johanniskraut bei depressionen

[wuchenendbefürworter]

ha i letschter ziit öfters mal heftigi depressione gha und ga etz dän zum psychiater. aber anstatt mir das novartis-chemie-schisszüg inetätsche han ich mir überleit e johannischruttherapie azfange will ha irgendwo mal ghört dass es no nützöich isch und der mit dem au en gfalle für körper und geist tuesch.
jetz mini frag: weiss irgendöper da ine bscheid über das chrut??? oder hät sogar scho mal öper so ne therapie gmacht??? wo bechunsch das??? wie wändischs a???usw.
wär froh über antworte

[Psydog]

Salü.
Ich mache selber Johanniskruut-Tinktur und Massageoel. Sehr guat gega Verspannige und allerlei Schmerze.Au gäge Zahnweh ischs guat. Kolleg hät siini Depressione mit miinere Tinktur könne bekämpfe! Bruuchsch würkli kei Chemie-Scheisse oder sogar an Uufenthalt ir Psychi! Kriaga tuaschs ir Drogerie in allna möglicha Forme.Tee,Tinktur,Kapsle,Öl usw. I sammle miis Kruut im Mai/Juni selber und tuans denn verarbeite. Han megaviel verteilt dia letschta paar Monat und drumm kann i dä Früahlig kuum erwarte!
Hoffe,han dr könna helfa und susch weisch ja wo mi findsch!
Gruass usem Wald.....rhöÖÖörrrrrrr.............

[Salemar]

salut

ich kenne das johaniskraut...man kann den tee in jeder drogerie kaufen...einfach 1-2 tassen am tag geniessen (na ja, geniessen ist relativ...schmekt nicht so toll)...wenn möglich ohne zucker...zucker ist ein uper aber später ein downer...wichtig ist den tee regelmäsig und über einen längeren zeitraum zu trinken...proscht

[altered]

auso eg han au scho johannischruut bruucht. es esch guet geg schlafstöörige, das hani us eigeter erfahrig säge. obs depressione chan behandle wag eg jetz mal z bezwiifle, vorallem wenns heftigeri depressione send. vo psychopharmaka wörd eg eher abrate usser im akutischte fall. s problem a psychopharmaka isch das si nid d ursach sondern nur d symptom vo de depressione behandle. (wie das jo oft der fall isch bi westlicher medizin)
s wichtigste isch das me sis umfeld enderet und das me lüüt het weli ums wohl vo eim bsorgt send und eim dur die schwere zite helfed (liebi isch i demm fall, so naiv das au töönt die besti medizin).
eg ben zwart kei psycholog (han mis psycho studium nach 2 jahr ufgeh) und au kei psychiater, aber eg rate i jedem fall ab z voreilig en medikamentösi behandlig azfaoh. will medikament (vorallem psychopharmaka) i der regel en starche abhängigkeitseffekt uslösed. da depressione meist dur en usem glichgwicht dopamin hushalt im hirni usglöst werdet (was widerum dur droge begünstigt wird). psychopharmaka helfed em hirni, grob gseit, das chemische glichgwicht widerherzstelle. jedoch gwöhnt es sich a die vo usse zugfüerte stoff und d depressione werdet nur schlimmer wenn me keni medis meh nimmt. (en tüüfelskreis)

Leider het eusi westlechi heilmittelindustrie kei interese dra krankheite z heile. vill lukrativer isches chronisch kranki lüüt hänezzüchte, wo immer wider chömmed hri produkt cho choufe. drum vertroued nid uf medikament ussert in akute fäll wos nümm anders goht.

[strigor]

ich habe nach übermässigem m-konsum meistens eine "traurigkeit" in mir. helfen tun mir dann johanniskrauttabletten (gibts in jeder drogerie) und vor allem eine dynamisan forte kur. für mich ist dynamisan forte ein wundermittelchen. bereits nach ein paar tagen merke ich eine deutliche stimmungsverbesserung. scheinbar helfen die aminosäuren, mein dopamin und serotonin-depot wieder aufzufüllen.

[Zauberhäxli]

Ich han mal ä rächti Krise gha, mir ischs würkli uh schlecht gange und han drum so Johanniskruttablette gno. Ich glaub scho, dass mir ghulfä hät. Äs brucht glaubs scho so öbe zwei Wuche bis der würkli besser gaht. Chaschs wahrschinlich nöd vergliche miteme Antidepressiva, wobi ich sowiso vonere medikamentöse Behandlig abrat. Lieber echli ä fineri und natürlicheri Würkig, als en medikamentöse Hammerschlag!!!

[Kollegoli]

das johannischrut-dings schadet wahrschiinlich scho nüt, aber ich wür, wie de altered seit, mich dadurch nöd davo entbinde, dis lebe zändere. wie gseit; das johanissdings oder suscht igendwas behandelt villicht dini symptom und macht dasses der churzfristig besser gaht - aber glaub chum das damit würklich glücklich wirsch...

