Schlafparalyse

[Flying_Fish]

http://de.wikipedia.org/wiki/Schlafparalyse


Habt ihr das auch schon erlebt? Ist mir heute Nacht mal wieder passiert und kommt mir immer wieder gehörig schief rein...Vor allem wenn man dann noch Traum und Wirklichkeit vermischt, regungslos im Bett liegt und das eigene Schlafzimmer sieht ohne sich bewegen zu können. Versuche dann irgendwie aus diesem Zustand raus zu kommen und nach ein paar Minuten "Kampf" werd ich dann wieder wach - habe dann allerdings keine grosse Lust mehr wieder einzuschlafen..



ps. nein, hatte keine Drogen..

[battlefairy]

Boah voll geil! Ha nüd gwüsst dass das bekannt isch!

Ich kenn das relativ guet, so wies Du grad au beschribe hesch, me verwachet, oder meints emel, und denn lisch im Bett und gesch dis Zimmer, aber chasch di voll ned bewege, chasch au ned rüefe, und woni das ds erschte mal erläbt han isches scho chli heftig gsi!
Bi sehr verschrocke, vorallme wills denn mit dem im wiki beschribene Träume wiitergange isch, de grossi Zeiger vo minre Uhr ufem Pult isch länger und länger worde und isch ade Wand entlang is Zimmer vo mim Brüeder und ich hanen welle go warne, aber hami ja weder bewege no en Ton chönne vomer gä, und ja, scho uh schief!

Aber unterdesse gnüssis ame wennis han, willi denn wie weiss, unterbewusst oder bewusst, dass es nur en Phase oder halt ebe en Traum isch, und ich lieb so dänigi Träum!

ps: hatte auch keine Drogen

[battlefairy]

hmm... mir isch grad no was in Sinn cho, kennsch denn das au, dass wennd aneliisch zum schlafe, dass de Körper vorher afangt idspenne, und denn das voll bewusst mitbechunsch, wenn Din Körper langsam ischlaft? Isch für mich es mega schöns Gfühl, has zwar ned sehr oft, aber Du lisch so im Bett und chasch z.B. dHand oder es Bei au nüm bewege. Also, nach enre sehr churze Astrengig ghats scho grad wieder, will Di ja sälber wieder wecksch, aber wenn de Körper eifach lahsch la ligge, isches no irgendwie flashig

[Flying_Fish]

Bim ischlofe selber ned, nur wenn i scho schlofe. aber ebe, es hanget jo demit zäme, das du churz vor de REM schlaf-phase stosch und de körper sechmet de paralyse druf istellt damit du dini träum ned aktiv tuesch mitbewege im schlof.

jo also i bruch da ned unbedingt, git agnehmers...

[funk0r]

Krass... Ha jetzt voll ned denkt gha, dass das öppis bekannts esch...
Hans jetzt scho öppe 3 oder 4mal erläbt... bim erschte mal eschsmer andrscht strub cho und ha nacher s'liecht azündet, zum wieder ischlofe *angsthatte*

Bi "verwachet" und ha denn wienes chnurre vumene Tier ghört gha... ha aber mis zimmer vor mer gseh gha.. und denn ufzmal bini de ganz da xi...

Süscht eschsmer eigentli bim ischlofe passiert... i ha irgendwie gmerkt gha, dass i scho völlig neumet andrsch bin aber doch no realisiert, dass ich i mim bett ligge... und de hend sich traumzueständ mit realität vermischt, was mich de meischt scho chli erschreckt het (ha das bis i jetzt de thread gläse han ned gwösst wases esch) und denn schleunigscht degäge akämpft han, demit i wieder ufwache...

Strub aber irgendwie beruhigend, dass i ned de einzig bin...

und denn das voll bewusst mitbechunsch, wenn Din Körper langsam ischlaft?

Ja... dasch mer gad geschter passiert :S

Und finde ehrlichgseit au, dases agnehmers git... Aber mal luege... vellecht wirds bim nächschtemol ja amüsant :>

[battlefairy]

Und finde ehrlichgseit au, dases agnehmers git...

hmm, speziell! Villicht erläbet ier das au ganz anders, nämt mi no wunder wie? Und was denn ds Unagnähme isch bi dem Ganzi?

Für mich isches so es Chribele, wo dure Körper lauft, wo sich denn wie ine Wulche verwandlet, wenn sichs mal usbreitet het und denn wirsch ganz flauschig und schwärelos.. findi uh schön!

Leider chani das noni sälber stüüre, dasi das au denn chan ha wenni wott.. mängisch passierts und mängisch ned...

