Musik an Partys zu einseitig und zu hart ?!

[Käpten Hirni]

·LOOOOOl· TJA I GIB AM OLLI AU 100% RECHT...

drum sufi amigs so vil a de partys will de sound immer schrecklicher und hald meh oder weniger fuer die "druffe umespicker" apasst worde isch..tja oli damit muesch laebe...es paar bier meh und alles gseht wider rosig us..hehehehehehhahaha...peace und gruess us guatemala

[Kollegoli]

jaja hirni, das hanich scho gwüsst dass du das so gseeesch . isch au e löösig.

@joss
de thread da isch eigentlich nöd als gemotze denkt gsi, sondern meh mal einersiits als denkastoss und anderersiit ums eifach mal gseit zha und chli drüber zrede.... das bringt ämmel recht viel, au wenns absolut gar nüüt änderet. das wär ja furchtbar wennmer nu no wür über sache rede um öpis zändere?! ..... ja uf selber party mache simer au scho choo, aber das isch dooch sooo astrengend... nei, ich meine, dann isches au nonid glööst. aso mi werded eehh au eigeni partys mache, mit andrer musig.

@altered
das isch scho au soo.... da chunnt be mir eifach dfrag: wie chunnts, dass dlüüt genau das ghööre wennd? vililcht chamer das da ja öper erchlääre? und abgseh devo bin ich eigentlich zimli sicher, dass nöd alli das ghöre wenn, sondern no bedürfnis nach hundert andere stil da isch.... wennn dann halt ammel au nu 2, 3 lüüt zum dj go brüele seckled, er söll doch dünpfiff uflege, dann schiints halt aammel so, als wärs ganz publikum geg de sound, wo grad lauft...

ich denk eifach chli, dass vieli lüüt eifach die musig geil findet und wennd, wos kenned, gegeüber neuem sind viel prinzipiell abgneigt. ich bin sicher würmer ihne eifach anderi musig ufsetze und das au chli konsequent (mit em richtige marketing, wenn so wilsch), dann fändets dann igendwann schomal paar lüt meh geil.... igendwie soo........ de killerfullon findet doch au viel zumindest teilwiis wegem "marketing" guet, es chömed dwörter "drugs" "lsd" und "psychedelic" drin vor und das bestätigt doch viel lüüt, hat so das gwüsse rebellische (und vieli lüüt sehned sich doch chli nachere bestätigung in ihrer rebellion) und am schluss schreied all. zudem isches vollgstopft, gid eim vor, wenn mer wie ztanze hät und sorgt dafür dassme sich au ja nöd mit sich selber beschäftige muss. zudem isches härt (ja paar werded mir da widespreche), es hat en killerkick mit eerre killerbassline und es tätscht und ratteter.... so chunnt au ja keis gfühl uf dassme es weichei chönnt sii

vorallem hats doch au mega viel mit de läbensiischtelig ztue, was fü musig me geil findet. oft laht me musig ja gar nöd a sich ane, us wellne gründ au immer.... da drüber chönnt me mal chli mit de lüüt rede? ich red ammel ade partys immer hin und wieder mal über so was... oft passts doch eifach nöd is shema und me dörf sozäge gwüssi musig scho fasch nnöd geil finde, well mer dann z.b. zwenig cool isch.

eifachs Biispiel: dörf igend en voll kraaasse hiphopper sanfti chillmusig oder schöni gsungeni musig geil finde? das wür er sich selber gegenüber doch gar nöd zuelaah, dass ihm sowas gfallt, wells a siinere krassheit nage wür. so isches be de goalüüt doch au chli (aso isch ja eigentlich logisch oder).... z.b. nämed sich vieli lüüt doch dmöglichkeit gwüüssi lieder geil zfinde, wells es scho im vorherein als kitschig oder als progi oder such was abstempfled, obwohlsne im prinzip gfalle chöönnt. us söttige gründ chunnts doch, dasme oft gar nöd richtig anelost und musig als schlecht empfindet, obwohls eim, wemer unvoriignoh lose wür, eigentlich guet gfalle würd. sproblem liit doch chli daadraah, nööööööd ???

