Die Bibel

[The Dude]

Spannende Hintergrunddiskussion zur Johannes-Offenbarung.

http://unzensiert.zeitgeist-online.de/2 ... ntheon-iv/
(Kommentarstrang beachten!)

[SO FUCKING DETERMINED]

BIBEL ist übrigens eine Abkürzung:

Beten ist brutalstens extrem langweilig.

[Nichtlustig]

ich bin als chind i so freichile unterwegs gsi und dezue no als chlichind vill bi nachbere gsi, wo im brüederverein gsi sind...

vo dem her bini au mit de bible ufgwachse...

was sechz etz bi mir so iiprägt hät isch ehner negativ und macht mehr ehner angscht...

s alte testament findi teilwiis zimli schrecklech...ich mein was isch das für en gott wo vomne mensch verlangt sis chind z töte, nur willer wot teschte wie gross dass d liebi zu ihm isch? en liebende und vor allem mitfüelende gott würd sech säge, hey isch doch geil, dass sini liebi so gross isch zu dem chind, dass er nödemal dänn ufd idee chunt sis chind ztöte, wänn ichs ihm befehle und nöd irgendwie so, woah bin ich geil, er isch meh in liebi mit mir als mit em chind...

han grad hüt e stell eifach so per zuefall ufgschlage wos um de daniel ide leuegrueb gaht...

er wird grettet, willer gott vertrout hät und gott hät dänn de leue s muul zuegmacht, dass sie ihn nöd fresse chönd...das isch ja zimli geil vo gott...etz chunt aber das, womi wieder zimli schockiert und wo amne gnädige und vergebende gott zimli widerspricht: nacher sind all die wo de verantwortlech gsi sind dass de daniel id leiegruebg cho sind tötet worde; samt ihrne chind und fraue(!)

au die gschicht mitem gfallnige engel findi au chli schief: hätti gott nöd alles müsse dra setze, dass de luzifer wieder uf die richtig spur findet anstatt ihn eifach usem himmelrich zverbanne? so a la chum alte luzi, etz hockemer mal ane, essed chli popcorn, trinhked eis und lueged en film drüber, was mit de erde, mit de mensche, mit dine engel und vor allem mit dir passiert wänd so witermachsch...

glaub s git no meh grausamkeite, so abgschlachteti völker und so...

s neue testament finde degäge teilwiis recht versöhnlech...bsunders d botschaft vo jesus vo de vergebig und de nögschteliebi...

woni wider es problem han isch d offebarigsgschicht: isch d gschicht vode menschheit nöd scho gnue brutal und schrecklech gsi(nebscht au villne schöne sache...)? muess etz würkli de tüüfel nomal ufd erde cho und d menschheit versklave?

mit was dassi au nüüt afange chan isch d bestrafig vom luzifer...

niemert chan so vill schlimmi sache aastelle, dasser ewig id höll chunt...das chas ja irgendwie au nöd sii...ich mein ewig, dasch vill zkrass...

usserdem, frög mi immer wider, öb es lebewese bevors afangt existiere überhaupt wot existiere, wänns bevors afangt existiere gseh würd wos anefüert? paradox irgendwie, aber au e berechtigti fraag(womit i natürli sini böse tate nöd wot guet rede, im gegeteil...)

also e teilschuld liit ganz sicher bi gott(die dasser es wese erschaffe hät, wo agfange hät fehler zmache und dass er als vorussetzig für de freie wille s böse, als bis zum fall luzifers, substanzloses dasii(also möglechkeit bi falscher entscheidig ufgrund vom freie wille) erschaffe hät, was bedütet, dasser nöd ohni fehler isch...

für mich isch d bible halt eifach es buech wie jedes andere...gottes wort findsch au im wald oder sogar ide stadt, wämer d auge, dohre und wases susch no alles für sinn git ufmacht...

wänn zwei mensche ad bible glaubed, dänn isch das öppe so wie mit de fingerabdrück oder dns: chan ähnlech sii, isch aber niemals glich...

wänn ich es wort schriibe, zbsp. öpfel: welli farb hät din öpfel? hanged er no am baum? wie schmöckt er? usw.

dezue chunt die ganz lebeserfahrig, umfeld womer ufgwachse isch, jetztigs umfeld, wüsse, jewilligi gfüelslag während em läse, usw. wo id interpretatione iflüssed...