mysticalforum

...Ich habe eine Kollegin, die gibt enorm viel Geld für esotherische Sachen aus. Ob Kurse, Seminare, Steine, Wässerchen, Ölchen, Duftsäckchen, Bücher, Bilder, Kartenlesen, Räuchersachen... und so weiter...
...Sie selbst behauptet, sie könne nicht mehr damit aufhören, nach dem Einen schon das Nächste zu suchen, und dann auch zu kaufen, weil sie nie wirklich zufrieden ist, mit dem was sie schon hat...
...Na ja, ich finde es ja ein schönes Hobby, blos ist das Ganze auch eine teilweise schweinische Abzocke...
...Sie ist älter, und verdient genug, um es sich leisten zu können...

Ich selbst gab in diesem Jahr etwa 3-4 hudert Franken aus- hauptsächlich für Steinchen. Geschenke ausgenommen.

Wieviel Geld ist Dir die Esotherik wert? Was gibst Du aus? Und lohnt es sich- oder bereust Du nach ner Weile das investierte Geld? Welche Sparte hat es Dir besonders angetan?

hehe geils thema!
ich ha die phase au gha, ha mega viel geld für reikikurs, räucherkürs, aura-kürs, pflanze-kürs, readings mit mediums, therapie etc. usgeh... für bücher, auro-soma, tarot-karte, steine und und und endless... bin auf voll addicted worde und ha gmeint, es bringt mich wiiiter... irgendeinisch ha ich gmerkt, ich cha no soviel workshops mache und bücher läse, aber doch isch dr best meister und lehrer zläbe sälber und so hani mis gäld für reise usgeh... ha denn au in indie es paar kürs gmacht und thailand, was sehr viel billiger isch gsi und ha au viel glernt dört... bin au bire gruppe damals biträttet und hui, vieli hei gmeint, ich sig jetzt ihre sekte... naja, ha mich wohl scho chli komisch benoh damals - halt chli out of space & spirit!

es chunt halt drufa, aber z.b. reiki isch def. e gäldmacherei und lehn ich hüt ab und au schüsch viel vor eso-szene... ich wott e usbildig mache und die kostet au nid grad wenig, aber derfür bisch mau 2 1/2 jahr dran und nid nur ab und zu irgend sone dämleche reikilevel mit iweihig... finds en bullshit!!!

ich beröie nüt und ha es paar tuuusig stutz usgseh für das... ischs mir au wert gsi, ha das brucht für erfahrig damals!

isch halt heikel das thema, wües rächt schnäll als scharlatanerie und gäldmacherei bezeichnet wird!!!

wärs guet findet, sölls mache... aber halt derbi ufpasse, dass meh ufem bode bliebt und nid hochmütig wird und abschwäbt...
mir sind geng no mönsche und ir materie und keis lichtwäse

ehrlich finds echs erscht wemer irgendwem wet was guets due ohni das mer vell geld duet verlange .. esoterik hed sech vell guets ... aber das mer die guetgläubige mensche duet usnaeh macht das guete weder kaputt .. darum.. ged au sache wo sehr wenig geld koschtet bis gar nüt ...

ja ilenja, isch mega schwiriegs thema... ich ha frücher au lüt behandlet mit energiebehandlige und ohrekerze, also kollege und ha nie gäld derfür verlangt, usser dass sie mir ohrekerze hei müesse zahle.... ich ha derfür öpis anders zruggbercho, es ässe zum bispiel! ich ha hure müh, derfür gäld zverlange... guet isch sicher öpis anders, wenn professionell eso arbeitisch und frömdi lüt zu eim chömet... bi kollege isches halt schwirieg, sind ja meh versuchkaninchen gsi

ich würd nie reiki-"meisterin" wärde... finds sowas vo fräch sich sälber meister znenne, nur wüe die 3-4 seminar und iweihige gmacht hesch *autsch* und när pro seminar wo gibsch no fast 500.- stutz verlange für 2 tageskurs!!!

aber meh darf sich au nid unterem wärt verkaufe... balance muess stimme! gratis darfe so sache au nid mache, wüe ich gibe ja au energy vo mir und ha au geld für usbildig, bücher, massagetisch etc. müesse usgeh!!!

wemer was verlangt um deför sini usgabe zdecke find ech das ganz ok .. aber so vell esoterik büecher ect.. choschtet so vell wer chan scho immer so vell geld usgaeh för sech was guets due???..aso ech ganz bestimmt ned .. und findes au nöd ufriichtig wemer so vell geld verlangt und sech den mit ufriichtige loorbeere wot schmücke .. aber ebe das esch mini meinig ..
und sech meister nenne .. wo mer ned mal ufem weg dezue esch en meister si .. esch eh gspässig ....
ech gebe au gern geld us för schöni sache .. aber es muess doch no imene rahme lege wo mers chan vertraette ..

genau ilenja - gseh ich au so wie du

und übrigens, ha ich nid no e massage vo dir zguet???

jap ... das esch immer no so @guet .. und baud esch wiehnachte chasch de grad zwei guetschiine ha lach

Hey Ilenja i wür sust au na härä ha... *seufz*

*smile* freu mich!
ha ja ewig kei massage meh gha... in thailand bin ich es paar mal pro wuche gange, aber hie @ ch cha ich mir das eifacht nid leiste...nid mau thai-massage derfür hani es kuschel-büsi!!!

