geburtstagsidee

[lusmeiteli]

hallo mitenang

i weis, das thema isch da erscht grad agschnitte worde, was de grosseltere und so schänke. aber i vo jez glich mau vo vore a:
e guete kolleg vo mir het am zischti geburri. jez hani organisiert, dasi ir nacht vom mänti ufe zischti i sini wohnig cha (är weis natürlech nüt dervo).

jez weti det e meeega überraschig mache as wener am morge steit z erscht mau richtig verchlüpft,aber när sehr fröid het. heiter da irgend e idee?? aber kei 08/15 idee, mues usgflippet si und nid irgend e normale gägestand.
wasi scho mache isch es meeega plakat mit föteli, aber das längt nid.
chunnt nech da grad öpis z sinn?

vile,vile dank!

[abraxas]

kleine party aufbauen :)

[lusmeiteli]

das wäri natürlech super, aber är het nid gärn goa, när isch zmizt ir nacht und är mues am morge när grad id schuel. hach isch das schwirig.....

[Lyra]

Chasch jo die ganz wohnig met Luftballons fülle wo n'er denn z'erscht muen verplatze bevor er dis Gschänkli gseht Ech wörd das zumendescht mega amüsant fende ond der öberraschigseffekt tuet eh de räscht!
Ond ufs Gschänkli chonts eh ned so drufah, hauptsach s'chont vo Herze!

[lusmeiteli]

das wär no e idee.... hui da chani de lang ballön ufblase.... aber genau serigi tipps meini, danke viu mau!!

[LittleMissGinger]

Hoi Lusmeiteli

Da Du ja es Lusmeiteli bisch, würdi au öppis "lusmeiteligs" bringe; das heisst, Du müesstisch ihn zersch echli "foppe", bevor er sich nachher uf öppis chönti freue. Mini Idee:

En "Buurezmorge", wie folgt, hehe:

Badwanne bis zur Hälfti mit Stroh fülle (chunsch bi jedem Buur über). Gschänkli im Stroh verstecke. Denn ufem Stroh ide Wanne en Super Zmorge uf Platte und Teller uftische mit feine Gipfeli, Zopf, Chäs, Schinke, Eier, Yoghurt, Müesli, Frücht, Kaffe, Fruchtsaft etc. und natürli e Fläsche Champus mit 2 Gläser zum Astosse. 2 Stühel näbed d Badwanne stelle zum gmüetlich chöne absitze.

Uf em Badzimmerbode Heu verteile (söttigs für Meersäuli oder Hase, gits i jedem Migros oder Coop). Blueme, Aescht, Blätter oder Rosskastanie drüber streue.

S'Brünneli (Lavabo) mit chline Chüechli, Marshmellows und anderi Süessigkeite fülle, Zahbürsteli inestecke und d Zahgläser mit rotem Wodka fülle.

Ufem Badzimmerspiegel mit Lippestift flippigi "Botschafte" schribe und natrülich "Happy Birthday".

De WC-Deckel obe vorher guet putze, denn mit Schlagrahm us de Spraydose vollsprütze und Smarties und M & M's druf verteile (wird schön farbig und denn chaner's ersch no wegschlecke, grööööööööhl ).

Denn im Wohnzimmer vorne sin Lieblingssound installiere und genau denn losdonnere loh, wenn er us em Schlafzimmer chunt. Susch mueschen halt mitere Chueglocke usem Nescht "risse". Wennt magsch, chasch ja no es Dirndl azieh und bravi Zöpfli flechte (uääääää....).

Das Ganze wird ihm zwar echli Ufrumarbeite beschere, aber erstens chasch ihm ja debi helfe und zweitens wird er a de Ueberraschig meh Freud als Leid ha, meinsch ned au?

Viellicht gfallt Dir mini Idee? Weisch, ich bin mängisch au es Luusmeiteli, hehe und han oft "Seich" im Chopf .

Falls das würsch mache, wäri no interessiert, wie d' Würkig gsie isch. Würdsch mir allefalls no Bscheid geh?

Wenn ja, wünsche ich eu en grööhlige Spass und es tolls Geburi-Fäscht.

Gruess Ginger

[LittleMissGinger]

Chline Nachtrag, Lusmeiteli:

Mini Badzimmer-Idee setzt natürlich vorus, dass er au es schöns, subers und gmüetlichs Badzimmer hät, süsch verlegsch das Ganze lieber id Chuchi und füllsch Harasse und s' Abwaschbrünneli mit Stroh etc.