[Zauberhäxli]

Ja Oli häsch vollkomme rächt!!!! So isch es aber leider nöd nur bi dä Musig sondern au bi dä Chleider oder was mer für ä Meinig hät. I öisere Gsellschaft, und da isch Goaszene känn Dreck besser tuet mä sehr schnell urteile und so verurteilä. Ich bin au scho mit meega Skaterhose am Arsch unnä ane Goa gange, dänn händ mi einigi scho schräg aglueged. I dä Goaszene häts sehr vil liebi Lüt, aber trotzdem muesch fascht am typische Goaklischee entspreche süscht ghörsch hat glich nöd ganz däzue und wirsch schräg aglueged.

[Zauberhäxli]

Jetzt bin i glaub chli vum Thema abcho

[Kollegoli]

neinei bisch vollnöd abcho findi.... (was doch übrigens eeh egal wär)

aber ganz so extrem empfindichs jetz au nöd.... ich gah ammel jetz au scho es ziitli a partys und ich ha no nie es oohm oder es glöckli agha, immer mini standard garderobe, wo sich nöd würkli vo dere vo igendöpperem uf de strass vo igendwo unterscheidet und mich hat no niemert blöd agluegt deswege....

[Zauberhäxli]

Klar ich has jetzt extra chli extrem usdruckt. Ich glaub scho, dass sehr vil lüt wo gern a Goas gönd sich au Müeh gänd tolerant z`si. Trotzdem hani scho vil Ussage ghört vu süscht lässige Lüt wo ich eifach nöd guet find. Ich versuech immer tolerant z`si und die andere akzeptiere so wies halt sind, das bruchts minere Meinig nah vil meh i öisere Gsellschaft.

[Melliandra]

neinei bisch vollnöd abcho findi.... (was doch übrigens eeh egal wär)

aber ganz so extrem empfindichs jetz au nöd.... ich gah ammel jetz au scho es ziitli a partys und ich ha no nie es oohm oder es glöckli agha, immer mini standard garderobe, wo sich nöd würkli vo dere vo igendöpperem uf de strass vo igendwo unterscheidet und mich hat no niemert blöd agluegt deswege....

Viellicht isch das auno chli es Ding vo de Fraue. Weiss nid isch mer aber
au scho ufgfalle, das a Goa's nid besser isch als imene House- Club.

Gad a Indoors isch de Konkuränz Kampf "Wer isch die "Schöner"" au da.
Klar mer luegt denn nid wer hed s'knappere Röckli ah sonder wer die
farbigere Hose oder wer hed meh Glöggli im Haar.

[Conclusion]

Wiso nur noch Mainstream? Hauptsache hart und schnell?

Ich denke Die Producers wollen releasen und zwar auf CD und Platte.
Die Labels nehmen halt anlässlich der Verkaufszahlen eher nur noch Mainstream im Psybereich wie auch beim Proggy!
Sind wir mal ehrlich.. auch der sogennante Proggy düdelt schon wie Sau!
Vergleicht mal Iboga Heute mit Iboga vor 2-3 Jahren.....)

Ja, genau das was ich seit Jahren sage betreffend mp3-Tauscherei scheint so langsam einzutreten. (Für mich zwar schon lange, aber nun scheint es dem grossen Haufen auch aufzufallen) Jeder hier der über die allgemeine Musik die released wird motzt und selber Zuhause geklaute mp3's hat soll sich mal selber an der Nase nehmen!

Wie gesagt. Keine Verkaufzahlen weil extrem viel geklaut wir im Netz bedeutet letztendlich das nur noch Mainstream von Leuts mit einigermassen nahmen in die Läden kommt. Dies kann man event. noch verkaufen. Inovatives neues Zeuchs von unbekannten Artists zu releasen wird immer schwieriger.....

