de schöni-sache-ufspür-olator...

[TheAngel1985]

Hehe so geil Shmahu... hammer... du stecksch mich richtig a...

GRATULATION biberfreund!!!

Und titali nimms locker s'chan nöd allne glich guet gah... s'wär ja schreg... *knuddel* chunt scho und hey bis evtl. gli mal?

*muntsch* a alli...

[Psymäleon]

finde dä tag nur schreg und komisch... fühle mich ou so und es passiere ou serigi sache hüt!

Da bist du nicht alleine, bis jetzt könnte man meinen Tag auch so beschreiben. Wir spüren anscheinend den Weltuntergang...

[biberfreund]

Merci merci Samarina & Angel

Ah ja, han letscht Friitig au min Temporär-Job kündigt gha... chas nur empfähle

[Drachenherz]

Hey, das gibt's manchmal... Nicht alle schwingen gleich...

Ich hatte ja auch mal nen schwarzen Schwamm, den einige spürten, andere wiederum halt nicht. Das geht vorbei.

Und bis das vorbei geht, schicke ich euch ganz viel Liebe und Licht! *good vibes rüberstrahl*

Peace!
Andi

öhm... was ich übrigens goil finde:
- d'Sunne schient! (Im herze wie verrusse!)
- ich bin klar im Chopf!
- kein Schwamm! *ggg*

und überhaupt, cheibe Mysticalforum da isch scho en uufsteller!

[Shmahu]

aso, für alli wo hüt de berüehmti schwamm überem chopf händ hani mi gad no äxtra is züüg gleit und han folgendi schöni sache z'verkünde:

-mini mitbewoneri macht gad frische zopf und s'ganze huus schmöckt dena, aaaahhhh, und ich dörf nachher devo ässe....ich ghei etz dänn gad übere...
(ok, isch etz villicht chli fiis, hihi)

- mit de besagte mitbewohneri bini vorher am chuchitisch gsässe, han suuser drunke (es git wider suuuuuuser! d'wält isch no in orniger als si vorher scho gsi isch!) und han es geils gspröch gführt. es gat doch nüt über die beste fründe und suuser und geili gspröch ame schöne spatsummertag.

- etz chrablet gad e flüüge uf mir ume. wänn si etz inen vergrösserigsstrahl chemt, wür si mer sicher iecho wienes schrecklichs sience-fiction monster. so aber isch si nur herzig und halt echli nervig und igendwie unglaublich.

hät eu das uufgstellt? aso mich scho

[Titali]

Da bist du nicht alleine, bis jetzt könnte man meinen Tag auch so beschreiben. Wir spüren anscheinend den Weltuntergang...

hehe, de bin ich ja nid alleini ... sind mer beidi chli quer druf! getrou mich fast nüm uf strass... bi vori in falsch bus igstiege und bim ustiege het en riese lastwage müesse e voubräms zieh, wüe ich eifacht voll doof über strass bi gwatschlet ohni zluege... ha scho mol en unfall bout eso

merci @ all für die gueti energie

es chöme ou wieder besseri täg...

knuddel euch alle liebe
titali***

[TheAngel1985]

hüüüüüüüüüt isch en geile Tag... *smile* also ich muess da rasch was poste damit ich dert was chan mache

[TheAngel1985]

Sooo guete Morgä allersits... ich find ich muess da grad mal wieder witersfahre... also... langer Rede kurzer Sinn...

- ich han hüt wieder dörfe erwache... *geilio*

- d'Sunne hätt mich die ganzi Fahrt über is Gschäft agschunne... *herzerwärmend*

- bin grad es feins Gipfel und en Schoggidrink am gnüsse...

- han gester es super Telefon gha... *bigsmile*

- und ja... bin vooooooll fit und happy...

Und bi eu was geht ab?

[Drachenherz]

Hehe, ich bin zwar no halb verschlafe und xehne chum zu dä Auge use, aber:

- mich erfreuet die freudige Biiträg hie im Forum
- jetzt gaht's dänn glii in Kafi, freue mi uf es feins Sandwich
- ich han murn frei! *jippie*



(hehe, the thread isch würklich genial, förderet s'positive Dänke - vom Feinschte!)

[TheAngel1985]

Hey Drachenherz findi im Fall au die Biiträg sind eifach geil... *smile* und ehm ja, es förderet s'positive Dänke würkli mega... scho nur ab klinem Zeugs fang ich mich a freue...

Z.b. sit ich d'Fiora (min Hund) ja nüm han, hani gseit ich bruch wieder es Tierkneueli um mich ume und siehe da... 3-4 Mte später kaufet eusi Nachbare 2i jungi süessi überhärzigi Kätzli... und wie's Schicksal so will sind die immer bi eus im Garte und ich han mich mit ihne agfründet... mit em Männli meh als mit em Wibli... will sie isch mega schüch... jedefalls ich lieb die 2i Katze... sind jetzt au scho bitz grösser...

Und hüt am Morgä wär weckt mich??!! S'Wiibli (Sira) vo denä 2ne... *lol* sie isch eifach anschinend igsperrt worde vo mim Vater und dänn lauft sie doch tatsächlich i mis Zimmer (2te Stock) und chunt mich cho wecke damit ich sie wieder usem Huus lahne... *geilio* isch huere geil gsi...

Hehe Dragon... e Guete und gnüsses i de Pause und na was... ich han dich glich gschafft... [@Biträg] *sfg*

Greets

[Waldgnurpf]

Schöner wär frei ha amene so schöne tag ... hrhr so wie ig, aber so luschtig isches glich nid ha nämmlech immernoh schmärze vom mäntig woni mini beide letschte wisheitszähn bi go zieh.
Aber s'guete dranne isch das mi die jeze nümme störe und es fägt haut glich usschlofe und so

[TheAngel1985]

Hey waldgnurpf hoffe dini Schmärze göh gli wieder ewäg... hebsch dr kli Sorg... du aber wie lang schlafsch du us? Wenn ich säg ich chan usschlafe dänn bini vor dä 2i nöd us mim Bett... *grins*

[Waldgnurpf]

Bi scho am 10 im näscht xsi und so nach 11 stung chni nümme penne .. u fürnes kafi und es feins honigschnitteli stoni gärn uf

[TheAngel1985]

Okey i gseh was dä meinsch... hehe... e Guete

[Drachenherz]

Hey Waldgnurpf, versuech mal dä Schmerz "z'umarme" und nöd vo Dir z'wiise. *gg* Chan im Fall no geil sii! So a la: "Boah, sooooo viel Schmerze chan mer uushalte? geil!" (Hey, ich weiss, was Du duremachsch... han vor 2 Jahr en Weisheitszah zieh lah... Buah... Mit allne mögliche Komplikatione... Und LÄÄÄÄÄCK.... han no nie i mim ganze Läbe so schmerze kha wie nachem Zieh... *schüttel* Bin aber ebe erstuunt gsii, wieviel Schmerze mer uushalte chan, ohni z'sterbe oder wahnsinnig zwerde, vo dem her doch no e lohneswerti Erfahrig gsii... *g*)

@Angel:
Gratuliere wegem uufhole. Aber obwohl Du bald meh biiträg häsch als ich, werd ich wohl no es zytli lang meh Wort gschriebe ha als Du... *gggg*