Saphira hat geschrieben:Scho bim Ufstige zum Partyplatz het mis Härz höcher gschlage
Ja, mis Herz hätt au sehr höch gschlage bim Ufstieg, aber eher wäge minere schlächte Kondition als wäge de Schneelandschaft
I de Tat aber isch es wunderschön gsi, bi Nacht dur de knirschendi Schnee z stapfe, d Sterne z bewundere und denn a dem schöne Plätzli begrüesst z werde, als würd mer diheim acho
Ganz zauberhaft han i d Deko gfunde mit dene vile Cherzli...meh bruuchts im Wald usse vo mir us gseh gar nöd!
Bahia und Flying Fish händ mal wider Vollgas geh, dass de Wald gwacklet hätt (und sich zwüschedri azickt wie es alts Ehepaar...herrlich
)...danke villmal...au de andere Dj's, woni ghört ha...Om Gnom, Dj 'Spontanosio' (wer isch denn das gsi?) und Omline
Irgendwie isch die Nacht mal wider wie im Flug vergange mit tanze, wo eim warm ghalte hätt und so mänge Unterhaltige, wo mir immer wider es Lächle is Gsicht zaubered.
Sogar tüüfschürfendi psychologistischi Gspröch han i gfüehrt...über Füür, wo ohni Vorwarnig wie Pilz us em Bode schüssed, sowie anderi mysteriösi Vorkommniss...
Danke em Glüehwurm für di erschti Hilf, nachdem i vom rechte Weg abcho und i de Brombeeristrücher glandet bi
Saphira, Senv, Glüehwurm, Bloodhound, Swen, Josh, Bahia, Flying Fish, Kollegoli, 11, Dave und Sabrina...und alli, woni jetzt vergässe ha...danke für das schöne Fäschtli, wo mir zäme händ dörfe fiire.
Und danke de Organisatore sowie allne Helfer, wo das überhaupt möglich gmacht händ