Hatte man vor 5-6 Jahren noch 5000 CD's verkauft, sind es Heute noch ein Drittel davon. Mehr Techno-Freaks gibt es aber sicherlich, ne?

.. think about it.....


PS: Nur meine bescheidene Meinung, man darf jetzt mit Steinen werfen

[Kollegoli]

aso ich denk, dass das nöd sooo wahnsinnigi uswürkige uf de musig gschmack hät. 80% vo de djs wo ich kenn leged ehh mit abegladne mp3's uf. ich bi da nöd so ufem neuste stand, aber im netz findsch doch ämmel jenes verschiedeni musig. aso ich meine, au wenn nur no ei linie vo fullon und progi released wird, dann hats im netz immer no viel meh verschiedeni musig, da gids doch immer neus zentdecke.

ich kenn mi nu mit internetradio chli besser us und da lauft ämmel jenes verschiedenigs..... und dj's wo mit mp3s ufleged chönnted ja grad so guet vo det dmusig rippe, gids zum teil in gliicher qualität.

uf jede fall gids ämmel jenes verschiedeni musig.... adem chas ja nöd liege, dass all ufs gliiche stönd. villicht beiiflusst das igendwelchi labelDjs, aber es gid ja ämmel nöd nur die....

[Conclusion]

ich han au ned gschribbe dass das e üswürkig uf de musig-gschmack hät.
sondern e uswürkig uf d'agebot im lade. weisch so richtig zum chaufe.

de musiggschmack vom endkonsument bestimmt jo nid er ganz alei, sondern vergliicht die verschidene styles und artists und suecht das use wo ihm am beschte gfallt. das nennt er denn sin gschmack.
.... nur dumm dass leider villi gueti sounders gar kei chance meh hend
ihres züüg zum vergliich uf de markt schmeisse......

jo und dass 80% vo dine dj-kollegas mit klaute mp3's uflegget spieglet d'szene, richtig.



hmm.... bliibt d'Frog: Was mached dänn die richtig guete Produzänte wo wüssed dass si guet sind und velicht chli wend geld verdiene mit ihrer musig?

ganz eifach, sie mached anderi musig für s'zene wos no dj's hät wo sich platte chaufet! gönd mit ihrem sound det ane wo e business isch.
biispil defür giz gnueg!
scho komisch macht mänge ex-goa-produzent hüt house oder minimal.....


alles chli happig provokativ dargstellt vo mir ich weiss......
velicht bin ich au eifach z'alt zum das ganze verstoh was do abgaht.

[Kollegoli]

okkeee ich verstah was du meinsch conclusion....

aber als gegefrag frög ich da lieber:

Wo bliibed die guete produzente wo wüssed dasses guet sind, well ihne ihri musig gfallt und wo bem musig mache oder in verbindig mit musig nöd an geld und marktwirtschaft denked? wo sind die wo us reinem spass und puurer liideschaft musig mached?

vililcht tönts fü dich jetz chli blüemliidylle-mässig, aber fü mich isch musig reini kunscht. ich wür niemal min musigstiil em geld apaasse; wie du wahrschiinlich richtig seisch, mached das aber leider viel---> alli mached killerfullon bzw. gönd in anderi szene.

naja schlussendlich muss mer sich wohl entscheide, ob mer jetz für siini reini geistigi befriedigung musig macht oder um zur geltig zcho und evtl. demit geld zverdiene. und wenn mer demit will gross geld verdiene gaht wohl viel liideschaftlichs und künschtlerisches verloore.
Liideschaft und "seelewohl" oder lebensunterhalt. beides isch guet, aber ich bevoorzuuge liideschaft!!! das isch mis lebenselixir... geld chani au andersch verdiene.

ich find din post sehr guet vo vorher (im übrige keis biz afiggerisch, (vor allem im verglich zu andere posts vo dir ))

das isch doch so zimli au es grooses problem vo de produzente i dere szene: vieli mached musig us geltigssucht und zum erfolg haaa. wo bliibed dlüüt wo druff scheissed was anderi denked, ihri eigeni musig mached und sich nöd vom gschrei und vom ruhm beiiflusse lönd ???

