Unberächebari Partygänger

[Röm]

Heya metenand

Mech beschäftigt öppis rächt heftig sitem letschte Wuchenänd!
Bin em Märliwald gsi und esch grundsätzlech en super zfredeni Party gsi!
Blos am Morge esch denn so en Typ cho wo total umegstresst het. Esch secher anderne au no ufgfalle.
Am Afang hanis no easy gnoh wo är mech met ergendwelche völlig sinnlose Sätz zuegstusset het (gets jo des öfteren) aber denn hani müesse merke dass de Typ völlig ufem Tschüss-Faktor gsi esch. Rechtig bööös unberächebar.
Aer het denn under anderem die ussag gmacht är heig luscht zum en Frau schloh aber keni wett änehebe?!? I glaubs ab det beni grad chli bleicher worde!

Frage as (körperlech ) starche Gschlächt:
Müend mer eus da gfalle loh wenn so en Typ anere Party die ganz Athmosphäre versaut? I fend NED.
Mer händ doch en Verantwortig au für d`Metmönsche wo mer gärn händ?!?
Ich han ebe em Endeffekt nüüt undernoh obwohl är d`Fraue rächt massiv beläschtiget het!
Em Nochhinein stört mech da das ich mech ned am Grind gnoh han und met es paar anderne de Siech zum Tüüfel und wiiter gjagt han.
I ben em letschte Johr so vell e bränzligi Situatione cho met so Lüüt ond ich fend mer als Männer settet so eine em höche Boge kicke! Es macht mi wörklech hässig so Situatione!!
Wie hätted er reagiert? Toleriered er das? Esch doch typisch als Schwizer das mer sech ned wehrt!
Ich fend do hört d`Toleranz uf und mer mues de gsund Mönscheverstand lo walte lo...

[funk0r]

mhm!

Mer esches zwar ned so extrem ufgfalle, vorallem ned, dasser vu de einte zu de andere gumpet esch unds bi jedere chli probiert het...
Aber i has ja verno und das woni mitbecho han, het mer scho au zdenke gä! Vellecht hette mer eifach mal selle z'dritte oder z'vierte mit dem Typ gu rede und froge wo eigentlich sis problem seig und was das überhaupt sell?! Will so es Verhalte ghört grundsätzlich ned ane goa party!!!

Zerscht rede und denn handle... aber gmacht hemmer das ja au ned ;/
Aber nöchschtmal werde mer das ganze sicher andrsch ago, wenn wieder sowas vorchunt!

Gruzli

[Waldfrieden]

hi röm!

also ech han met dem typ gred gha bevor er voll döre gsi esch.

mer geds eher z dänke, wie mis es eim muess go wenn eim en unbekannti person die privatischte problem verzellt und zügs labberet wie er seg en mega komplizierte typ, niemer mag ehn etc.

klar wenn einer so en stuss uselod wie ehr ond afod deco deomiliere esch mer au klar das d lüt ehm gägenöber sehr negativ gägenöberträttet.
ech froge mech eher wie es so wit hed chöne cho. und insofern eshc äbe mini meinig: wenn lüt so wärded hed eusi gsellfascht als solches versagt.

doch frog ech mech öb er ned eifach de frust von enne use glo hed als er voll döre gsi esch (frog mech ned vo was.. sicher alk...)

mini meinig esch mer mus emmer bedi site gse und kenne. en mönsch werd ned so gebore...

[Waldfrieden]

Em Nochhinein stört mech da das ich mech ned am Grind gnoh han und met es paar anderne de Siech zum Tüüfel und wiiter gjagt han.
I ben em letschte Johr so vell e bränzligi Situatione cho met so Lüüt ond ich fend mer als Männer settet so eine em höche Boge kicke! Es macht mi wörklech hässig so Situatione!!
Wie hätted er reagiert? Toleriered er das? Esch doch typisch als Schwizer das mer sech ned wehrt!
Ich fend do hört d`Toleranz uf und mer mues de gsund Mönscheverstand lo walte lo...


hm. dänksch du denn änderet er sech?
ech dänke nein, und wenn ja, denn werds no schlemmer.

solang ers bi wort lod esch es mier eigentlich egal.
wenn er gwalttätig worde wär oder so wärs öppis anders.

[Gästle]

Ach Mann

So typen gibts doch überall. Denen würde ich von anfang an einen 35-lit-abfallsack, erhältlich in jeder migros um die ecke, um den hals schnüren.

