mysticalforum

idem summer ade boom hani en rächt strube trip gha, schön aber au strub..ha mi au guet druf vorbereitet und au gwüsst i werde das mache weni mi guet fühle und alles stimmt..so esches dänn au cho. ha glaib rächt en starche filz gha und ha zersch nur an halbe gnoh. nachere halb stund am sacred fire hanis langsam gspürt während e live band es konzi gä het..ha dä aber gmerkt, hmm, mage mi ned so rächt zu de musig mitbewege..woni de wasserhahne ha wele go ufsueche, de esch übrigens 10 meter vom füür gstande und i ha dä eifach ned gfunde!! mini orientierig und mini auge händ grad nüm wele und i be rächt ufgwüehlt an negschte hahne gloffe, weli gwüsst han, det muess eine stah!!

be dä mal uf de groos floor go gügsle obi denn dete chli mage tanze, aber es het mer überhaupt ned gfalle. die musig, dlüüt, die liechter eifach alles esch mer vorcho wie imene game mit mario musig! be dä uf de chill tämpel gflüchtet und hami dete chli chöne entspanne...

während ich dete so am umlaufe und umestuune gsi ben, jenschti gedanke dur de chop gjagt, min mage sich agfüehlt het wie wenn mini ganze gfühl nach usse kehrt gsi währet hani im dunkle ide luft ganz öpis speziells chöne wohrneh...es sind wie groossi, bogeni, bläulichi raster gsi woni ha drume ume chöne laufe sozsäge, aso ned eso als hettis eifach vor mim auge gha wo sich mitbewegt hetti, sondern es esch a aim ort ide luft hange blibe...det esch mer weder bewusst worde, dass eichntlich ALLES wo uf dere schöne wält existiert bis is chlinschte detail i atom ufteilt esch..egal was es esch, es bestoht us tuusige bis milliarde vo atömli! händ ehr so öpis ähnlichs au scho mal gseh? lise grad sbuech vom martin suter "der teufel von mailand". händ ehr scho mal was vo synästhesie ghört? es chan durch droge usglöst werde oder velcht esch mer synästhekerin während emene trip...me gspürt grüch und forme, gseht grüch und tön usw. s'transzendentale het au was demet ztue. i dem buech gseht und gsürt sie e farb bem räge boge wos ned git, i eusere würklichket. chönted die raster woni gseh han au öpis die rechtig sii? öpis transzendentals woni i dem momänt ha chöne gseh?

de fehler woni gmacht ha, am morge wo langsam dsunne uf esch, hani di ander hälfti gnoh..has mer ned chönne verkneife!
wasi dä paar stunde spöter au bereut ha......

bim sunneufgang beni am see gstande und ha chönne kontrolliere wie extrem sech dspitz vom tämpel zwüsche de bäum het sölle verzieh und bewege und mache und tue.

die farbe woni gseh ha am himmel..eifach wahnsinn! die farbe send wie bimene rägeboge in fläche ufteilt gsi woni nach luscht und luune ha chöne züngle lah, wie dflamme vomene füür...

nachdem i gmerkt ha dasi mit mim gürteltäschli is wasser gloffe ben hani mi uszoge und be go baaaade, hmm, so schön gsi!

ha mi dä entschlosse go schlofe...ben mer vorcho wie im film "fear and loathing in las vegas"...jedes mal weni ufs wc ha wele und ufgstande ben, hani nume dur e ovali flächi chöne gseh wo sech di ganz zyt dreiht het..dlüüt händ sech verzoge i höchi, id breiti, händ riesigi naaasene gha usw.

nachdem i es paar stunde gschlofe han, semmer weder an see hinder em tämpel und i ha det min trip usklinge lah.. de berg det ide ferni het sech emmer weniger bewegt und gflimmeret, ha dä no mine träne feie lauf müesse lah und dä esch alles weder guet und no besser gsi!

aber es esch sehr intressant gsi....hoffe uf snegschte mal!!

Hoi Waldgeischtli

Da häsch e schöni reis gmacht a dä boom , und einzigartigi erfahrige, wo wohl jede lsd consumer ähnlichi gedanke gäng gha hät. Wobi mehr das nie chan verallgemeiner da au bi mir jede tripp chli anderscht inne cho isch. Halt set und setting, mis alter, wie isch das jahr gloffe etc...
öber pforte ufmacht ine anderi wält das mues jede sälber usefinde und sich es bild devo mache, aber vomene eis sie mitem universum, die grenzerfahrig schildered eigentli vili trippler.
Aber isch halt doch chli en ego tripp und darum tue ich a so events wie goa party nümm viel LSD konsumiere, höchschtens es virteli bis en halbe. Gitt nüm viel lüt anere goa wot dich chasch über offni pforte und transzendale erfahrige underhalte, leider .
Und no was Waldgeischtli, mini erfahrige händ mich eifach glehrt das es guet isch wenn en tripp partner ume isch, mit öberem wo guet känsch und zäme gstartet bisch, will das 'nachdem i gmerkt ha dasi mit mim gürteltäschli is wasser gloffe ben' chan au anderscht usgaaahh bimene trip. Darum en wing man oder wing frau anere party miteme tripp eifach en guete backup für die situatione womer halt amigs nümm alles so schnallt.
Ok mir us Baden sind ja scho richtig vorigstellt, wäll nöd vergässe dä Hoffman isch au en Badner

cool zum läse- do chöme grad erinnerige vo früehner ufe... *schwelg*

sali silversurfer

was de konsum vo lsd a partys agoht, in zuekuenft hanis das au nüm vor anere patry es reisli zmache..au pilzli woni bis jetzt no rächt respäkt han devor, werdi wenn denn imene chline chreis vo fründe im wald oder uf de berge oder sonst wo näh.

letscht jahr ade biocosma hani en halbe gnoh und de trip esch ganz was anderes gsi..ha mi eifach vode musig mittriibe lah und es esch au gange! aber ebe

en wing partner wär ame velecht scho ned schlächt, vorallem wenns denn ebe zu söttige momänt chunnt wome chli es durenand im chopf het..dete hetti nämli au gern mit de fründin gredt wo mit mer dete gsi esch, nume, sie esch am schlofe gsi und ha sie ned wele wecke..deför hämer umso meh am "strand" hinderem tämpel chöne rede und i be dänn au weder zwäger gsi was kommunikation agoht

und danke für din kommentar, freut mi das ehr das gern läsed..

ganz es schöns wuchenänd wünschi eu allne...vorallem bi dem schöne wätter