Arbetswält...

[Melliandra]

Ich bin gad rächt gfruschdet und muess das neumed los werde... viellicht
hed ja öber au en Meinig zu dem oder en Tip....


Wie möched ier das wo imene Büro schaffed, wos halt chli Busines like
zue und her gad. Ich weiss nid, ich laufe de lieb lang Tag a dummi
Gschichdli, Gschwätz hine dure und und und ane, Lüüd wo sich ufreged
das de jetzt scho wieder die gliche Schueh ah hed und Lüüd wo sich
sMuul chönd drüber verisse, dass gwüssi Lüüd scho 2x sind go rauche a
eim Morge. (Okey bizli überspitz gseid)

Ich probier ächt mier mühe z’gäh die Lüüd z’verstah, mich a z’passe so
wied dass mer halt muess, aber irgendwo hets doch Gränze.....

Ja ich weiss ich müesst chünde... nur leider dänki dass es imene andere
Betrieb nid besser lauf...

Was mached ier mit dene zwei komplet verschiednige Wälte woner im
Bruef und Freiziet erläbet?

Meci fürs läse, feel free z’antworte.

[mydriasis]

ich hans amigs eso ghandhabt, das ich halt einigi hobbys han für mini freiziit (und dademit mein ich nid partys ), um denn vom arbetstrott abstand zneh, und um was zha über das ich mer werend der arbet han chöne gedanke mache, wenni ma wieder en aschiss kah han.

aber naja, da ich na nie würkli imne grössere betriib gschaffed han, chan ich wohl d situation au nid komplett navollzieh..

[benny]

hallo melliandra

ja ich kenn das nur zu guet und verstan au warum du dich so ufregsch.. ..
aber das derfs ebe au nöd si.. du häsch jez halts pech dasst mit dene idiote zäme schaffe muesch aber lass dich nöd uf diä gspröch i.. zeig piz dass du nöd so tragisch dänksch..

bi mir isches so dass diä wo gschisse düent im gschäft meistens au diä sind mit meh "macht" also ä höcheri possitione hend und sich weg dem 1. starch fühled und 2. hends sowieso s gfühl sii müssed alles kontrolliere.. und wenn iine öpis nöd passt denn säged siis rächt gern emal.. und d art und wiis isch amal erschreckend primitiv..

aber zum glück isch sonen arbeitstag au nöd ewigs.. cool down, it's all right..

würd meine da muesch eifach durrebiisse..

lg benny

[Kollegoli]

@meliandra

naja da sprichsch mir zimli usem herze....

spötestens wennmer mal im büro schafft gseht mer wasfüren knall dlüüt händ.

so isches halt.

aso ich han mitleid mit ihne, au wenns villicht biz arrogant isch.
vielne mensche gahts eifach schlecht. sie gspüüred dass sie problem händ, chönds aber nöd richtig erfasse. das isch en schlimme zuestand.

es isch doch so, dass wennmer selber massivi problem hat und/oder ständig mit zämebissene zäh und geballte füscht umelauft (grrrrr arghhhh <--- öpe so), mer das au irgendwie uselah muess. und vieli lüüt gsehnd halt kein andere usweg als über anderi abzlästere oder sich kollektiv drüber ufzrege, dass de zug jetzt 3 minute verspötig gha hat und sganze vercherssystem vo de schwiiz deswege e absoluti katastrophe oder - wie min chef säge wür - horror isch.

sgrösste problem isch, dass soo viel mensche ide illusion lebed, dasses im lebe irgendwas gid, was au nur anährend riibigslos chönnt ablaufe.

d'illusion vo de perfektion und die chrankhafti sucht denah zermürbt die westliche mensche und laht sie zerstörerisch werde. das isch so e art grössewahn.

so viel lüüt stönd irgendwo dure mit de naive erwartig uf, dass ihri wäg, wos jede tag gah müend, grad seged. und jede tag, und würkli jede tag, treffeds uf en weg wo eifach voll verwinkelt, farbig, steil, holprig, kurvig und individuell isch ---> dass isch jedesmal en schock für die lüüt. wennd immer voll im glaube bisch, dass alles iisy grad us gaht, du aber jedesmal 5km steil de berg druf laufe musch, dann zermürbt dich das eifach.... es sei denn du häsch die ganzi farbevielfalt vo dere tatsach entdeckt.... und die münd ebe viel lüüt no entdecke.

naja.... ich weiss ja dass ich das nöd sehr lang mache wird und bald mal go studiere gahn... und dann einestages wird min bruef entweder sii, dene lüüt dfarbevielfalt vo de holprigkeit z'zeige oder ich wird mich mit no unbescholtene mensche abgäh und ihne versueche vo afang a de farbeblick mitzgäh.

