New Track: tux-edo - electromagnetic waves

[edoArdo]

düdelüü zäme
hab einen neuen Track auf meinen myspace account geladen.

den track gibts hier zum download:
tux-edo - electromagnetic waves

Über Feedbacks würde ich mich sehr freuen!
lg, edo

[i.dot]

Hoiii

*WOooOow deS tÖend voll geil !!! weiteeeer soo !!

liebe gruesss

[Liberty]

Sehr geile Song hesch da gmacht, gfaut mir...

[edoArdo]

merci förd komplimänt domi und liberty

chamer grad neui motivation schöpfe!

lg edo

[Kollegoli]

saliii

aso ich muss der ehrlich säge; ich find de track nöd speziell.

es tönt fü mich scho ziemli bekannt, also irgendwie fählt mer da die persönlich note chli zfest. das düdelarpeggio und d'bassline sind mer so irgendwie "z'eifach". irgendwie findi, hats i dem lied eifach nöd so viel spirit.

es fangt zwar iisy a, aber irgendwie entwickled sich das zwenig. d'bassline isch mer au chli zu standard, wobii das nöd zwingend schlecht sii muess; für das sie so standard isch hats mer dann aber zu viel gwicht uf druf. wenn sie meh im hindergrund wär und prozentual en chlinere teil vom lied wür usmache, dann wärs sie iisy so.

aso es isch so, dass ich schlichti musig, wo eher minimal ghalte isch prinzipiell genau so guet find, wie so hyperkomplexi. aber das lied isch fü die schlichtheit irgendwie zwenig raffiniert gmacht. hetti das vor 5 jahr, woni nonid viel so musig kennt han, ghört, dann hettis sicher besser gfunde, aber zu de hüttige ziit mit miinere hütig musigkenntnis chanis nüm so unvorigno lose, zum dass ichs würkli geil chönnt finde. die gschicht womers lied vermittled hani jetz halt au scho 500 mal ghört.


wenni das serschte lied wär woni vo dir ghört hetti, dann würdi jetz säge: "wow"; das nach ersch emene guete jahr! aber da ich scho anders vo dir ghört han, chunnsch mer nöd so eifach devoo, da verlangi scho chli meh. vor allem wennmers jetz mitem antarctica vergliicht.... dann sind das fü mich scho fascht 2 völlig verschiedeni dimensione. s'antarctica isch sone art meischterwärch, wo eifach schuubed und eifach so isch, wie mers mit wort nöd richtig beschriibe chan; wells eifach e gschicht verzellt wo irgendwie einiges tüüfer gaht, als die vom electromagnetic waves. während ich sgfühl han, dass bem antarctica würkli drin bisch und was vo dim innerschte priis gisch, hani be dem lied sgfühl, dass meh mal eifach "gschwind" (au wenn jetz gliich lang oder länger bruucht hettsch wie fürs antarctica) es lied hereproduziert häsch.

ebe, aso finds keis schlechts lied und hat durchuus gueti sache drin, wie zum biispiel de infected-mässigi ton am afang, aber im ganze findis eifach nöd speziell.

gruess

[edoArdo]

Hi olli,

merci för das ehrleche Feedback. Ha eigentlech eher dänkt, dass i wägem öbermässige Qualitätsverloscht bem abekomprimiere kritisiert werde, als bem Gsammtkonzept. :/
I muess säge, du hesch i vellne Pönkt Rächt. Es tönt velech au kommerzer ond weniger einzigartig als au scho. Dini Kritik z'omsetze esch eifach fasch ned möglech, de muess i halt öppis Neus mache.. hehe

d'Bassline han i eigentlech mol eher weniger melodiös ond dominant welle mache. Was meinsch met chlinere Teil? Im 2. Teil vom Lied wächslet si jo. fensch denn beidi langwilig?

vor allem wennmers jetz mitem antarctica vergliicht.... dann sind das fü mich scho fascht 2 völlig verschiedeni dimensione. während ich sgfühl han, dass bem antarctica würkli drin bisch und was vo dim innerschte priis gisch, hani be dem lied sgfühl, dass meh mal eifach "gschwind" (au wenn jetz gliich lang oder länger bruucht hettsch wie fürs antarctica) es lied hereproduziert häsch.

jo das chan i nochvollzieh. es send halt scho 2 rächt onterschedlechi Tracks, wo au anderi Emotione drinstecke ond leider sprudlet d'Inspiration ned emmer glich fescht. komischerwis es esch au wörkli so, dass i för s'anarctica weniger Zyt brucht ha als förs neue.

