i ha vorletzt wuche e kollegin atroffe, wo ame mit üs isch mitcho a goa- partys. i ha zwar gwüsst, dass sie uf droge isch bliebe hange- aber das es grad so schlimm isch, mit dem hani nid grächnet.
sie het vor ca. 2 johr anere goa e überdosis pilzli (wieviel isch nid relevant) gnoh und isch de schiins 2 johr wie imene höch gsi. sie het nid chönne go schaffe, isch all huere däne gsi und het ziemlech heftigi näbewürkige becho- unter anderem s'tourette- syndom!!!! bim tourette- syndrom lö lüüt schmutzigi wörter use (a- loch, wi..er etc.) was sie eiglech gar nid wei! derzue verschlöh si ungewollt sache und zeige bispielswiis dr stinkefinger. mag für es paar vo euch luschtig töne- isch es aber ganz und gar nid!!!! sie het de nach 5 psychiufenthält tablette becho, wo endlich öppis gnützt hei. es geit ihre hüt wieder besser, aber die krankheit und das ganze hangebliebe het ihres läbe zerstört! sie isch knapp 20gi, scho 5 mau ir psychi gsi und ebe näbewürkige, wo sie fast nümm los wird. näbem tourette- syndrom ghört sie no stimme und het süsch no schwäri psychischi schäde...
i ha euch das nume wöue verzöue, wöu i s'tourette- syndrom i verbindig mit droge no nie ghört ha! apropos, die lüüt wo das hei, sie i kem fall minderbeliechtet oder so- im gegeteil!!! bi üs ir bude schaffet sit 25 johr eine, wo das het- aber dä isch de huere schlau! mit dem chasch über gott und die welt diskutiere- dä weiss uf alles e antwort- u de no die richtigi
uf dass d'ihr alli die ziit gsund und ohni psychischi folgeschäde überstönd!!
peace meli
p.s.: do söll jz nid wieder e sinnlosi diskussion über droge näh und nid näh losga! ha euch nume wöue nöchlegge, dass es au no anderi schäde git, als die wo bekannt si...
. (finds im fall würkli luschtig be mir, han das gern)
