druffne gäst zviel wird, chönntme mal ufhöre das zfördere (was mit Bar und alkvorrat bis an bach abe nämlich meh als gmacht wird).

und das mitem indirekt liide tönt vililcht chli zu härt. es isch meh, dass mega was verlore gaht und das schlussendlich zu weniger wohlbefinde vo eus allne führt, je meh lüt zue sind. und alk macht ja bekanntlich zue. ebe wie gseit; alk muss weder was schlimms no was ungsunds oder suscht igendwie negativs sii. wie er aber ohni jegliche sinn und nur em churzfristige spass halber nonstop konsumiert wird, nimmt eusne goapartys imho zimli was an geilheit.

und ich bemerk doch das befreiende gfühl wo ich ämmel han und mich mittlerwiile taag für taag begleitet und mis lebe öper 100mal geiler macht - nach miinere wahrnehmig verboued sich viel de weg zu dem gfühl, indems ebe zb zviel alk trinked; deswege indirekts leid. (natürli verboueds sich de weg nöd nur mit alk, es wird au oft mit viel andere sache gmacht. alk isch imho eifach shüftigschte und das wo zuesätzlich no vo irichtige wie ebe enere bar, also de org, gfördered wird.)

[Silversurfer604]

Holas

Na ja rein vom ursprungs sinn vonere Goa party isches ja scho en psy event, en alas für psychonaute . Und do isch halt LSD scho passender wie Alk . Scho rein vo dä würkige her .
Aber da ich nöd jedes weekend wot wiedergebore sie , isch au Alk ab und zue i ordning . Also voll keis Problem mit GOA und ALK so lang mer nöd dä respekt vo dä andere bsuecher verlürt .
Han aber au scho ghört und gseh wie richtige Goa Nazis über es paar bsoffni grädet händ, als sigs dä letschti dräck. Unterschti schublade minere meinig nach!

[das_auge_gottes]

ganz klar, natürli isch das nöd nur bem alk so. ich rede oft vo alk, well das, vo de org her gseh, de eifachschti punkt isch, öpis bezüglich drogekonsum (wo teils wiemer alli wüssed usartet) zändere. alli dealer fernzbhalte geschweigeden droge überhaupt fern zbahlte isch absolut unmöglich und vor allem ja au nöd sinn vo de sach.

also was jetzt? zementierst du einfach den status quo ("ist halt so, war immer so, wird immer so sein") oder findest du, dass drogenkonsum halt schono easy und cool und gut für goas ist, im gegensatz zu alkohol?

[souris]

[quote="Silversurfer604"]Holas

Na ja rein vom ursprungs sinn vonere Goa party isches ja scho en psy event, en alas für psychonaute . Und do isch halt LSD scho passender wie Alk . Scho rein vo dä würkige her .

hmm, ja da häsch rächt.....

[wuchenendbefürworter]

hmmm... das tönt etz villicht blöd, aber ich han scho richtig spirituelli Erfahrige gmacht mit Alk ade Goa...

Nöd wäni irgendwo umeghocked bin, dänn ischs halt ener e luschtigi Sach, obwohl mer au mal sehr tüfi Gspröch chan ha...

Nei, ich meine d Kombination vo de Droge Alk und de Droge Tanze hät mich scho fascht uf es betrippts Niveau(blöds Wort...) bracht. S guete find ich vorallem, ich bruch kä Wachmacher, will mich de Alk so lang wachbhalded, bis ich nüme mag und dänn gahn i go schlafe; ohni nawerfe vom ne Bierli oder emne Schnäpsli.

Logisch hani au schomal zvil trunke anere Goa und has nüm so tschegged gha, aber ich denke nöd, dass ich wäg dem aggressiv worde bin. Han warschinli eifach en Scheiss uselah, aber solang d Lüt i dem Moment über mich chönd lache isch das ja eigentli egal.

Naja, bi de letschte Goa hani en Trip probiert und es isch natürli kän Verglich, aber trotzdem, ich bin der Meinig, dass me au uf Alk psychedellischi Erlebniss chan ha, was nöd söll heisse, dass Alk nöd eis vo de gröschte Problem i eusere Gsellschaft isch.

[Käpten Hirni]

Es lebe DAS HEILIGE BIER

alk a goas isch easy..mann luet die meischte wo es problem mit alk ueberchoemet si die wo suufet , spicket und suscht was dur dnase loend..das choent den mal sicher e sicherig usehaue..aber es git luet wie ich wo suuuuuuuuuuufet wie es loch und friedlich ar goa umespacet..tja sache gits....

dosenbier fuer alle...hehe+

[kaidun]

Alkohol esch die spirituelli droge vom europäer.
andiri fölker hend DMT, Meskalin, Psilocybin, Ayahuasca, Iboga und und und.
alkohol esch voll in ordnig solang d person wos konsumiert sech no gspürt.. und ez geds e rundi freibier

[Kollegoli]

also was jetzt? zementierst du einfach den status quo ("ist halt so, war immer so, wird immer so sein") oder findest du, dass drogenkonsum halt schono easy und cool und gut für goas ist, im gegensatz zu alkohol?

nei finde nöd das sich alkdrogekonsum irgendwie im prinzip schlechter isch als andere drogekonsum.

für mich stimmts verhältnis igendwie nöd.

die meiste lüüt wo ich kenn (fascht alli) händ zu alk es anders verhältnis, als zu anderne droge.
Alk wird eifach mal so hinderekippt. alk ghört zum alltag. alk isch halt eifach alk.
ALK WIRD NÖD HINDERFRÖGT.

zum glück werded die andere droge immerhin no zume teil hinderfrögt.

ich denk alk wird uf e art vergewaltigt in eusere gsellschaft. sehrwohl chamer au mit alk psychedelischi und tüüfi erfahrige mache, wie de wucheendb. seit. jedoch isch da imho e gwüsses hinderfröge nötig.
wie be allne andere droge isch e vergewaltigung nöd guet und im endeffekt kontraproduktiv.

s'verhältnis zwüsche "spasskonsum" und "bewusstem konsum" stimmt imho nöd und vor allem kenned vieli da de unterschiid und de nutze gar nöd.
"bewusste konsum" und drogeerlebnis eracht ich für die meiste mir bekannte mensche als e sehr wichtigi erfahrig.

Alkohol esch die spirituelli droge vom europäer.
andiri fölker hend DMT, Meskalin, Psilocybin, Ayahuasca, Iboga und und und.

igendwo dure mag das stimme, in würklichkeit aber, simmer leider zimli fern vo dem. während anderi völker ihres DMT usw würklich no im spirituelle rahme (also "bewusst") konsumiered, konsumierred europäer de alk nur "spassmässig" bzw sogar scho e stufe wiiter... nämlich eifach so, ohni jegliche konkrete sinn....

[alcide]

Nach mini sicht zelebrieren s' paar buure wo sich am obig in ihrer beiz s' paar bier trinken auch en art ritual.