Zauberwald 03./04.11.2006 / Kulturfabrik Wetzikon

[UV-Spider]

Hey Sven...Hut ab und dank für die hammer zyt im Kulti...Häd also rächt geil grockt vom Fritig bis am Sunntig Namittag...

So en Deko häd glaub no niemerd gseh ide Kulti...Häd gaz geil gflasht...

En meeega chillige chillout und gute Chai...

Hoffe uf en Zauberwald 2 mit witere lustige und gfreakte ideee uf mini mithilf chasch gern wieder zelle...had mer also spass gmacht....und bliebt unvergässlich...

Danke allne wo mit euis Party gmacht händ..

[biberfreund]

Viele Dank nomal an Sven und d Renate för d Iladig. Die Party esch echt es Indoor-Ereignis gsi, wo hoffentlich au widerholt wird.

Bi dere Deko und dene vielne liebe Lüüt macht s Föttele doch richtig Spass Nur bin leider ned zum tanze cho

http://www.dideldum.ch/galleries/show/121

[Dr.Magnus]

Juppa au vo eus alli dumä id höchi, hesch du super gmacht Geburichind Sven

Nice Vibe @ the Party hend sich all sehr wohl gfühlt! (Was nöd selbstverständlich isch @ Kulti)

Han d Kulti nonie so schön dekoriert xeh au es grosse Komplimänt a d Decoteams (=

@ biberfreund: Wow hammer fötis hesch gmacht...

psiiiiiUuuuuunnNzzZZzzzz c ya

[Louis Cyphres]

Hoi Zäme......
es hät mer super gfalle, gueti Lüt, gueti Stimmig und überhaupt alles was de zughört hat.
D A N K E an all die mir so fescht gholfe händ 1. Studdi, Mella, Steh, Reto, Dan, Lucca Allne DJs usw.....
au an Georg
und ganz grosses Lob und Danke ad Renate

ei Person hät überhaupt keis Dankeschön verdient,

achtung in klarem deutsch

im Gegeteil ich hoffe er wird nie meh buechet " de liebe ach so korrekte Braincell ", ohne Brain da er sich an Abmachungen absolut nicht mehr erinnern kann
bei uns in der Schweiz heissen solche Leute

KAMERADEN SCHWEIN

[quasi]

sallueee....

wenn ich das so seh koennt ich euch fast beneiden aber auch nur fast.. ich war zu diesem zeitpunkt in australien auf ner goa in der naehe von sydney im jungle... das war der absolute hammer... auf dieser party habe ich auch einen schweizer getoffen aus zuerich namens shawn er hat gesagt er bereut es fast das er nicht im kulti ist da er viele freunde auf der party hat... zu der party im jungle gibts bald einen bericht mit vielen bildern... der absolute hammer....

nice greetz from sydney.........

[battlefairy]

Juhuuuuuu!!!!

Es isch eifach voll geil gsi! Bi zwar nur am Fritig gsi, aber da hets zum Glück noni so vill Lüüt gha, defür ganz tolli liebi! Ha mit ganz villne (au woni nid kenn) chli pläuderlet und s'het mi also rächt gflasht! Chli schad wäg de Abigkasse, dass denn halt glich chli Hans und Heiri cho isch, ohni Fabelwesehuuch, aber sisch nid schlimm gsi es het schöni wanelndi Bäum, fantasievolli Wäse und vill Freud umegha

Aber HAMMER Deko und z.T. gueti Musig! Adastra het mer sehr guet gfalle, die vorher (oder vorvorher? ) die sind für mi ds lärmig gsi i die Location hed jez sphärischi Zauberwald Musig highört und nid Rätzdängel-Sound aber ebe, Sound isch Gschmacksach

Bi de am sächsi hei, wär schön gsi hätt Spicky Tricky nochli früehner gspillt, das wär so wunderbar passende Sound gsi!!

Aber allgemein:

[Nicolas]

Ganz geil dekoriert! Kompliment an die Macher!

[Waldgeischtli]

heeey jaaa, die party het richtig spass gmacht..
allerdings schade dass es straffs psy programm abzoge worde esch, chli progi am morge wär au geil cho. aber au so hämmer alli zämme eis riiese fäscht gha!

wetzike hani vo letscht mal ned so toll in erinnerig gha, eifach vollgstopft gsi und uhuere heiss!! so wie dises wuchenänd eschs eifach toll gsi

hoffe me gseht es paar weder in affoltere..? guet dasch kä frog....da werd me eh es paar bekannti gsichter aträffe

hehe...und bis dann!!

