I wot de alti thread zwar nid wider ufrolle, aber da er scho 2 johr alt isch chan er sicher wider in ere richtig interessant werde.
zersch mal problematik #1:
ade meischte parties wo ig jetzt gspilt ha, sind ide meischte fäll chlineri xii, hets zwenig platz gha zum aständig equipment ufstelle. Obwohl au abgmacht xi isch das min. e 2m breite tisch zur verfüegig mues stoh isch es selte de fall xi. Das verunmöglich ame en richtige liveact zmache. Ha au scho us platzgründe nur de laptop chöne ufstelle und de reschte Equipment im Auto loh, do frog ich mich ame wieso mer en live-act bueched und im den kei platz zur verfüegig stellt.
Problematik #2:
Mis "normal"-Setup bestoht momentan us Laptop mit Ableton Live, DAW-Controller, Midi-Keyboard, 2 Synths, FX und evtl no es Mic wo via FX meteme Synth cha moduliert werde.
Damit ich das alles aber mitnime mues d Gage guet stimme, isch ja logisch (scho im andere Thread diskutiert worde werom). Und es mues au 100% für das alles au Platz ha.
Also chunts druf a nach Platz und Gage wie vill ich mitnime und wie ich au würkli live mache.
Wens wenig Platz het oder ich anere chliine Party spile, bini oft nur mit Laptop, DAW-Controller und MIDI-Key unterwegs. Isch halt nur öpe 10% anstatt 50% live aber immerhin chame si eignig Sound präsentiere und das isch vo mir usxeh d Hauptsach
Au wen öper nur hinderem Laptop stoht het er doch im vorus Stunde, Tage, Woche demit verbrocht das wo den lauft z kreire.
Churzfassig wie ungefähr mi Live Act ablauft:
Im Ableton Live laufed die ganze abgmischte gmasterete Tracks. Bi einige sind d Synth-Lead Spure nid im Mixdown und werded den Live mit de Synths gspilt (für öpis han ich 6 Johr lang Keyboardunterricht gha
).
Dezue han ich x-Loops (Drums, Vocals, Synths, etc) im A-Live wo ich nach lust und laune cha übers MIDI-Key triggere.
Au sind das teilwis MIDI-Loops wo a en beliebige Synth chöned gschikt werde und ich den döt realtime cha filtere oder mit em LFO moduliere etc.. was ich den au grad luscht ha zmache demit.
Zuesätzlich han ich no par Filter, Modulatione und suschtigi FX uf de Masterspur wo via MIDI-Key stüürbar sind.
I dänke wen me elei live-Act macht isch das scho öpe smaximum im mögliche Rahme und erscht sits s Ableton Live git möglich. Wot ja kei schlichwerbig mache, aber söl mer das mau eini miteme andere Sequenzer mache!
Ha scho stimme ghört für die isch live nur wen öper es richtigs instrument spilt, sprich gitarre oder didjeridoo, etc. Das isch vo mir usxeh Falsch. Den Psy-Trance isch elektronischi Musig und do chömed au zu 99% elektronisch instrument sprich Computer, Synthesizer, Sampler und Drumcomputer vor! Au das sind instrument!
Nur weli jetzt nid cha gitarre spile chani doch glich au e liveact mache! *gg*
hui merke grad das de text e chli länger isch worde.... *gg*
Freu mi uf meinige eurersiits
