mysticalforum

Hallo mitenand...
In ledschter Ziit mus ich immer wider über die Ufo's nahtänke wo ich midem Koleg am Früehligszauber 2004 z Zurzach gseh han. Ich weiss ich bin chli spat dra zum fröge...
aber hed die villich usser eus beide no öpper gseh???

(Isch e ernst gmeinti frag für die wo das als en Joke betrachted!)

Ich ha über d'johr au scho zwei mol öppis gseh wo sicher kei flugzüg gse isch und au kei sternschnuppe; was au immer

Ja kool z wüsse das ich und de Döme nöd die zwei einzige sind...
Derf mer frööge wo du so e sichtig gmacht hesch?

isch z'nacht zseh im baselbiet, ha denkt s'chönt a komet si, aber die sind au irgenwie andersch.

Jo mir (öppe 3 lüt) händ die au gseh, sehr seltsami "sternschnuppe", wo sich extrem langsam über die party hinwäg bewegt händ. fürne rakete oder suschtigi fürwerkskörper z'langsam, für es flugzüg z'nöch.. hmm

naja am schluss stellt sich ja dänn doch wieder use, dass es en ballon mit fürwerk dranne gsi isch (wobii ich bis jetzt no kein fürfeste ballon gseh han, hmmm...)

scho sehr cool gsi, die 2 (oder doch drü? alles scho so lang her) liechter...

Tönt intressant...
ischs es einzelns gsi?
Bi mir sinds einigi gsi und si sind perfekt in formation gfloge und hend die nie verlah! Richtigswechsel und Gschwindigkeitsänderige wo die duregeh hend wered für jedes mir bekannte Flugobjekt schlicht unmöglich durezfüehre. Han nur an Himmel glueged und gstuuned. wos weg gsi sind hanich nurno de koleg aglueged und gfragt ob ers au gseh hed. und zum glück hed au ers nöd verpasst...
Mir beidi sind de meinig das mir was gseh hend womer bis dethi nonig kennt hend. Aber frög mi nöd was... Aliens? Militär? Rieseglühwürmli?...
...ken Blasse

die beschriebige treffe gnau uf das zue, wo n'i zseh ha

villich hemer ja die gliiche gseh

Aber schön mal vo öpperem anderem z ghöre daser was ähnlichs gseh hed...

Ähm, da gids no z sege das es paari ihri Belüüchtig agschalte gha hend und es paar hend si usgschalte gha, das heisst vo dene ohni belüchtig hed mer nur schwach chönne d umriss erkenne aber mer hed si immerno gseh au ohni liecht. villicht au e parallele zu dinere Sichtig?

also ich ha numme eis zseh und es het sich unmöglich bewegt und muess für die entfernig extrem schnell gseh si, bi nüm ganz sicher ob's a und us gange isch

nene, du hesch mich glaubs falsch verstande...
s isch nix ah und us gange. s hed efach welchi gha die sind "ah" gsi und anderi sind "us" gsi. Sie hend allerdings nie Ihre Zuestand gwechsled während ich si ha chönne beobachte.

uf all fäll wird's wohl s'gliche gse si.
wär super, wenn öpper en erklärig für das hätti......

*grübel,grübel*

ZWIEBACK hat geschrieben:T
Bi mir sinds einigi gsi und si sind perfekt in formation gfloge und hend die nie verlah!

hmmm - so wiit hani s'gliche gseh, allerdings sinds bi mir/üs eifach über die party hinwäg gfloge ohni richtigsänderige, eifach so vo a nach b, bis hinder de bäum verschwunde sind. sowiit ich mich erinnere sinds 3 gsi.

drum isch es unwahrschinlich dass es ballön gsi sind.

sind aber rächt nöch gsi, also au nöd würkli gross..

du meinsch scho die party det mit dem zelt wo damals jewils immer a dem platz gsi isch, ide nöchi vo de dütsche gränze?

ha das nüm so im chopf mit dene näme

Jop du meinsch di glich Party und die gliiche Flüügedinger wie ich...*michdrüberfreu*
Wäge 3 Stück:
Ich bimer sicher es sind meh gsi aber sisch guet möglich das 3 glüchted gha hend und die andere nöd. Ich denke es sind öppe 6 gsi aber ich bin zu verblüfft gsi i dem moment zum zähle...

Wäge nööch:
han zersch au denkt sie sind nöch und relativ chli aber im nachhinein han ich denkt das ich das doch garnöd chan beurteile bi öppisem wo ich nonie gseh han. S chönt ja grad so guet si dases gross und wiit weg gsi sind.

Wäge graadus vo a nach b:
han gmeint si seged en härte egge gfloge aber bö lang her. oder villich hesches du ersch nach dem manöver entdeckt.

Finds uf jedefall kuul dases aschinend no meh gid wo die flügedingses a dere party gseh hend

satellite ??

also ich weiss, dass mer satellite sehr guät beobachte kann, sie flieget als lüchtige punkt über de himmel und bewege sich seeeehr langsam zum teil chönne sie aber au recht zügig unterwegs sii.

ha scho öppe mol eine gsichtet. wenn mer aufmerksam isch kennt mer bald ziite und bahne wo sie durre chömme.

just my two pence

eine radiostation hat mal ballone mit blitzlichtern dran über zürich fliegen lassen. da gingen auch diverse ufomeldungen ein. wir dachten erst auch das kann ja nicht sein (wer mich kennt weiss wie viel es dazu braucht :). aber eben, war ne promoaktion. die flogen auch formation, mal schnell, mal langsam, krasse richtungsänderungen, etc.