Unverständnis und Intoleranz an Goas

[Gast]

Gerade Halluzinogene sollte man nicht an Goas konsumieren, aberman muss halt wissen wozu man es einnimmt... wenn manauf Dauer Halluzinogene nur zum Spass einnimmt und nicht 100%ig korrekt damit umgehen kann wird's kritisch auf dauer ..

[7]

Guten Tag,

Ich gehör auch zu den Menschen die gern Mal ein Kügelchen Opium

schlucken und kenne diese total dumme Drogenklassifizierung. Meist

kommen solche "Junky-Sprüche" von denen die sich 10 Pillen am Abend

schmeißen und noch meinen es wäre gesund da ja ein lachendes

Gesicht drauf ist. ES KOMMT NIE AUF DIE DROGE AN SONDERN

IMMER DARAUF WIE DER EINZELNE MIT IHR UMGEHT.

[tom NEUTRAL]

Ich konsumiere vo ziit zu ziit öpis a parties. Aber nöd oft, will ich dänke, sobald mers z'oft macht, gwönnt mer sich dra, und dänn isches nöd halb so schön. Ich find sonen Abig 1x all 2 Mönet tuet eifach guet, und das nöd nur für de momänt. Nach some Erläbnis nimi immer öpis positivs mit in alltag.

Aber mir tuets mängisch au chli weh wäni gsen wie sehr gwüssi Lüt ufem Absturz sind, und mängisch au no so jungi!

Ich finde drum die Präventionsstelle vo Aware Dance Culture oder vo Eve Rave bringets echt, mer söt sie öfter a parties aträffe!

[Lyra]

Ich gang jetzt sit 5 Johr a Parties ond han no nie Droge konsumiert... ond ech werde das au i Zuekunft so bibhalte (obwohl mer nie weiss was alles no passiert )
Uf jede Fall fend echs eifach krass wie kaputt vell Lüt ade Parties send. Vorallem wenni de amigs weder so mega jungi "Dröffels" gsehne wo kei Ahnig meh händ was hende ond was forne esch... wie gohts dene ächt i 5 Johr?!
Ossertdem eschs för mech au emmer weder en krassi Erfahrig, wenn ech muen zueluege wie sech Lüt wo nech gärn han kapott mache, nor wäge chli Spass. Ond mer chan eifach nüt degäge oder ehne hälfe, well jo eh alli sGfühl händ, dass sie's im Greff händ met em Konsum!

[Kolllegoli]

Droge würket uf jede mensch andersch, das findi, muss mer als oberschti grundregel festhalte wämer über droge red.
Somit mussi jetz au nöd gäge ussage wie "droge sind scheisse" bliblabla argumentiere.

Was für mich e tatsach isch, isch dass ich mit lsd, goaparties und minere läbesiischtellig die schönschte momänt und gfühl erläbt han wonich känne. Ich müsst sogar scho fascht säge dass ich dure bestimmti party woni serschtmal lsd gno han sehr viel wiiter cho bin i mim läbe.
Damit meinich, dass ich vor dere party heftigi problem gha han, wel mich mini fründin verlah hät und well in mir viel aggressione vo verschiedenem ursprung ghuust händ. ich bin zwar scho immer meistens en fröhliche und en liebe gsi, aber in mir hani dennoch extrem viel hass-gedanke gha. schlimmi hass gedanke.
woni dann serscht mal anere goa lsd gno han(bin voher scho 2 jahr drogefrei a parties gange) hani extrem viel antworte uf frage in mir gfunde. ich han während dene ca. 10 stunde trip extrem viel glernt. ich hans sozäge gschafft mir sälber es gschänk zmache indem ich plötzilch festgstellt han, dass ich alles us verschiedene perspektive betrachte chan. klar hani das voher au scho gmacht und drüber nahdenkt, aber dur das lsd isch igendwie alles massiv beschlünigt worde. ich han e extrmi liebi zu de natur gfunde und zu dene mensche wo nebe mir, mit mir tanz händ. de zueschtand het be mir es permanents schub gfühl usglöst, die gänsehuut wo glaub jede kännt. ich chönnt jetz no viel schriebe, aber ich wills mal nöd übertriebe.

ich für min teil bin dere droge und mir sälber dankbar.
und ich will demit nöd säge, dass mer es problem eifach nöd dur igend e droge löse chan, da ghört natürlich no extrm viel anders dezue.