[Capablanca]

Geld macht vieles kaputt.

Es wurden so viele Kunstwerke im Bereich Psy-Trance geschaffen, die nur aus reiner Leidenschaft entstanden sind. Ich bin sogar der Meinung, dass nur die Musik, die aus purer Leidenschaft und einer ehrlichen inneren Einstellung zu der Psy-Bewegung entsteht, eine wirklich hohe Qualität im Sinne des Psy-Trance erreichen kann. Denn das Ziel ist es - auch wenn das viele nicht begreifen - eine transzendentale Einheit zwischen dem Künstler, dem Volk und dem Kosmos zu finden. Das klingt jetzt zwar ein bisschen mystisch, es muss aber nur richtig verstanden werden. Es ist keine echte Magie dabei, aber trotzdem irgendwie anders als auf jeder anderen Party.

Es gibt aber noch eine Menge von solchen Artisten auf der Welt, die es aus genau diesem Grunde tun. Eine Menge Künstler, die der Überzeugung sind, Geld mache das wahrhaft schöpferische Denken völlig zunichte. Geld kann kein Motor für eine transzendentale, psychedelische Erfahrung sein, weil Geld nur auf der egoistischen Kraft beruht.

Natürlich braucht man Geld zum Leben, Equipment usw. Das wird ja auch alles eingesehen. Aber es muss ein Mittelweg gefunden werden. Künstler sollten genug Geld verdienen, um einigermaßen gut zu leben und sich ihr Equipment und alle Umkosten gut leisten zu können. Sie sollten aber nicht durch die Arbeit reich werden.

Warum braucht ein Künstler 5 Villas (gibt viele Beispiele aus dem Pop-Bereich), während auf der Welt täglich Menschen am Hungertod sterben?

[altered]

eg gloub nid das s problem dorin liit dases kenni künschtler git wo sich nid ernsthaft der kunst verschribe hend.
eg gseeh das eher e so: es get vell künschtler und jede macht de sound wonem gfallt. döune gfallt so musik wo der masse au passt, döune gfallt musik wo vellech nur emene teil vo der szene passt (oder ehre gschmack isch de anderne voruus).
näme mer mol hypothetisch aa, es werdet 5000 goa cds insgesamt verchouft und es git 5 goa künschtler. 1ne devo verchouft 3000 cds wil de sound wo er macht mit em gschmack vo der masse am beste überiistimmt. die andere verchoufe jewils 500 cds.
aber för es label lohnt es sech ersch en cd z produziere, wenn (rein hypothetisch) 500 cds verchouft werdet.
wenn jetz der gsammtverchouf vo de cds uf 2500 cds absinkt, verchouft der einti künschtler no 1500 cds und de rest jewils 250 cds.
i dere neue situation lohnt es sech plötzlech nümm för d labels die künstler unter vertrag z neh wo nid em mainstream entspreche.
es goht nid unbedingt drum das d künschtler nur wegem geld die musik möched (will sösch wöred si pop und nid goa mache). sondern dodrum das musik ebbe nid nur kunscht isch, bzw das me kunscht au muess bezahle (irgendwer muess die cds jo mache, verteile, designe). und das i der goaszene nid vill verständniss för die chöschte ufbrocht wird.
me ladt sich mp3s abe, schliicht sich an partys am iigang verbii, weigeret sich meh als 10 stutz iitritt z zahle, d djs werdet i der regel au nid bezahlt (was secher au en grund isch worum vell djs mit mp3s uflegged).
aber me erwartet abwechslig innovation und qualität. das goht irgendwie nid uf.

