mysticalforum

ARTE 29. Oktober 2007 23.25 Uhr - Gehirn unter Drogen

Gehirn unter Drogen
Eine Dokumentation von Christine Carriere

Ob gespritzt, geraucht oder inhaliert, Drogen beeinflussen immer den hoch komplizierten Biomechanismus Gehirn. Dabei spielt es keine Rolle, ob es sich um legale, illegale oder medizinisch verordnete Drogen handelt. ARTE begibt sich auf eine neurologische Entdeckungsreise und analysiert die unterschiedlichen Wirkungsweisen von Drogen auf das menschliche Gehirn. Im Zentrum stehen die legalen Drogen Alkohol und Tabak.

http://www.arte.tv/de/wissen-entdeckung/1729726.html

has gluegt.

isch teils no iisy gsi.

immerhin isch jetz endlich au mal die wüsseschaftlich bestätigung da, dass alk und tabak s'hirn figged. (nöd nur de rest vom körper)

aso ja, wämer uf sis gfühl lost, hätme das scho lang gwüsst, aber leider isch öpis gsellschaftlich ja immer erst akzeptiert bzw. wird dann ersch überhaupt wahrgno, wenns wüsseschaftlich bestätigt isch.

immerhin mal en schritt vorwärts, wenns jetz (halb)offiziell isch.

Kollegoli hat geschrieben: immerhin isch jetz endlich au mal die wüsseschaftlich bestätigung da, dass alk und tabak s'hirn figged. (nöd nur de rest vom körper)

Das isch scho lang offiziell.

Macht trotzdem spass

aber nonid so offiziell wies glaub sii sött. vor allem bem tabak glaubed, so viel ich weiss, die meiste lüüt nöd dra, dasses en konkrete ifluss ufs hirn hat, so wie anderi droge.

und was bringt das? wenn d'allgmeinheit die facts akzeptiert, führt das ehner no dezue, dass sie nikotin verbütet...
de umkehrschluss, dass sie wäg dene fakte afanged, alles anderi genau so z'akzeptiere wie alkohol und tabak isch eher unwahrschinlich.
aber mer muss d'hoffnig ja nöd ufgeh…
villicht schnalled ja doch mal alli, dass alles, alles beiiflusst.

ich sägs mal so: läbe isch tödlich.

Fallen Angel 2 hat geschrieben:...läbe isch tödlich...

Treffend formuliert! Oder anders gesagt: Atmen macht krank.

Feinstaub, Smog, Ozon ahoi!

Rauchen ist tötlich, das Leben auch.

isch ja scho so @fallenangel

dennoch isch die erkenntnis unumgänglich um eines fernen tages zumene vernünftige drogeverhältnis ide gsellschaft zglange.

alk und nikotin zverbüüte wür niiie durebracht werde. ich denk sogar, de umkehrschluss isch uf langi ziit wahrschiinlicher.

ich finds uf jede fall wichtig, das fest zhalte. so werded sich dlüüt eines tages villicht bewusst, dass sie mit kaffi, zigi, eis go zieh im prinzip nüt anders mached, als de kiffer vo nebeddra. das müssti zu meh toleranz füere.

läbe isch scho tödlich, aber be dem ganze gahts ja nöd um de tod oder de körperlichi schade, sondern vor allem darum, dass slebe bis det hii weniger geil isch, wenn dich jede tag verneblisch. de tod isch im prinzip völlig schnurz.

wänn du dich jede Tag verneblisch, häsch halt es anders läbe, als wänn das nöd machsch. wichtiger isch, das alles nöd eso ernst z'neh. alles chli lockerer und freyer betrachte - wür allne guet tue, däne wo kiffed, wie dene wo nöd kiffed, de anti- und de raucher...

naja villich häsch ja rächt und so studie hälfed de lüüt das z'erkenne - aber im grund gno isch DAS schnurz, wills eifach nöd druf achunt was die dänked. sölleds doch dänke was sie wänd.

mit dem spruch vom tödliche läbe hani eigetlich nöd de tod an sich gmeint, sondern eifach d'tatsach, dass mer eines tages sterbed. ganz egal was mer mached, oder nöd mached.

drum isch s'läbe letztlich tödlich. mer stirbt irgedwänn. mit oder ohni näbel, villicht schiint ja au d'sunne a dem tag. wer weiss das scho?

