mysticalforum

So i mache hier mi eigti Thread jetzt uf. De chan i wenigschtens so viel Bier poste wie i wot

Um was geits i dem Thread?

Mi würd interessiere was Ihr de Mensche wo Ihr gern heit guets tüet um inne zeige das er sie gern händ

I fange grad mal a..

Also wenn i öper guet ma de tue i am liebschte für die Person Choche. Aber de so richtig verwöhne. E guete Wie, 2-3 gäng schön agrichtete Tisch usw. Ok i bevorzug das bie wiebliche Fründe.

Ansonste isch das mal e CD, Mal es Bier oder es neus Trickly im Cubase wenn er o Musik macht (zum sunny öbere Schiel) oder eifach nume es offnigs Ohr und verständniss oder Trost.

Ah jo und mis Mami het am liebschteeifach es Blümli und e langi festi umarmig.

Mit was beschänket Ihr euri Mitmensche?

Hey hey Dex, geils Thema...

also ich beschänk mini Lüüt eifach gärn... segs spontan oder au zu Aläss... aber es sind persönlichi Gschänk... woni sälber gmacht han oder sälber was dran bastlet han... eifach würkli e klini Ufmerksamkeit vo mir... das für Manne wie Fraue...

für min Schatz lahni mir dänn scho kli meh lah ifalle... segs en Massage, oder es Kuscheltierli, oder mal wie au du bekoche und kli verwöhne mit feinem Ässä... du weisch ja, Liebi gaht dur de Mage... sust halt eifach klini Gestene... mal was heibringe wo är gseit hätt dass är das brucht... oder halt au d'Zyt widme, für ihn da si...

bi mim Mami isch das glaub glich wie bi dim... e festi dicki Umarmig und ab u zue mal es Espresso-Tassli oder es Blüemli... *lach*

joah und bi mine liebstä Fraue... da nimm ich mir eifach geng Zyt wenn eini in Not isch sowieso und sust luegi halt dass d'Beziehig eifach lauft...

Hm... es gäh und es näh... mir chunnt da grad was in Sinn... han irgendwie s'Gfühl jemeh dass mä git ohni wellä z'bercho, desto meh berchunnt mäh...

Ich wett plötzlich es Bier...

*piraña ein Bier bring*

und was bechum ich devör?

und wennd scho grad draa bisch...
i nime au eis lol

*Is Auto stieg und zum Supermarkt fahr*

----------- -------

*Ganzen Kasten Bier einpack*

So jetzt hets gnue för ally.




Mängisch isch mer halt eifach au nume Spendabel

Obwohl de Sinan mehr au scho mängs Bier offeriert het.. es chunt alles zrug.

Ah jo. Gäh und Näh isch sehr universell awendbar. I de Regel bechunt mehr au öpis wenn mer öperem öpis schlechts tuet.

Fielleliebedank@dex@beer!!!
S nöchschtmal wenn Di gse zahl der e Whiskey-Cola... oder susch en Drink; ).
:::UND SÄG JETZ NID, DU HEIGSCH DAS ZÜG IMMER GRATIS!!!:::

Also ich massiere uh gärn- vor Allem Frauefüess. Wenn ich sie nid grad bechoche; ).

piraña hat geschrieben:Fielleliebedank@dex@beer!!!
S nöchschtmal wenn Di gse zahl der e Whiskey-Cola... oder susch en Drink; ).
:::UND SÄG JETZ NID, DU HEIGSCH DAS ZÜG IMMER GRATIS!!!:::

Also zu mene Whyskie Cola säg i nie Nei

ich auch bier will! ittinger klosterbräu oder irish ale.

*gerade ankommen mit bier-nachschub + all begrüss*

piraña hat geschrieben: Also ich massiere uh gärn- vor Allem Frauefüess. Wenn ich sie nid grad bechoche; ).

Ich liebs zChoche vorallem für mini Liebschtä abr ned für Ihri füäss..

Für die ganz Liebe*alle-verstehend-nickend*machis au chlie romantischer....
Da gits au mal Schnell eh spezielli scharfi asiatischi suppe mit trennt bratenem ei-geel und ei-wiss ih chlini streifli gschnitte... und dene en wok mit früschem gmüäs und pilz und und und dene spezial gwürzmischig vo mim papi drih.. *lach* und schön ziäh lah.. abr ned zfescht... bla bla bla.. fürs ganze rezept bitte pm.. thx at betty bossi nene freestyle choche like jami olivers...

und das romantisch ahgrichtet im cherzeschii mit schöner musig...mit pflumeschnaps sojasauce wasabi und grüäntee und was suscht no alles derzue ghört....

sorry for BIG-OFFTOPIC....

so bins los...

hmmm mit dere person ergendwo id ferie ga *G* da fingi immer ds tollste geit länger als 1 ässe (da gits de mehreri ;P) und me erlebt halt megaviel und das hald ds 2. wellme die angere diheime laht

edit:
hätt de agern nan bier *G* aber gah de nid gad mit dem womers git id ferie

Für die Persone woni gern han und finde moll die hänz verdien =o) due ich gern mies Ohr zur verfüehgig
stelle. Zuelose und weni find es bringt was, au mal mien Sämpf dezue gäh. Ich bin immer für dLüüd
da, wens wänd rede, au wenns ihres momentane "Problem" 100 mal müend verzelle. =o)

Für mien Kobold, giz amigs en chlini Ufmerksamkeit. Sieg das en Rose oder es Schoggi-Herzli oder eifacht
wieder mal en Brief oder es Chärtli.