...da wür ich eher be dim lebensstil asetze.... was machsch denn so? wo gsesch de sinn im lebe? bruuchts lebe idem sinn en sinn? was isch dis hobby? was dini liideschaft?

das findi sehr wichtigi pünkt. es richtigs hobby isch miinere einig nah so zimli s'wichtigscht, wasme bruucht zum glücklich sii.

so chrüüter oder substanze chönnd der sicher under umständ hälfe, aber glaub nöd dass scho mal öper würkli grundelgend nur dur es chrut oder e substanz ELEI glücklich worde isch. da bruuchts scho na was meh....

[Waldfrieden]

ech wörd zuesätzlich no baldrianwurzle ne.
das zügs beruhigt und brengt eim (mech zumindest) emmer weder uf schöneri gedanke.

ech han früecher au drunder glette. ben zersch bim psychi gsi, bes er mech hed welle iwise )) han denn dankend abglehnt
ben denn so indianischi ritual go mache bi eim wo jahrelang met ehne zämegläbt hed. tja, und e chli spöter esch mer scho vell vell besser gange. esch jetzt aber au scho öber 10johr här

huh, die ziit god ome

[Psydog]

so chrüüter oder substanze chönnd der sicher under umständ hälfe, aber glaub nöd dass scho mal öper würkli grundelgend nur dur es chrut oder e substanz ELEI glücklich worde isch. da bruuchts scho na was meh....

Da muas i am Oli natürlich scho recht gäh! Allei dur dEinnahme vo HYPERICUM PERFORATUM (Johanniskraut) wirsch nid gsund. Da muasch scho no anderi Weg zur Bekämpfig finde. Min Kolleg isch nid allei dur das Wunderkruut gsund worde! Hät au müasa siin Lebensstil ändere. Isch au bimene Psycholog gsii und der hät ihn zunere Homöopathin gschickt. Wo ihm wiederum Johanniskruut-Kügelis mitgeh hät. Am meischte gholfa hät ihm aber bestimmt dr neui Umgang (wohnt jetzt uf dr andere Siite vur Schwiiz) und Total-Abstinenz (abgseh vom Tabak).

[frä irz]

ich trink sit es paar wuche au johannischruut-teeli. isch eifach e gueti sach gäg die "winterstimmig" (winter&chälti sind gar nöd mini fründä (. gäg starchi depres hilfts warschindli nöd aber bi liechte vertstimmige chan ichs nur empfehle!

[GlücklichAmTanzen]

s isch nu wichtig sonä kuur über 4-5 monate z machä, da die ganz kuur erscht so nach zwei monate ca. guäti wirkig fang a z erzielä.

[wuchenendbefürworter]

wow sovil antworte... merci vilmal für eui würkli sehr hilfrichi biträg, mer merkt scho dass das forum nöd irgend es jo-jo-jo-krass-mir-gats-guet-schiss-uf-de-ander-forum isch.
kollege hani 3-4 sehr gueti woni au scho über alles gret han, nur: mit mine depressione tretet halt au paranoidi selbstzerstörerischi gedanke uf(so es typischs "all hassed mich und lached über mich") was halt au huere schwirig für si z verstah isch. und wänn ich e richtigi depressivi phase han dän chan ich gar nüd mit liebi afange wil ich mich selber nöd emal akzeptiere. hobbys häti scho gnue nur fählt mer i sönige moment eifach de atrib und lideschaft. drum hani dänkt bezien i glich mal professionelli hilf allerdings hammer wie scho gseit vorgno dass die hilf nöd eifach i form vo "tablette ine-depression weg-depression da-tablette ine" söt si sondern meh über gspröch.
wäns nüt nützt chani ja immer no zu de indianer
jedefalls es grosses DANKE an all
tschügge

[Kollegoli]

hey! du bisch doch de wucheendbefürworter! denk doch eifach as wucheend wenn mal depris häsch?! nei chabis.....

