Häufät mir!!

[chef_wouf]

I ha äs riesigs Problem,u zwar mit mirä bestä Kollegin!

Äs geit um fougändäs; mi Ex-Fründ wo i sit ca 2 jahr praktisch ke Kontakt meh ha, macht so äs Festli a la Bar u Pup.U het mi u si inkl. Fründä igladä! U i wot us 2 Gründ nid ga 1. kani mit Saufpartys nüme viu afah u 2. hani ke lust mini Nachfougärin ds kennälernä,wägä derä är mi vrlah het! u 3. isch den no ä geili Party.

U si isch jtz mega beleidigät wü i mit ihrä nid dert härä kumä,u numä no a GOA^s ga. Was ja nid würkläch stimmt,wü i wott ja nid wägä ihrä nid ga,sondern wägä ihm. U i ha ihrä vorgschlgä das i gärn mit ihrä (mit odr ohni Fründä) i usgang kumä!u das paat ihrä o nid! När hani Vorgschlagä das si mau anä GOA söu ko,u das wot si no weniger!

u dr bescht isch gsi woni ihrä gseit ha das mini Lüt haut a Goa gö,isch si totau beleidigät gsi!

I weiss ächt nid was i söu machä!wü si isch mir eigänntläch scho mega wichtig!abr si gseht eifach nid i das mir 2 vrschidnägi Läbä füährä(i ga a Goa u si a so Bar u Pup odr süsch so saufpartys u das seit mir eifach nüme zuä)

Ka mir öbr häufä?isch öper scho irä glichä odr ähnläch situation gsi?


(irgändwiä finids mega kindergartä das mir wägäm usgang so äs riessigs gstürm hei bzw wägäm fest vom ex)

[biberfreund]

hä? wa häsch wöuä sägä? "Si" esch beläidigät? Di neu Fröndin vo dim Äx, so sit 2 Johrä nümmä gseh häsch? Who cäres?

[chef_wouf]

mini kollegin isch beleidigät.wü i nid mit ihrä ad party vo mim ex mit sirä nöiä wott ga

[Waldgeischtli]

dän söll si doch eleige gah wenn sie unbedingt wot!

mänsche veränderet sech di ganz zyt, eso goht leider au mal de wäg inere fründschaft chli usenand...du magsch ned a saufgelage - sie ned a goa partys. easy, sött ja keis problem sii suscht mal öpis abmache, es wiili trnike und scnörele oder weiss i was. wenn au sötigs nüm gaht, wirds chli
asträngender dfröndschaft ufrächt zerhalte. cha dä so usecho, dass me immer weniger kontakt het...das passiert doch immer wieder... da hani au scho paarmal müesse/dörfe erläbe...

[electropunk]

fründschafte si immer episode im lebe und je älter mä wird, umso klarer wird mä sich vo andere abgrenze und der eignig weg müesse finde bzw. goh

[psylorg]

au an saufpartys findet me meischt igendwo e ruhige egge wo me gemüse biz cha quatsche, e bier rauche und e oint suffe:)
vrmuetlig chunt das eh anderscht als du dirs jetzt usmoolsch.
wenn dr an däre person wirklich was liggt und ihre an dir au, denn spielt wenn ihr euch sehn eh nüt anders rund um euch e rolle.
eifach übere schatte springe, denn macht sie s vellicht denn au:)

[Psychotic]

juuuhh do hani s gliche problem mid mim beschde kolleg. i kännen sid em chinzgi. genau s glcihe er isch en suffer worde wo a so burre pardys gohd und ich go nume no a goas.
und mir hend au kei lösig gfunde alls so wider z mache und mir gsend öis ab und zue emol. aber ebe wenn er mich frogd öbi mid chom a sonen pardy (woner jetz nöm achd) segi eifach nei!!!

und du seisch jo no willsch vorallem wege dim ex nid go, und das sed si doch mindischdens verstoh das nid willsch go!!

[chef_wouf]

ja idämfau muäss i mi druf beschränkä das mir üs haut ab u zuä numä no gseh.
wü si isch geng no stur.o nachämnä gspräch,woni hüt ha ka!ha ihrä no mau dr vorschlag gmacht dasi mit ihrä irgändanä party kumä.u si anä goa.wot si nid.
si het gfundä i söu nid schwirig tuä,sondern eifach a di party vo mim ex ko!

[Titali]

mann, mach doch eifacht was du wotsch right!!!

wenn kei bock uf die party hesch und din ex denn los losi... wäg däm kündet dir dini fründin nid fründschaft und wenns so wär, denn wär sis eh nid wärt!

oder ihr machtet en deal, wenn du die suffparty geisch, chunts sie derfür znöchscht mau mit ane goaparty

naja, das ghört zum läbe... fründe chöme und gö wieder...und mängisch chöme sie nach jahre wieder!!!

that's life!

[meli]

u dr bescht isch gsi woni ihrä gseit ha das mini Lüt haut a Goa gö,isch si totau beleidigät gsi!

i verstah, dass sie beleidigt isch! du hesch ihre gseit, dass 'dini' lüüt a goas gö- wenn sie doch dini besti fründin isch, de sött sie ja eiglech au zu dine lüüt ghöre!!!!!

bring geduld uf- es geit au, wenn ei teil nid a goas geit! ha die erfahrig au gmacht- und jz gseh mir üs haut am weekend nümme, derfür unter dr wuche vermehrt... so eifach geit das! wenn me sech würklech lieb het und enang würklech vertraut- de stoht e fründschaft über das!! und süsch würdi mir gedanke um d'fründschaft mache... wenn sech beidi site müeh gä, gsehni kes problem drinne. e fründschaft isch mängisch wiene ehe- me muess sech immer ufs neue bemühe, damit d'fründschaft nid flöten geit...

viel glück!!

meli

[Silversurfer604]

Und langfrischtig gseh isches au beriechender und gsünder ,wenn nöd nur kollege häsch wo im goa chueche verchehred, meh setzt sich so au nur wieder irgendwodure geischtigie gränzene, und dänne isches schnell mal e chlini wält

Grüessli

[industrialsun]

ig dänke au dass es äuä mit däm tzue het wo d meli gseit het.

irgendwie het si äuä s gfüeu si sig nümm so wichtig für di oder so.
jetzt liits a dir z wüsse wieviu si dir bedütet oder nid.

aber das heisst nid, dass du a suuf-partys muesch. oder si a goas.
eventuell "nööii rüüm" sueche, wo dr bedi möget.

[hopschil]

de mächät doch irgund epis privats däheimu, gmiätli chillu, fernsehluägu etc.

de heidär ä mal widär ziit fär änand und wenns wirkli än wahrli kollegin isch, de värsteischt das sichär, dass du nid an di party willt ga wägum ex....

[chef_wouf]

Merci!
i ha si jtz mau gfragt abr di wuchä het si am abä niä zyt!

naja viläch isch üsi fründschaft nüme so wiä si no vor 1 jahr isch gsi!

mau luägä ha ja süsch no äs paar anderi kolleginä wo nid goa si,u kes problem drmit hei das mir üs nid im usgang gseh,sondern liäber ä gmüätlächä wiberabä machä mit lästärä u so;)

[petit.papillon]

wiberabä machä mit lästärä u so;)

ich glaub wäge däm han ich so wenig wiiblichi fründine