[Kollegoli]

hallo melliandra

ja ich kenn das nur zu guet und verstan au warum du dich so ufregsch.. ..
aber das derfs ebe au nöd si.. du häsch jez halts pech dasst mit dene idiote zäme schaffe muesch aber lass dich nöd uf diä gspröch i.. zeig piz dass du nöd so tragisch dänksch..

bi mir isches so dass diä wo gschisse düent im gschäft meistens au diä sind mit meh "macht" also ä höcheri possitione hend und sich weg dem 1. starch fühled und 2. hends sowieso s gfühl sii müssed alles kontrolliere.. und wenn iine öpis nöd passt denn säged siis rächt gern emal.. und d art und wiis isch amal erschreckend primitiv..

aber zum glück isch sonen arbeitstag au nöd ewigs.. cool down, it's all right..

würd meine da muesch eifach durrebiisse..

lg benny

das isch ei möglichkeit, aber fü mich definitiv kei richtigi lösig.

ich versuech mich i die lüüt inezversezte und i sie inezluege. wenni das mach, dann gsehni meistens es igschüchterts, unriifs chind wo sich ungliebt fühlt und vo ängst dominiert wird. die lüüt schreied nach liebi, scheitered aber jede tag und gsehnd de grüeni zwiig nöd. das isch verdammt härt. ich chan sie somit au nöd irgendwie als feind aluege. ihne gahts eifach verdammt mies.

ich lah mich aber definitiv nöd i miinere positivität ischüchtere vo so lüüt. mini mitarbeiter närved sich deswege au oft ab mir, well ich be ihrne pöbel-gespräch nöd mitmach, sondern sofort gegeargumentiere und z.b säge, dass d'sbb halt e verdammt komplexi sach isch und das ganz normal und logisch isch, wenn da mal en zug verspötig hat. und z.b. dass dlüüt vo de sbb au nur mensche sind und im prinzip nachem gliiche strebe wie alli andere (und nöd dass sie sich irgendwie geg eus verschwore händ, wells wend dass mir unpünkltich sind).

naja, amig lahnis aber au eifach toibele... hin und wieder dörfeds gern chli luft hole....

uf jede fall bin ich da akzeptiert, au wenn ich oft unrasiert bin, fascht immer mit de socke umelauf, ungsträäled und wie "en wilde" daher chumme.

sie ziend scho immer über mich här vowäge "ou lug dä chunnt sicher wieder früsch vom wald"... und das tuet ine guet... und ich finds au no luschtig, da hämmers all chli luschtig. mer muss halt ämmel chli pep und freud in lade bringe...

[elfchen]

ich lah mich aber definitiv nöd i miinere positivität ischüchtere vo so lüüt.

...

jo i kann di voll versto melliandra, i han au lang ineme labor gschafft wo alles sehr schwirig gsi isch........miar hend au a mobbingfall ka, mit kündigung und allem drum und dra........
das mit "er het jetzt scho wider aini graucht" kenni voll. es isch recht müesam zum in sonere atmosphera schaffa.......
aber i gluaba dass ma au sehr vil lernt debi.......au wenns i dem moment sinnlos vorkunt.....
han noch 2 johr kündat und bin go reisa und schaffa jetzt ineme andere labor und muess sega.......es isch vil besser wo i jetzt schaffa....es muess nit überall so schlecht zue und her go.....
aber i han mi au selber veränderet durchs reisa und i bin aifach so wia i bin........ston derzue...und denn ischs au liachter........ma döf sich wia da kollegoli sait nit ischüchtere lo.........

aber umgekehrt muess ma au dia anderi lerne akzeptiere wia si sind....das machts für di liachter.......au wenn si sich über belangloses züg ufregan und sündebock unterenand suechend....au das het sini gueti und schlechti site und jeda kann mit sinere art probiere sguete usezhole us de andere.......
i han scho es par mol schlechti vorurteil ka uüber menscha und wo i si nächer kenneglernt han het sich usgstellt dass es so liebi menscha gsi sind........mängisch muessma so lüt aifach richtig apacka......denn kann jenachdem sogar a fründschaft drus entstoh......

naja aber wünscha diar en schöna tag und lon di nit zfescht stressa....

