mysticalforum

Guete Morge/Abig zäme.

Wo de Kolleg und mini Wenigkeit letschts WE uf Pilzli trippt händ, hani plötzli gmerkt, dass de Spiegel öppis ganz luschtigs chan sii, wämme so richtig schöni Optiks hät. Hani also es Ziitli lang es Tuech dur de Spiegel betrachtet. Was ich a dem ganze komisch gfunde han, isch gsi, dass nöd de Spiegel selber sich bewegt hät und gflosse isch, sondern nur s Tuech im Spiegel. S hät mi dänn wundergnoh, öb die Hallus woni im Spiegel gseh han die gliche sind, wäni ohni Spiegel s Tuech aluege. Drei mi also um Richtig Tuech. I dem Moment woni de Chopf wider zruggdreihe, isch irgendöppis komischs und für mich eigentli völlig unbeschriblichs passiert: Es isch villicht ei Millisekunde gsi, aber i dere Millisekunde sind mer Tusigi vo Gedanke dur de Chopf gschosse. Villicht es bitzli idere Art, wänd am sterbe bisch und dis ganze Lebe nomal verbizieht. S isch so schnell gange, dass mi gar nöd richtig chan erinnere dra, ich weiss nur no, dass es öppis mit der Situation ztue gha hät, wo de Kolleg und ich de Spiegel betrachtet hät und ich han - weiss nöd öb mit em geischtige Aug oder mit de biologische - de Chopf vom Kolleg wo gegenüber vo mir ghocked isch gseh, allerdings mit zwei Gsichter, halt so, wie wänns gspieglet worde wär. Ich bin dänn so verschrocke wien ich no nie i mim Lebe verschrocke bin, uf ne völlig anderi Art, als me normalerwiis ab öppisem verschrickt.
Die ganz Gschicht tönt etz voll übergheit, isch sie irgendwie au, aber ich weiss genau, dass das ganze irgendöppis mit dem Spiegel ztue gha hät. Han etz zum vierte Mal mit Pilz trippt und no nie es mystischs Erlebniss gha und glaube eigentli au nöd gross a so Sache, Pilztripps bedüted für mich - obwohls villicht einersiits fahrlässig und anderersiits respektlos tönt - eigentli nur Spass. Hans bis zu dem Tag au nur so erlebt. Wänni etz irgendwie mis subjektive Empfinde chönt mit emne Hellruumprojekter ide Thread projeziere würdis mache, ich chan das Erlebniss eifach nöd würkli mit Wort beschriebe...
Übrigens, de Trip isch nach dem Ussetzer ganz "normal" witerverlaufe, ohni irgendwelchi Panikattacke oder Anschtzueständ, als wär nüt gsi...

S Erlebte isch so schief gsi, dasses mi nachere Wuche no so beschäftigt, also hani denkt, ich fröge mal im Forum, öb irgendöpper villicht au mal öppis im Zämmehang mit "mystische" Spiegel erlebt hät? Oder gits villicht e Internetsiite zu dem Thema?
Shit, etz händ mi d shrooms doch packt...

Edit:
Evtl. hät ja au öpper e wüsseschaftlich/rationali Erchlärig parat?
Es git au d Möglichkeit, dass meh als d hälfti denkt, es seg scho wider eine meh überegheit...???
3,5 % haltet nur scho s Wort "Spiegel" für mystisch...
Oder de Thread ghört id Rubrik "Mystic und aussergewöhnliches", mer weiss es nöd genau...

Gruess vo de Firma SpiegelMeier

Hoi Psychonaut

Na ja e Reis ob mit Pilz oder andere aktive Substanze isch halt immer was einmaligs, du wirsch nie öper finde wo genau sgliche erläbt oder gfühlt hät. Darum isch dies erläbnis für ander au nöd erklärbar, nur du wirsch e antwort druf wüsse was gnau passiert isch.
Da ich aber mit spiegel au scho ganz funky sache erläbt han , gits halt mittlerwiele zwei drü sache woni nöd mache weni am trippe bin, und au scho mit kollege erläbt han, wo den ganz strange sache avo mache händ.

Ich luege i kein Spiegel
Ich luege i keis Für
Ich luege nöd zlang ufs meer

Sind alles sache wo dich seeeehr starch chönd ablänke i dim flash, und under umständ ufes komischs gleis bringe, vor allem Für und meer chan was nöd ungföhrlichs ha i dim doch nöd ganz zuerächnigsfähige zuestand
Also verschwänd nöd zviel ziet demit öpis zerkläre zwälle was passiert isch, sondern högles eifach als erfahrig ab. Will e antwort wirsch nie druf becho

Liebs Grüessli

hmmm auso do chanider iz ou nid würklech häufe, aber wie dr Silversurfer604 xeit het, wirsch da druf äuä kei antwort bercho...