Und à propos WC-Deckel: Nach em flissige Putze chräftig mit mehrere Schichte Cellophan-Folie iwickle, gell? Schliesslich simmer ja kei Schweinli, hehey. Grunz & SMILE.

[thotem]

Wie wärs mit Hefe?

[LittleMissGinger]

Bös bös, Thotem....

Aber anschinend bisch meh bös und thot wie was anders. Au guet. Mir sind ja e schillerndi Gsellschaft und Din fiese Humor chöntsch amigs via PM witergeh, anstatt Dich i de schwarze Sunne z brüschte.

Muesch eifach ufpasse: Teer chläbet meh wie jede natürliche Sunnestrahl.

Und d Grufte sind ja bekanntlich schwarz.

Thothem = note'em (him).

Na wunderbar. Solche Typen braucht das Land. Sorry, wenn persönlich gmeint, aber duss isch duss. Oder Stuss?

*lach und wegflieg*

[thotem]

Sit wänn isch Hefe bös?

Ich han mir ebe Hefe uf min erscht grad chürzlich vergangene Geburtstag gwünscht, leider aber 9kg Fischschtäbli becho (die Geschichte ist wahr)
Es git verschiedni Lüt mit verschiedne Wünsch und solang me die nöd kännt söt me au nöd schinbar sinnlosi gschänkwünschli als bös und fies bezeichne (me chan aber natürlich, ich gsehn au durchus de Reiz drin, Hefe als bös und schrecklich z'bezeichne und alli wo ihre huldiged)

Dini versuechti Aschwärzig da find ich übrigens einiges böser als e harmlosi Bazillekolonie. De Spruch mit note'em isch aber wüki guet, de muesi' (ich) mer merke.

Teer chläbet meh wie jede natürliche Sunnestrahl....
(paradoxerwiis chläbt de teer aber ja erscht nach usgibiger sunnebestrahlig)

[Joss]

Teer chläbet meh wie jede natürliche Sunnestrahl....
(paradoxerwiis chläbt de teer aber ja erscht nach usgibiger sunnebestrahlig)

neinei schtimmmt ned ganz^^ chläbed au ohni sunneschtrahle guet hann mal müese mit dem scheiss schaffe und han nacher schtundelang dörfe schwari masse(teer^^) ab minner hut abchratze!!

[Shmahu]

Dini versuechti Aschwärzig da find ich übrigens einiges böser als e harmlosi Bazillekolonie. De Spruch mit note'em isch aber wüki guet, de muesi' (ich) mer merke.

Teer chläbet meh wie jede natürliche Sunnestrahl.... Shock
(paradoxerwiis chläbt de teer aber ja erscht nach usgibiger sunnebestrahlig)

huiiii, geile schlagabtuusch... loos, ich will meee devo! schleegi, schleegi, schleegi!

[thotem]

!!!!!Auch wenn es einen Gott gäbe auf dieser Welt, wäre das einzige was für mich zählt meine Selbstzufriedenheit!!!!!

Ehrlich vo dir, zu dim Hedonismus z'stah! Bisch wäg dem kein schlächte Mänsch. Denn wie Büchner schon sagte: "Wir sind alles Epicuräer, Jesus war der feinste." Und Hesse: "Wahrlich, keiner ist weise, der nicht das Dunkel kennt." *klugscheiss* (denn wer kluges denkt, der muss auch kluges scheissen)


Ich wott mer da drin kei Feinde mache, isch alles nöd ganz so ernscht gmeint (ussert natürlich das mit de Hefe, das isch sicherlich ernscht gmeint gsi, was au immer das dänn söll heisse)

[Joss]

du gfallschmer

[thotem]

sorry das wäg mir din thread chli kabuttgange isch lusmeiteli...

Han defür en idee!

Du chöntsch es paar luschtigi sache ide wohnig verändere. Zum bsp. es langs comic oder gschichtli (je nach talänt) ufd wc papier-rolle zeichne/schribe wo sich dänn langsam entrollt bim... Oder es paar luschtigi erinnerigsnotize an chüelschrank. Wänd gnueg vo dene sache machsch hät er immer wider e freud, wänner öpis entdeckt. Du chönscht au witzigi nachrichte i sine schueh verstecke. Da wird me immer wider dra erinneret das sich öper e müeh gmacht hät für eine, und nöd nur eimal!