Looser-party-horror-flash

[Ganesha]

Guete obe... läck ich möcht fröge ob ech die einzig bin wo sone party het müesse mit erläbe... oke mini kollegin sie reist für es jahr nach sydney ond het e abschlussparty organisiert... es isch so grauehaft gsi... also es sind lüüt cho, dass isch abnormal die einte händ dusse afa ume schläggle...es hät en dance-floor gha det isch kei sau gsi... dbaar isch so miserabel gsi die händ nedemol gwüsst wi me en binacolada mixt... die lüüt sind soooooo was vo scheisse gse...die ander chan ned rupfe, denn esch die ganz kake ned id nase gsi sonder susch irgendwo is gsicht verteilt aso ned emol fähig für das... denn hetz lüüt gha wo am dikutiere gsi send über de sound das heisst... jedesmal het es lied ah gfange, ond het plötzlich sin kolleg gmeint das er jetzt es anders lied soll ablah... spr. de sound chasch au ned lose... och gott ich han emmerno en flash vo dere party... mir sind dlüüt zum teil so armselig ie cho, well die händ no spass gha... ich bin eifach nor da gsässe (halbsoffe) ond han die lüüt gsudiert... denn hani mal de mine kollege gseit ech ghan schnell wäg aso use,statt desse beni eifach mal so 3 km ca. idere chälti (vo thalwil uf langnau) glascht zom kolleg hei eis go rauche... de hämmer eis gamed und ich bin wider bergduruf ca.3 km ufe gloffe aber eigeartig schnäll han chli proggy goa dezue glosst, und das ich de berg schneller duruf chume beni im takt gloffe... buhhhaaa obe am berg wider ah cho (also bi dere party) nach wadeschmerze und kaputter raucherlunge... bin ich weder idere looserparty gsässe... die andere händ sich mega gfröget wiso ich so lang wäg gsi bin... naja han gseit säg schnäll dusse, debi beni schnäll is näbe dorfli gloffe...=) ufjedefall send mir die lüüt no struber iecho ech han eifach ab jedem kak müesse grölle... aso ich han wider emol bsoffe anderei mänsche gstudiert... ond das chan so witzig si... naja es isch mer denn eifach zbunt worde ond denn hani adiögseit... und bin de ganz kak etzliberg abe tschumplet... und etz beni da am compi ond han en horror-party-flash... also ohh gott es esch mal alles so komisch ie cho, han jo ned emol was gha... ebe deswege schrib ich das... würd mi mal interessiere ob öper was prutalers erläbt het (wot ned demit säge es isch ultraprutal gsi eifach nor schlimm)... naja ich glaub ich ghan das mal zersch das go bearbeite... aber chume eifgach ned vo dere taschtatur ewäg han etz grad voll bock was zschribe... nei lömer lah sie schlieslich beni müed und gschockt... ah ich bin jo emmerno am schribe...also jo ebe nimmt mi wunder... guet nacht und ich wünsche üch kei flop-partys... das ghat lang bis mer so was chan verdaue... nei ich ghan etz wörkli is bett...

[Josh]

Highdiho Madame Ganesha,

Dafi frage, weli Party das gsi isch? Han zersch befürchtet, du heigsch velech en schlächte Trip verwütscht ufgrund vo irgendwelchne Droge, aber das schiint ja ned so gsi z si, au wemmer d Würkig vo Alkohol ned darf underschätze.
Ich dänke, mer darf sich a Goas ned z viel Gedanke über die andere Bsuecher mache, will das chan eim würklech ufen bad Trip bringe. Wenn ich a x-welchne Partys jungi Mänsche gsehne, wo sich völlig zuedröhned und am Morge usgsehnd, als chämtes grad us de Liichehalle, denn chönti mängisch au fasch verzwiifle dra, aber das nützt weder mir no dene Mänsche öpis. Wie so oft chamer ned anderi Mänsche verändere, sondern nur sich sälber... also versuechi oft, positivi Energie us z strahle (au wenns nur es Lächle isch bim Tanze), und hoffe, dass de eint oder ander Partybsuecher die Energie gspürt und zruggspieglet... das sind für mich die schönste Momänt, s gspüre, dass mer ned nur für sich eleige tanzet, sondern *mit* andere Mänsche, au wenns nur en huuchdünni Verbindig zwüsche eim isch.
Wasi chli krass finde, isch, dass du schriibsch, dass es sogar welchi gäh heig, wo die Party schiinbar geil gfunde händ oder wenigstens "Spass gha händ". Also wenn du so öpis dänksch, denn strahlsch garantiert kei positivi Energie us i dem Momänt...
Schlussendlich isch oftmals ned d Musig, d Location oder sonstwas s Hauptkriterium für e gueti Party und s Smile ufem Gsicht bi de Heifahrt, sondern d Begägnig mit andere Partybsuecher... also treit jede dezue bi, ob en Party glingt oder ned.

[Ganesha]

he hoi... jo es isch sone privati hous-party gsi... ufjedefall es sind total die falsche lüüt gsi aso wörkli... die lüüt sind nur det ghocket und hend eis nochem andere grupf... han sgfühl gha si wäred gern wo andersch aber do hetz jo lüüt und droge also isches fascht es muess do zblibe..enart es klische ich nänn das susgangsklische, dh me muess jede obe was erläbt ha susch isch mer de letscht... ich han amigs fascht sgfühl gha sie händ ebe nur spass dra wells ned dihei hocket... es sind in etwa 50 lüüt gsi also ebe e chlini party... und wie du gseit hesch dlüüt sind wichtig adere party... einersiitz händ si sech benoh wie im chindergarte... im grosse und ganze isches e party gsi wo alli hend müesse debi si will wahrschindli nüt bessers lauft... oder weiss ich doch was.. egal isch ja scho verbi

[Josh]

Findes vorallem truurig für die Kollegin, wo d Party organisiert het... Das mues für sie natürlech no de grösser Frust gsi si...
Naja, s nächste Mal wird alles besser... zumindest wird's scho bald (??? ) wieder Früelig, und denn chamer sich anere weniger guete Outdoor Party au easy chli verzieh im Wald, ohni sich d Ohre ab z früüre... Alles Guete ade nächste Party wünschi dir!