Age of Hippieness@Uster 17-12-2005

[Titali]

hey, ich han us luter hirnwäsch min pulli verlore in uster

es isch en dunkelblaue/dunkelrote pulli us nepal mit kaputze, mit wisser nepalesische schrifte druf und em shiva gloubs!

wenn öper dä gfunge het, bitte mälde bi mir per email oder PN - THaNKs

gruzzz titali***

[Josh]

Het d Party also stattgfunde? Scho heftig, dass d Age of Hippieness im Trümplerareal erlaubt gsi isch, aber d Smilinc Live Christmas ned...

Viel Glück bim Finde vo dim Pulli! Wett ja ned, dass d halbe nackt muesch ad Smilinc Party nächst Samstig cho!

[Titali]

Viel Glück bim Finde vo dim Pulli! Wett ja ned, dass d halbe nackt muesch ad Smilinc Party nächst Samstig cho!

hehe, mir wüsse ja, was mir next weekend anzieh josh huutäng, schwarz und lädrig *lol*

bin imfall fast verfrore am sunntig mittag@uster, wo ich hei bin und im schnee bin glofe... zerscht hani dwärme vom tanze (bin wie es gummibäueli umegschpickt bi däm derbe sound *g*) no i mir gha, aber när BRRRRRRRR&GFRÜÜÜR! ha mer när e heissi duschi gönnt@home!

Naja, bin sälber schuld, has us luter alk irgendwie versiffet mit mim pulli aber easy, han dr glich nomau ire angere farb!

Liebs grüessli…titali***der schmetterling

[Josh]

hehe, mir wüsse ja, was mir next weekend anzieh josh huutäng, schwarz und lädrig *lol*

Hehe demfall doch lieber halbnackt! Das wär doch mal en sexy Goa, alli knapp bechleided wie Elfe und Elferiche!
Susch muesi no churz in Magic-X Shop (heisst ja nüme Beate Uhse), han nämlech reichlech wenig Lädrigs im Chaste...

[Titali]

hehe, aber halbnackt, dass düe mer doch lieber ufe suMMer verschiebe@private party im wald ungerem stärnehimmel

ja, min schrank gseht ou ziemlech läderfrei us... ha gloub no es paar latex-hotpants das wär emau e afang *ggg*

[Josh]

hehe, aber halbnackt, dass düe mer doch lieber ufe suMMer verschiebe@private party im wald ungerem stärnehimmel

Hehe jederziit! Am beste irgendwo inere Schlucht mit eme Wasserfall, wo mer denn chan bädele und chille und tanze und räuchle alles mitenand!

ja, min schrank gseht ou ziemlech läderfrei us

Demfall vergässe mer de Plan doch am beste und gönd langwiilig wie eh und je ad Party... farbelos und uninovativ, wie das a Goas halt so isch...

[tom NEUTRAL]

Schlimm das mit dim Pulli ...
Han 2 sälbergmachti Chärze det vergässe, aber dasch nöd ganz so tragisch!

Anyway..
Jetzt wotti also doch no öpis zude Party säge:
Ich hans de mega hammer gfunde! Netti Lüt, psyigs Deco, Geile Sound, Gueti Temperatur, d'Lüt vo ADC wo für eim gluegt händ (merci fürs wasser!) und e gueti Location ganz allgemein! Zum Glück isch sie nöd au de Spiesser zum Opfer gfalle

Wer au immer vo eu det gsi isch, merci fürs geile fäscht mit eu!

[Josh]

Code: Alles auswählen

Netti Lüt, psyigs Deco, Geile Sound, Gueti Temperatur, d'Lüt vo ADC wo für eim gluegt händ (merci fürs wasser!) und e gueti Location ganz allgemein! Zum Glück isch sie nöd au de Spiesser zum Opfer gfalle Wink 

...velech wäri doch besser a die Party gange statt ad Smilinc Live Christmas nächst Wuche... wäred d Umständ eifach agnehmer gsi, nimi mal a. Aber ebe, mer mached s Beste drus!

[Titali]

@josh: hm, jetzt isch düüüre weiss nid, ob du würklech viu verpasst hesch... en birrefigg vom sound viellecht mir het bim sound melodie und fröhlechkeit total gfäut und es het keis chillout gha... bi fast zämegfloge am schluss, wüe dr sound nonstop gschuebet het!

bi froh gsi, dass ich die richtige WC gfunde ha... het dusse nur dixies gha ir arschkeuti *brrrr* und securities sind mega nätt gsi!

people sind ou mega geil druff gsi...vorallem ir nacht

mache mer zbeste drus next weekend gäu

@tom NEUTRAL: shit wäg de kerze naja, öper het sicher fröid jetzt

[Josh]

mache mer zbeste drus next weekend gäu Wink

Das sowieso!

Weiss wer, ob's au Chleiderständ wird ha? Brücht mal wieder en Pulli (gaht im Topic ja ursprünglech umen Pulli... )

[Titali]

[Weiss wer, ob's au Chleiderständ wird ha? Brücht mal wieder en Pulli (gaht im Topic ja ursprünglech umen Pulli... )

imfall kei ahnig josh - söu ich dir us indie öpis hei schicke...hm, oder nepal wär no besser *smile* de cha ich dir fürs gliche gäu 7 pullis bringe

[Josh]

imfall kei ahnig josh - söu ich dir us indie öpis hei schicke...hm, oder nepal wär no besser *smile* de cha ich dir fürs gliche gäu 7 pullis bringe

Hey das wär ja super!! Isch das überhaupt möglech mit Zoll etc.? Wott ned, dass d Titali z Indie in Knast wandered wäge Schmuggel...

[Titali]

Hey das wär ja super!! Isch das überhaupt möglech mit Zoll etc.? Wott ned, dass d Titali z Indie in Knast wandered wäge Schmuggel...

you know, in India is EVERYTHING possible alles und alli sind korrupt dört, vom bättler bis zum bankier...und din own wallace (guide) hesch ou gäng derbi, wo dr opium und hash git...derfür zockt är commision ab

ich han das jahr in indie afo business mache...ha mehr als 70 kg hei gschickt und has när verkouft!!!

wott in nepal chli go shoppe next year und nach dehli - mau gugge, finde sicher es paar sexy hutängi gnömli-pullis für dich!!! uiuiu, jetzt mues ich de mau afo e shop-liste zmache...mues soooooviel ikoufe dört für friends!!!

I LoVe my India ...

[Josh]

>> PM

[stregone]

This party was really good!


I loved the music from Dj Shiva Andy and from Lemurians! Real dancefloor burners!

The deco was original( since I haven't seen it before ) And it was full of smiling dancing people and lovely girls