Aber das gfühl, das gemeinsame "positive überkeie" (anderi näneds de spirit, anderi s hippiefeeling), ich meine das gfühl wod häsch wend tanzisch und du dich vo hine bis vorne eifach nu guet fühlsch und du gsehsch und spürsch, dass es anderne i dem moment genau so gaht, isch fü mich eifach unübertrefflich. Ich find das gfühl so derartig geil, dasses mir chraft, Wille und motivation für so vieli sache gid. das gfühl hät mis läbe besser gmacht.

ich han das gfühl UNTER ANDEREM dur LSD kenne glernt.

jetzt konsumiere durchschnittlich 1mal im monet, und dann nu sehr wenig.
Ich bruch jetz au kei lsd um das gfühl ade parties zha. abe zum die möglichkeit zöffne hanis glaub bruucht.


buhhh...

[nomal Kolllegoli]

p.s.: Ich möcht im fall nöd leugne, dasses ade parties sehr viel lüüt hät wo überhaupt hine und vorne nöd chönd mit droge umgah und wo voll kaputt sind. Abe ich finds wichtig, dass me au die gseht, wo nöd kaputt sind und vo dene gids au sehr viel.

ich würs mega schön finde, wenn sich die nüechterne lüüt nöd würded vo de kaputtdrüffels dstimmig vemiise lah. ich dänke und hoffe die meischte kaputtdrüffels gsehnd eines tages de grund, wieso die nüechterne und gsunde meh freud händ und länger umehüpfed. aber das erfordered minere meinig na au e gwüssi fründschaft zwüsche de "kaputte" und de "gsunde". deshalb findis auno wichtig dass mer übe droge red, es stresst mi amigs zwar au dass es oft nu um droge gaht, aber mir wachsed nun halt mal so uf, dass es sehr schwierig isch frei über das thema zdenke, be all dene vetüüflige und du verbot....

ich finds uf jede fall imme no uhhhuuuuere schön a de parties, au wenn sleid wo mer in gwüsse lüüt gseht eim hie und da truurig macht. eifach zverschwinde und sin """traum""" ufzgeh machts fü beidi siite au nu schlimmer.

ich finde swichtige, was die "gsunde" de "kaputte" chönntet vesueche klar zmache, isch, dass släbe mit 20 oder so im fall nonid verbii isch und sich e veänderig in vielerlei hinsicht sicher lohnt.

ich fühl mich guet

[Gast]

sehr schön geschrieben..!

[Shpongleyes]

hallo zämä
so, de wett ig o no min sänf derzue gä. maches ganz churz: konsumierä säuber regumässig (ca 1x/monat, mdma, amphetanmin, ephedrin etc. und ca 2x/jahr es halluzinogenli), di ersterä nimi oft a dä goas, halluzinogen aber nid.

i findä grundsätzlech söt mä dr drogäkonsum vo angernä nid nur tolerierä, sondern akzeptierä. dfreiheit vo jedem einzelnä söt aber dert ufhörä wo's dfreiheit vo angernä ischränkt, u genau da liit mis problem, was i erschter liniä vili psilo- u acidfreaks betrifft. es begägnä mir a goapartys jedesmau lüt, wo vou uf halluzinogen umäschliifä, einisch himmelhoch jauchzend, es anders mal vou ufem psycho, kurz gseit: so dases o mir aus drogäkonsumänt säuber angscht macht, zdänkä git u mi i mim drogäruusch stört. a dä chliinä partys isches mängisch ganz leid. wes irgend sones "opfer" het wird mä oft di ganz nacht i regumässigä abständ gnärvt.

drum mini bitt: da aui zrächt uf ihri "spirituellä erfahrigä" hei, lueget doch bitte das näbä eunä erfahrigä o no die vo dä angerä platz hei. das heisst:
- hebet mass
- nämet numä halluzinogen we dir viu erfahrig drmit heit u nid angernä derbi ufä sack göt

sorry we das posting vilech chli arrogant tönt, aber mues eifach o mau mini erläbnis mit denä abartig müehsamä opfer a dä partys asprächä, zumal dGoaszenä eini vo dä fridlechschtä u agnähmschtä isch.

wie erläbet dir das aubä so? u wüsst dir ä methodä, wie mä öpperem cha mitteilä das är närvt, we si trip völlig usser kontrollä isch und är ke schnall me het was abgeit? oft chömä när di lüt nur no meh ufä psycho, was ja o nid mis ziel isch.

hebets no guet u gniesset dr goasummer, u hebet mass mit dä drogä, denn: weniger isch hie oftmals meh!