....aso weg de hobbys.... häsch dann au igend so es *megahobby*? häsch irgend e bedüütendi uufgab?
falls nöd, dann suech doch so eini (und gib debii nöd und vor allem nie schnell uuf).

be mir isches zum biispiel so, dass es miini ufgab isch, musig zmache. das isch miis *megahobby* und wenn ich am schaffe bin, dan freui mi musig zmache und wenni schlaf dann findis geil dassi musig gmacht han. i mir isches innerlich am tanze....
...so es hobby meini....
wenn so eis hasch, dann isch scho fast alles guet.

selbstverständlich, findetmer so es hobby nöd eifach so hopphopp mal, es isch scho eher so, dass das hobby eim findet. aber dafür mussme ihm d'chance gäh, und zwar indem mer möglichsch viel verschiedeni sache usprobiert und dere sach au uf e gwüssi erwartiglosigkeit art entgegetritt. bis ich mis hobby a dem punkt gha han, wo ichs jetz han, isches scho so 2 oder 3 jahr gange... d'vorrussetzig isch gsi, dass ich nie ufgäh han, mini eigene erwartige gah han, druf gschisse han was anderi gmeint händ usw....

kreativität isch s'schlagwort... wenn lüüt beobachtisch, dann gsehsch, dass die meiste wo würkli us völlllig eigenem wille öpis ufd bei stelled, meistens glücklicher sind als die andere.


aber so wie du seisch, wird das was du jetz grad vorhäsch, so vowege proffessioneller hilf und johanneschrut und so sache, guet sii... ufj ede fall als starthilf (villicht au meh), igendwann eifach wirds miinere iischetzig nah, meh bruuche. schiinsch ja scho ufem richtige weg zsii... vorallem wege diinere offeheit

edit: ach jaaa.... leid und liideschaft lieged seeehr nöch benenand (deswege heissts ja LEIDenschaft). genau so liit au sglücklichsii ämmel viel nöcher alsmer eigentlich denkt... die ganz sach isch igendwie mega luftig...

[wuchenendbefürworter]

jeeeeeeeeeeehhhhh wuchenend!!!!!! ha mis ziel erreicht etz mueni nüt meh befürworte sondern bin geg alles...
nei ernsthaft, mis "megahobby" isch fuessball, spil au imne club, obwohls nöd so goaoberhippieblüemlimässig isch so vo de lüt her. villicht gschpüris nöd grad während em schlafe, aber wäni am umesekle bin ischs fasch scho so as würdi anere goa tanze(freie himmel, gedankefreiheit, loslah...) nur dass es uf em fuessballplatz halt geelierti iros hät...
aber du häsch voll recht mit dire ussag zum megahobby: das isch so öpis wie en ablenkig vom schinbar trüebe alltag und nachemne training hani meischtens au kä problem zum ischlafe. han e churzi ziit ufghört mit fuessball willi s gfühl gha han ich chön kä kontakt meh ha mit dene lüt will mi ja all fertig mached... aber etz bini wider igstige und stut guet ja,ja...
eigentli bereuis au dassi scho so früe mit droge agfange han(16i xtc,amphi,spöter anderi...) ich hät si vil schöner und intensiver chönne erlebe(wän überhaupt nötig...) wäri zersch mal riif defür worde und hät mini persönlechkeit entwicklet. alk und kiffe begleitet mich "scho" 41/2jahr(bin etz 181/2) und händ scho au ihre ifluss gha.
villicht gaht em ein oder andere das gehüle uf dä sack aber ich finde wäni scho afang hüle sötti au grad drüber hüle wiso dassi
hüle
s glücklechsi wär würkli so verdammt nöch, ich gschpürs, sisch grifbar, ich gsehs, schmöcks und ghörs,es existiert irgendwo, aber ich weiss no nöd genau wien ichs erlebe cha....

[Kollegoli]

so das gseht ja scho mal nöd so voll himmeltruurig uus.

aso ich ha au mit 13 afange kiffe und mit 14 suufe. das hat scho siini uswürkige, aber das heisst nöd, dass da nüt degege mache chasch.

mit tipp:

hör unbedningt uf kiffe! das änderet scho mal vieles.

und du wirsch jetz villicht denke, das schaffi nöd, aber das isch nöd so; jede chan das wenner will. han au 7 jahr dauer kifft und uuuuuuuhuerre viel, und dann plötzlich eifach ufghört. miinere meinig nah gids sucht eh gar nöd würkli. sucht isch meistens nur e usred, um sich nöd müsse mit dene gfühl zbeschäftige, wo mer hät, wännmer das, wovo mer glaubt süchtig zsii, nöd macht.

und ja; natürli wenn viel suufsch würi au das ändere. alk macht eh nur hohl ide birre.

ah ja und das mitem hobby hani nöd so gmeint, dass es eim söll vo de schlimme sache ablenke, sondern dasses eim, im gegeteil, söll helfe die schlimme sache zverarbeite. villicht musch wenn fuessball spielsch nöd vergesse, sondern dich grad no meh demit konfrontiere und a alles schlimme denke - solang bises zrächt-tschuutet häsch.

aber ebe: mal nümm zkiffe wird scho so einiges mit sich bringe. villicht au es paar freinächt und es paar zappeligkeite, aber hey, das ghört dezue und tuet au mal guet - mal e chliises kämpfli mit sich selber zverastalte und mal chli siini "sücht" azfigge, isch sehr wichtig.