[/quote]Die ganz Gschicht tönt etz voll übergheit, isch sie irgendwie au, aber ich weiss genau, dass das ganze irgendöppis mit dem Spiegel ztue gha hät[quote]

nei auso das fingi nid, wöu bim trippe passiere haut eifach mängisch setigi sache, und ja das ganze het äuä eh öbbis mitem spiugu zdüe kha...

anyway

Ps: @wuchenendbefürworter, ich mag deine Texte, immer sehr schön geschrieben...!

hoi zäme!

hier kann ich dich verstehen, wuchenendbefürworter. spiegel sind manchmal anscheinend äusserst unberechenbar . Ich habe schon von ein paar (LSD-erfahrenen!) leuten gelesen, die sich durch spiegel eine kurzzeitige psychose 'eingefangen' haben.

ich möchte hier gleich einmal meine erfahrung schildern. dabei handelt es sich um meinen ersten und bisher einzigen LSD-trip.

ich trippte zu hause, deshalb waren spiegel vorhanden. einmal, ziemlich auf dem 'peak' der ganzen erfahrung( d.h. bei mir waren das 3-4h nach der einnahme), stützte ich mich auf einem möbel auf und betrachtete meine hände. als ich meinen kopf wieder hob, blickte ich direkt in meine pupillen, da dort ein spiegel hängt...

was dann geschah ist schwer beschreiblich... ich hatte das gefühl von einem blitz in die augen getroffen worden zu sein, alles war für eine millisekunde blendend weiss. mein kopf fühlte sich an als würde er in diesem moment platzen, ich bildete mir sogar einen tatsächlichen schmerz ein.


als ich den kopf wieder weggedreht hatte, nach ca. einer sekunde, war ich zuerst geschockt und im zweiten augenblick froh, dass ich wohl noch 'ganz' und bei verstand bin.

von da an mied ich jeden spiegel... sogar die grossen fenster die in der nacht spiegeln. gegen ende des trips schaute ich wieder unabsichtlich in einen spiegel, doch ich lachte mich selber aus, weil es gaaaanz normal und selbstverständlich war.

... kennt ihr ähnliches? bitte erzählt

jo also das hatte ich auch schon...als wir nach einer party (auf LSD) ins Auto stiegen und ich dann unabsichtlich in den Rückspiegel sah, erschrak ich im ersten Moment auch ziemlich ab meinem eigenen Gesicht...war aber ebenfalls nur ein kurzer Moment, einfach da ich mir wohl in diesem Moment gar keine Gedanken machte/mir nicht bewusst war, wie ich aussah...oder so

ich denke ihr seht direkt in eure seele und das kann definitif ein krasser schock mit krassen folgen sein.... ist mir selbst auch mal passiert... als ich mich im spiegel sah erschrak ich dermassen(,:-) hört sich wizig an) das ich mich nicht mehr traute, in den spiegel zu sehen.... meine augen erzählten geschichten,die ich in diesem moment vielleicht nicht wissen wollte und vielleicht auch gar nicht wissen sollte... aber die augen sind der einzige kontakt unserer seele in die aussenwelt.... an goapartys ist das ja nicht viel anders, nur siehst du bruchteile anderer seelen, auch gespiegelt in dir selbst, aber wenn du dir selbst gegenüber stehst und keine ahnung hast, wie es ist in deine eigenen augen zu blicken...... vorsicht..... ich denke auch, damit ist nicht zu spielen....

Silversurfer604 hat geschrieben:

Ich luege i kein Spiegel
Ich luege i keis Für
Ich luege nöd zlang ufs meer

gueti idee

Uups, da hani glaub würkli wider mal s Wesentliche us de Auge verlore, wie mer das hüüfig passiert im Lebe

Bin glaub eifach so überrascht gsi vomne irrationale Erlebniss, dass ichs grad de ganze (Forums-)Welt han müsse mitteile...naja Schiss druf...

S chönnt ja würkli sii, dass i irgendwie i mini Seel gluegt han und han müsse feststelle, dass si alles andere als wiss isch.
Oder aber ich han scho lang nüme dusched...

Wänni mini Biträg amigs dureläse chömeds mer recht arrogant und zynisch, ab und zue au recht spamig ine. So mein ich das überhaupt nöd, wot halt irgendwo Aschluss finde und dänn versuech ich mini ernscht gmeinte Biträg mit sehr billigem Witz z überspiele, willi irgendwie Schiss han, es chönt ja öpper anderer Meinig si.
Hoffe, dassi irgendwänn echli erwachsner wirde, villicht klappts ja dänn au mal mit Kontakt zu anderne Lüüt ade Partys.

