mysticalforum

S isch eigegentli so zimmli gschissä wasi diä letschtä Täg wieder mal ha müässä erläbä. Zwei mänschä wo mier sehr viel bedüdet sind, wiemer so seit, voll durä gheit. Im erschtä fall isch s hauptproblem koks base. Base isch eifach mega brutal, s macht d psychä vomnä mänsch so kaputt, s verändret d persönlichkeit mega krass, und zwar sicher nid zum positivä.
Allgemein findis voll beksckte scheisse, diä riesä Koks euphorie wo herrscht!!!
Man Iehr da ussä, wo üch diä ganz zyt s näsli mit koks puderet und/ oder üchri lungä massakrieret: Sind ächt mega geili Siächä.
Findet iehr!!
Aber au nur Iehr!!
Eigentlich sinder nämli armseligi Lüütlis. Koks, dass hani sälber erfahrä müässä, chunnt ganz fies und hinterlischtig, und s raubter dis läbä fascht, bevors überhaupt gmerksch. Au wenn meinsch,dier passieri dass eh niä. Genau denn ischs nämli scho passiert.
Ich bi früener (dass tönt als obi scho en altä sack wäri) sälber zwei jahr uf koks gsi. Bisi bim schaffä eines tages en närväzämäbruch gha. ich bin denn inä psychi, han " chaltä entzug " durä gmacht, was absolut nid geil isch, chani nur däzuä sägä. i derä zyt hani gmerkt dass ich in zuäkunft mit dä tatsach muäss läbä, dassi mis ganz läbä en suchtgfährdetä mänsch bi. bi guät anderthalb jahr "suuber " blibä, ha aber i derä zyt scho gwüsst, dassi wieder mal konsumiere. ha aber vill glernt und weiss inzwischä glaubs sehr guät wie richtig mit drogä umzgah isch, au wenn dass immer chli es spiel mim füür isch. ich konsumiere hüt immer wieder mal diversi drogä, aber s isch ganz andersch. s bliibt au bi "ab und zuä mal ä geili session". abgseh vones paar usnahmä im letschtä herbscht.

ich wet eigentlich nur, dass sich mal gwüssi lüüt über iehres konsumverhaltä und ihrä umgang mit Drogä ernschthaft gedankä machid. Drogä sind nämli nur denn würckli en bericherig fürs läbä(bewusstsinserwiterig) wemer au cha damit umgah.

Und parties fiirä ohni Drogä git eifach nu vill meh power. und flasht anders geil inä.


nur so churz, has halt mal müässä loswärdä


P.S. Beidi mini liäbä mitmänschä hend jetzt diä wuchä entzug agfangä und i bi mit minä gedankä fescht bi ihnä und schick ihnä vill chraft.

mini meinig:

wer so blöd isch und koks konsumiert chan eh nid mit droge umgah...

...hmm?...weissnid?! hat geschrieben:S isch eigegentli so zimmli gschissä wasi diä letschtä Täg wieder mal ha müässä erläbä. Zwei mänschä wo mier sehr viel bedüdet sind, wiemer so seit, voll durä gheit. Im erschtä fall isch s hauptproblem koks base. .

fall?
was isch denn mitem zwaite fall passiert?

i glaub do dinne im forum gits sehr vil wo glich über koks denket wia du.......

weiti fall isch nu chli krasser,da isch sogar diä allergruusigschti drogä (h) s problem. s Löscht eim eifach ab, wemmer gseht wiäs denä lüüt scheisse gaht und si sich kaputt machet.

eg wott do jetz uf kei fall der koks konsum verteidige, eg ben au der meinig das das en extrem gförlechi sach isch.

aber eg wtt do scho no uf en widersprüchlechkheit ufmerksam mache wo i der goaszene im umlouf isch.

es git vil goaner wo fendet LSD ist OK, Koks ist scheisse. und das begründet indem sie uf de rituelli gebruch vo LSD und konsorte verwiised.

Wenn me aber luegt i wellne Länder psychedelika traditionell zu rituelle zweck bruucht worde sind, wird me feststelle das das die gliich Länder und Kulture sind wo au traditoneller wiis kokain bzw koka konsumiert wird und zwar ebbefalls rituell.