[filzli]

ich wiele wieder under de läbige
äs freut mi das es allne so guet gfalle het

i weiss gar nüd wo i söll afange

allne dj wo für eus gratis ufgleit händ u damit überhaupt die party realisierbar gmacht händ DANKE mer hät gmerkt das ihr alli voll motiviert gsi sind und ihr freud händ am musig mache JEPA , ihr händ eu sälber übertroffe

Dani,Micha,Reto,Ste,Roger,Serge,Priska,Dan,Luca,Hugo,Roli,Dino,
Mario,Hector,Stefan,Kris,Marcel,Roger,Meli

GENIAL
au danke a die DJ wo a de bar g'hulfe händ, merci

Speziell vo mir danke ad Mela,Jazz,Käthi,Aline,Manu,Theo, UV-Spider,Oli,Martin,Beat und ganz fescht am Studi

Sandro, danke für die super alag us liecht und die chillige sofas

am Erdmandli für sini tüecher und mithilf

Angi für ihri auge

Wolfgang u Co. für de chai us ässe

und natürli am ueli lamprecht für sini pflanze

isch schöne das d'kulti ämal anders inecho isch
kultilüt sind begeischteret gsi
danke an georg,mathias,urs

und wänn i öper vergässe han, sorry au dir danke viiiiiiiiiiiiilmal

u isch schön das au de shawn z'australie a eus dänkt het, thanks to you

es hät ganz vili fundsache gäh, mäldet eu

@to Nick, we will see you soon, tx to you " haja al ha kefak, rag chaval she lo haja lanu zman lirkod itcha"

mal luege...part II........
oder han ja au gli geburri

[Adastra]

Sven & Renate Ihr hend das eifach genial gmacht..danke vielmal.
E super geniali party isch das gsi,mit u viel liebe lüüt...
De zauberwald het glebt und das isch es eimaligs erlebnis gsi...
efiach HAMMER.....
da Freuemer eus etz scho uf ZAUBERWALD 2

[Melliandra]

*schmunzel* muess also auno es grosse Komplimänt usspräche.

de Zauberwald isch wirklich verzauberet gsie und ich han mich sau wohl gfühlt.

Danke für das wunderschöne Deko!!!!

Bis ufes baldigs wiedersehe! Wär kuuuuul!

[Amanito]

Muss euch Organisatore und DJs es ganz grosses Lob usspräche! HAMMER Deko und cooli Lüt!! und sooo en hübschi Barmaid mit rote Hoor het mer immer wieder dSproch verschlage

Ach und wenn en Täsche gfunde worde isch mit Händsche und eme portugiesische Pass, bitte mälde! die isch im Kolleg...

[cocoloco]

Es isch es super genials weekend gsi.Komplimänt und es riiise Dankeschön an Sven, d Renate und alli hälfer!Isch ganz es ussergwöhndlichs Kulti erläbniss gsi.
Beidi Nächt händ ihri ganz eigeni, spezielli ambiance gha.
Zum sound mueni nöd vill wort verlüre ussert daser min prsöhndliche gschmack voll und ganz troffe hät.
HAMMA HAMMA HAMMA

[SpickyTricky]

hoi leuts....

ich wett mich au no bim sven und dä renate bedanke für das wo si da ufd bei gstellt händ... bi scho jenschti mal ide kulti xsi...aber so hanich si noniä xseh...eigentlich isch alles scho xseit...eifach hammer isches xsi....

au ich hoffe uf es wiiiters mal.....grüässli hugo (spickytricky)

[gnömli]

eifach nume *wow*

hami no nie so wohl gfüehlt ihr kulti.es isch würkli es sehr schöns deko gsi,mä het sofort gmerkt da si lüüt dr hinger gsi wos mit liebi mache und freud hei no ä party z mache.danke viel mal das dir mi so verzouberet heit im schöne zouberwald...

vom sound här hets mer nid immer pässlet,aber da hani mir chli ä tanzpouse im chill out gönnt wo sehr gmüetlech isch gsi...

hoffe dir verzouberet mi scho bald wieder mit äre party