ämel sicher nöd die lüüt wo de schrott uf die päckli schriibed.

wänn irgedöppis am rauche ein chrank macht, dänn genau de psychologischi unsinn, wo überall umeplärrt wird, dass es chrank macht.

wer schomal drogeerfahrige gmacht hät, sött das eigetlich wüsse - dass sowohl s'flash wie au s'schöne und s'negative massgeblich vom eigene dänke beiiflusst wird.

wieso sött das bi ziggis und alkohol andersch sii?

oder bi chueche?

oder pilz?

oder luft?

war das dieselbe reportage wie damals vor 2 jahren?

damals kam doch ne 5teilige reportage


auf youtube oder z.b. hier
http://thepiratebay.org/details.php?id=3419622

@FA

je eh, klar isch bezüglich drogekonsum en grosse teil davo abhängig, wie mer selber drüber denkt. nur: denkt de westlichi mensch vernünftig bzw. nur scho "richtig" über die beide droge? imho ganz klar nöd; er weiss nöd würklich waser mit sich macht... was fasch immer ungsund (=slebe weniger geil machend) isch.

ich ha din spruch mit em tod scho richtig verstande, aber ebe, darum gahts nöd, au nöd drum obmer ab zigis chrank wird (zumindest nöd primär)

was ich meine, isch dass zigis en zimlich krasse iifluss uf dis hirn und dini persönlichkeit händ. das heisst nöd, dass wennd rauchsch automatisch zume arsch wirsch oder irgendwie zu weniger fähig bisch als anderi. es macht viel meh en eher unterschwellige (aber trotzdem wichtige) unterschiid. wenn mal es ziitli nöd rauchsch, dini sinn so guet wie möglich öffnisch und dann mal gnau beobachtisch was passiert, wennd anre zigi ziesch (oder nur scho passiv rauchsch), dann merksch ganz ganz gnau, dass debii was zuegaht. sich die ganz ziit zuezmache, au wennmer dann immer no mega offe isch, isch imho öpis negativs.

es spricht ja au minre meinig nah absolut nüt degege, hin und wieder zrauche. nur isch dazue fasch niemer fähig (oder sägemer niemer wo ich kenn); bald wird i jedere stressige situation, i jedre langwiilige situation und eifach eh be jedem bizli graucht. skrasse dra isch, dass so immer de gfühl, wo ufchömed, wämer paar stund nöd graucht hat, usgwiche wird. es wird sozäge e ufkommendi energie (oder wiemers nenne will) permanent abklemmt und i zigis glenkt.

bem alk isch das imho zimli ähnlich. au de schlüsst, sogar uf längeri ziit (nöd nur währendem fläsch).

klar muss das nöd zwingend was schlimms sii, wennmer sich amigs verschlüüsst. ich meine isch ja voll okee..
aber wenns grundlegend zumene ganze volk und sogar e somene riisige volk wie de ganze westliche welt (und au no andere teil vo de welt) ghört und scho tradition worde isch, dass mer sich permanent verschlüüsst, dann findi das absolut verschisse.

vo dem her ischs ebe scho no wichtig, was dmensche drüber denked, au wenns das mit de "energie abchlemme" nöd bzw. nonid verstah werded. alles was dsinn no meh abstumpf bzw. stumpf bhaltet, empfind ich als gift für eusi gsellschaft.

wenn dann alk und zigis en andere stellewert händ, dann heb au ich mini schnurre und ha nüt meh dra ustsetze. ich find nämlich au nöd, dassmers us eusre kultur verbanne söll; im gegeteil.

Also Kollegoli, da bin 100% anderer Meinung.
Alk ghört zu üsere Kultur isch en Teil vo üsere Kultur isch e inspiration vo so villne Mänsche, Künstler, Wahnsinnige und Rechtschaffene Lüüt gsi, dass es eifach nöd stimmt, dass Alkohol schlüsst. Es isch genauso guet möglich mit Alkohol die krassischte Erkenntnis z'sammle, wie das mit LSD möglich isch, oder villicht ja sogar ohni Ruuschmittel. Ich verwehre mich da strikt degäge, dass Alkohol schlüsst.