Pder konsum vo kokain und psychedelika isch i de untergangene südamerikanische hochkulture gang und gebe gsii. kokain het zu de heilritual genauso dezueghört wie psychedelika.

um wider zum thema zruggzkehre:

eg denke das en vernünftige konsum vo beidne arte vo droge theoretisch möglech isch, genauso wie der missbruch vo beidne drogetype i eusem kulturkreis praktisch gang und gebe isch.

s problem liit miner meinig no i eusere kultur wo der konsum bis zum maximum als ideal aaluegt, mir sind wahrschinli oft nid fähig en gsundi beziehig zum drogekonsum z haa (egal ob lsd oder koks). will eus die gsellschaftleche platforme für das fehled. mir hei halt keni ritual wo eus genu vorschribet wievill und wie oft mer so sache und zu welem zweck mer si choi neh.

klar macht koks eim kaputt, aber d froog isch doch au wieso düend d lüüt kokse und wieso möched sie sech kaputt obwohl se selber gsei das es ihne nid guet tuet? eg denke das sones verhalte eus (bzw gwüssne vo eus) scho aerzoge worde isch.

mini theorie isch das lüüt wo süsch scho übermessig konsumieret (fernseh, sse, materielli güeter) au aafälliger sind i sone falle ine z groote. und das mensche wo ihre geist schueled und der wert vo demm au kenned au mol choi koks probiere ohni das si nacher regelmässigi konsumente werdet (dasselb loht sich au über LSD, MDMA ... lo säge nur das koks halt scho vell heimtückischer isch)

wott hie ned s`kokain vertüfle. gib dis bezüglich em altered völlig
rächt. mi dünkt eifach d effekte wonni vu dere substanz bi vilne lüt gseh si
alarmierend u sehr heftig. s ganze familiere flair vode partys gad langsam aber sicher bachab. gäng wi meh faschistä si i dere szene zgfinge,drunder o lüt womal ganz anders gsi si früecher.
has benzoyl-econin-methylesther o einesch gno u muess säge gidmer nüt woni ned scho vumr könnti. eschmer innecho wie 10-20 kaffis zuffe. ergenwie leistigsfit u wach u das wars. di egoputschende effekte träffe nume bi lüt i, wo ergendwie en ersatz für ires eigne ich sueche u sich sälber ned bewusst sind. die substanz begünstigt disposition zur eigene persönlichkeit enorm u so enstad en schicke tüfelschreis bezüglich "sälbst-neurotisierig". aber d mönsche i üsne gsellschaftsstrukture werde ja leider völlig versucht zure selbstentfremdig herezüchte. alli strebe d vorgebene idial nah u si ifersüchtig uf alli anger ringsume wo dem ideal schinbar nöcherstönd ( ah dr meier hät jetzt en neue benz, verdammt das bruchi o, schüsch mobbets mi wider em büro! das esch sone dumme siech, warum verdient de meh wa ich u überhaupt!)
naja mini sänfbigabe arte immer wider i romän us.

altered hat geschrieben:Wenn me aber luegt i wellne Länder psychedelika traditionell zu rituelle zweck bruucht worde sind, wird me feststelle das das die gliich Länder und Kulture sind wo au traditoneller wiis kokain bzw koka konsumiert wird und zwar ebbefalls rituell.

)

also i kenna das nit so.......... kokablätte und kokain isch überhaupt nit sgliche.........die iheimischa in zum bispil peru konsumieret nit kokain in dera form wo miars do kennend.......also kokablätter ghören scho zur kultur, aber uf 4000m höchi isch das au verständlich.....het aber überhaupt nüt mit dem ego konsum vo da richa länder ztue......!
und usserdem schaffan sich dia puure deta fascht ztod für wenig geld, nur damit miar do a biz "vergnüege" hend.....und vil zvil für öpis zahlen wo 5000 mol gstreckt worde isch..........

aso ich weiss es ja nöd gnau, da ich scho lang kei kontak meh mit lüüt, wo cola oder shugi nähmed, han, aber es isch doch sicher soo, dass es grosses problem adene droge isch, dasses da, dank de vo mir hochgeliebte drogepolitik und em "war on drugs", völlige gassescheiss isch. wie mer da so ghört, münd die droge ja voll mit dünfikalie gstreck sii.... was ja au glaub u.a. sgföhrliche am shugi isch ---> de wirkstoffghalt varriiert, was e überdosis be mal chli Reinerem unterstützt. zudem de kontakt mit gstörte und wahnsinnige lüüt, wo die ganz ziit musch in chauf näh, wenn sowas bsorge willsch, isch doch au sproblem.

aber ebe freüner bini oft mit kökeler umeghängt; die händ sich scho au under kokainifluss negativ entwickled... aber im grund gno sind sie eh scho so druf und vo natur us völlig wahnsinnigi gsi... es wär naiv da em cola dschuld zgähh...