Danke nomol ond velech bis am Weekend
lg edo

[Kollegoli]

d'Bassline han i eigentlech mol eher weniger melodiös ond dominant welle mache. Was meinsch met chlinere Teil? Im 2. Teil vom Lied wächslet si jo. fensch denn beidi langwilig?

aso mit chlinere teil meini, dass d'bassline für mich, so wie sie isch, zu viel gwicht hät i dem lied. das lied funktioniert zumene grosse teil nur durch dbassline, wenn sie würsch ganz wegnäh, würs verdammt komisch töne. bem antarctica isch das glaub au chli so, aber für das sie sonen teil usmacht und so wichtig isch, isch sie gnueg speziell....

demit meini nöd, dass e bassline zwingend muess mega traratrara mache, wenn es lied hauptsächlich durch sie funktioniert. es chan au nur e ganz monotoni und no eifacheri bassline sii... s'richtige wort wär wohl, dass sie so für mich wohl zu belanglos isch; sie sich nöd mega schön melodiös und "gleitend" so wie bem antarctica, aber sie isch au nöd hypnotisch und "tribalmässig" wie z.b. en schlichte offbeat-basston.

wies jetz bem zweite teil gnau isch, cha der so nöd gnau säge, müsstis nomal lose.... aber ich hans lied det grad 2 mal glost, zum au chönne es guets feedback gäh und ich hans beidesmal so empfunde...

Dini Kritik z'omsetze esch eifach fasch ned möglech, de muess i halt öppis Neus mache.. hehe

ehh, aso kritik so konkret umzsetze isch würkli so guet wie unmöglich. und aso mir würs vor allem au kei spass mache...

wennich es feedback zumene lied gib oder au eis zu mine lieder lies, dann gseh ich das meh als zur känntnis znäh... me red über das womer gmacht hät und das treit mit de ziit dezue bii, so chli sin weg zfinde und gedanke zfasse, wo eim wichtig sind bem musig mache...

(min wichtigste punkt zudem ich cho bin isch: mich loslöse. meistens wenn ich vor hän, dass es lied nachere gwüsse vorstellig oder gar wie öpis scho dagewesenigs töne söll, dann chunnt brunz use. am beste funzts be mir wennis eifach flüsse lahn und i miini völlig eigeni welt versink)

zudem isches eifach supper-crämig so über musig zrede

[Thujon]

Hoppla ...

also von mir aus bestimmt einer der besten Tracks die hier je geposted wurden ... Muss sagen wenn du so weiter machst kommts echt gut ...

arbeit noch einwenig an den Percussions ... dann kommts richtig gut ...
und etwas editing im arrangement ...

Guter Mix , schöne Bassline Kick Harmonie ...

das hat in meinen Augen grosses Potential ... !!!!!!!

klingt einwenig anch Bizzare Contact meiner ansicht nach einfach Harmonischer ...

Congratulations ...

Greetz
Simon

[edoArdo]

Met so öppis hätt i ned grächnet. Merci vell mol förs feedback simon

Met percussions ond arrangement hesch is Schwarze troffe, das send chli mini Sorgechender. Vor allem in ufbau han i vell Zyt investiert und esch trotzdem ned wonschgemäss cho .. werde aber secher nomol drah hocke.

Gehts grad öppis wo der punkto arrangement bsonders ufgfalle esch?

demit meini nöd, dass e bassline zwingend muess mega traratrara mache, wenn es lied hauptsächlich durch sie funktioniert. es chan au nur e ganz monotoni und no eifacheri bassline sii... s'richtige wort wär wohl, dass sie so für mich wohl zu belanglos isch; sie sich nöd mega schön melodiös und "gleitend" so wie bem antarctica, aber sie isch au nöd hypnotisch und "tribalmässig" wie z.b. en schlichte offbeat-basston.

(min wichtigste punkt zudem ich cho bin isch: mich loslöse. meistens wenn ich vor hän, dass es lied nachere gwüsse vorstellig oder gar wie öpis scho dagewesenigs töne söll, dann chunnt brunz use. am beste funzts be mir wennis eifach flüsse lahn und i miini völlig eigeni welt versink)

zudem isches eifach supper-crämig so über musig zrede

hehe jo das stemmt

jo wäg em bass chan i d'kritik verstoh, ha mol welle usprobiere wie s'esch en relativ eifachi monotoni bassline z'näh ond ersch gäge schloss melodie ieh z'brenge. De wörkt de Track halt nomol andersch ond abwächsligsricher.

merci nomol för dis sehr usfüehrleche kritik olli =)

lg a euch, edo

[Thujon]

Noch ne frage ...wie hast du den "infectedmässigen" sound gemacht ...

der klingt echt abgefahren ..hehehe

[edoArdo]

hehe, ich nehm mal an du meinst ab 0:30. Das is mit dem Vanguard gemacht.
der infectedmässige synth hat starkes lfo drauf, die effekte würd ich vorerst weglassen. wichtig is vor allem die glide funktion.
zuletzt noch ein wenig gaten und schon klingts so.

lg edo

[liquid disko]

passt mir voll dä track.
schöni synth sounds.
ou qualitativ guet produziert...

weiter rocken!!!!