Reisebericht

[Amanita]

wieso hät dänn niemert luscht uf neui medis?

Jo wells sich wirtschaftlich eifach nöd lohnt. D'Entwicklig vo enmä neuä Medi choschtet relativ viel (ca. 1 Milliarde US$) und denn isch mer scho uf ä chaufchräftigi Chundschaft agwisä und die findetet mer bi Viagra, Xenical, Ritalin und co. halt eher.

Jo am beschtä eifach nöd stächä loh..

[Melliandra]

sehr guet sobald ich so nes viech mit schwarz-wisse bei gsehne spann ich mini armbrust

*ober-grins* das Bild han mer jetzt gad müesse vorstelle:

Mr. Frank zwüsched zwei Yogis im Schniedersitz und versucht mit de Armbruscht Malariamugge
z'töte. Nimm gschieder es Blasrohr, denn würsch auno gad dKarate-Kit Prüefig bestah. *fg* Oder
isch das das mit de Äss-Stäbli gsie??!

[Fallen Angel 2]

1'000'000'000 Mia $
krass...

jo das isch das mit de ässstäbli gsi isch aber glaub in china oder so - in indie chammers glaub mit meditation versueche *bruummm* eifach die glich frequenz wie die elektronische antimoskitoteils anebringe, dänn wirsch au nöd gstoche

[juerg]

Mit em thema malaria han ich mich sitt em 93 woni s erscht mal zThailand gsii bin, nüme usenander gsetzt..do hätts emel gheisse das e profilaxe fürd füchs seg..erst wenn me vome arzt malaria diagnostiziert überchömmi söllme handle...
Mini eltere (72+75 jährig) sind jetzt scho zum 10 mal zThailand gsii(um de winter a wärmere ort zverbringe)...hennd sich nie impfe laa..ässed au vo jedere "strassetöfflichuchi" und sind immer gsund heichoo..

All kolege-inne wo asie bereist händ (teils au mit chliine chinnd)sind ines reisebüro go de flug bueche und ab di post chrankheitsprofilaxe isch bi niemertem es thema gsii...de eint oder de ander hätt in Indie e paar tag Durchfall ghaa..aber suscht nie öppis...
Bi villne wird s motto..lots of chillums a day, keeps the doctor away ev. ghulfe haa..(nöd bi de chinnd!!)

De Romi, en ganz extreme, isch zVaranasi jede tag in Holyriver(Ganges) go bade und hätt au sWasser devo trunke...heilige Fluss-no problem,isch sini überzügig gsii (mit all de nu halverbrännte Liiche wo det no schwümmed...hätt er seb jahr nie öppis verwütscht)

Drumm nomal...Me erschafft sini eiget realität mit sine gedanke
trotzdem oder ebe gad wäge demm...jedem das seine

@Karma...wieme dänkt und handlet und somit is universum säht (isch wie ime restaurant e bstellig ufgää.. me chunnts denn au serviert über) erntet me denn au entweder sofort oder im nächste läbe...Ich glaub nöd nume zIndie...

[Fallen Angel 2]

Jürg ich bin da ja voll dinere meinig, aber es gitt doch au so was wie tricks, also wenn ich ganz fest dra glaub, dass weni es tollwuet impfig mache, dass ich dänn kein tiger wird gseh, dänn wirds au so sii - ich erschaff mir mit neme "hilfsmittel" (de impfig) mini realität selber. so gseh...

@Karma
ich denke, dass es scho überall so isch (soferns es nächschts läbe gitt) aber ich ha zumindescht de iidruck, dass au s'umfeld e gwüssi rolle spielt. wänn du vo millione vo lüüt umgeh bisch, wo de asicht sind, dass schiva existiert, isch das halt doch es anders energiefäld-feeling wie wänn du vo millione vo lüüt umgeh bisch wo glaubed, dass d'marktwirtschaft funktioniert...

[Taiph00n]

Zum Thema impfen:

http://www.aegis.ch

Hetsch alli chöne loh und die 520.- spare ... gib do am jürg recht ...
Tollwuet impfig wür ich mir spare, chasch selber nochlese wieso ...

Medis würi alles diheiloh, mitzneh wäret: Kamille (tee oder tinktur), Brennessel (tee oder tinktur) und aktivchole.
Kamille: Durchfall, Mageerkrankige, wunddesinfektion und - heilig
Brennessel: Blutreinigend bi muggestich, etc. (tribts böse zügs usem körper use)
Aktivchole: bi durchfall, absorbiert s'wasser

Alli medis wo mir hend chunsch in indie über (wohrschindli billiger als do), also lohnts sich nöd die do z'chaufe.
Falls no witeri froge hettisch, weisch jo wie mich erreiche ... han mich do schlaugmacht wili viel kollege han müese berate wo grad uf indie sind.

gruz

[Puck]

fend i cool wie du da machsch
ond indie werd der secher gfalle ( grad es bezeli niedisch wörd am liebste ou grad metcho : )
ein chline tip han i der no
wennt zit hesch ond dwätterbedengige det guet send mach en abstächer ofd andamane

wönsch der en schöni zit vell spass ond es unvergässlechs abentür