also wie's im titel scho staht, suech ich nach DJ's... haha klaro da bini am richtige ort glande... und es wirded sich schomal duzendi ahgsproche fühle....
mal so hindergrund info's för was öberhaupt
en ganz liebe kolleg vo mir, hed mir verzellt, dass er langsam keii luschd meh uf die immer gliiche party's hed... (sell sich etz keine beklage, sind ned "nur" goaparty's gmeind, eifach de immer gliich usgang etc.) und drum will er jetzt mit kollege was ganz "neu's" uf d'beii stelle..
sie wennd en "club" uf d'beii stelle, wo ned nur eii zielgruppe ahspricht, sondern en grossi gruppe vo mensche, wo eifach luschd hend uf party... (isch chli allg. usdrückt ich weiss..)
wo sich goaners, mit hiphoper && skater zemegfinded (jaa ich mage gruppierige auned, aber so verstönd ihr villicht am beschde was ich meine
) es selled alli zeme chöne party mache && jede wo easy druff (haha druff 
) isch - isch willkomme.. es wird also en "relativ lockerii und gselligi" gmeinschaft ahgsproche...soo und jetzt: miir sueched offeni, chilligi && guetii dj's!!! sound cha jede abloh, mir sueched aber offeni dj's wo ned nur ih eii richtig sound spieled.. de sound sell alli chöne dezue bewege, s'födli z'löpfe..
es sedd au sound sii, wozue mer sich bewege chan.. und sound wo eifach d'lüüt ih partystimmig bringt 
natürlich, staht na vieles ih de sterne.. und es wird naa einiges ah ufwand bruche, zum sowas uf d'beii z'stelle.. klar vieli wirded etz denke - ja stelled mal zerschd alles uf und melded euch denn namal.. aber wiie sowas uf d'beii stelle, ohni vorussichtlichi dj's?? ebbe genau
soo.. und jetzt was ihr z'tue hend..
es wär mega lieb, wenn ihr euch melde wöred, wenn ihr luschd hedded mal chli gnauer's z'erfahre und villicht bii üüs uf'zlegge.. villicht kenned ihr aber au ebert wo genau ih das profil passt? um jede tipp simmer dankbar.
ahjaa.. na weg de "entschädigung"... will ja na alles in planig isch, und de spruch "aller anfang ist schwer" au zuetrifft... chamer leider noned wörkli vonere gage rede.. sueched also wörkli hobby/freiziit/ && gage-freii dj's... also sicher mal för de ahfang.
soo... melded euch doch eifach wenn ihr ebert wüssed.
danke schomal im vorus. bii frage
chönder schöschd au en pn schriebe.