Aber wür mi freue über es Feedback zu mine bede Frage obe!

[Flying_Fish]

Und finde ehrlichgseit au, dases agnehmers git...

hmm, speziell! Villicht erläbet ier das au ganz anders, nämt mi no wunder wie? Und was denn ds Unagnähme isch bi dem Ganzi?

ja ebe wenni aneligge und wot ischlofe hani da ned, erst wenni scho schlofe... und's unagnehme esch eifach, dass du dech ned chasch bewege und be bewusstsi besch und je nachdem no gspässige sache gsesch und ghörsch, chasch aber ned druf reagiere sondern liisch eifach det - wie glähmt..

[funk0r]

battlefairy hat folgendes geschrieben::
funk0r hat folgendes geschrieben::
Und finde ehrlichgseit au, dases agnehmers git...


hmm, speziell! Villicht erläbet ier das au ganz anders, nämt mi no wunder wie? Und was denn ds Unagnähme isch bi dem Ganzi?



ja ebe wenni aneligge und wot ischlofe hani da ned, erst wenni scho schlofe... und's unagnehme esch eifach, dass du dech ned chasch bewege und be bewusstsi besch und je nachdem no gspässige sache gsesch und ghörsch, chasch aber ned druf reagiere sondern liisch eifach det - wie glähmt..

Genau... nur dases bi mir bim ischlofe esch... und ich halt ned gnau gwösst han, was das esch... aber ich wirds mal wiiter beobachte, soferns nomol uftritt

I has denn eifach ame schön gfunde, das i merke, dass i jetzt de ischlofe (so à la... äntli gohts los ;D) Will suscht magsch die ja ned wöki dra erinnere, wie dasd igschlofe besch... emel meischtens...

[Zwirbelzwerg]

mhm ja so vowäge thema schlaafe.. hät ächt öpper grad paar tipps uf lager wiemer sich besser chan a troim errinnere?
i troim i letschter ziit fascht gar nüm.. aso ja troime tut mer ja immer aber ich weisses nüm.. und das findi voll schad wil troim verzellet mega vil...
am kiffe chas ned ligge wili mit dem vor paar mönet ufghört han..

[Scooti]

Vellech hilft Lucides Träume
http://www.siggibecker.de/LD.html

[druide]

aso i cha da sit längerem stüre, dass min körper schloft aber de chopf no nöd. isch mengmol no witzig, do chani 1-2stund en film luege oder so. aso geistig voll do,und min körper schloft. noch dere zit, wenn i mi den wieder beweg fühli mi richtig mit energie norglade, halt wie wen i die zit gschlofe het.

und vor em ischlofe han i das immer.

[Titali]

mhm ja so vowäge thema schlaafe.. hät ächt öpper grad paar tipps uf lager wiemer sich besser chan a troim errinnere?
i troim i letschter ziit fascht gar nüm.. aso ja troime tut mer ja immer aber ich weisses nüm.. und das findi voll schad wil troim verzellet mega vil...
am kiffe chas ned ligge wili mit dem vor paar mönet ufghört han..

anwort isch hie vo mir:

http://www.mysticalforum.ch/viewtopic.php?t=3755

[Titali]

ich hör diesen ausdruck hier zum ersten mal "Schlafparalyse"... naja, ich habs nid mit fremdwörter... und muss echt gestehen, ich weiss auch nicht genau, ob ich von dieser paralyse auch spreche

ich kenn dieses gefühl seit kindheit... musste zuerst alles von euch lesen und zu schnallen, um was es genau geht!

ich bin früher oft lange im bett gelgen, halb wach- halb schlafzustuand und total regungslos, sehr lange und tröimte & phantasierte weiter... ich liebte es, solange es angenehme orte und situationen waren...

ich habs ein wenig verloren, aber habe es letzte woche, als ich bei einer freundin schlief, endlich wieder mal erlebt... war schön!

naja, wie kann man das erkären?

wenn die seele noch nicht zurück aus ihrem erholungs-sphäre (dimension) ist, aber wir als mensch (körper) bereits wach sind...

hehe, wie die seele etwas verspätung hätte

keine ahnung, aber kam mir so durch den kopf

[Waldgnurpf]

Das mit dem bewussten einschlafen habe icgh auch schon öfters erlebt, ist für mich ein sehr angenehmes gefühl. Habe ne zeit lang autogenes training gemacht und wenn ich mich daran zurückerinnere war in der einleitungsphase immer die rede von " dein körper wird blei schwer" ich merke dann wie sich langsaj alle muskeln enspannen und ich richtiggehend im bett versinke

gone sleep now n8