Wänni mini Biträg amigs dureläse chömeds mer recht arrogant und zynisch, ab und zue au recht spamig ine.

????

da bini iz überhoupt nid dire meinig...was söu a dine biträg arrogant si??

du hesch nume dis Erläbte hie is Forum gschriibe, wöu ufene Frag e Antwort (woni der ja leider nid cha gä, aber isch ja glich ) hesch wöue, u das fingi gar nid fausch oder arrogant oder was ou immer!

whatever

wuchenendbefürworter hat geschrieben: Wänni mini Biträg amigs dureläse chömeds mer recht arrogant und zynisch, ab und zue au recht spamig ine. So mein ich das überhaupt nöd, wot halt irgendwo Aschluss finde und dänn versuech ich mini ernscht gmeinte Biträg mit sehr billigem Witz z überspiele, willi irgendwie Schiss han, es chönt ja öpper anderer Meinig si.
Hoffe, dassi irgendwänn echli erwachsner wirde, villicht klappts ja dänn au mal mit Kontakt zu anderne Lüüt ade Partys.

jo findi jetzt aso au nöd - wänn das über mini biiträg gschribe hätsch okee hätsch öppe so viel wöschmaschine gwunne wie träge chasch - aber du doch nöd. du schriibsch immer sehr offe und ganz bestimmt nöd arrogant. mer chan au rück-projeziere wänns eim spass macht, aber isch an und für sich nöd nötig.

Ich han au mal äs rächts strubs Erlebnis gah uf Pilz wo ich in Spiegel glueget han.

Das isch jetzt scho äs paar Jährli här (2002) und zwar uf em Achenberg bi Zurzach anere Goa. Ich und ä gueti Kollegin sind am Fritig a die Party. Ich han die ganz Nacht dure gmacht, allerdings no nüchtern. Am Morge simer dänn z`dritte mit eme Kolleg in Wald go Pilzli ässe. Det im Wald hämers ganz luschtig gha zäme und öisi Optiks gnosse.

Irgendwänn simer dän zrug zur Party. Bi dä Party häts au en Burehof gha womer hät chöne ufs WC. Wo ich nachher mini Händ gwäsche han, han ich au no in Spiegel glueget. Zerscht isch mir mis Gsicht einigermasse normal vorcho, abgseh vu dä grosse Pupille. Aber dänn hät sich mis Gsicht immer meh agfange is negative verändere, ich han roti Flecke und Deformierige gseh, wo gar nöd existiered. Mis Gsicht hät sich immer meh verzoge, glichtzitig sind mir tusig negativi Gedanke über mich und s`Läbe im allgemeine in Sinn cho. Vu eim Augeblick zum andere hät sich s`Flash vollkomme veränderet, vum positive, glückliche und luschtige Erlebnis zum düstere und total negativ prägte Gfühl. Mir ischs es wie ä Ewigkeit vorcho wo ich mich so im Spiegel gseh han, aber in Wirklichkeit sinds ä paar Sekunde gsi.

Wo ich mich endlich glöst han vum däm Spiegel, bin ich total verstört richtig Tanzflächi gloffe. Ich han vu mir dänkt, dass ich die hässlichscht Person a dä Party, ja sogar vu dä ganze Welt bin. Wo ich uf dä Tanzflächi acho bin, isch so langsame und für mich i dä Moment düstere Progi gloffe. Au mini Kollegin isch glücklicherwis det gsi. Uf eimal sind mir Träne id Auge gschosse und i Ström über Bagge gloffe. So plötzlich isch das passiert, wie wenn en Damm broche wär, so unerwartet, dass ichs im erste Moment gar nöd richtig kapiert han, dass ichs ja bin, wo uf dä Tanzflächi in Träne usbricht. Da hät mi Kollegin am Arm gno und gfräget was mit mir los isch. Sie hät mi dänn zum Waldrand mitgno, wo öisi Sache gsi sind. Mir sind abhocket und händ mit ihrem Discman beruhigendi Gittaremusig glost. Da hät sich das Ganze negative Gfühl in Luft ufglöst und ich bin wider ruhig, zfride aber müed det gsässe.

Böim sind mir wie beschützendi Gstalte vorcho wo sich zum Takt vum Goa bewegt händ. So han ich beruhigt mini Auge gschlosse und die farbige Ornamente und Muster wo sich bewegt händ gnosse. So bin ich schnell in Schlaf glitte und nüchtern wider erwacht.