@hmmm.....weissnid?

ich denk es isch no wichtig, das zerkenne: scola macht nüt us ihne, was sie nöd eh scho noimed dure sind.... wasme da degege mache chan, weissi au nöd.... ich han de kontakt abbroche gha.... jetzt sinds wieder easymässiger druf als det.... wahrschiinli isches e soo, dass me gwüssi sache eifach erlebe und duremache muess bismers iigseht. je me wuet du diesbezüglich entwicklisch, desto meh wird eues verhältnis wahrschiinlich usenand gah...

@altered

ja das mit de ritual isch so e sach.... aso ich han en kolleg , de wür, wenn en fröge würsch, uf lsd anere goa ztanze, als ritual bezeichne.... de vergliich vo eus lüüt da mit naturvölker isch wohl nur begrenzt möglich...ich meine logisch be dem unterschiidliche lebensstil...

naja, ich hans scho oft gseit: me sind da mit eusem drogekonsum wohl uf eus ellei gstellt <----- ein grosse unterschied zwüsche eus und de naturvölker isch wohl, dass be de naturvölker en flash (oder vo mir us es erwiiterts bewusstsii) gsellschaftlich akzeptiert isch. be eus isch das überhaupt nöd soo. fasch alli händ zwar en flash ide birre und viel fanged scho am morge mit "liechte droge" wie kaffi und redbull aa, aber dennoch gilt mer scho fascht als schlechte mensch, wennmer gern eine am zottel hät (oder au "im rituelle rahme" was nimmt(wobii ebe swort ritual isch en sehr breite begriff)).

mir händ wohl keis fläsch-oberhaupt, so wie dnaturvölker en shaman und mir wachsed au nöd miteme gwüsse droge-bewusstsii (also enere "droge-vernunft") uf <--- jugendschutz (imho jugendvergewaltigung, gföhrlich bis tödlichi bevormundig). wenn über droge und über fläsch redsch, zumindest öffentlich (me merkts aber au da im forum uhuere krass), dann siegt eifach immer d'massage "droge sind de tüüfel droge sind böös" oder zumindest "nimm besser kei droge", was es vernünftigs drogebewusstsii, ja nur scho e vernünftigi diskussion über droge, halt schlicht und eifach unmöglich macht.


deswege: alles legaliesiere.....ALLES

Also in Südamerkia isch Kokain schnupfe sicher nöd rituell und Kultur !

Dete dut me KoKa-Blätter chaue/lutsche. Das isch denn schono en wiete Unterschied.

Und die mached das au nöd unbedingt rituell und so, sondern ganz normal alltäglich, aber mitere kulturelle Ehrfurcht.

Me muess aber au wüsse, dass die Koka-Blätter sehr wichtig sind für Lüt wo i de Ande uf über 3000m Höchi läbed.
I dene Blätter häts sehr viel verschiedeni sälteni Vitamine wos susch nöd i de dete übliche Nahrigsmittel hät, und zudem hilft d'Würkig vo de Blätter, dass de Körper meh Suustoff mag ufnäh, was i dere dünne Luft e grossi Hilf isch.

Dasme us de Blätter Kokain herstellt, das isch ganz und gar en typisch westliche Konsumwahnsinn !

Und mi händ halt au nöd andersch glernt i üserne Kulture.
Me baut es Fäschzält uf, stellt es Oestrichisches Unterhaltigs-Trio ane wo tag i tag us Hossa hossa schunkel schunkel grööhl grööhl spielt, und denn drängt die ganz Gmeind a d'Fäschtbänk und suuft möglich schnäll soviel Bier wies nu gaht, bis alli nach drü mal chotze und wietersuufe under de Fäschtbänk is Koma flüged.

Und so mache mir's halt mit allem.

Ich druck dene 2 Vögel de Tuume, dass de Rank no findet.

Es hät viel mit Eigenverantwortung z'tue.
Leider isch bi Eus i de Gsellschaft das nöd so en vogue.
Me überlaht das lieber em Staat, de isch denn schuld wänn öpis unbequem wird.
D'Lüüt tünd z'viel Kokse, denn wird halt s'Koks verbote.
D'Lüüt tünd 'zviel kiffe, denn wird halt es Hanf verbote
Die einte wo andersch tünd fäschte als im Bierzelt, die sind z'luut, das mume grad schwer verbüüte.