[Conclusion]

es goht nid unbedingt drum das d künschtler nur wegem geld die musik möched (will sösch wöred si pop und nid goa mache). sondern dodrum das musik ebbe nid nur kunscht isch, bzw das me kunscht au muess bezahle (irgendwer muess die cds jo mache, verteile, designe). und das i der goaszene nid vill verständniss för die chöschte ufbrocht wird.
me ladt sich mp3s abe, schliicht sich an partys am iigang verbii, weigeret sich meh als 10 stutz iitritt z zahle, d djs werdet i der regel au nid bezahlt (was secher au en grund isch worum vell djs mit mp3s uflegged).
aber me erwartet abwechslig innovation und qualität. das goht irgendwie nid uf.

Viiiiiilä Dank Altered .... die Wort hend mir irgendwie gfäält.

[altered]

@ kollegolli: finde es het was wahrs was du über marketing gseit hesch.
chan der es biispill lifere. eg selber lose gern und legge au gern progressiv-house uf. wenn eg emene goaner das säg, werd eg oft chli schief agluegt. will house irgendwie voll verruefe isch ir goaszene. me wird grad in ei schublade mit dj antoine, glamour, koks, hochnäsigkeit, schiki miki... gsetzt. aber das muess nid sii, es get sehr tribal atouchte prog-house wo vell psychedelischer esch als s meiste wo hüt im fullon berich z ghöre isch. wenn eg so sound ablah und säg es sig progi gits au vell lüüt a goas wo dezue shaked und sogar fendet "das esch mol geile proggi gsii", wenn aber wenn s wort house fallt esch me eifach mol degege. es esch schaad das sovill vorurteil bestoi, und die hei selbstverständlich nid nur d goaner. au anderi lüüt hei jo bekanntlech vorurteil geged goa szene und musik (droge, psychomusik...). ig gloube das liit zum teil draa das me das wo me nid so guet kennt vorallem nach sinere oberflächi beurteilt. wenn me sich aber chli länger und nöcher mit eppis befasst, au mit dem was eim am aafang unsympathisch vorchunnt erkennt me das es doch nidso flach esch wie me am afang velech dänkt het. es esch vo dem her wahrschinli falsch fullon an sich z kritisiere. es esch en musirechtig wo ihri berechtigung het und ihri funktion erfüllt. was me vellech eher sött kritisiere isch die abneigig und vorverurteilig vo andere stilrechtige. wiso gits sovill reini fullon parties? eg denke wenn a de meiste parties nid nur fullon würd loufe sondern d stile au chli durmixt wered (vo 120 bpm - 150 bpm z.B.) würde hüt au weniger lüt säge das ihne fullon usgfahre isch sondern würde fullon als en glichberechtigte stil nebed andere wohrneh.
aber was will me gäged das, i dere szene verbreitete, ungschribene stildiktat mache? eigentlich cha me als individuum nüt mache das send "geschmacks gesetze" wo dur en eigedynamik entstoi, aber das wenige wo me chan zu dere dynamik biistüre isches als dj de sound abzlah und z choufe wo me findt das ers verdient ghört z werde, au wenn das äme nur vonere minderheit gschäzt wird (drum umso meh). und als konsument cds vo dene künschtler z choufe und tickets für die partys choufe wo me au mit der philosophie und der ästhetik dehinder iverstande isch und sich vorallem au chli z informiere was för arbeit hinter dene produkt stoht (parties & cds & vinyl...). und als organisator au mol chli risiko iigoh acts bueche wo nid unbedingt publikums magnete sind. me mues de lüüt au d chance geh mol was anderes z ghöre und gern z bechoo. klar isch musik gschmackssach, aber mir sind alli mönsche und eg ben überzügt devo das wenn emene andere mensch eppis chan gfalle, das die begeisterig wo vo dere sach für dä mösch au uf eim selber chan übertrage werde. wenn me offe isch aich druf iizloh d welt mol mit de OHRE vo dem andere mensch wohrzneh und vorallem au chli geduld deför mag ufbiete will en gschmack för eppis neus muess sich zersch entwickle..