Dann natel ausfindig machen und ausschalten, mit laub bedecken, vier kerzen rundrum anzünden und anfangen zu beten.

In der zwischenzeit gehen alle anderen abrocken.

[Röm]

[quote]hm. dänksch du denn änderet er sech?
ech dänke nein, und wenn ja, denn werds no schlemmer.


Dases em Aendeffekt nüüt für en brocht hät hani au müesse merke. Es wär en rein egoistischi tat gsi das d`Lüüt ned wiiter gstört wärde...
I dänk da esch unbewusst au de Grund gsi dasi nüüt gmacht han.
Es wär sowiso eskaliert wen mer en fortgjagt hätte und i han da ned scho weder welle erläbe. Es hät die ganz Partystemmig gschlisse..
Weisch em ennere machts mer scho weh wie en Person so cha wärde. Secher hani s`Glück dasi zB en super Chindheit und Jugend gha han(oder emmer no ha) und au vo Lüüt nie extrem verletzt worde bin.
I weis das da be somene Mönsch ned de Fall esch ond i hätt gärn met em diskutiert well ich extrem a schwerige Mönsche und Läbesgschichte intressiert ben ond au gärn Lüüt tuen hälfe woni cha.
Aber är esch uf gar nüüt igange. I mein wa wotti met öpperem e somene Momänt diskutiere wenn är so tschüss esch?
I weis ned aber miner Meinig no lehreds so Lüüt ned wens ene ned gseit werd wo si stönd ond wie scheisse das si sech verhalte.
Ergend einisch muesch doch merke das velecht met dim Läbe nüm so klaar chunsch und halt au Hilf en Aschpruch neh! Aber da esch halt en harte Schritt ich weises sälber.
Aber wenn sech so öpper eifach wiiter zuetätscht weisi au ned wie hälfe. I wür gärn grad met em mol rede aber ned wener druff isch. (Esch längschtens ned nur Alk im Spiil gsi)
Weisch uf das dass sech öpper würklech veränderet chasch du ned Ifluss neh. Well d`Entscheidig liit elei be dere Person sälber. Wott ichs packe oder versand ichs wiiter.
Wenn öpper jo seit den chamer em au hälfe aber d`Entscheidig liit ganz elei be dere Person...
S`Einzig wo sone mönsch suecht esch d`Liebi und d`Anahm aber er mueses welle!! D`Liebi esch de Schlüssel...

[Gast]

Hallo

Ja ich würd bim nöchschtmal wenn wieder so was erläbsch, mal öper hole wot känsch wo au weisch dä hät erfahrige mit lüt wo ufemene schlächte trip sind.
Also wie das schlidere tuesch hört sich das scho so aaah als ischer da ganz bös im LSD flash ufen falschi schine cho.
Es gspröch mit öperem wo da chli erfahrig hät chan da wunder würke. Und das isch ja au dä goa spirit, das mer vürenand luege tued, vorallem wämer merkt das eini chli dure isch, und würkli nur na stuss macht und uselaat.
Eventuell müestet sich party organisatore au mal überlege, das mer im minimum ei person hät, wo würkli chli am luege isch wies dä bsuecher gaht, und erfahrige hät mitem umgang vo lüüt wo im falsche film glandet sind wäge psycho aktive substanze, vorwiegend LSD.
Im dütsche a grosse goas wiet voov macheds das, eclipse team heiset die.

Grüessli a alli

[funk0r]

Stimmt... da wär scho ke leidi idee, dass eifach öppert oder mehreri deför da wäre, wo de au handle chönte, wenn so was passiert...
Jetzt vorallem uf das bezoge, dass wenn öppert ufeme schlechte Trip esch in sache psychoaktivi substanze...

Aber i gläbe ned wöki dra, dass de ufeme LSD trip xi esch... eher alk und rupf/coke oder so... naja... aber wösse tueni da natürli ned...

Aber rede cha wunder bewirke... nur wösse wie mer das ganze ago muss und welli wortwahl dasmer nimmt.

Gruzli

[Waldfrieden]

also wo ech met ehm gred han hed er nach pilze gfragt. han halt keni gha.

und eine wo uf em depro pilze oder sowas inehaut esch grondsätzlech scho mol bereweich...

viellecht eschs jo werkli nur de alk gsi?! ^^

[funk0r]

kk... ebe i weisses ned... het jetzt eifach uf das tippt! Aber letschtenendes spellts im nachhinein eh ke rolle meh wie und uf was das er druff xi esch..