Ich understüze dLüüd bi ihrene vorhabe und bin gern a irere Siete, damit sie ihre Traum chönd dure zie
und verwirkliche.

Wens chli usgfallener döff sie, gang ich sehr gern vornehm go ässe. =o) So richtig mit allem drum und rah.
Eventuell lied denn au en übernachtig im Hotel dinne. *schmunzel*

Schänke due ich im allgemeine mega gern. Uf alli Fäschtdäg, aber au suscht.

Eifacht bi de Mänsche verbie gah ufes Kaffi, sie fescht in Arm näh und finde, cool, dass es dich gid. Das
fall mer sehr licht und isch immer wieder schön, wies de ander freud.

Chund mer gad no de Spruch in sinn: Geteiltes Leid ist halbes Leid, geteilte Freude ist doppelte Freude. =o)

So pauschal chani das gar nid säge, aber i ha scho mängisch gstuunet, wasme doch nid aues i Chauf nimmt oder macht für Lüt, wo eim wichtig si. Zum Bispiu mit minere langjährige Kollegin gahni a Orte mitere häre, wosmer aso sehr unghüür isch. So wie is Mad Wallstreet uf Bärn

I due gärn Chlinigkeite verschänke, woni weiss, dä oder diejenig het Fröid dra. Eifach spontan, wennis grad gseh u i däm Momänt grad a die Person dänke.

Es offnigs Ohr z ha widerum fingi schad, wes nur für de ängschti Kollegekreis reserviert isch. Me verlüürt ja nüt, weme öpperem mau chli zuelost, wo Bedarf het. (Höchstens echli Zyt, aber defür gwinnsch das nöime angers wider).

Wie de Thread-Titel scho seit: "es isch es Gäh und es Näh." Mängisch gisch vilicht e Zytlang nur, aber aues chunnt irgendeinisch inere Art und Wiis mau zrügg....

Saphira hat geschrieben:Es offnigs Ohr z ha widerum fingi schad, wes nur für de ängschti Kollegekreis reserviert isch. Me verlüürt ja nüt, weme öpperem mau chli zuelost, wo Bedarf het. (Höchstens echli Zyt, aber defür gwinnsch das nöime angers wider).....

=o) das stimmt. Wenn du das uf mies Post bezoge hesch, also ich han das meh gmeint, wenn ich finde
die Person hez verdient. Dönt jetzt chli blöd, aber es muess nid mien ängschte Kolleg sie, woni das mache.
Chan au öber usem Zug sie, woni bis vor 5minute gar nid kännt han. =o) Gad mer meh drum, dass es ebe
Lüüd gid, wo amigs ihri Problem verzelled und gar nüd wänd schaffe demit, sonder eifacht wänd ghöre,
neinei du bisch de Bescht und pipapo. Klar chan mer dene au zuelose, aber denn chämti wirklich nümm
zum lose us.

Aber grundsätzlich hesch du natülrich vollkomme rächt. =oD

ich finde, wie und was ich schenke, hängt von situation, persönlichkeit und den umständen ab... in der regel halte ich nicht soviel von materiellen geschenken, aber der gedanke dahinter - dem/der anderen eine freude zu bereiten - hingegen schon. natürlich. allerdings bring ich lieber weniger übliche presentlis mit... eine aufgeräumte und gesäuberte küche, ein kleines kräutchen zum gemeinsam geniessen, eine kleine aufmerksamkeit mitbringen - z.b. schoggi -, mit dem/der lieben zeit und erlebnisse in gemeinsamem, schweigsamen beisammensein teilen - egal, was kommt, egal, wer was macht, egal, wo jetzt grad party ist; ich bleib bei dir, ich bin für dich da - müssen nich mal miteinander reden, einfach nur miteinander (sich bewusst) sein -, ein dummer lustiger spruch, mit dem du deine lieben erquicken kannst, eine schulter zum anlehnen geben, eine hand reichen, ein küsschen geben, eine umarmung innigsten grades, selber mal die klappe halten und dem/der lieben mal zuhören, liebe, ein offenes herz... wachen, während der/die andere schlaf benötigt, "missionen" für die liebsten erledigen (nahrung/trinken auftreiben)... ach, es gibt so vieles... früher hab ich noch für meine lieben gemalt, aber das hat sich wieder gelegt. wenn die freundschaften echt-echt sind, dann gibt es sowieso kein besseres geschenk als dich inkl. gute laune

ahja, und was uf ständigem gäh und näh berueht; zigis, bier, luft zum atme, (auge)blick, liebe, dinos, kleider, zahnbürsten, objekte zur förderung des enthusiasmus' (z.b. devil stix, ein jojo, ein flummi, ein wollfaden, welcher unter uv-licht zu leuchten beginnt, eine maultrommel... böh, was einen halt bewegt, berührt und verbindet...).