Wenn überhaupt so schlüsst de falschi Umgang demit villicht de eint oder ander - genauso wie Kiffe halt eifach nöd für jede Mänsch guet isch (oder zumindescht nöd immer). Du vertrittsch d'Meinig, dass mehr nur mitneme vernünftige Umgang mit Ruuschmittel zunere Art vo Öffnung fähig isch, und da widersprich ich Dir vo Härze, will ich der Asicht bin, dass au grad total Abstürz vereinzelt rächt guet tue chönd. Wänn Du Liebeschummer häsch, und Du dänn zur Fläsche griifsch, dänn will Dir jede Psycho(log) iirede, dass Du es arms chranks wäse bisch, und das isch eifach nur arrogant, will mängmal en übertriebene Rauschzuestand genau das isch, was es mänschlichs, liidensfähigs Wese brucht, zum wieder zu sich selber zrugg z'finde und nöd im Liede z'verharre. Das z'bewerte staht eim nöd zue, mer chan sich ja sogar no sälber fertig mache, wämmer mal übertriebe hät und ja, ich denke, au das sött mer durchus hin und wieder, und sich klar drüber werde, dass mer ÄCHT langsam mal sött chli brämse, aber doch nöd anderi konsumgwohnheite verurteile? wer ohne sünde ist, werfe den ersten stein - und selbst wänn öppe ohni sünd wär, dänn söll er de scheiss stei doch gschiider zuneme figürli mache, zunere karrikatur und sich drüber amüsiere, was sölls - es isch nur en stei.

Rauche macht cool. So falsch isch das nöd mal, es bringt Dich dezue de Stress abzboue wo Dich i dem Läbe begleitet - ich weiss glaub scho uf was Du use willsch, d'Mänsche betäubed sich dinere asicht nah, um s'leid vo der Erde nöd ghöre z'müese, aber die erchlärig isch z'liecht, berücksichtigt nöd s'leid vom einzelne Mänsch. Mag ja sii, dass mir alli sozsäge eis sind, vilicht sogar so voll Gaiamässig One World One Soul (hey de next streetparade name wheppa), aber doch sind mir halt au nur mänsche, wo villicht ganz gern mal mit andere glichgsinnte raucher chli i de chälti stönd und vo ihrem bürostuehl oder ihrem elektrokabel eweg chömed, mal für füf minute sone art vo freyheit iizatme, s'gfühl becho, mer segi frey, au wämmers villicht absolut nöd isch. eifach mal das wieder gspüre, das bringt doch vill meh, als drunter z'liide, dass mer's nöd isch.

aso ha jetz grad kei ziit. wirde spötestens übermorn meh schriibe...

...soviel mal scho jetz.

alk verschlüüsst sehr wohl

das staht aber nöd im widerspruch, dasses zu tüüfe oder weiss ich was für erlebnis füehre chan. alk chan, wie ja bekannt isch, au mega öffne. es macht eim offener, geselliger... aber wieso?

gnau well alk ebe im chopf gwüssi sache verschlüsst und lahmleit, wo suscht dere offeheit im weg stönd. so chas gnau bem lsd, wo ja öffnet, sii, dasses verschlüüsst, well all sinn so offe sind, dass es eifach zviel wird und mer isch nur no be sich selber wohl fühlt (wenn überhaupt).

mit viel offene sinn umzgah, isch wiituus schwerer als mit gschlossene.. well mit gschlossne überleisch nümm so viel und dis hirn isch nöd mit billiarde vo iordnige beschäftigt...

so muss jetz ganz schnell weg

gnau well alk ebe im chopf gwüssi sache verschlüsst und lahmleit, wo suscht dere offeheit im weg stönd. so chas gnau bem lsd, wo ja öffnet, sii, dasses verschlüüsst, well all sinn so offe sind, dass es eifach zviel wird und mer isch nur no be sich selber wohl fühlt (wenn überhaupt).

Das lüchtet ii. Jo us dem Blickwinkel betrachtet isch Alk sicher guet geignet, sich z'verschlüsse. Wämer nüm alli Chräft nutze chan, wo mer eigetlich hett, will mer sie (meh oder weniger) bewusst underdrückt... Zwar mit neme gwüsse Nutze - aber zu neme hohe Priis... So wie LSD ufenart zu viel meh Rückzug führt, wämmer nöd mit dene offene Sinn umgah chan, wämmer Angst dervo bechunt, vor de villne iidrück...

Hm.

Hm ja, ich gsehne Du häsch das würkli tüfgründig duredänkt.

Ich schwümm halt mängmal no chli a de oberflächi...