Mir müend unbedingt eus gegesietit zu meh Selbstverantwortig erzieh !

Susch dörfemer irgendwenn gar nüt me...

cheers
hossa hossa

auso eg han eigentli nid welle behoupte, das koka und kokain s gliiche isch. es esch mir eher drum gange z säge dasdie ufteilig wo i der goaszene recht oft vertrete wird:
soseli so, der altered meldet sich wider zu wort. eg han do mol en chline chaotische text verfasst wo ich einersiits gwüssi sache wo eg gseit han und kritisiert worde sind (danke an die kritiker, eure kritik ist nährboden für meine persönliche weiterentwicklung) wider möcht ufgrife und mich teilwiis rechtfertige und teilwiis fehler iigestoh (wer hets denkt au ig bin nid unzuelänglech ). und anderersiits möcht eg do chli die ville ussage wo bes jetz gmacht worde sind i em text zämmefasse (ämu die ussage wo eg für wichtig halte). wer jetz scho denkt das thema sig usglutscht, söll besser nid wiiterläse. eg hoffe aber trozdemm, das sich gwüssi lüt gliich no d müeh mache und dä folgendi text wiiterer kritik unterziehnd (eg wirde euch au i mim buech als co autore erwähne, wenns soeis mol sött geh). aber spass beiseite:

kokain isch bös will nur konsum möglech isch und psychedelika choi guet sii will si zB rituell gebruucht werde chönd (meistens mitemene querverwiis uf d ritual vo de azteke, mayas usw).
nid haltbar isch, will i dene vo de süd amerikanische urvölker abghaltene, ritual teilwiis au koka (ob das jetz mit kokain glichzsetze isch isch nid wichtig es goht drum das es keis psychedelika im konventionelle sinn isch, do send mir eus gloub einig) verwendet worde isch.

zu de ritual: das der begriff ritual nid so eifach z verstoh isch isch mir bewusst. au es individuum chan sini eigete ritual entwickle (wie im kolegoli sis biispil zeigt het). aber eg han eigentli eher vom begriff ritual imene soziokulturelle zämmehang gsproche (wie das zb d "heilritual" vo de indios gsii send).
und han welle säge das eus i eusere soziokulturelle umgebig söttigi ritual fehled (obwohl au mir drogeritual hend wie zb s "bierzeltritual" wo vorher aagsproche worde isch). die ritual wo mir do hend setzed droge aber nur zur unterhaltig ii und nid für ernsti sache wie heilig oder erkenntnisgwünnig (wenn das überhoupt möglech isch).
anderersiits muss eg mich selber korrigiere, au mir hend heilritual. nämlech "arztbsuechritual". und das ritual setzt au "droge/medikament" und der arzt fungiert sozsäge als shaman.
wenn mir jetz säge mir brüchte ritual wo psychedelika iisetzed, denn denki wäred das am eheste ritual wo vomene psycholog duregfüert werdet, und au nur denn wenn en krankheit vorliit und nid eifach zum spass.
es isch sicher au erwähnenswert z säge das au bi eus kokain rituell verwendet wird, nemmli im krankehuus bi akute fäll wo me eifach eppis bruucht zum de schmerz z lindere (wasa miner meinig nah au voll grechtfertigt isch).

eg denke aber das die wenigste wo über psychedelika und ritual und so schribet wökli am liebste bimene psycholog und us dene gründ wo der psycholog eim wür das züüg geh, lsd gern würed neh. meitens isch das gelafer vo ritual nur en mittel zum zweck sin konsum us unterhaltigs gründ z rechtfertige. (irgendwie schiints mir au so das mir in eusere gsellschaft genauso wie die buure i de ande äme eifach s gfüühl hend das mir droge bruuched. eg bestriite nid das droge choi helfe äme aber nachhaltig isch das sicher nid, weder do no i de ande, es git nemmli sowohl do als au dört lüüt wo uf das choi verzichte)
und um gloub im kolegoli sini frog no z beantworte worum i dem forum und au i dere gselschaft droge oft vertüüflet werdet: das esch wills e so lüüt git wo jedes argument zum vernünftige drogekonsum, nur dodezue benütze zum ihre eigeti unvernünftigi konsum schöönzrede. und me vertüüflet halt lieber als das me söttigne lüüt no nährbode liferet. aber eg finde irgendwie au das vertüüflig scheisse isch, will si d verantwortig uf d substanze übertreit, miner meinig nah chan d verantwortig immer nur bim mensch selber ligge (die einzig usnahm isch das d verantwortig bi der gsellschaft liit, wenn me d gsellschaft alss summe vo allne individue betrachtet. aber au das isch kei gueti löösig will denn gwüssi lüüt werdet säge d gsellschaft isch schuld das ig konsumiere und nid ich selber, was nur zumene ganz ganz chline teil zuetrifft).