Also ich han au mau es abgfagrnigs erläbnis gha mitemne spiegel. jedoch hani keni droge konsumiert gha. be aber trotzdem ufemne ziemleche mystisch spirituelle trip gsi. han mit 2 kollegine es heftigs erlebnis gha. s flash isch vil intesiver gsi als uf allne pilzli oder lsd woni je i mim läbe konsumiert han. mir hei üs eifach per diskussion u so ufepusht i dä bewusstsi zuestand.
dä bewusstsizuestand isch so heftig gsi dasi alli gfühl woni jemaus i mim läbe gfühlt ha teilwis innerhalb vo 1h gfühlt ha. han ghült,han glachet und alles zämä i dere churze ziit... mis herz u mini seele si ztiefscht berüehrt gsi... mir hei gar nüm müsse zämä rede, wort si so überflüssig gsi, die einti Person het denkt und di andere 2 hei scho antwort gäh ohni das di erscht person überhoupt öpis gseit het...
Ja isch e heftigi nacht gsi bir kolegin deheime und d ernergie isch nur so gflosse zwüscht üüs drüne. mangisch hani für 2min oder so usem ruum müesse u de andere 2 gar nüm id ouge chönne luege wel sone heftigi energi isch überecho (hase sogar gseh) dasi fascht verplatzt be u inner haub vo milisekundene gfühl vo trurigkeit u glücklechkeit ha gha ghült u glachet glich ziitig. Hend au konakt zu üsem unterbewusstsi gha und üs teilwis a inkarnatione zrug chönne erinnere. weni die 2 aglueget han hei si teilwis ganz anders usgseh.Ja wet eigentlich gar ned me is detail verzeue, isch eifach es unbeschriblichs intensivs heftig erläbniss gsi...
Nun zrug zum Thema Spiegel:
Logisch hani au immer wider ufs wc müsse und i ha d agwohnheit immer in spiegel z luege weni mini Händ wische...
es isch mega z düre gsi wo ich einmal in spiegel gluegt han hani mi plötzlich immer wie älter usgseh. Also so zäge ich ha mir selber zuegluegt wie ich galteret bin. han mega d runzle im gsicht becho u mini rastas sind grau worde. Isch no ä intressante ablick gsi het mi aber absolut ned gschockt ha ou gar keni negative gfühl becho... isch eigentlich es wunderschöns erläbniss gsi woni dankbar derfür bi dasis ha dörfe erläbe. hamer im nachhinein zimlich vil gedanke drüber gmacht wiso i das so gseh han. so sache dueni gern hinderfroge. be schlussendlich au zum punkt cho das e spiegel halt ned nur en spiegel isch, sondern e spiegel zur eigne seele. Aber de isch scho d frog ufcho hmm wiso hanich so alt usgseh? isch mini seele vilicht scho sehr alt im gägesatz zu mim körper?..................................?
Naja wüchendbefürworter suech ned nachere wüsseschaftliche erklärig, denn es isch es spirituells erläbnis und das chame nun mau ned wüsseschaftlich erkläre süsch wärs ja ned spirituell... oder?
Aber finds guet das der gedanke drüber machsch, so sache gsehni aube aus schlüsseli zure türe aber uftue muesch se säuber. eifach vergässe, wägstecke nur aus erlebniss gseh ohni gedanke drüber ohni z hinderfroge findi schad. du hesch erwähnt das gar ned a so sache gloubsch... Aber hesches sälber erläbt? us welem grund gloubsch de nit dra?

i würd mau säge, obwohl ihr euri erlebniss wo dir hie schilderet alli uf droge erläbt heit, dases eigentlich schlussendlich nit droge isch wo das uslöst und me eigentlich au ganz nüechtern i dä bewusstsizuestand cha gelange nach minre erfahrig.

liecht&zfrideheit
sarina

ups hani no vergässe:
denke au wer in spiegel luegt u negativi gfühle debi het ja sogar psychose bechunt het wahrschindlech es problem sich selber chöne z akzeptiere, vilicht sind au ängscht wo suscht im unterbewusstsi verborge sind oder anderi sorge.
p.s: isch nur mini meinig vilech ischs ja ganz andres

@ Bhabrâ: Du ligsch mit dinere Vermuetig ganz richtig. Han damals no Müeh gha mich sälber z`akzeptiere, han mich au süscht inere schwirige Phase vu mim Läbe befunde. Über das was mir dä Spiegel zeigt hät, han ich mir no lang Gedanke gmacht...