Hallo zäme!
I ha ir 8/9 klass ä SVP Lehrer gha. wo ke hehl us sirä meinig gmacht het, au nid im Klassezimmer.... U was ha ig chlinä igschüchterete, hilflos verwirrt Jung bueb ohni kollege gmacht? I bi voll i di rächti szene abgrütscht, will dä ``lieb`` lehrer haargenau gwüsst hett wimä Lüt wi mi cha manipuliere..
Mit 16jahr bini de wäg dr lehr furt us mim Chuehdorf, und hami ir gastronomie mit zimli vilne schwarze,gälbe, balkanis etc. müesse ussenandersetzä... U i hami erstunt warum die trotz minä kampfstifel u dr bomberjacke mitem Schwizerchrüz nüt gäg mi gha hei.....(???i hami afa frage, will mini ``kollege`` alles chli anders dargstellt hei...) also isch da irgendwo öppis nid richtig...
U so ischs cho dasi mi na dis na ha afa löse us derä bruet. U woni mi lehrstell gwächslet ha inä grossbetrieb si plötzlech gliichaltrigi umi ume gsi wo hip-hop u punk glost hei, u so nach etläche gespräch hani das brune gedankeguet abgleit, ändgändgültig!!! (das isch bi mir vilech au ä underschiid gsi zu andere wo rächts druf si (gsi) i ha mirä ``gägesitä`` gäng zueglost u das wosi gseit hei versuecht irgendwie z`verarbeitä...)
Wasi mit däm ganze wett säge: Wemä nüt macht hei di rächte um so meh uftriib,will die blibe nid diheime, sondern si so priv organisiert das ä typ Lehrer u glichzitig Gmeindspresi cha si, dank dr unterstützig vo so vilne junge ``buurebuebe`` (sorry) wo gar nie zum dorf usechömä. U so fest verankeret im system blibe hockä u uf allem umewättere willsi ja susch nüt hei, u ja nid mit andergsintä rede, will diä si schlächt, u usserdäm chönt se ja dr kolleg gse. U vilfach dr papa au rächts druf isch u dä wär sehr entüscht oder meh, wenn Sohnemann sis läbe würd sälber id hand näh....
Drum sägi eifach sit aktiv lueget zu eure Umwelt u zu eune Mitmänsche...
I ha zum bispiil gholfe das mi kolleg wo Schwarz isch und us Afrika chunt,
ibürgeret wird, das isch vil bürochram u etlichi zit wome brucht, aber i finde äs lohnt sich! Mi mues ja nid sowit ga, aber äs briefli i briefchascht schmeissä isch ja würklech nid herti arbeit. U i finde dases eim nid darf egal si was um eim ume passiert, scho gar nid wenns drum geit dasme dr macht wo herscht chönt äs stückli abschnide.... U i si richtig leitä... Ja politik lehrt mä nid ir Schuel, das mueme sälber gspürä, u ja nid d`ougä verschliessä u so tue als chöntmä nüt mache, mit dr usred ich verstahs nid, das isch z`kompliziert...blablabla i mags nid ghörä u stuet weh das sovil energie womä chönt isetze eifach dr bach ab geit.
Tröime nicht dein leben, lebe deinen Traum! DU chasch öppis verändere!!! nume wöllä mueme!!!!
I bi sit 3 jahr Symphatisant vor JuSO Schwiiz u hilfe z.B. mit Unterschriftä etc. z`sammle u das git mir ä unghüri befriedigung.. willi öppis mache wos bringt.
Soory all die woni itz chli abegmacht ha, jede het si meinig, das isch klar, i ha aber müeh wenn ä meinig eigentlech gar keni isch....
Danke fürs läse
mit fluoriszierende härdöpfel gruess
](./images/smilies/eusa_wall.gif "Brick wall"){kind=small}
s'problem isch das eifach zvill nur uf das losed wo dä br, nr und sr so fasled oder dänn ufem ganze 
us eusne printmedie ihri meinig ufbaued.. und da chunnts nöd drufa öbs dä blick oder d'nzz isch..
and 