ät ilenja:
Gisch au Kürs? Wenn ja, wieviel (siehe Titel) würde mich das kosten? Kein Anfänger. Vielleicht könnte ich Dir die Rechte an den Weihnachtsgutscheinen abkaufen . Wir sind ja sowas wie Nachbarn

lol? nei geb kei küürs .. das esch e 4jaehrigi schuel ... das gad ned so schnell aber chan der gern es paar handgriffli zeige lach und das denn no be tee und chueche

...abgmacht...

...vorusgsetzt Din Maa chont nid vorziitig fode Arbet (oder fom Chartespiele), und interpretiert die HANDGRIFLICHKEITE uf sini Art ...

...Tee und Chueche sind ja au öpis fom esotherischste, was es überhaupt git i dem Universum. Privater gohts chum- osser viellicht binere Massage?...

Lg

ha kei gheimnisse vor mim ma ;-)be ja selbstaendig denkende mensch gell .. und chan selber entscheide .. wichtig esch eifach .. ehrlichkeit und toleranz und respekt .. haha .. aso kei angscht .. und mi (ma) *ggg finde das e luschtige usdruck .. da er ja nöd mer ghört aber anyway.. esch vell zu chillig drufe .. um irgendwem irgendwo was azdue

i dem sinne prosit neujahr lach

TiTaLi hat geschrieben: mir sind geng no mönsche und ir materie und keis lichtwäse

Ich glaub dass me sich trotzdem irgendwenn mal entweder fürs Liecht oder fürd Dunkelheit enscheide chann..dörf-mues..
und au en menschliche materielle Körper mit Liecht chan "fülle" ohni devozflüge...

TiTaLi hat geschrieben:
wüe ich gibe ja au energy vo mir

Ich glaub mer chan eher en "Kanal" werde und, mit bedingigslooser liebi, energie übermittle..(das bedingt scho vill "arbet" a sich selber und au ziemli disziplin um en "subere" kanal zbliibe)
wenn me vo sich gitt.. vilicht bechunnt Sie, am "andere" gar nöd emal so guet oder me chönnt au bald selber zwenig, devo ha.

Bi all dene "sache" isch mineserachtens enorm wichtig dass s Ego, uf keim fall, mitwürkt!
und dass wenn mer sich uf sonen weg begaat, immer vome erfarene mensch-therapeut wo merkt wenn me alefals zfest am abhebe (Ego) isch, begleitet und wenn nötig uf de bode zrugg gholt wird...

Ich für mich misse kein rappe won ich für "so sache" usgäh hann...
ha viel mee geld usgäh für anders wo mer nöd so guet taa hett...
die säbe erfahrige han i zwar au brucht und uf iri art händs mer au ghulfe

hoi jürg

ich entscheid mich fürs licht und schatte?
steck leider geng no ir polarität fest *hihi*
aber klar, ich wott scho am licht folge und nid ar dunkelheit... ich ha es grosses problem dermit, dass ich schlächt gärdet bin und ständig irgendwo umflüge... sött viellecht mau wieder afo fleisch ässe *hihi* ich ha das eifacht gseit, wüe ich würklech mit soooo "übermönsche" es zytli bin zäme gsi, wo gmeint heige, sie seige höcher als alli andere und spirituell viel witer - atlantis style halt! jetzt läbet die in sri lanka, hei gäld wie heu und total dr bode verlore und laufet im wiise gwändli ume... finds hüt nur no piinlech und dazumal ha ich die mönsche aghimmlet!!!
äbe, bin scho lang vo mim lichtwäse trip wieder glandet, aber bin mir bewusst, dass ich näbe mim körper e seele han, en geist und alles mit viele viele farbe und energie verbunde isch, wie chakras und aura... ich nimme das sehr bwusst wohr!

ja stimmt, mir sie nur en kanal und gäbet kei energy ab... stimmt aber für mich nid ganz! ich stimm mich ja ine energy i und die fliesst när vo obe dür mich düre in behandlent klient, jedoch geit das ca. e stund und ich has nid asträngend gfunde, nei, aber glich hets energy vo mir kostet... leg mau überall 5 minute händ uf, weisch ja sälber, dass das muskle brucht, vorallem wenn dr klient nid berührsch... meh berchunt aber au viel zrugg!

ich beröie au nüt... ha sovieli schöni momente gha, liebi mönsche lerne kenne, viel glernt und übersinnlechi sache erläbt! mir hets damals vorallem au ghulfe vo de droge weg zcho... okey, isch viellecht chli suchtverlagerig gsi, aber mir hets ghulfe, dass droge nüme dr mittelpunkt vo mim läbet usmachet und ha es stück meh mich sälber gfunde...

haPPy spiritual day