Was machst du ohne Mysticalforum?

[Psydog]

Äs hät vor kurzem a Umfraag gäh, was du würdisch mache, wenns kei Goa-Partys würd gäh.

Was aber würdisch mache, wenns keis Mysticalforum me gäh würd?

[gizmo]

definitiv chli meh schaffe im büro

[Kollegoli]

ja da mussmi am gizmo aschlüsse.....

irgendwann wird das forum sicher vo sonere vereinigung "chef's für arbeitende arbeiter" oder so attackiert....

[frä irz]

hihi ich schlüss mich eu a.
zumglück hani bald en neue job, immer mystical währed em schaffe macht mi nämmli irgendwie nöd gschider

[wallaby]

Das isch eis vo de wenige Fore wo's mega ahständlig und liebevoll zue und här gaht.
Usser wänn ich mich mal nöd zäme risse und blöd drieschüsse.

Ohni chani mir nöd vorstelle. Fantasie langet nöd sowiet.
Ich wür mithälfe zum es neus Forum mache, oder es wür es anders Forum die Stell ihnäh.

Me chönt au fräge was für en Schade das die Forene de Menschheit zuefüeged.
Irgend en Beamte wür das sicher als Argument verwende zum Internet verstaatliche und verwalte und observiere.
Alli die viele Stunde wome statt schaffe im Forum hängt, das sind Milliarde vo Verlust, das ganze schöni schöni Gäld wo me da chönt i d'Rüschtig stecke, etc...

Forum = Freiheit = Kommunikation

cheers

[meli]

i glaube fast, mi chef würds freue!!!

mi würds voll akacke- dr arbeitstag würd ganz andersch verlaufe... langwiliger...

[Psydog]

I muas jetzt dänn glaub mal dä Laptop mitnäh zum schaffe. Mal luaga, was dr Chef seit, wenni zwüschet dä Zwiebla und da Bohna im Acker sitze und im Forum umesurfe!

Also wenns sForum nümm würd gäh, dänn würdi vermuatlich meh Huushaltsarbeit mache und sicher miinem Hund no meh Zit widme!
Und go Hirsche beobachta!

[Waldgnurpf]

Gits no angeri sache aus das forum und game ? :tfrag:

[Joss]

findes eigentlich krass das sone imfrag gmacht wird! bin scho gern i dem forum aber wennses nümm wür geh findis eigentlich gar ned so shclimm, bi hauptsächlich weg de partys daine am surfe und die gids au na uf andere sit`s!

[Psydog]

findes eigentlich krass

Und was isch da dra so krass?

[TheAngel1985]

ich schlüss mich am Joss a... findes scho krass... für deu isch das Forum glaub s'halbe läbe... naja... jedem das seine... han zum glück na anders zdue als vorem PC z'hocke u zwarte bis wieder en neue bitrag da isch wo mä chan kommentiere... zuedäm wiederholt sech eigentlich ziemlich alles... sprich Diskussione...

[Joss]

ich schlüss mich am Joss a... findes scho krass... für deu isch das Forum glaub s'halbe läbe... naja... jedem das seine... han zum glück na anders zdue als vorem PC z'hocke u zwarte bis wieder en neue bitrag da isch wo mä chan kommentiere... zuedäm wiederholt sech eigentlich ziemlich alles... sprich Diskussione...

chunsch drus psydog wasi meine?

[Psydog]

ich schlüss mich am Joss a... findes scho krass... für deu isch das Forum glaub s'halbe läbe... naja... jedem das seine... han zum glück na anders zdue als vorem PC z'hocke u zwarte bis wieder en neue bitrag da isch wo mä chan kommentiere... zuedäm wiederholt sech eigentlich ziemlich alles... sprich Diskussione...

Aber in nid amol 8 Monat 565 Biiträg schriibe! Das denn scho?

Nid bös näh, ir händ beidi recht! Das Forum isch ja schliesslich da zum diskutiere und wer nid mag, der sölls sii lah!

Peace.......

[M!GuZ / Wasabidelux]

Durchdrehen Am Scand telefoniere und frage: "Gahts eigentlich no?"
anschliesend wen nötig Den PC/Mac aus dem Fenster werfen und
Ein eigenes Forum gründen :tfrag: :tfrag:

[Waldgnurpf]

Aber in nid amol 8 Monat 565 Biiträg schriibe! Das denn scho?

Nid bös näh, ir händ beidi recht! Das Forum isch ja schliesslich da zum diskutiere und wer nid mag, der sölls sii lah!

Peace.......

*Trippelgrins*


Vo wäge s'halbe läbe und so ... das ligt gloub do dranne dases lüt git wo im büro schaffe und der ganz tag meh oder weniger online sind u die angere wo zb. wie i ufem bau schaffe u ke i-net hei düre tag