greetz

[Gast]

wie erläbet dir das aubä so? u wüsst dir ä methodä, wie mä öpperem cha mitteilä das är närvt, we si trip völlig usser kontrollä isch und är ke schnall me het was abgeit? oft chömä när di lüt nur no meh ufä psycho, was ja o nid mis ziel isch.

eifach segä du nervsch u den goht er oder sie scho:-)))

ganz eifach

gruss vom käpten

[Guest]

Ich sag mal jeder der regelmässig Drogen konsumiert hat irgend wann mal einen verstreiche an einer Party. Gehört dazu, muss man akzeptieren, kann man nichts dagegen tun.
Auch ist die Dosierung nicht immer eine einfache Sache, viele vergessen zum bsp auch wenn sie irgendwo in den Bergen sind, das auf 2000 m.ü.m durch den schon vorhandenen sauerstoff mangel, die wirkung anders ist wie auf 500 m.ü.m.
Bei Personen die wirklich mehr oder weniger nicht mehr ansprechbar sind gibt es leider nichts ausser ein hartes valium, und viel zu trinken. Sonst halt auch nur eine Zeitfrage, irgendwann fährt alles aus

Grüessli

[Shpongleyes]

ja, probierä aubä schonend mitzteilä dases irgendwie chli närvt, aber zletschtmau woni das ha gmacht, auso ufnä sehr moderati art, isch di person i tränä usbrochä, het afa jammerä vo wägä sie sig o numä ä mönsch und heig au ä seel und jedä heig dr grösser schissblick aus dr anger etc.
het genau nüt gnützt, si isch au 15 min wider cho närvä...vo däm här fröii mi uf dVIRUS, wöu a dä grösserä partys gseht mä die opfer när nieme u vergissts nach paar minutä das leidä bild wo si abgäbä...

[psygnosis/mindsurfer]

uhh kenne das weg em nerve.... letscht party hani au wellä chli tanze aber de kolleg vo mier hed mi dauernd voll-glallt und das mit emene tempo dass i sogar in nüchternem zuestand nid nachecho bi (oder erst recht dass i klar gsi bi). ha em de eifach gseid ich wöll chli für mich tanze und d party gniesse. aber wie bi dier isch 15min guet gange.... hehe! naja gid schlimmers zb wenns öpper zämeleid weg droge.

für mich persönlich isch de sound scho en ultrakrassi droge an sich. gheihe allig fasch durre bim shake oder sounde. ich glaub ich bi schwerst musig abhängig oder so

ich muess au säge mier isch es so ziemlich egal was konsumiert wird a de parties. es muss jede selber wüsse was er mit sich macht. ich persönlich muess es nüm ha. es isch au en frag vo körper und energie beherrschig... meistens sind a de parties so viel vibes und idrück da wo mi sowieso scho druff machid.... kollektiv-schiibe....

[Shpongleyes]

wes um druffni kollegä geit hani ke problem, mit denä chni immer no einigermassä "normal" redä (o wemä teilwiis fasch nid zu wort chunt ), u wenn nid wärdä si mir's o nid übu nä weni chli ä ungmüetlecherä tonfall ha. mir machä eifach die lüt angscht woni ke ahnig ha was si genau dinnä hei, ob's sä nächstens gad zämäleit, ob si churz vorem usraschtä oder düräträiä si oder ob si würklech no ihri "spirituelli erfahrig" chöi gniessä. fragä mi när wi's denä lüt wohl geit (sowohl im momänt aus o allgemein), u meischtens chumi im anbetracht vo denä lüt zum schluss das drogä scho schrecklech si. u wemä haut säuber druffä isch närvt das extrem, wöu i mir jedesmau im nachhinein gnue gedankä machä wi hirnrissig (isch fasch wortwörtlech znä) das huerä drögelä eigentlech isch. u so vou ir partystimmig ischs när chli müssig über die opfer nachäzdänkä u sech zfragä ob mä äch säuber so (mau) usgseht.
wi geit euch das aubä we dir im ruusch mit dä schlächtä, erschreckendä sitä vom drogäkonsum konfrontiert wärdet?