nomol zum thema genusskonsum:

um droge zur untrhaltig oder zum gnuss z neh, bruuchts (das esch gloub us der vorhergehende diskussion klar überechoo) vorallem selbstverantwortig (das heisst das me sis handle grössteteils selber verantwortet und die verantwortig nid uf d umständ, gsellschaft, kultur oder so änlech übertreit (was übrigens d grundussag vom existentialismus nach jean paul sartre isch siehe hier: http://de.wikipedia.org/wiki/Existentialismus )) aber au selbstdisziplin und es empfinde fürs mass.
es wird niemerts töte oder zumene schlechte mensch mache wenn er koks oder lsd einisch probiert (zB zum en erfahrig mache wie eppis neus z esse uszprobiere). au nid wenn dä konsum nur einisch pro jahr stattfindet (wie zB es gläsli wii a wienachte oder halt en trip im summer ufemene berg oder es line koks am erste januar mit der fründin im bett).
droge werdet vorallem den eim verändere wenn me sich vo ihne z vill erhofft und sie in z churze (und immer chürzer werdende abständ nimmt)
(tut mir leid ig bin mir bewusst das ig mich widerhole und au sache säge wo scho andernorts stoi, finde aber das das es wichtigs thema isch und es gfallt mer das mol en gueti ernsthafti disskussion do im forum stattfindt)

PS:
1.der obersti satz sött eigentli erst nach em erste abschnitt stah, denn machts au chli meh sinn

2. irgendwie hets en teil vo mim text nid inegnoh do wer er no (eigentli het er im abschnitt zu de rizual sölle stoh...tant pis):

no en chlini zwüschebemerkig: 1. eg verwende do der begriff shaman eigentli falsch, aber das esch jetz vill z kompliziert zum das au no z erkläre. drum gib isch mich zfride mit em gebruuch vo dem wort im common sense
2. sde begriff ritual isch au sehr komplex und het en spann witi vo alltägleche ritual wie der begrüessig bis hin zu sozio-kulturelle ritual wie d sunntigsmäss oder andere. au dä begriff befriedigend z erlüütere würd der rahme vo dem chline ufsatz do sprenge. aber eg möcht gern uf es buech verwiise wo eg allne wo sich interessiere was ritual im wisseschaftleche sinn bedüte unumgänglech isch. siehe link: http://www.amazon.de/Ritualtheorien-ein ... 3531432389
das buech isch absolut z empfehle und isch au es standartwerk vo der ritualforschig )

danke wallaby für de letschti satz vorallem.......


ich find, was au mal söll zum nachädänkä iladä, dass am koks vill z vill bluät chläbet!!! isch krass wieviell lüüt dass defür müend z läbä lah!!

wie chad en drogä wo soviel bluet dra chläbet überhaupt nu sin reiz ha?

Mis sälbschtbewusstsi isch zuedem sicherlich vill besser siti nüm kökslä.
vill besser als vom geilschte koks.
Nei z sägä( vilicht us trotz? na und wen au..) git mier hüt mis absolut krassä geilä sälbschtbewusstsi ( da ghörtme vilicht au nu chli en altä kokser im hintergrund....) Ämu ich finds eifach geiler ohni, und woni s letscht mal zwei lineli vor dä entsetztä augä vo zwei drü köksis an bodäblasä ha......... phaa...riesigi augä womi da aglueget hend.
aber s hed mer mega guät da, wemmi überhaupt öbbert verstaht..........

also ech cha mech wiitgehend im altered aschliesse (ritual). de kollegoli hets aber gseid- i öusere kultur esch es..hmmm...ned so "in"...

öppis was mer aber secher chan mache (esch jetzt eifach en meinig) esch, dass mer i nere droge wo me nemmt en "persönliche sakramänt-status" get ond als folg drus en übermässige respäkt zügt. so öppis esch wenigschtens en teil vomene ritual ond es cha vellecht vor onbedachtem omgang wahre.

ob kokain (geschnupft wie hierzulande) die droge esch, wo so öppis machbar esch..hmmm...gloub ech jetzt weniger.