Müsig downloaden

[Dragonfly]

leeching kills the music =/

bin ja au nöd ganz unschuldig, aber ich find wenn eim d musig gfallt wo öpper macht denn söll mer am artist doch au öpis defür gäh...
also äml vorallem dä "chliine unbekannte"...

Bini Iiverstande. Aber grad so sehr bekannti Künstler wo eh huere viu Gäud mache mit irem Sound, do hani keis Schlächts gwüsse e CD vonene abezlade.

[Conclusion]

under "bekannte" verstahn ich artischte vo dene 3 labels wo im radio laufet.
alli andere (vo de 50000 andere labels) sind chliini künschtler!
es git kei "grossverdiener" i de elektronische richtig mit musig verchaufe.
es git nur grossverdiener mit völlig übertüürte bookings, will ihri musig eh nur klauet wird.


sind doch ehrlich und chaufet euchi gliebt musig ... isch nöd meh als fair.

[atombrot]

stimme au für beatport

denn gebtis no http://www.jamendo.com . stat alles under creative commons und somit gratis für private gebrauch, je nach lizenz au freige für kommerzielli sache.

git suscht no paar witzigi portal. wür mi au wunder ne, wie definiersch du "sehr bekannti Künstler"?

btw. abelade isch scho legal, aber normalerwis landet s lied direkt im shared ordner und i de meischte suug programm stellsch du au grad anderne leecher datei oder teil vo de datei zur verfüegig... somit chasch is illegale abrutsche, no während am abelade bisch (au wenn de track nonig ganz dune isch, wennd en teil zur verfüegig stellsch isches illegal).

[Dragonfly]

wür mi au wunder ne, wie definiersch du "sehr bekannti Künstler"?

Auso itz zum Bispiu so extrem bekannti Musiker und Musikerinne us dr Popszene, zum Bispiu Hilary Duff, bi däne chasch sicher sii, dass si eh scho huere viu Stutz gmacht hei mit irem Sound.

[strigor]

und wenns halt doch söll unfair si, denn isch http://www.stmusic.org/ en gueti quelle. grad im bereich vo elektronischer musig findsch dört so zimlich alles in sehr gueter qualität und oft zitglich mit dr veröffentlichung

[fish-eh]

somit chasch is illegale abrutsche, no während am abelade bisch (au wenn de track nonig ganz dune isch, wennd en teil zur verfüegig stellsch isches illegal).

Nönö, schliesslich laht sich nur wenig us dere Datei erruriere, was es isch, geschweige en Nachwis erbringe. De Track muess also scho uf dinere Platte si.

Grüess
fish

[Mirowsky]

ich habe gestern (17.aug.08 ) mal bei google, MIROWSKY-STOUNI eingegeben
und war also sehr überrascht wo man das neue album von free freack music downloaden konnte.

ich war deshalb überrascht weil ich

1.schon seit x jahren keinen track mehr ilegal downloade (im ganzen vielleicht 10 trx und die
meisten artisten habe ich dann als live act gebucht,weil sie es wert waren )
2.wie selbsverständlich das gemacht wird

glaub ich bin wircklich im letzten jahrtausend hängengeblieben....

meistens wird es dann noch von so hobby dj`s runtergeladen die dann noch das
gefühl haben sie müssen dann noch fett gage und spesen haben,dafür,das sie mit ilegal
erworbener muke auflegen