[Kollegoli]

aso ich säg immer: es paar bliibed eifach uf de strecki, da chasch nüt mache. härt aber wahr.

ich chan mich nöd ums wohl vo allne andere mensche kümmere, was die mit sich mached und i wellem mass isch dene ihres ding und sie wähled das. seinzige was ich chan mache und so oder so mach, isch d'party zgnüsse und mich, wie ich immer gern säge, "nöd vo de dunkle siite vo de macht" abezieh lah. das machts nu fü beidi siite schlimmer. in eusere welt wo mir lebed, gids halt viel "kaputti" lüüt, aber ich finde im vergliich zu dem, was ich susch ämel mitüberchume, was dlüüt so mached (also jetz nöd an goas), sind so paar drogeabstürz harmlos und "unschuldig". damit muesch im lebe so oder so klar cho, also an goas, evtl. im bruef uf de strass usw.

ich gah jetz ämmel scho es ziitli an goas und ich han mich no nie "terrorisiert" vo some lallende drogechopf gfühlt. und wenn mal eine afangt, dann nimm ich mer au min spass, sofern er nöd grad churz vorem hüüle isch, und schnurren mit igendwelchem sinnlosem züg voll oder due ihm provakativ 150 positivi sache wo ich im moment grad gsehne under dnase riibe. so im sinn vo "ööhhh släbe isch so scheisse" säg i "bhoa, lueg mal di schöne bäum huerre geil, was scheisse gaht doch voll ab". igendwie i dem stil. ich finde das muess mer nöd so derart ernscht näh, gwüssi, wenn nöd sogar alli lüüt münd mal scheisse baue bevors dauge zumindescht halbwegs uufmached. und dass jetzt öper churz vorem zämeklappe isch, passiert jetz aso ächt nöd oft und wenn doch hats viel lüt wo ihm helfed (und nei ich gsehs nöd mit de rosabrülle, das isch nunmal so). han natürli au scho viel kaputti gsichter a partys gseh, aber no so guet wie gar kei, be dene hopfe und malz verlore isch. mensche mached halt immer ihri phase dure usw. immer uf dene umhacke, sie sölled das nöd näh und das tuetne nöd guet, hilft meischtens nüt, wells das wahrschiinilch eh scho vo allne andere siite ghöred.

ich han erscht eimal anere goa öpper erlebt wo duredreit isch. und terrorisiert hanmi au erscht eimal gfühlt, aber nöd well die person uf droge gsi isch, sondern well sie eifach en permanente schreichrampf gha hät.

und ach ja (edit): ich find das ganze "gedrögele" alles andere als hirnrissig. bewusstseinveränderig isch es menschlichs bedürfnis, wo nöd grad wie sex, aber au igendwo det isch. und ich kenn niemert, absolut gar niemert, wo nie bewusstseinverändert isch. hirnrissig find ich, dass gwüssi lüüt sgfhül hend, sie heged srächt über släbe vo anderne lüüt zbestimme (klar es gid usnahme).

[battlefairy]

Möcht au nur churz mini persönlichi Erfahrig / Meinig driwärfe..
ich han mit 17 agfange mit LSD, und später sind denn mal chli Pille, Pilzli und MDMA dezue cho. Ha mit 19 wieder ufghört willi grad churz vor em Maturaabschluss gsi bin und die hani denn au gschafft. Ide Zwüscheziit (während de Maturaziit) hani nüd konsumiert und agfange mit nüchterne Auge ds gse, wie sich anderi verhaltet und usgsänhnd und ja, s'het mich doch echli abgschreckt. Aber ich bereue überhaupt nüd vo mine drogige Aktivitäte und mues au säge, dass es mich i mim Läbe doch wiiterbracht het. Nid unbedingt dPille aber ds LSD. Ha nie vill vo öppisem konsumiert und drum au nie so abgstürzt, wenni das so döf säge, sisch eifach genau richtig gsi. Und jez hani sit 5 Jahr nümm konsumiert (usser letscht Wuche wieder mal es Mässerspitzli MDMA, hami gfühlt wiene Afänger und bi nervös gsi wienes chlises Chind vor Wiehnachte ) aber jez merkis halt au scho wieder, drum lahnis jez wieder füres Wiili.. wirde glaub alt

Eifach so als Bispill, dasse au anders gaht...

PS: Wott jez nid voll das Vorbild usehänke, gälled, z.B. mitem Kiffe hani momentan extrem Müeh, möcht irgendwie ufhöre, oder sicher starch reduziere aber schaffes nid oder noni so würkli.. min Grundsatz isch mal gsi, kiffe nur als Gnussmittel ds ha, nie als Suchtmittel... ja, das isch jez leider glich itroffe.. naja, me mues ja immer chli en Ufgab ha im Läbe