Aber wenn mers denn före moment weiss, weiss mer halt au besser wie mit ihm umgo und so... nojo

gruzli

[Röm]

Hmm enzwösche mues i säge wünschi mer das ich de Typ nomol gseh...
Hät ächt Bock metem zrede!
Hass goht und d`Liebi chunnt und da esch guet so!
Ergendwie send mer Mönsche scho no kuhl gmacht:)

[psygnosis/mindsurfer]

hmmm ich ha de nid zu erste mal erlebt, aber dasmal isch ächt chli "too much" gsi.... ich ha nid möge mit em rede.... er hed ja d provokation offebar gsuecht. ob er jetzt dieses oder jenes konsumiert hed isch ja schnurzegal.

ich chan niemmer hasse, viel meh tueds mer leid... dass sich setti mensche nüm andersch chönd usdrücke. aber ebe wenn mer bi jedem mensch leid würd tue.... dänn wär i glaub bös überforderet

[Röm]

Merci für d`Antworte au dene Lüüt wo mir privat gschribe händ.

Scho klaar passieret so Sache emmer weder aber nur durs Motze und Abeschlücke werd sech ned vell verändere...
Mer händs es Stuck wiit jede ede Hand wie sich d`Szene und die ganze Partis entwickle und wen mer eus kei Gedanke über s`ganze me mached wer denn?!

Fende jede vo eus het en Verantwortig und wen mer en Chance gsähndt zum öppis ändere denn sette mer die au wohrneh!!

Gueti Wuche allne

[Gast]

hie e antwort vom (körperlech) schwache gschlächt!:o)

I findes guet dasmer so was mau thematisiere. aber schlussändlech mus jede für sich entscheide waser wott mache und we dä typ verzellt är sigi generell unbeliebt und niemer heigne gärn de söuersech mau frage wieso... warschinlech hättis aber (vorauem wener unger droge steit) nid viu bracht we paar mitim wäre go rede. es hätti äuä eher gwauttätigi handlige vo sire site här provoziert.

i aus frou mues säge, es isch vorauem ade indoors wome nid viu platz het zum enand uswiiche huere eklig weme am tanze isch und irgend sone vouidiot het zgfüeu är müesi di ganzi zit so 1.5 meter entfernt umesta und glotze. i ha ou scho mehrmaus öppis gseit aber dantworte und dreaktione si nid so erbouend u konstruktiv gsi.

grad unger droge vergissmesech hüfig und seit u macht de sache wome gar nid wett oder anders übere chöme aussi gmeint si. (isch mir ou mau passiert u i ha are guete kollegin so dparti zerstört u weis nidmau me wiso) drum söu jede/i so viu droge nä dasers no schnaut und weis waser macht. u aus andere isch bullshit u missbruch!

mi machts huere hässig u truurig weni so öppis mitbechume...

da müessesech aber ou dfroue mau zäme due und nid nur gägenenand iifersüchtele sondern besser zämeha!

...

[Gast]

hie e antwort vom (körperlech) schwache gschlächt!:o)

I findes guet dasmer so was mau thematisiere. aber schlussändlech mus jede für sich entscheide waser wott mache und we dä typ verzellt är sigi generell unbeliebt und niemer heigne gärn de söuersech mau frage wieso... warschinlech hättis aber (vorauem wener unger droge steit) nid viu bracht we paar mitim wäre go rede. es hätti äuä eher gwauttätigi handlige vo sire site här provoziert.

i aus frou mues säge, es isch vorauem ade indoors wome nid viu platz het zum enand uswiiche huere eklig weme am tanze isch und irgend sone vouidiot het zgfüeu är müesi di ganzi zit so 1.5 meter entfernt umesta und glotze. i ha ou scho mehrmaus öppis gseit aber dantworte und dreaktione si nid so erbouend u konstruktiv gsi.

grad unger droge vergissmesech hüfig und seit u macht de sache wome gar nid wett oder anders übere chöme aussi gmeint si. (isch mir ou mau passiert u i ha are guete kollegin so dparti zerstört u weis nidmau me wiso) drum söu jede/i so viu droge nä dasers no schnaut und weis waser macht. u aus andere isch bullshit u missbruch!

mi machts huere hässig u truurig weni so öppis mitbechume...

da müessesech aber ou dfroue mau zäme due und nid nur gägenenand iifersüchtele sondern besser zämeha!

...