[Melliandra]

@elfchen

Ja das mitem reise isch im Momänt au mini Hoffnig. Wirde de Nov/Dez 2
Mönet id Wält use und hoffe so, dassi mit chli meh „Rueh“ wird zrug cho,
um mien Wäg z’gah.

Han mich viellicht vorher chli zwenig genau usdruckt. Was mich i dere
Buissnes Wält stresst isch, dass mer sehr viel Sache chönt anderscht
mache, meh zäme schaffe, sich am andere öffne und denn hättemers alli
viel liechder... aber nei jede Ellböglet und suecht Schuldigi, als mal ane
stah und finde hej ich han scheisse gmacht oder he das stört mich.
Immer alles hine dure und ja nid sGsicht verlüre (hehe han dänkt mier i de
weschdliche Wält heibed das nid)

Chund scho a das ane wo de Kollegoli gschriebe hed.

Ich bin eifacht im Zwiespalt vo sölli das eifacht ignoriere, oder sölli uf die
Lüüd zue gah woni ebe gseh, hej die müessted nur biz was anders
mache, biz anderscht ufträtte und voila... Aber irgnedwie hani doch gar
nid das Rächt dezue... zudem, für die Persone isches maybe gar nid so
eifacht die chline Sache ebe z’ändere.

Also hani a gfange säge, lueged liebe Lüüd ich chan nid immer alles
ablose, will ich mier demit sälber schade. (Machsch meh Pause,
treisch „dGheimniss“ vo de Lüüd mit) und das alles wirkt sich denn wieder
negativ us. Das heisst aber das dLüüd den gfindet du bisch nid sozial und
was hesch jetzt gäge mich... alles ziemlich schizophren....

Isch mier au klar dass mer sini Emotione meh set usem Gschäft use
halte, aber mängisch giz mer fascht eis weni gseh was so abgad, nid mal
zwingend bi mier, das chani meh oder weniger no verchrafte oder was
ändere, aber ebe bim reschde...

Drum meini au öb das inere andere Firma nid s’gliche wär??!

[Father Oblivion]

hmm.. ich schaffe be de SBB am schalter (nei chann leider kei buessene verschwinde lah ) ...mier sind zwar oeppe 20 luet im buero und s isch eigentli niemmert uf minere wellelaengi was soundgschmack, politik oder istellig zum lebe betrifft.. die einzig wos hetti, mit dere han mi grad uf de gmeinsame thailand-reis leider uebel verkracht.. (hoffentli gaht das guet us wenn mer beid am di wieder moend zaeme schaffe )

...au be euis wird vil tratscht.. s schlimmschte isch mal gsi wos es paerli gaeh haet (grummel die tastatur ohni ae oe und ue nervt ) und wos usenandgange isch haet sie be allne ueber ihn welle umemotze.. das isch recht uebel gsi...

ich bin aber mega gluecklich bem schaffe und channs private und s bruefliche tip top trenne.. nach ere party won i vil energie tankt han, strahli am maentig morge amigs wie es mariechaeferli, dass d arbetskollege und kunde wo mit de "scheisse-es-isch-maentig-morge-istellig" choemmed sich amigs fraeget was ich echt igschmisse han

nach ere strenge wuche freu mi anderersits uf d party zum choenne loslah.. es isch en chreislauf wo perfekt ufgaht..

wenn i am schalter hocke isch halt au so, dass i das wo hinter mim rugge lauft schlichtwegs ignoriere chann.. will de abdroscheni spruch: de kund soett im mittelpunkt stah nimm i mir ebe scho z herze und richte min focus au entsprechend us..

da i selber fuer mich en mega strenge richter bin sind mir qualis vom chef oder s gschwaetz vo de mitarbeiter ziemli egal.. ich ghoere oft "danke fuer die fruendlich / kompetenti bedienig" und das isch fuer mich s salz vom schaffe..

