Warze am Fuss... :-(

[Josh]

Hallo alle

Hattet ihr auch schon solch ganz böse Dornwarzen an den Füssen? Ich habe gleich 2 Stück davon... Damit wird's nichts mit Barfussgehen und -shaken, denn die Dinger tun sauweh...
Wie habt ihr die Dinger weggebracht? Ich benutze seit einigen Wochen ein Spagyrik Warzenspray, von welchem ich mir täglich ein paar Mal auf die Zunge spritzen muss (hat immerhin 20% Alkohol )...

Grüsse
Josh

[bliblablup]

Hatte als ich klein war auch warzen, hab sie soviel ich weiss dazumal mit teebaumöl weggebracht.., kann dir allerdings nicht sagn ob es auch bei dornwarzen hilft...

[Conclusion]

e chnoblizäiä druff, pflaschter drüber und e nacht warte ..... nachher miift zwar diis bett aber d'warze isch fascht weg.

alts oma-rezäpt

[Ganesh]

ouuu du arme! mini fründe sage au immer das ich e warze han uff em hals spass bei seite.

ich han vor es paar joohre bem fuessball e riesig grossi warze gha am fuess. ich han die behandlet mit fuessbad und emene mitteli vo dr apothek wo ich uff d'warze gmacht han. nachem fuessbad und mit mitteli druffschtriche han ich den immer wieder chöne die hut abzieh wo überschüssig gshe isch. het ghulfe...!

viel glück und gueti besserig für dini füess

[terranostra]

Ups grad 2!!!
Miar gnüagt scho eini...a kolleg hätt miar dia letscht johr abkauft und xait i söll nüma dra tenka...denn verschwindet sie...hätt miar glaub zwenig rappa zahlt...ha sie immerno!!!
A andera kolleg hätt gmeint i söll barfuass in wald und d'ärda wo i druf gschtanda bi in as alts aschtloch legga...und(einigkeit!!!):P au nüma dra tenka!!!
Moral vu dära realität isch glaub: WARZA sind scheisse, wenn dra tenka tuasch!!!

[ChriSmoS]

also i ha mal eini gha wo ergendwie medikament-omarezäpt-undweissichwas-resistent gsi isch!... dä cheib hät eifach nid welle weg! au mit chnoblizäiä und dem zügs wos bis abe veriiise tuet (au das mittel wo dHuut regelmässig ablöst isch nid gange, abglöst hät sich scho was aber drunder isch en no fiteri warze usecho so alà Phoenix!) dä cheib isch zwar immer wieder cholleraabe-schwarz worde aber ebe isch glaub würkli en Phoenix.....i ha den hald in suure-öpfel bisse und han das Ungetüm usegschnitte....das hät allerdings au erscht nachem 3te mal endgütlig klapped.......i hoff ich bechum niemeh so eini chum gad angst über

gruss

plan b wär en nochber gsi wo chemiker isch, de hät sini immer mit Süüri weggmacht.....isch aber ned z'empfehle da mer guet demet umgo mue oder anderscht gseit: au be em häts jetzt es loch, wos vorher no keis gha hät...

[Titali]

hey josh, das beste gegen warze ist dein eigener urin jetzt verziehst du sicher gleich dein gesicht, aber es ist so... es braucht nur ein paar tropfen jeden tag... oder chasch ja eifacht i duschi stoh und bissle *ggg*

rausschneiden ist schlecht, weil die warze will uns was sagen auf seelischer-geistiger ebene:

Warzen = Kleine Ausdrucksformen des Hasses, Glaube an Hässlichkeit
Affirmation: Ich bin vollkommender Ausdruck der Liebe und Schönheit des Lebens
(Quelle: "Heile deinen Körper" von Louise L. Hay

so als kleiner denkanstoss - vielleicht sagt es dir ja was...

viel glück... titali***

[ChriSmoS]

hehe....luschtigi überschniedig vo dene beide iträg, da mitem bissle hani im fall au scho paarmal ghört, bringt mir aber nix........

[Titali]

grins@chrismos: hesch dich abisslet

ich hab noch schnell nachgeschaut, was auf homöopathischer basis wirkt und es ist "Thuja-Globuli"

hier noch ein interessanter link:
http://www.netdoktor.de/krankheiten/fakta/warzen.htm

[ChriSmoS]

nei denk nid wills sowieso nöd würkt und da weissi us 2ter hand vo mim vortester lol......

hehe jetzt verziehst du sicher gleich dein gesicht: die warze will uns was sagen auf seelischer-geistiger ebene - piss mich nich an alter.......ein messer is da besser...

[funk0r]

Ui... jäää warze esch was müehsams...
Mer hend Warzepflaschter ghulfe....

Greez0r

[meli]

dornwarze sind hert!! i han zum glück ersch einisch eini gha- ha die aber uhhh lang mit nütem wegbrocht! irgendwenn het mir das so weh gmacht, dass i bi ga warzemittel kaufe, das züg ha lo itrockne und han när mit nadle und taschemsser alli dorne useoperiert!! duet saumässig weh- aber i ha niemeh eini gha! sött nüt vo dene mittel wo obe liesisch hälfe, de machs eso- so sich sie für immer und ewig beseitigt!
lueg bitte unbedint uf desinfizierti materialie und benutz kleenex oder so- es blüetet minim )

[abraxas]

angst vorm doktor oder pleitegeier?
rausschneiden hilft garantiert... 101%

[Jetlag]

spannendi theme händer da

versuschs mal mit "warzab" ist zwar ein brutal ätzendes gift, aber wirkt 100 %

[Josh]

heilige siech, so viel antworte i so churzer ziit hani no nie gha hie im forum...
aber danke vielmal für die viele tipps. useschniide wotti momentan no ned, will dornwarze schiinbar bi settige operatione liecht chönd neue fuess fasse bzw. sich fortpflanze... und 10 neui vo dene dinger wotti ned am fuess (minere fründin isch das passiert, aber die sind zum grosse glück alli relativ schnell sälber verschwunde)...

drüber bisle - naja, gross problem hätti da ned, als chlises chind macht mer da ja no ganz anderi sache. und wemmer grad scho bi körperflüssigkeite sind: sperma hilft gäge halsschmerze! http://doraj.com/wp-images/2004/08/oralsex.jpg

all die andere mitteli wirdi nach und nach probiere, wenn de dräcks-cheib ned verschwinde wott.

mini mueter meint au, dass warze es zeiche vo stress si chönd... das chönt bi mer au no zueträffe... mal luege, ob das ding während em zivi verschwinded, weni hoffentlech ändlech mal chli us mim stress umfäld usechume...