ich hans langsam igseh das ich als einzelns individuum d welt noed veraendere chann, aber wenn ichs schaffe am ene kund es laechle be de verabschidig z entlocke, wo vor ere minute no haessig, ungluecklich oder gstresst driglueget haet.. denn lacht mini seel und mis herz und d welt isch fuer mich in ordnig und... ich bin gluecklich

[Kollegoli]

Han mich viellicht vorher chli zwenig genau usdruckt. Was mich i dere
Buissnes Wält stresst isch, dass mer sehr viel Sache chönt anderscht
mache, meh zäme schaffe, sich am andere öffne und denn hättemers alli
viel liechder... aber nei jede Ellböglet und suecht Schuldigi, als mal ane
stah und finde hej ich han scheisse gmacht oder he das stört mich.
Immer alles hine dure und ja nid sGsicht verlüre (hehe han dänkt mier i de
weschdliche Wält heibed das nid)

das hani u.a. au gmeint. au das lauft nöd perfekt. dmenschheit isch wohl s'unperfekteschte pack wos gid.

das feststelle isch ja scho de erschti wichtig schritt, de nöchscht isch miinere meinig nah, das zakzeptiere. sich über die lüüt wies sich ufreged ufzrege gaht imho asatzwiis au i das ine, wie sich über de "raucher wo scho wieder eis raucht" ufzrege. klar es isch scho no was anders, aber es hät durchuus siini ähnlichkeite.

praktisch genau so, wies e "illusion" isch, dass de zug jede tag pünktlich chunnt, so isches au biz e "illusion", dass dlüüt immer nett zunenand sind bzw. in extreme fäll überhaupt nett zunenand sind. de wahnsinn vo de lüüt, vowege gsicht-wahre, egoufpluschtere usw. isch eifach da, das wüssemer ja. ich han das scho früeh ide schuel festgstellt und igendwie au glernt, das zakzeptiere. das isch min weg wie ich das meistere. ich gah nöd mit de erwartig usem huus, dass ich uf voll wohlgsinnti lüüt triff, wo immer nett sind. ich weiss dasses de lüüt nöd guet gaht, ich bin druf vorbereitet und verstah sie sogar. solang ich no lüüt kenn, mit dene ich mich richtig verbunde fühl, wie ebe zb. be viel lüüt vo da vom forum oder ade partys, oder au immerhin weiss, dasses die gid, halt ich das locker uus bzw. isches keis richtigs problem, sondern eher e ufgab für mich.

aber wenns be dir voll schlimm isch und sich dlüüt nur no fertig mached, söttsch viellicht würkli dstell wechsle...

[altered]

@ kollegoli ig finds überhaupt nid arrogant das du mitleid hesch mit dene lüüt, arrogant besch erst wenn du dich für was bessers haltisch.



eg findes schaad das s proletariat sich sogar no gegesiitig muess fertig mache. die arbeitendi klass wird jo scho gnue unterdrückt und den machts die gegesiitigi schwächig no verheerender.

[altered]

aber jo kapitalismus goht jo scho i sine grundanahme devo us dass:

alle gegen alle = das beste für alle (konkurenz)


und denn isches doch natürlech das wenn me sone iistellig bi grosse wirtschaftleche zämmehäng het, dass sich das irgendeinisch au uf die zämmehäng im chliine bzw uf die zwüschemönschleche beziehige uswirkt.

der mensch ist des menschen wolf (im kapitalismus unumgänglich) das esch vo mir us gseeh der grund warum mir so schlecht mitenand umgönd, und au warum mir so vell angst vor de usländer hend (zb de düütsche wie me imene andere thread do inne gut chan nocheverfolge)

kapitalismus und konkurrenzkampf entfremde der mönsch vo de soziale wert wo er als keim in sich treit, wo aber müend entfaltet werde.

[Melliandra]

...solang ich no lüüt kenn, mit dene ich mich richtig verbunde fühl, wie ebe zb. be viel lüüt vo da vom forum oder ade partys, oder au immerhin weiss, dasses die gid, halt ich das locker uus bzw. isches keis richtigs problem...

Das stimmt und drum hani viellicht au da ine gschriebe um euch Posts
chöne jetzt z’läse. Akzemtiere... hm... ja da bini nonig ganz
Meischder drin, aber wie scho gseid, wenn ich mich drüber ufrege, denn
bini nid viel besser als die andere..
Und das wägem hälfe.... naja gfinde de Wäg scho no mit nid gad allne
oder niemertem welle hälfe.

Aber merci für euri Antworte. Duet guet z’läse dass mer nid ganz
verschrobe dänkt... oleee

[GlücklichAmTanzen]

Isch nu es ganz guets thema wo da agsproche wird. Ich han so änlichi Sachä au scho es paar mal miterläbt.

Also ich ha s gfühl, es isch es grosses problem i üsere gsellschaft, dass mega viel lüüt missgönnä tüend. Also d.h. z.B. dass eifach vieli s gfühl hend, dass die "andrä" bevorzugt wärdet und`s immer besser heiget als sie sälber. Und da fanget glaubi scho die erschtä Persönlichkeitsproblem uf. Ich dänk, s`fählt a vielne lüüt a sälbschtzfiedäheit, d.h. dass vieli lüüt nid z`friedä sind mit sich sälber,dem vo sie machet und dem wo sie hend.
Dur dass glaubich fanget den sogenannti intrigene oder mobbing a. Oder mer motzet immer hine durä über anderi lüüt. Und au dass sind wieder persönlichkeitsproblem vo denä lüüt. Anschtat z.B. diräkt zu dä betroffenä Personä z`gah, redet mer hinnä durä. Also hend diä Lüüt au problem mit Ehrlichkeit, offäheit und mit diräktheit.

Aber wieso sind denn diä lüüt so?

Hmm, dass hami au scho s`paarmal g`fragt und ich dänk s het dermit z`tuä, dass die Lüüt nid in Liebi mit sich sälber läbet und dur dass keini inneri rueh und zfriedäheit gfindet. Dass sind Lüüt wo eifach mitem grossä mänschestrom mitschwimmet. Wo meinet ires läbä und alles im griff ds ha und eigentlich in wahrheit nu nie sich zyyt gnu hend um mal übers läbä im allgemeine nachezdänke. Wo meinet en eigeni meinig ds ha, aber die eigeti meinig vo dene lüüt wird vo so villne sache beiflusst, was zum biispill ch so cho: wenn mal eine sich fangt afa luschtig mache über öbert, fanget plötzlich immer meh und meh a. sobald en zweite mitzieht, chunnt scho en drittä, denn en vierte u.s.w. Da fangt plötzlich sone dynamik a wo die meischte lüüt gar nid wahrnämid. Und meischtens fangt dass so ganz heimlifeiss schliichent a. Und dass füehrt eifach zu so scheiss mobbing und lügene wo verzellt wärdet.

Ich han so züg au scho viel erläbt, und ich dänk sìsch leider scho a der tagesordnig inzwischä. Und dass isch nid nur bi "bürogummis" so, sonder au i andre gwärb. Ich schaffe im Gartebau und ha nu nie imne Büro gschaffet, aber dass gits also bi üs au noch und noch.

Dänkes nid dass so Sache weniger wärdet, eher im gägäteil, halt äbä will immer meh mainstream herrscht. Und glich müemer irgendwie dermit klarcho.
Mich persönlich machet so sachä au verruckt wennis gseh, ghörä und erläbä. Aber dur diä wut berchumi au immer wieder meeeggaaa power. Genau die sachä z.B. gänd eigentlich ja minär Läbesischtellig rächt und gänd mier power so witerzmachä uf dem wäg woni igschlagä ha. Drum ischs glaubs eifach mega wichtig dass mier witer so machet wie mier sind, und üs nid afanget dem ganzä apassä. Will ich glaub weni so witer mach wieni bi, denn chani Liecht si für die mänschä, und nur so fanget sich villicht andri au a chli verändre. Aber ja nid versuächä go Mänschä ändrä, dass isch au nid richtig. Sondern eifach so witerläbä wiemer sind und immer meh Liebi und zfriedöheit i sich sälber afangä z gschpüre.

Ich glaub da chamer suscht eigentli gar nid viel suscht mache.


Mier sändet dur üserä wunsch, üs und anderi z heile und a üs und andre z schaffä, Botschafte i die Geischtigi Wält, wo umgehend ihri erfüllig suechet!!



http://www.puramaryam.de